ବଲାଙ୍ଗୀର ଅଫିସ, ୨ା୩: ଜିଲା ଚିତ୍ରଗୁପ୍ତ କଲ୍ୟାଣ ସମିତି ତଥା ବଲାଙ୍ଗୀର କରଣ ସମାଜ ପକ୍ଷରୁ ରବିବାର ସ୍ଥାନୀୟ ନରସିଂହ ବନ୍ଧର ମୁଖ୍ୟ ସ୍ନାନଘାଟରେ ଗଣସଫେଇ ଅନୁଷ୍ଠିତ ହୋଇଛି ା ନିର୍ଦ୍ଧାରିତ କାର୍ଯ୍ୟସୂଚୀ ଅନୁସାରେ ପ୍ରତ୍ୟୁଷରୁ କରଣ ସମାଜ ସହ ବିଭିନ୍ନ ସଂଗଠନର ଶତାଧିକ ସଦସ୍ୟ ଏହି ସଫେଇ କାର୍ଯ୍ୟକ୍ରମରେ ସାମିଲ ହୋଇଥିଲେ ା କାର୍ଯ୍ୟକ୍ରମରେ ବିଧାୟକ ନରସିଂହ ମିଶ୍ର ଯୋଗଦାନ କରି ସ୍ବେଚ୍ଛାସେବୀମାନଙ୍କୁ ଉତ୍ସାହିତ କରିଥିଲେ ା ନରସିଂହ ବନ୍ଧର ପୁନରୁଦ୍ଧାର ନିମନ୍ତେ ସେ ଉଦ୍ୟମ କରିବେ ବୋଲି ପ୍ରତିଶ୍ରୁତି ଦେଇଥିଲେ ା ଏହି ଅବସରରେ କରଣ ସମାଜ ପକ୍ଷରୁ ଜନସାଧାରଣଙ୍କ ସୁବିଧା ନିମନ୍ତେ ଜଳାଶୟର ଏକ ନିର୍ଦ୍ଦିଷ୍ଟ ସ୍ନାନଘାଟର ସମ୍ପୂର୍ଣ୍ଣ ପୁନରୁଦ୍ଧାର ସହିତ ଏହାର ରକ୍ଷଣାବେକ୍ଷଣ ଅନୁମତି ପାଇଁ ପୌର ପ୍ରଶାସନର ଦୃଷ୍ଟି ଆକର୍ଷଣ କରାଯାଇଛି ବୋଲି କର୍ମକର୍ତ୍ତାମାନେ ବିଧାୟକଙ୍କୁ ଅବଗତ କରିଥିଲେ ା ବିଧାୟକ ମିଶ୍ର କରଣ ସମାଜର ଏଭଳି ଏକ ଜନହିତକର ନିଷ୍ପତ୍ତିକୁ ସ୍ବାଗତ କରିଥିଲେ ା ଏହି ଗଣ ସଫେଇ କାର୍ଯ୍ୟକ୍ରମରେ ଆମ୍ମା ଭଗବାନ ସେବା ସମିତି, ସତେଚନ ମହିଳା ମଞ୍ଚ, ବିଙ୍ଗ ହ୍ୟୁମାନ ଫାଉଣ୍ଡେସନ, ମାହେଶ୍ୱରୀ ସଙ୍ଗଠନ, ନାଗରିକ କମିଟି, ଓଶ୍ରୁ, ଜିଲା ବ୍ୟାଡମିଣ୍ଟନ ଆସୋସିଏଶନ, ଜିଲା ଟ୍ୟାକ୍ସ ବାର ଆସୋସିଏଶନ, ଜିଲା ଆଇନଜୀବୀ ସଂଘ, ୱିକେୟାର, ପୂର୍ବତନ ସୈନିକ ସଂଘ, ଅବସରପ୍ରାପ୍ତ ପ୍ରଧାନଶିକ୍ଷକ ସଂଘ, ଅବସର ବିନୋଦନ ସାହିତ୍ୟ ସମିତି, ପୂଜ୍ୟପୂଜା ସଙ୍ଗଠନ, ବ୍ରାହ୍ମଣ ମହାସଭା, ରାଧାରାଣୀପଡା ଦୁର୍ଗାପୂଜା କମିଟି, ଯୁବ ଆକ୍ସନ କମିଟି, ଜିଲା ଯାଦବ ସମାଜ, ଗୋପାଳଜୀ କ୍ଲବ, ଭୂମିକା, ରୋଟାରୀ ଇଲାଇଟ, ସାର୍ବଜନୀନ ଦୁର୍ଗା ମନ୍ଦିର କମିଟି, ଜିଲା କ୍ରୀଡା ସଂସଦ, ଜିଲା ସାମ୍ବାଦିକ ସଂଘ, ଡୁମାଲ ସମାଜ, ଜୈନ ଶ୍ୱେତାମ୍ବର ତେରାପନ୍ଥ ସଭା, ସିନ୍ଧି ଯୁବ ସମାଜ, ରୋଟାରୀ କ୍ଲବ, ବିଡିଜିଏ, ଗାନ୍ଧୀ ପାଠାଗାର, ଜେଆଇଟିଏମ୍ ଅନୁଷ୍ଠାନ କର୍ମକର୍ତ୍ତା ଅଂଶଗ୍ରହଣ କରିଥିଲେ ା କରଣ ସମାଜ ପକ୍ଷରୁ ସଭାପତି ଅସୀମ ପଟ୍ଟନାୟକ, ଉପସଭାପତି ଗାୈରଚନ୍ଦ୍ର ପୃଷେଠ, ଅଶ୍ୱିନୀ ପଟ୍ଟନାୟକ, ମୀନାକ୍ଷୀ ପଟ୍ଟନାୟକ, ଯୁଗ୍ମ ସମ୍ପାଦକ ଜୟରାମ ପଟ୍ଟନାୟକ, ଦିଲୀପ କୁମାର ପୃଷେଠ, ସୁଷମା ଚୌଧୁରୀ, କୋଷାଧ୍ୟକ୍ଷ ମାନସ ରଞ୍ଜନ ବହିଦାର, ଅଖିଳ ଭାରତ କାୟସ୍ଥ ମହାସଭା ସଦସ୍ୟ ବିକ୍ରମାନନ୍ଦ ବହିଦାର, ବରିଷ୍ଠ ଉପଦେଷ୍ଟା ରାଜାରାମ ପଟ୍ଟନାୟକ, ପ୍ରୀତମ ବକ୍ସି, ପ୍ରଶାନ୍ତ ପଟ୍ଟନାୟକ, ନମିତା ବକ୍ସି ଗଣସଫେଇରେ ସାମିଲ ହୋଇଥିଲେ ା ପ୍ରାୟ ୧୦୦ ବର୍ଷ ପୁରାତନ ନରସିଂହ ବନ୍ଧ ଉପରେ ସହରର ଶତାଧିକ ଜନସାଧାରଣ ବିଭିନ୍ନ ପୂଜା ପାର୍ବଣ ଓ ମାଙ୍ଗଳିକ କାର୍ଯ୍ୟ ପାଇଁ ଜଳ ସଂଗ୍ରହ କରିଥାନ୍ତି ା ମାତ୍ର ରକ୍ଷଣାବେକ୍ଷଣ ଅଭାବ ଯୋଗୁଁ ଏହି ଜଳାଶୟ ସ୍ବଚ୍ଛତା ଓ ଅସ୍ତିତ୍ୱ ହରାଇବା ସ୍ଥିତିରେ ରହିଛି ା ତୁରନ୍ତ ଏହି ବନ୍ଧର ପୁନରୁଦ୍ଧାର କରିବାକୁ ଦାବି ହେଉଛି ା
