ବଲାଙ୍ଗୀର ଅଫିସ,୨୩ା୧୦- ହଳଦୀ ଭଳି ନିତ୍ୟ ବ୍ୟବହାର୍ଯ୍ୟ ଖାଦ୍ୟ ସାମଗ୍ରୀରେ ଅପମିଶ୍ରଣ କରୁଥିବା ଜଣାପଡିବା ପରେ ବଲାଙ୍ଗୀର ଟାଉନ ଥାନା ପୋଲିସ ପକ୍ଷରୁ କ୍ଲବ୍ପଡା ଲିଟେରାରୀ ଆଣ୍ଡ ସୋସିଆଲ କ୍ଲବ୍ ନିକଟରେ ଥିବା ଶର୍ମା ଫୁଡ୍ ଫ୍ୟାକ୍ଟ୍ରିରେ ସେମବାର ଚଢ଼ାଉ କରାଯାଇଥିଲା । ପୋଲିସ ଓ ମେଡିକାଲ ଟିମ୍ ଚଢ଼ାଉ ପରେ ସେଠାରେ ବହୁ ପରିମାଣର ଅପମିଶ୍ରଣ ସାମଗ୍ରୀ ଓ ଏକ କମ୍ପାନୀ ନାମ ଲେଖା ଥିବା ପଲିଥିନ୍ ପ୍ୟାକେଟ୍ ଜବତ କରାଯାଇଥିଲା ା ଏହି ଅପମିଶ୍ରଣ ଅଭିଯୋଗରେ ଶର୍ମା ଫୁଡ୍ ଫ୍ରାକ୍ଟ୍ରିର ମାଲିକ ରାକେଶ ଶର୍ମାଙ୍କୁ ପୋଲିସ ଅଟକ ରଖି ପୁରାଉଚରା କରୁଥିଲା। ମଙ୍ଗଳବାର ତାଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଥିଲା। ଜାମିନ୍ ନାମଞ୍ଜୁର ହେବାରୁ ଶର୍ମାଙ୍କୁ ଜେଲ ହାଜତକୁ ପଠାଇ ଦିଆ ଯାଇଛି।
ସଦର ଏସଡିପିଓ ଶ୍ରୀମନ୍ତ ବାରିକ ଓ ଟାଉନ୍ ଥାନା ଅଧିକାରୀ ସଂଗ୍ରାମ କେଶରୀ ପଟ୍ଟନାୟକ ପୋଲିସ ଟିମ୍ ସହ ସୋମବାର ଶର୍ମା ଫୁଡ୍ ଫ୍ୟାକ୍ଟ୍ରି ଉପରେ ଚଢ଼ାଉ କରିଥିଲେ। ଚଢ଼ାଉ ବେଳେ ସେଠାରେ ହଦଳୀ ଓ ସେଥିରେ ଅପମିଶ୍ରଣ ପାଇଁ ରଖାଯାଇଥିବା ଚାଉଳ ଗୁଣ୍ଡ, ଚଷୁ, କୁଣ୍ଡା, ଧଳାଗୁଣ୍ଡ, ଫିଙ୍ଗି ଦିଆଯାଉଥିବା ଡାଳପତ୍ର ଥିବା ଦେଖାଯାଇଥିଲା ା ଉପରୋକ୍ତ ସାମଗ୍ରୀ ସବୁକୁ କିଛି ହଳଦୀ ସହ ମିଶ୍ରଣ କରି ଶର୍ମା ଫୁଡ୍ ପକ୍ଷରୁ ବଜାରକୁ ଛଡା ଯାଉଥିଲା ା ଛତିଶଗଡ ଠିକଣା ଲେଖାଥିବା ଏଟିଏମ୍ ନାମକ ଏକ କମ୍ପାନୀ ନଁା ଳେଖାଥିବା ରଙ୍ଗୀନ୍ ଓ ଆକର୍ଷଣୀୟ ପଲିଥିନ୍ ପ୍ୟାକ୍ରେ ଏହି ଅପମିଶ୍ରିତ ହଳଦୀ ପ୍ୟାକିଂ କରାଯାଉଥିବା ଜଣାପଡିଥିଲା ା ଏଟିଏମ କମ୍ପାନୀ ଲେଖାଥିବା ପଲିଥିନ୍ ପ୍ୟାକ୍ରେ ଅପମିଶ୍ରିତ ହଳଦୀ ପ୍ୟାକିଂ କରି ବଜାରକୁ ବିକ୍ରି ଉଦ୍ଦେଶ୍ୟରେ ଛଡା ଯାଉଥିଲା ା ପୋଲିସ ଟିମ୍ ଓ ମେଡିକାଲ ଟିମ୍ କାରଖାନାରେ ଅପମିଶ୍ରଣ ସାମଗ୍ରୀ ତଦାରଖ କରି ଉଚ୍ଚତର ପରୀକ୍ଷା ପାଇଁ ସେଠାରୁ ନମୂନା ସଂଗ୍ରହ କରିଥିଲେ।
