ଫାଷ୍ଟ୍ ଫୁଡ୍, କେକ୍ ଏବଂ ଜଙ୍କ୍ ଫୁଡ୍ର ମାତ୍ରାଧିକ ସେବନ ଅବସାଦ ଆଶଙ୍କା ବୃଦ୍ଧିର ମୁଖ୍ୟ କାରଣ। ଏକ ଗବେଷଣାରୁ ଏହା ଜଣାପଡ଼ିଛି। ବ୍ରିଟେନ୍ର ମାଞ୍ଚେଷ୍ଟର୍ ମେଟ୍ରୋପଲିଟାନ୍ ୟୁନିଭର୍ସିଟିର ଗବେଷକମାନେ ଜାଣିବାକୁ ପାଇଛନ୍ତି, ଛାତିରେ ଜ୍ୱଳନ ଉପତ୍ନ୍ନ କରୁଥିବା ଆହାର ଯେଉଁଥିରେ କାର୍ବୋହାଇଡ୍ରେଟ୍, କୋଲେଷ୍ଟୋରଲ୍ ଏବଂ ଫ୍ୟାଟ୍ ଅଧିକ ଥାଏ, ତା’ର ସେବନ ଦ୍ୱାରା ଅବସାଦ ଆଶଙ୍କା ୪୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଥାଏ। ଅବସାଦ ଏବଂ ଜ୍ୱଳନ ଉପତ୍ନ୍ନ କରୁଥିବା ଆହାର ମଧ୍ୟରେ ୧୧ଟି ଗବେଷଣା କରି ଗବେଷକମାନେ ଏହି ତଥ୍ୟ ହାସଲ କରିଛନ୍ତି। ଗବେଷଣା ଆମେରିକା, ଅଷ୍ଟ୍ରେଲିଆ, ୟୁରୋପ୍ ଏବଂ ମଧ୍ୟପୂର୍ବରେ ୧୬ରୁ ୭୧ ବର୍ଷ ବୟସ ମଧ୍ୟରେ ପ୍ରାୟ ୧ ଲକ୍ଷ ଲୋକଙ୍କ ଉପରେ କରାଯାଇଥିଲା। ଗବେଷଣା ସମୟରେ, ପ୍ରତିଭାଗୀଙ୍କ ମଧ୍ୟରେ ଅବସାଦ ଏବଂ ଏହାର ଲକ୍ଷଣ ଉପରେ ପ୍ରଥମେ ନଜର୍ ଦିଆଯାଇଥିଲା। କିଛି ଦିନ ସେମାନଙ୍କ ଖାଦ୍ୟପାନୀୟ ତାଲିକାରେ ମାତ୍ରାଧିକ ଜ୍ୱଳନ ଉପତ୍ନ୍ନକାରୀ ଆହାରକୁ ସାମିଲ କରାଗଲା। ନିଷ୍କର୍ଷରୁ ଜଣାପଡ଼ିଲା, ଯେବେଠୁ ସେମାନେ ଏହି ଆହାରର ସେବନ କରିଛନ୍ତି, ସେବେଠୁ ଅବସାଦ ମାତ୍ରା ଦେଢ଼ ଗୁଣା ବୃଦ୍ଧି ପାଇଛି।
