ବ୍ରହ୍ମପୁର ଅଫିସ୍,୮ା୯-ଉତ୍ତର- ପଶ୍ଚିମ ବଙ୍ଗୋପସାଗରେ ସୃଷ୍ଟ ଲଘୁଚାପ ପ୍ରଭାବରେ ଦୁଇଦିନ ଧରି ହୋଇଥିବା ଲଗାଣ ବର୍ଷାରେ ଗଞ୍ଜାମ ଜିଲାର ବିଭିନ୍ନ ଅଞ୍ଚଳ ପ୍ରଭାବିତ ହୋଇଛି ।
ଏଥିରୁ ବାଦ ପଡିନି ସହରତଳି ଅଞ୍ଚଳ । ଲୋଚାପଡା ପଞ୍ଚାୟତ ଓ କୁକୁଡାଖଣ୍ଡି ବ୍ଲକ ଶକ୍ତିନଗର ଅଞ୍ଚଳରେ ସଙ୍ଗିନ ସ୍ଥିତି ଦେଖିବାକୁ ମିଳିଥିଲା। ଦୁଇଦିନ ବର୍ଷାରେ ଶକ୍ତିନଗର ପ୍ରଥମ ଗଳି ଏକ୍ସଟେନଶନ ଅଞ୍ଚଳର ମୁଖ୍ୟରାସ୍ତା ଜଳମଗ୍ନ ହୋଇଛି। ଡ୍ରେନେଜ୍ ବ୍ୟବସ୍ଥା ନ ଥିବାରୁ ବାହାର ନର୍ଦ୍ଦମା ମିଶା ଜଳ ଅନେକ ଘରେ ପଶିଥିବା ଅଭିଯୋଗ ହୋଇଛି । ଡ୍ରେନ୍ ନିର୍ମାଣ ପାଇଁ ବହୁବାର ଉଭୟ ବ୍ଲକ ଓ ପଞ୍ଚାୟତ କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲେ ମଧ୍ୟ ସମସ୍ୟା ସମାଧାନ ଦିଗରେ କୌଣସି ପଦକ୍ଷେପ ନିଆଯାଉ ନାହିଁ। ଫଳରେ ଅଞ୍ଚଳାବସୀଙ୍କୁ ଏଭଳି ସମସ୍ୟାର ସମ୍ମୁଖୀନ ହେବାକୁ ପଡୁଥିବା ସେମାନେ କହିଛନ୍ତି। ତୁରନ୍ତ ଏହାର ସ୍ଥାୟୀ ସମାଧାନ କରାଯିବାକୁ ଅଞ୍ଚଳବାସୀ ଦାବି କରିଛନ୍ତି ।
ସନ୍ନିକଟ ତଥା କୁକୁଡାଖଣ୍ଡି ବ୍ଲକ ଲୋଚାପଡା ପଞ୍ଚାୟତ ଶକ୍ତିନଗର ପ୍ରଥମ ଗଳି ଏକ୍ସଟେନଶନରେ ଦୀର୍ଘ ୨୦ ବର୍ଷରୁ ଊର୍ଦ୍ଧ୍ୱ ସମୟ ଧରି ବସତିସ୍ଥାପନ ହୋଇଛି । ଏହି ଅଞ୍ଚଳରେ ପ୍ରାୟ ୫୦ରୁ ଊର୍ଦ୍ଧ୍ୱ ପରିବାର ରହୁଛନ୍ତି । କିନ୍ତୁ ଏଯାଏ ଉକ୍ତ ଅଞ୍ଚଳରେ ଡ୍ରେନ୍ ନିର୍ମାଣ ହୋଇନାହିଁ ।
ଫଳରେ ସ୍ପଳ୍ପ ବର୍ଷାରେ ରାସ୍ତା ଉପରେ ଜଳ ଜମି ରହି ଘରେ ପଶୁଛି ା ଅଞ୍ଚଳର ବ୍ରଜବନ୍ଧୁ ବେହେରାଙ୍କ କହିବାନୁସାରେ, ଗତ ଦୁଇଦିନ ଲଗାଣ ବର୍ଷାରେ ମୁଖ୍ୟରାସ୍ତା ସମ୍ପୂର୍ଣ୍ଣ ଜଳାର୍ଣ୍ଣବ ହେବା ସହ ଘରେ ପାଣି ପଶିଛି ା କୂଅରେ ମଧ୍ୟରେ ନଦ୍ଦର୍ର୍ମା ମିଶା ଜଳ ପଶିଛି ା ଅନ୍ୟପକ୍ଷରେ ଡ୍ରେନେଜ୍ ବ୍ୟବସ୍ଥା ନ ଥିବାରୁ ମୁଖ୍ୟରାସ୍ତାରେ ବର୍ଷାଜଳ ଜମି ରହିଛି ା ଫଳରେ ଅଞ୍ଚଳକୁ ଯାତାୟାତ ପ୍ରଭାବିତ ହେଉଛି ା ବହୁବାର ଅଞ୍ଚଳର ଡ୍ରେନ୍ ପାଇଁ ପଞ୍ଚାୟାତ, ବ୍ଲ୍ଳକ କର୍ତ୍ତୃପକ୍ଷଙ୍କୁ ଅବଗତ କରାଯାଇ ଥିଲେ ମଧ୍ୟ ସମସ୍ୟା ସମାଧାନ ଦିଗରେ କୌଣସି ପଦକ୍ଷେପ ନିଆଯାଇ ନ ଥିବା ଅଞ୍ଚଳର ସିଏଚ ରାମକୃଷ୍ଣ କହିଛନ୍ତି। ତେବେ ଆଗାମୀ ଦିନରେ ଏହାର ସ୍ଥାୟୀ ସମାଧାନ କରା ନ ଗଲେ ଆନ୍ଦୋଳନକୁ ଓହ୍ଲାଇବାକୁ ସେମାନେ ଚେତାବନୀ ଦେଇଛନ୍ତି। ଅଞ୍ଚଳର ସ୍ଥିତି ଅନୁଧ୍ୟାନ କରି ବିଡିଓଙ୍କୁ ସମସ୍ୟା ସମ୍ପର୍କରେ ଅବଗତ କରାଯାଇଥିବା କହିଛନ୍ତି ଲୋଚାପଡା ପଞ୍ଚାୟତ ନାଏବ ସରପଞ୍ଚ ବରୁଣ କୁମାର ଚୌଧୁରୀ ା ରବିବାର ଅଞ୍ଚଳରୁ ବର୍ଷାଜଳ ନିଷ୍କାସନ ନେଇ ଅସ୍ଥାୟୀ ସମାଧାନ କରାଯିବାକୁ ବିଡିଓ ପ୍ରତିଶ୍ରୁତି ଦେଇଥିବା ସେ କହିଛନ୍ତି ା ପଞ୍ଚାୟତ ଅଞ୍ଚଳର ବିକାଶ ପାଇଁ ବର୍ଷକୁ ରାଜ୍ୟ ସରକାରଙ୍କ ପକ୍ଷରୁ ପ୍ରଦାନ କରାଯାଉଥିବା ଟଙ୍କା ଯଥେଷ୍ଟ ହେଉନି ା ଯାହାଦ୍ୱାରା ପଞ୍ଚାୟତ ଅଞ୍ଚଳରେ ଡ୍ରେନେଜ୍ ସମସ୍ୟା ଦେଖାଦେଉଛି। ସହରାଞ୍ଚଳ ଭଳି ପଞ୍ଚାୟତ ଅଞ୍ଚଳର ମଧ୍ୟ ଡ୍ରେନ୍ ନିର୍ମାଣ କାର୍ଯ୍ୟ ରାଜ୍ୟ ସରକାରଙ୍କ ଡ୍ରେନେଜ୍ ବିଭାଗକୁ ଦିଆଗଲେ ଏହାର ସ୍ଥାୟୀ ସମାଧାନ ସମ୍ଭବ ହୋଇପାରିବ ବୋଲି ନାଏବ ସରପଞ୍ଚ ଚୌଧୁରୀ କହିଛନ୍ତି ା
