ନୂଆ ଆଇଏମ୍‌ଏଫ୍‌ ମୁଖ୍ୟ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ
ବିଶ୍ୱ ମୁଦ୍ରା ସହଯୋଗ, ଆର୍ଥିକ ସ୍ଥିରତା, ବିଶ୍ୱ ବାଣିଜ୍ୟକୁ ସୁଗମ, ନିଯୁକ୍ତିର ପ୍ରସାର ଓ ନିରନ୍ତର ଅର୍ଥନୈତିକ ଅଭିବୃଦ୍ଧି ଏବଂ ଦାରିଦ୍ର୍ୟ ହ୍ରାସ ଦିଗରେ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌) ଅହରହ କାର୍ଯ୍ୟ କରିଆସୁଛି। ୧୯୪୪ରେ ପ୍ରତିଷ୍ଠିତ ଏହି ବୃହତ୍‌ ଆର୍ଥିକ ସଂସ୍ଥାର ମୁଖ୍ୟାଳୟ ଆମେରିକା ରାଜଧାନୀ ଓ୍ବାଶିଂଟନ ଡିସିଠାରେ ଅବସ୍ଥିତ। ୧୮୯ ରାଷ୍ଟ୍ର ଏହା ସହ ଅନୁବନ୍ଧିତ। ଏଭଳି ଏକ ଅନ୍ତର୍ଜାତୀୟ ଆର୍ଥିକ ସଂସ୍ଥାକୁ ସୁପରିଚାଳନା କରୁଥିବା ମୁଖ୍ୟଙ୍କ କାର୍ଯ୍ୟଧାରା ଓ ନିଷ୍ପତ୍ତି ସର୍ବଦା ଚର୍ଚ୍ଚାରେ ରହିଥାଏ। ବୁଲଗେରୀୟ ଅର୍ଥନୀତିଜ୍ଞ କ୍ରିଷ୍ଟାଲିନା ଜର୍ଜିଭା ନିକଟରେ ଆଇଏମ୍‌ଏଫ୍‌ ମୁଖ୍ୟ ଭାବେ ନିଯୁକ୍ତ ହୋଇଛନ୍ତି। ସେ ଅକ୍ଟୋବର ପହିଲାରେ ଦାୟିତ୍ୱ ଗ୍ରହଣ କରିବେ। ତାଙ୍କ ନିଯୁକ୍ତି ନେଇ ଖବର ପ୍ରସାର ହେବା ପରେ ସେ କହିଛନ୍ତି, ବର୍ତ୍ତମାନ ବିଶ୍ୱ ଅର୍ଥନୈତିକ ଅଭିବୃଦ୍ଧି ହତାଶଭାବ ସୃଷ୍ଟି କରିଥିବା ବେଳେ ବାଣିଜି୍ୟକ ଉତ୍ତେଜନା ଓ ଋଣଭାର ଯୋଗୁ ବହୁ ରାଷ୍ଟ୍ର ଚାପଗ୍ରସ୍ତ। ତେଣୁ ବିଶ୍ୱସ୍ତରରେ ଅର୍ଥନୀତିକୁ ସୁଦୃଢ଼ କରିବା ସହ ଲୋକଙ୍କ ଜୀବନଧାରଣ ମାନରେ ଉନ୍ନତି ଆଣିବାକୁ ପଡ଼ିବ। ସେ କହିଛନ୍ତି, ଏଥିପାଇଁ ଏହାର ପାଣ୍ଠିକୁ ଅଧିକ ଓଜନିଆ କରିବା ସହ ସଦସ୍ୟ ରାଷ୍ଟ୍ରଙ୍କ ଆବଶ୍ୟକତାକୁ ପୂରଣ କରିବା ଦିଗରେ କାର୍ଯ୍ୟ କରିବେ।
କ୍ରିଷ୍ଟାଲିନା ବୁଲଗେରିଆର ସୋଫିଆଠାରେ ୧୩ ଅଗଷ୍ଟ ୧୯୫୩ରେ ଜନ୍ମଗ୍ରହଣ କରିଥିଲେ। ସିଭିଲ୍‌ ଇଞ୍ଜିନିୟରଙ୍କ କନ୍ୟା ଭାବେ ସେ ଖ୍ୟାତନାମ ଶିକ୍ଷାନୁଷ୍ଠାନରେ ପଢ଼ିବାର ସୁଯୋଗ ପାଇଥିଲେ। ସୋଫିଆସ୍ଥିତ କାର୍ଲ ମାର୍କ୍ସ ହାୟର ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇକୋନମିକ୍ସରୁ ରାଜନୈତିକ ଅର୍ଥନୀତି (ପଲିଟିକାଲ ଇକୋନୋମି) ଓ ସମାଜବିଜ୍ଞାନ ବିଷୟରେ ପାଠ ପଢ଼ିଥିଲେ। ୧୯୭୬ରେ ଡିଗ୍ରୀ ଶେଷ କରିବା ପରେ ସେ ଲଣ୍ଡନ ସ୍କୁଲ ଅଫ୍‌ ଇକୋନମିକ୍ସ ଅଧ୍ୟୟନ କରି ବ୍ରିଟିଶ କାଉନ୍‌ସିଲ ସ୍କଲାର ଭାବେ ପରିଚିତ ହୋଇଥିଲେ। ପୁଞ୍ଜିବାଦ ଉପରେ ତାଙ୍କ ପରୀକ୍ଷାନିରୀକ୍ଷା ଗବେଷଣା ସନ୍ଦର୍ଭ ପ୍ରସ୍ତୁତିରେ ସହାୟକ ହୋଇଥିଲା। ନିଜର ପ୍ରତିଭା ବଳରେ କ୍ରିଷ୍ଟାଲିନା ବିଶ୍ୱ ବ୍ୟାଙ୍କ ଓ ୟୁରୋପୀୟ ସଂଘ (ଇୟୁ)ର ବହୁ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିବାର ସୁଯୋଗ ପାଇଥିଲେ। ୧୯୯୩ରୁ ୨୦୧୦ ଯାଏ ବିଶ୍ୱବ୍ୟାଙ୍କ ଗ୍ରୁପ୍‌ରେ ଅନ୍ୟତମ ପ୍ରଭାବୀ ବ୍ୟକ୍ତି ହୋଇପାରିଥିବା କ୍ରିଷ୍ଟାଲିନା ୨୦୦୮ରେ ଏହାର ଭାଇସ୍‌ ପ୍ରେସିଡେଣ୍ଟ ଓ କର୍ପୋରେଟ୍‌ ସେକ୍ରେଟାରୀ ଭଳି ପଦବୀକୁ ଉନ୍ନୀତ ହୋଇଥିଲେ। ଏଥିସହିତ ସେ ବୁଲଗେରିଆସ୍ଥିତ ୟୁନିଭର୍ସିଟି ଅଫ୍‌ ନ୍ୟାଶନାଲ ଆଣ୍ଡ୍‌ ଓ୍ବାର୍ଲଡ୍‌ ଇକୋନୋମିରେ ଅର୍ଥନୀତି ବିଭାଗର ଆସୋସିଏଟ୍‌ ପ୍ରଫେସର ଭାବେ ଅଧ୍ୟାପନା କରିଥିଲେ। ୨୭ ସେପ୍ଟେମ୍ବର ୨୦୧୬ରେ ବୁଲଗେରିଆ ସରକାର କ୍ରିଷ୍ଟାଲିନାଙ୍କୁ ଜାତିସଂଘର ମହାସଚିବ ଲାଗି ମନୋନୀତ କରିଥିଲା। ହେଲେ ତାହା ଫଳପ୍ରଦ ହୋଇ ନ ଥିଲା। ତେବେ ଭାଗ୍ୟ ତାଙ୍କ ପାଇଁ ଅନ୍ୟ ଏକ ଉତ୍ତମ ପଦବୀ ସାଇତି ରଖିଥିଲା। ଜାନୁୟାରୀ ୨୦୧୭ରେ ସେ ଇୟୁର ବଜେଟ ପ୍ରସ୍ତୁତିର କମିଶନର୍‌ ଦାୟିତ୍ୱ ଛାଡ଼ି ବିଶ୍ୱବ୍ୟାଙ୍କର ସିଇଓ ଭାବେ ଯୋଗ ଦେଇଥିଲେ। କେବଳ ସେତିକି ନୁହେଁ, ଅର୍ଥନୀତି ଉପରେ ପ୍ରଗାଢ଼ ଜ୍ଞାନ ଯୋଗୁ କ୍ରିଷ୍ଟାଲିନାଙ୍କ ପାଇଁ ଆଇଏମ୍‌ଏଫ୍‌ ତା’ର ନିୟମାବଳୀରେ ପରିବର୍ତ୍ତନ କରିଥିଲା। ଉଲ୍ଲେଖଯୋଗ୍ୟ ଯେ, ଆଇଏମ୍‌ଏଫ୍‌ର ମୁଖ୍ୟ ଜଣେ ୟୁରୋପୀୟ ରହିଆସିଛନ୍ତି ଓ ଏହାର ସର୍ବୋଚ୍ଚ ପଦବୀ ଲାଗି ଆବେଦନାକରୀଙ୍କ ବୟସସୀମା ୬୫ ରହିଥିଲା। ହେଲେ କ୍ରିଷ୍ଟାଲିନାଙ୍କ ନିମନ୍ତେ ଏଥିରେ ପରିବର୍ତ୍ତନ କରାଯାଇଥିଲା। ବିଶେଷକରି ଆଇଏମ୍‌ଏଫ୍‌ ଉପରେ ଫ୍ରାନ୍ସ ଚାପ ପକାଇଥିଲା। ଖ୍ରୀଷ୍ଟିନ ଲାଗାର୍ଡଙ୍କ ସ୍ଥାନରେ କ୍ରିଷ୍ଟାଲିନା ଆଇଏମ୍‌ଏଫ୍‌ ମୁଖ୍ୟ ପଦବୀରେ ବସିବାରେ ଏକ ବିକାଶୋନ୍ମୁଖୀ ଅର୍ଥନୀତିର ବ୍ୟକ୍ତି ହେବାକୁ ଯାଉଛନ୍ତି।
ଅର୍ଥନୀତି ସହ ରାଜନୀତିରେ ମଧ୍ୟ କ୍ରିଷ୍ଟାଲିନାଙ୍କ ପହୁଞ୍ଚ ରହିଆସିଛି। ୟୁରୋପୀୟ ସଂଘର କେତେକ ପଦବୀ ମଣ୍ଡନ ବେଳେ ନିଆଯାଇଥିବା ଗୁରୁତ୍ୱପୂର୍ଣ୍ଣ ନିଷ୍ପତ୍ତିର ସେ ଅଂଶବିଶେଷ ପାଲଟିଥିଲେ। ଆଇଏମ୍‌ଏଫ୍‌ ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିବା ପରେ ଅର୍ଥନୈତିକ ବୈଷମ୍ୟ, ଜଳବାୟୁ ସଂକ୍ରାନ୍ତ ବିପଦ ସହ ଦ୍ରୁତ ବୈଷୟିକ ପରିବର୍ତ୍ତନକୁ ଆଖିଆଗରେ ରଖି ତାଙ୍କୁ ବିଭିନ୍ନ ନିଷ୍ପତ୍ତି ନେବାକୁ ପଡ଼ିବ ବୋଲି ସେ କହିଛନ୍ତି। ବ୍ୟକ୍ତିଗତ ଜୀବନ କହିଲେ ସ୍ବାମୀ କିନୋ କିନୋଭ ଓ ଏକ ସନ୍ତାନକୁ ନେଇ କ୍ରିଷ୍ଟାଲିନାଙ୍କ ସଂସାର।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଖରାଦିନ ଆରମ୍ଭରୁ ବେଙ୍ଗାଲୁରୁ ଜଳ ସଙ୍କଟ ଏବେ ଚିନ୍ତାର ବିଷୟ ହୋଇଛି। ପରିସ୍ଥିତି ଏମିତି ଯେ ସେଠାରେ ଲୋକେ ସହର ଛାଡ଼ିବାକୁ ବାଧ୍ୟ ହେଉଛନ୍ତି। ଏହି...

ଅଦୃଶ୍ୟ ଶତ୍ରୁ

ମାୟାଧର ନାୟକ   ସତ୍ୟ, ତ୍ରେତୟା, ଦ୍ୱାପର, କଳିକାଳରେ ଯେତେ ଯୁଦ୍ଧ ହୋଇଯାଇଛି- ଶତ୍ରୁକୁ ଜାଣି ହେଉଥିଲା- କିନ୍ତୁ ଏ ମହାକଳିକାଳରେ ଅଜଣା ରୋଗ ଓ...

ଚୋରକୁ ବୁଦ୍ଧି

ଅଲେଖ ଚନ୍ଦ୍ର ମିଶ୍ର   ‘ଚୋରକୁ ବୁଦ୍ଧି ଶିଖେଇବା’ ଆପ୍ତବାଣୀଟି ଯେଉଁ ପୃଷ୍ଠଭୂମି ଉପରେ ଆଧାରିତ ତାହା ଥିଲା ଏକ ବାସ୍ତବଧର୍ମୀ କାହାଣୀ, ଯାହାର ମର୍ମ...

ଅପ୍ରକାଶ୍ୟ ଋଣ ସମସ୍ୟା

ଗତ କିଛି ବର୍ଷ ମଧ୍ୟରେ କୋଭିଡ୍‌-୧୯ ମହାମାରୀଠାରୁ ଆରମ୍ଭକରି ଉନ୍ନତ-ଅର୍ଥ ବ୍ୟବସ୍ଥାର ସୁଧ ହାର ବୃଦ୍ଧି ଭଳି ଘଟଣା ଭିନ୍ନ ସ୍ଥିତି ସୃଷ୍ଟି କରିଛି। ଏଥିରେ...

ଏଇ ଭାରତରେ

ଦେଶ ଗଠନରେ ଯୁବ ପ୍ରଶାସକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଅନୁଭବ କରିଛନ୍ତି ୨୦୧୧ ବ୍ୟାଚ୍‌ ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ରବି କପୁର। ସେ...

ରାମ ରାଜ୍ୟ ସମ୍ଭବ କି

ବୈକୁଣ୍ଠନାଥ ମିଶ୍ର   ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷିତ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସମ୍ଭାଷଣ...

ମତଦାତାଙ୍କ ବୁଦ୍ଧି ବିମୂଢ଼ତା

ଡ.ଛାୟାକାନ୍ତ ଷଡ଼ଙ୍ଗୀ   ସମ୍ପ୍ରତି ଭାରତ ତଥା ବିଭିନ୍ନ ପ୍ରଦେଶରେ ରାଜନୀତିର ବିଚିତ୍ର ଗତି ଦେଖି ମତଦାତାମାନେ ଉଇଲିଅମ ଜେମ୍‌ସଙ୍କ ଭଳି ସମସ୍ୟାର ସମ୍ମୁଖୀନ ହେଲେଣି।...

ବୁଝିହେଉଛି

ଆମ୍‌ ଆଦ୍‌ମୀ ପାର୍ଟି (ଆପ୍‌) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍‌ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରି ଆସନ୍ତା ୨୮ ତାରିଖ ପର୍ଯ୍ୟନ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri