ଜିଲା ଚିଠି: ନୂଆ ବସ୍‌ଷ୍ଟାଣ୍ଡ

୧୯୯୩ରେ ଭଦ୍ରକକୁ ମିଳିଥିଲା ଜିଲା ମାନ୍ୟତା । ଜିଲା ପୁନର୍ଗଠନକୁ ୨୬ ବର୍ଷ ବିତିଗଲାଣି। ଜିଲା ସଦର ମହକୁମାର ଭିତ୍ତିଭୂମି ବିକାଶ ଲାଗି କେତେକ ଯୋଜନା ହୋଇଥିଲେ ବି ନୂଆ ବସ୍‌ଷ୍ଟାଣ୍ଡ ଭଳି ପ୍ରକଳ୍ପ ଆଜି ସୁଦ୍ଧା ଏକପ୍ରକାର ଅବ୍ୟବହୃତ ହୋଇ ରହିଛି। ସହରର କେନ୍ଦ୍ରସ୍ଥଳଠାରୁ ଏହାର ଦୂରତା ପ୍ରାୟ ୧ କି.ମି.। କୌଣସି ଯାତ୍ରୀ ବସ୍‌ଷ୍ଟାଣ୍ଡ ଆସିବାକୁ ରାଜି ହେଉନାହାନ୍ତି। ଫଳରେ ୧୬ ନମ୍ବର ଜାତୀୟ ରାଜପଥ ଦେଇ ଚଳାଚଳ କରୁଥିବା ସମସ୍ତ ବସ୍‌ ଓଭରବ୍ରିଜ ଛକ ନିକଟ ରାସ୍ତାକଡ଼ରେ ଛାଡ଼ି ଅନ୍ୟତ୍ର ଚାଲି ଯାଉଛନ୍ତି। ଜିଲା ମଧ୍ୟରେ ଚଳାଚଳ କରୁଥିବା କେତେକ ବସ୍‌ ଓଭରବ୍ରିଜ ଛକ ଅସ୍ଥାୟୀ ବସ୍‌ଷ୍ଟାଣ୍ଡରେ ଅଟକି ଯାତ୍ରୀ ନେବା ଆଣିବା କରୁଛନ୍ତି। ୨୦୦୫ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂଆ ବସ୍‌ଷ୍ଟାଣ୍ଡକୁ ଉଦ୍‌ଘାଟନ କରିଥିଲେ। ବିଗତ ୧୪ ବର୍ଷ ମଧ୍ୟରେ ଏହାର ନବୀକରଣ ଲାଗି ୧୪ରୁ ଅଧିକ ଫଳକ ଲଗାଯାଇ ବିପୁଳ ଅର୍ଥ ବ୍ୟୟ କରାଯାଇଛି। ବସ୍‌ଷ୍ଟାଣ୍ଡ ପରିସରରେ ରାସ୍ତା ସହ ପାର୍କିଂ ଷ୍ଟାଣ୍ଡ, ଷ୍ଟ୍ରିଟ୍‌ଲାଇଟ, ପାନୀୟ ଜଳ ପ୍ରକଳ୍ପ, ଶୌଚାଳୟ, ବିଶ୍ରାମାଗାର, ଦୋକାନଗୃହ ଓ ପୋଲିସ ବିଟ୍‌ ହାଉସ୍‌ ପ୍ରତିଷ୍ଠା ହୋଇଛି। ମାଳ ମାଳ ଫଳକ ଲାଗିଥିଲେ ବି ପ୍ରକଳ୍ପ ଅଧାପନ୍ତରିଆ ହୋଇ ପଡ଼ିରହିବା ସମସ୍ତଙ୍କୁ ଚକିତ କରୁଛି। ଏଥିଲାଗି ନୂଆ ବସ୍‌ଷ୍ଟାଣ୍ଡ କ୍ରମେ ନିଜ ପରିଚୟ ହରାଇ ବସୁଛି। ଏହାସତ୍ତ୍ୱେ ବିଶ୍ରାମାଗାର ଓ ବସ୍‌ଷ୍ଟାଣ୍ଡର ଫଳକ ମରାମତି କରିବା, ରଙ୍ଗଦେବା ଓ ରକ୍ଷଣାବେକ୍ଷଣ ଆଳରେ ପ୍ରତିବର୍ଷ ମଧ୍ୟ ଲକ୍ଷାଧିକ ଟଙ୍କା ବ୍ୟୟ କରାଯାଉଛି। ଭଦ୍ରକ ସହର ମଧ୍ୟଭାଗ ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥରେ ଦୈନିକ ଶତାଧିକ ବସ୍‌ ଓ ଅନ୍ୟ ଯାତ୍ରୀବାହୀ ଗାଡ଼ି ଚଳାଚଳ କରୁଛି। ପୂର୍ବରୁ ଜାତୀୟ ରାଜପଥ ସନ୍ନିକଟ କଚେରି ଛକ ସଂଲଗ୍ନ ସଂକୀର୍ଣ୍ଣ ସ୍ଥାନରେ ପୁରୁଣା ବସ୍‌ଷ୍ଟାଣ୍ଡ ରହିଥିଲା। ଜିଲା ପୁନର୍ଗଠନ ପରେ ଏହାକୁ ରାଜପଥ ପାର୍ଶ୍ୱସ୍ଥ ମଠସାହି ଛକ ନିକଟକୁ ଉଠାଇ ଆଣିବାକୁ ଯୋଜନା ହୋଇଥିଲା। ପୌରପାଳିକା, ଜିଲା ପ୍ରଶାସନ, ଏମ୍‌ପି ଓ ବିଧାୟକ ପାଣ୍ଠି ପକ୍ଷରୁ କୋଟି କୋଟି ଟଙ୍କା ଖର୍ଚ୍ଚ କରାଯାଇ ବସ୍‌ଷ୍ଟାଣ୍ଡ ନିର୍ମାଣ କରାଗଲା। କିନ୍ତୁ ତ୍ରୁଟିପୂର୍ଣ୍ଣ ସ୍ଥାନ ଚିହ୍ନଟ, ପ୍ରଶାସନିକ ଓ ରାଜନୈତିକ ଇଚ୍ଛାଶକ୍ତିର ଅଭାବ ଯୋଗୁ ଏଯାଏ ଏହାକୁ ପୂର୍ଣ୍ଣ କାର୍ଯ୍ୟକ୍ଷମ କରାଯାଇ ପାରିଲା ନାହିଁ। ବର୍ତ୍ତମାନ ଓଭରବ୍ରିଜ ଓ ବନ୍ତ ଛକ ପୋଲ ତଳେ ଅସ୍ଥାୟୀ ବସ୍‌ଷ୍ଟାଣ୍ଡରେ ବିଶ୍ରାମାଗାର ଭଳି ସୁବିଧା ନ ଥିବାରୁ ଯାତ୍ରୀମାନେ ଖରା ବର୍ଷାରେ ହଇରାଣ ହେଉଛନ୍ତି। ଚାକଚକ୍ୟପୂର୍ଣ୍ଣ ନୂଆ ବସ୍‌ଷ୍ଟାଣ୍ଡ ଏକପ୍ରକାର ଅଲୋଡ଼ା ହୋଇପଡ଼ିଛି। କୌତୂହଳର କଥା ଯେ, ନୂଆ ବସ୍‌ଷ୍ଟାଣ୍ଡ ଏବେ ପାର୍କିଂ ଷ୍ଟାଣ୍ଡ ଓ ଗ୍ୟାରେଜ ଭାବେ ନୂଆ ପରିଚୟ ସୃଷ୍ଟି କରିଛି। ଏହା ପରିସରରେ ଥିବା ଦୋକାନ ଘରକୁ ପାଇଥିବା ବ୍ୟକ୍ତି ଅନ୍ୟମାନେ ଭଡ଼ା ଲଗାଇ ଦେଇଥିତ୍ବାରୁ ସେହି ବ୍ୟବସାୟୀମାନେ ଇଟା, ବାଲି, ଚିପ୍ସ ବ୍ୟବସାୟ କରୁଛନ୍ତି। କେତେକ ଘରୋଇ ଗାଡ଼ି ମାଲିକ ବସ୍‌ଷ୍ଟାଣ୍ଡକୁ ଗ୍ୟାରେଜ ଭାବେ ବ୍ୟବହାର କରୁଛନ୍ତି। ବସ୍‌ଷ୍ଟାଣ୍ଡ ବିଶ୍ରାମାଗାର ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ପାଲଟିଛି। ଗୋରୁବେପାରୀ ଓ ଡକାୟତ ଦଳ ଏହାକୁ କବ୍‌ଜା କରି ରଖୁଛନ୍ତି। ପୋଲିସ ସେଠାରୁ ବହୁବାର ବନ୍ଧୁକ ଜବତ କରିବା ସହ ଡକାୟତଙ୍କୁ ଗିରଫ କରିବା ନଜିର ରହିଛି। ବସ୍‌ଷ୍ଟାଣ୍ଡ ଉଦ୍‌ଘାଟନ ସମୟରେ ସହର ତଥା ଜିଲାବାସୀ ଆଶା ରଖିଥିଲେ ବସ୍‌ଷ୍ଟାଣ୍ଡକୁ ଜିଲା ଓ ଜିଲା ବାହାରର ବିଭିନ୍ନ ଅଞ୍ଚଳରୁ ବସ୍‌ ଚଳାଚଳ କରିବ। ଏହି ସମୟ ଭିତରେ ଶାସକ ଦଳର ୩ ବିଧାୟକ ପରିବର୍ତ୍ତନ ହୋଇସାରିଲେଣି। କିନ୍ତୁ କୌଣସି ନେତା ବସ୍‌ଷ୍ଟାଣ୍ଡ କାର୍ଯ୍ୟକ୍ଷମ କରାଇପାରି ନାହାନ୍ତି। ନୂଆ ବସ୍‌ଷ୍ଟାଣ୍ଡ କାର୍ଯ୍ୟକ୍ଷମ ହୋଇ ନ ପାରିବା ପଛରେ କାରଣ କ’ଣ ରହିଛି ବୋଲି ଜିଲାବାସୀ ଆଲୋଚନା କରୁଛନ୍ତି।
– ବିଭୁପ୍ରସାଦ ବେହେରା


Enter your email to get our daily news in your inbox.

All Right Reserved By Dharitri.Com

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

ଗୋପାଳପୁର ଚିନ୍ତାରେ ବିଜେଡି: ପ୍ରଦୀପଙ୍କ ପଛେ ପଛେ ଭାଜପାରେ ସାମିଲ ହେଉଛନ୍ତି କର୍ମୀ

ଗୋପାଳପୁର,୨୮।୩(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ତାତି ସେତେ ବଢୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀ ଗୋଳନ୍ଥରା ସ୍ଥିତ...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri