ଯାଜପୁର ରୋଡ,୨|୮(ନି.ପ୍ର.)- ଯାଜପୁର ଜିଲା ଶିଳ୍ପକେନ୍ଦ୍ର ଏବଂ ଆଲ୍ଲାହାବାଦ ବ୍ୟାଙ୍କର ମିଳିତ ସହଯୋଗରେ ଗୁରୁବାର ଯାଜପୁର ରୋଡସ୍ଥିତ ଉଚ୍ଛବପ୍ୟାଲେସ୍ଠାରେ କ୍ଷୁୁଦ୍ର ଉଦ୍ୟୋଗ ଶିଳ୍ପସଂସ୍ଥା(ଏମ୍ଏସ୍ଏମ୍ଇ) ପ୍ରକଳ୍ପ ପାଇଁ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କର୍ମଶାଳାରେ ଡିଜିଏମ୍ ସନ୍ଦୀପ ଗୋଷଲ, ଫେରୋକ୍ରୋମ କାରଖାନା ପରିଚାଳନା ନିର୍ଦ୍ଦେଶକ ବୀରକିଶୋର ସାହୁ, ଶିଳ୍ପ ଅଧିକାରୀ ଗୌରହରି ସିଅଳ, ଆଲ୍ଲାବାଦ ବ୍ୟାଙ୍କ ଯାଜପୁର ରୋଡ ଶାଖାର ପରିଚାଳକ ପାର୍ଥସାରଥୀ ନାୟକ, ଯାଜପୁର ଟାଉନ ପରିଚାଳକ ସାଇସୌଦାମିନୀ ରଣା, ବାଲେଶ୍ୱର ବ୍ରାଞ୍ଚର ପ୍ରତିନିଧି ଚନ୍ଦ ଯେନା ଯୋଗ ଦେଇଥିଲେ। ଏହ ଅବସରରେ ଶିକ୍ଷିତ ଓ ଅର୍ଦ୍ଧଶିକ୍ଷିତ ଯୁବତୀଯୁବକ ଏମ୍ଏସ୍ଏମ୍ଇ ଯୋଜନାରେ କିପରି ଛୋଟ ଶିଳ୍ପସଂସ୍ଥା ନିର୍ମାଣ କରି ନିଜେ ସ୍ବବାଲମ୍ବୀ ହୋଇପାରି ପରିବାର ପ୍ରତିପୋଷଣ କରିପାରିବେ ସେଥିପାଇଁ ସେମାନଙ୍କୁ ତାଲିମ ପ୍ରଦାନ କରାଯାଇଛି। ଯାଜପୁର , ଭଦ୍ରକ ଓ ବାଲେଶ୍ୱର ଜିଲାରୁ ବହୁ ଯୁବତୀଯୁବକ ଯୋଗଦେଇଥିଲେ।
