ଡେରାବିଶ, ୨୬।୫(ସ୍ବ.ପ୍ର.): କେନ୍ଦ୍ରାପଡା ଜିଲାରେ ସୋମବାର ୬ କରୋନା ରୋଗୀ ଚିହ୍ନଟ ହୋଇଛନ୍ତି। ଏଥିମଧ୍ୟରୁ ୨ ଜଣ ଡେରାବିଶ ବ୍ଲକର ବୋଲି ଜଣାପଡିଛି। ଡେରାବିଶ ବ୍ଲକ୍ରେ ଆଜିକୁ ମିଶାଇ ସମୁଦାୟ ୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ା ସୂଚନା ଅନୁଯାୟୀ, ଏହି ବ୍ଳକ ଅଧୀନ କୁରୁଜଙ୍ଗା ପଞ୍ଚାୟତ ପଂଚାୟତ ହାଇସ୍କୁଲରେ ଖୋଲାଯାଇଥିବା ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ଓଡ଼ିଆଙ୍କ ମଧ୍ୟରୁ ୨ ଜଣ କରୋନା ଆକ୍ରାନ୍ତ ଚିହ୍ନଟ କରାଯିବା ପରେ ସେମାନଙ୍କୁ ଛତାସ୍ଥିତ କୋଭିଡ଼୍ ହସ୍ପିଟାଲ୍କୁ ପଠାଇ ଦିଆଯାଇଛି ା ଏହି ଦୁଇଜଣ ଆଳିବ୍ଲକ ଅଞ୍ଚଳର ହୋଇଥିବା ବେଳେ ଏମାନେ କୋଲକତାରୁ ଆସିଥିବା ଜଣାଯାଇଛି ା ଗତ ସପ୍ତାହରେ ଏହି କୁରୁଜଙ୍ଗା ସଙ୍ଗରୋଧ କେନ୍ଦ୍ରରୁ ୨ ଜଣ କରୋନା ପଜିଟିଭ୍ ବାହାରିଥିଲେ ା ସେମାନେ କୋଭିଡ଼୍ ହସପିଟାଲ୍ରେ ଚିକିତ୍ସିତ ହେଉଛନ୍ତି ା ପୂର୍ବରୁ ଏହି ବ୍ଳକର ଗୁଆଳସିଂ ପଞ୍ଚାୟତର ଠାକୁରହାଟ ସ୍ଥିତ ସୁଦର୍ଶନ ହାଇସ୍କୁଲ ସଙ୍ଗରୋଧ କେନ୍ଦ୍ରରୁ ୩ ଜଣ, ମୁକୁନ୍ଦପୁର ପଞ୍ଚାୟତ ହାଇସ୍କୁଲ ସଙ୍ଗରୋଧ କେନ୍ଦ୍ରରୁ ୪ ଜଣ, ଛୋଟି ପଞ୍ଚାୟତ ରାମଚଣ୍ଡୀ ବିଦ୍ୟାନିକେତନ ସଙ୍ଗରୋଧ କେନ୍ଦ୍ରରୁ ୩ ଜଣ କରୋନା ପଜିଟିଭ୍ ବାହାରିଥିଲେ ା
