ନୂଆଦିଲ୍ଲୀ,୨୭।୪: ଲୋକ ସଭା ନିର୍ବାଚନର ଚତୁର୍ଥ ପର୍ଯ୍ୟାୟରେ ୯ଟି ରାଜ୍ୟର ୭୧ ଆସନ ପାଇଁ ସୋମବାର ମତଦାନ କରାଯିବ। ଏସବୁ ଆସନରେ ଭାଜପା ଗଡ଼ ରକ୍ଷା ପାଇଁ ଚିନ୍ତା କରୁଥିବାବେଳେ କଂଗ୍ରେସ ପୁରୁଣା ଗାଦି ବିଜୟ ଲାଗି ଲକ୍ଷ୍ୟ ରଖିଛି। ଚତୁର୍ଥ ପର୍ଯ୍ୟାୟରେ ବିହାରର ୫, ଜମ୍ମୁ-କଶ୍ମୀରରେ ଗୋଟିଏ, ଝାଡଖଣ୍ଡର ୩, ମଧ୍ୟପ୍ରଦେଶର ୬, ମହାରାଷ୍ଟ୍ରର ୧୭, ଓଡ଼ିଶାର ୬, ରାଜସ୍ଥାନର ୧୩, ଉତ୍ତରପ୍ରଦେଶର ୧୩ ଏବଂ ପଶ୍ଚିମବଙ୍ଗର ୮ଟି ଲୋକ ସଭା ଆସନ ପାଇଁ ମତଦାନ କରାଯିବ। ୨୦୧୪ରେ ଭାଜପା ଏସବୁ ଆସନରେ ୪୫ରେ ବିଜୟ ହୋଇଥିଲା। ଏସବୁ ଆସନ ମଧ୍ୟରୁ କଂଗ୍ରେସ ଖାତାକୁ ୨ଟି ଆସନ ଆସିଥିଲା। ତେବେ ଚଳିତ ନିର୍ବାଚନରେ କଂଗ୍ରେସ ରାଜସ୍ଥାନ, ମଧ୍ୟପ୍ରଦେଶ, ମହାରାଷ୍ଟ୍ରରେ ଆସନ ବିଜୟ ଲକ୍ଷ୍ୟ ପ୍ରସସ୍ତୁତ କରିଛି। ଅପରପକ୍ଷରେ ଭାଜପା ନିଜର ପୂର୍ବଥର ଆସନଗୁଡ଼ିକୁ ବଞ୍ଚାଇବାର ଉଦ୍ୟମ ଅବ୍ୟାହତ ରଖିଛି। ମହାରାଷ୍ଟ୍ରରେ ଭାଜପା ଗତ ନିର୍ବାଚନରେ ଏସବୁ ଆସନ ମଧ୍ୟରୁ ୮ ଆସନ ହାତେଇଥିବାବେଳେ ଶିବସେନା ୯ ଆସନରେ ବିଜୟୀ ହୋଇଥିଲା। ପରିବର୍ତ୍ତିତ ରାଜନୀତିରେ ଏବେ ଭାଜପା ନିଜ ଗଡ଼ ବଞ୍ଚାଇବାରେ ସଫଳ ହେବାକୁ ପ୍ରୟାସ କରୁଥିବାବେଳେ ଏତେ ସଂଖ୍ୟକ ଗଡ଼ ବିଜୟ ଏକ ଆହ୍ବାନ ସୃଷ୍ଟି କରିଛି। ସେହିପରି କଂଗ୍ରେସ ଅତି ଖରାପ ପ୍ରର୍ଦଶନରୁ କିଛି କରାମତି କରାଇବା ଲକ୍ଷ୍ୟ ନେଇ ଉଦ୍ୟମ ଜାରି ରଖିଥିବା ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।
