ନୂଆଦିଲ୍ଲୀ,୧୧।୪: କରୋନା ସଂକ୍ରମଣ ଯୋଗୁ ସାରା ଭାରତରେ ଇତିମଧ୍ୟରେ ୭ ହଜାର ୬୦୮ ଜଣ ସଂକ୍ରମିତ ହୋଇଛନ୍ତି। ସେହିପରି ମୃତ୍ୟୁ ସଂଖ୍ୟା ମଧ୍ୟ ବଢ଼ିଚାଲିଛି। ତେବେ ଦିଲ୍ଲୀରୁ ଖୁସି ଖବର ମିଳିଛି। ଦିଲ୍ଲୀର କରୋନା ହଟସ୍ପଟ୍ ପାଲଟି ଥିବା ଦିଲ୍ଶାଦ୍ ଗାର୍ଡେନ୍ର ସ୍ଥିତିରେ ବଡ଼ ପରିବର୍ତ୍ତନ ଆସିଛି। ଏଠାରେ ଜାରି ରହିଥିବା ୧୫ ଦିନିଆ ଅପରେଶନ୍ ସିିଲ୍ଡ୍ରୁ ସଫଳତା ମିଳିଛି। ଦିଲ୍ଶାଦ୍ ଗାର୍ଡେନ ଅଞ୍ଚଳରେ ୧୨୩ ମେଡିକାଲ ଦଳଙ୍କ ସହାୟତାରେ ୧୫,୦୦୦ରୁ ଅଧିକ ଲୋକଙ୍କ ସ୍କ୍ରିନିଂ କରାଯାଇଥିଲା। ମେଡିକାଲ ଦଳ ୪୦୩୨ ଘର ବୁଲି ସ୍କ୍ରିନିଂ କାର୍ଯ୍ୟ କରିଥିଲେ। ମାର୍ଚ୍ଚ ୧୭ରେ ଏଠାରେ ୨ ଜଣ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଥିଲା। ପରେ ଏହି ଅଞ୍ଚଳକୁ ସିଲ୍ କରାଯାଇଥିଲା।
