ନାବାଳିକାଙ୍କ ଭିଡିଓ ଭାଇରାଲ, ୩ ଗିରଫ
7:14 amJune 19, 2019 / 21

ଆସିକା,୧୯ା୬(ଡି.ଏନ୍‌.ଏ.) -ଆସିକା ଥାନା ଇଲାକାରେ ଜଣେ ନାବାଳିକାଙ୍କ ଭିଡିଓ ଭାଇରାଲ୍‌ ଅଭିଯୋଗରେ ପୋଲିସ ମଙ୍ଗଳବାର ୩ ଅଭିଯୁକ୍ତଙ୍କୁ ଗିରଫ କରିଛି। ସେମାନେ ହେଲେ ଆସିକା ଏନ୍‌ଏସି ଅଞ୍ଚଳର ପରବେଶ୍‌ ଖାନ୍‌, ତାଙ୍କ ଭାଇ ସମସେର୍‌ ଖାନ୍‌ ଓ ବିନାୟକ ମହାପାତ୍ର। ପରବେଶ୍‌ ଏହି ମାମଲାର ମୁଖ୍ୟଅଭିଯୁକ୍ତ ବୋଲି ପୋଲିସ କହିଛି। ନାବାଳିକାଙ୍କ ପରିବାରକୁ ପୋଲିସରେ ଅଭିଯୋଗ ନଦେବା ଓ ଗାଁ ଛାଡି ଚାଲିଯିବା ଲାଗି ଧମକ ଦେଇଥିବା ଅଭିଯୋଗରେ ସମ୍‌ସେର୍‌ ଓ ବିନାୟକ ଗିରଫ ହୋଇଥିବା ପୋଲିସ ସୂଚନା ଦେଇଛି। ଅଭିଯୁକ୍ତ ପରବେଶ୍‌ ସମ୍ପୃକ୍ତ ନାବାଳିକାଙ୍କୁ ବିବାହଲାଗି ବାଧ୍ୟ କରିଥିଲେ। ସେ ମନା କରିବାରୁ ତାଙ୍କ ସହ ଉଠାଇଥିବା କିଛି ଆପତ୍ତିଜନକ ଫଟୋ ସୋସିଆଲ୍‌ ମିଡିଆରେ ଭାଇରାଲ୍‌ କରିଥିଲେ। ଘଟଣାପରେ ନାବାଳିକାଙ୍କ ମା’ ଆସିକା ଥାନାରେ ସୋମବାର ଅଭିଯୋଗ କରିଥିଲେ। ପୋଲିସ ଅଭିଯୋଗକୁ ଭିତ୍ତିକରି ନଂ.୧୯୨/୧୯ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିଥିଲା। ବୁଧବାର ଅଭିଯୁକ୍ତଙ୍କୁ ବ୍ରହ୍ମପୁରସ୍ଥିତ ଅତିରିକ୍ତ
ଜିଲାଜଜ୍‌ କୋର୍ଟକୁ ଚାଲାଣ କରାଯିବ ବୋଲି ଥାନା ଅଧିକାରୀ ପୀତବାସ ଧାରୁଆ ସୂଚନା ଦେଇଛନ୍ତି।