ଦାରିଙ୍ଗବାଡ଼ି,୨୪।୧୦(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଦେଇ ଯାଇଥିବା ଗୋପାଳପୁର-ରାଇପୁର ୫୯ନଂ ଜାତୀୟ ରାଜପଥ ସଂପ୍ରସାରଣ କାର୍ଯ୍ୟ ଜୋର୍ସୋରରେ ଚାଲିଛି। ଏଥିପାଇଁ ବନ ବିଭାଗର କର୍ପୋରେଶନ ପକ୍ଷରୁ ରାଜପଥ କଡ଼ରେ ରହିଥିବା ମୂଲ୍ୟବାନ ଗଛ ସ୍ଥାନାନ୍ତର କରାଯିବା ସହ ଏବେ ବଳକା ହଜାର ହଜାର ଗଛକୁ କର୍ପୋରେଶନ ପକ୍ଷରୁ କଟା ଚାଲିଛି। ଫଳରେ ଏଥିପାଇଁ କିଛି ଶ୍ରମିକ ନିୟୋଜିତ ହୋଇଛନ୍ତି ା ତେବେ ଗଛ କଟାଯିବା ବେଳେ ମୋଟର ଚାଳିତ କରତ ଗୋଟିଏ ମାତ୍ର ବ୍ୟବହାର କରାଯାଉଥିବା ବେଳେ ଅବଶିଷ୍ଟ ପାଇଁ ଟାଙ୍ଗିଆ ବ୍ୟବହାର କରାଯାଉଛି ା ସଂପ୍ରସାରଣ ଆଳରେ ବଡ଼ ବଡ଼ ଗଛ କଟାଯିବାବେଳେ ଘଣ୍ଟା ଘଣ୍ଟା ଧରି ଜାତୀୟ ରାଜପଥକୁ ବନ୍ଦ କରି ଦିଆଯାଉଛି। ଫଳରେ ଜରୁରିକାଳୀନ ପରିସ୍ଥିତିରେ ଆମ୍ବୁଲାନ୍ସ ସମେତ ଭାରୀଯାନ, ବାଇକ୍ ଆଦି ଯାତାୟାତ ବନ୍ଦ ରହୁଛି। ଏହାକୁ ନେଇ ଜନ ଅସନ୍ତୋଷ ପ୍ରକାଶ ପାଉଛି। କୌଣସି କର୍ତ୍ତୃପକ୍ଷ ଘଟଣାସ୍ଥଳରେ ଉପସ୍ଥିତ ନ ଥାଇ ଗଛ କଟାଯାଉଥିବାରୁ ଏନେଇ ଲୋକେ ଅଭିଯୋଗ କଲେ ମଧ୍ୟ କାର୍ଯ୍ୟରେ ନିୟୋଜିତ ଶ୍ରମିକମାନେ ନିର୍ଦ୍ଦେଶ ଅନୁଯାୟୀ ଗଛ କାଟୁଛୁ ବୋଲି କହୁଛନ୍ତି।
