ବିନିକା,୨୪।୩(ଡି.ଏନ୍.ଏ.)-କରୋନା ଭାଇରସ୍ ନେଇ ବିଶ୍ୱବାସୀ ଆତଙ୍କିତ ଥିବା ବେଳେ ଭାରତ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଏଭଳି ପରିସ୍ଥିତିରେ ମଙ୍ଗଳବାର ସୁବର୍ଣ୍ଣପୁର ଜିଲାର ବିନିକା ଉପ ଡାକଘରକୁ ଚାଇନାରୁ ଏକ ପାର୍ସଲ ଆସିଛି। ଏହା ଜଣାପଡିବା ପରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିବା ବେଳେ ଲୋକଙ୍କ ମନରେ ଭୟ ଓ ଆତଙ୍କ ଖେଳିଯାଇଛି। ଏନେଇ ଡାକ ବିଭାଗର ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇ ଦିଆଯାଇଛି ବୋଲି ବିନିକା ଉପ-ଡାକଘର ପୋଷ୍ଟମାଷ୍ଟର ତାରିଣୀ ରଞ୍ଜନ ଜେନା କହିଛନ୍ତି। ଚାଇନାରୁ ଆସିଥିବା ପାର୍ସଲଟି ବିନିକା ସହରର ଦିଲୀପ ସୁବୁଦ୍ଧିଙ୍କର ବୋଲି ଅର୍ଡର ହୋଇଥିବା ପାର୍ସଲରେ ଲେଖାଯାଇଥିବା ନାମ ଓ ଠିକଣାରୁ ଜଣାପଡିଛି। ଦିଲୀପଙ୍କର ବିନିକାରେ ଲକ୍ଷ୍ମୀ ମେଡିକାଲ ନାମରେ ଏକ ଔଷଧ ଦୋକାନ ରହିଛି। ତେବେ ବର୍ତ୍ତମାନ ପରିସ୍ଥିତିରେ ଏହି ପାର୍ସଲ ଗ୍ରହଣ କରିବାକୁ ମନା କରି ଦେଇଥିବା ଦିଲୀପ ତାଙ୍କ ପ୍ରତିକ୍ରିୟାରେ କହିଛନ୍ତି।
