ଘଣ୍ଟାପଡ଼ା,୧୯।୭(ଡି.ଏନ୍.ଏ.): ବୌଦ୍ଧ ଜିଲା କଣ୍ଟାମାଳ ବ୍ଲକ ତମ୍ବାସିନା(ଘଣ୍ଟାପଡ଼ା)ରେ ସରକାରଙ୍କ ପକ୍ଷରୁ ଚାଷୀମାନଙ୍କ ଉନ୍ନତି ପାଇଁ ଏକ ମେଗା ପଏଣ୍ଟ ଜଳ ପ୍ରକଳ୍ପ ନିର୍ମାଣ କାର୍ଯ୍ୟ ଏଲ୍ଏନ୍ଟି କମ୍ପାନୀକୁ କାର୍ଯ୍ୟଭାର ଦିଆଯାଇଥିଲା। ଗତ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ କଣ୍ଟାମାଳରେ ପାଇପ ଯୋଗେ ପାଣି ବିଲକୁ ଯିବାର ଶୁଭ ଉଦ୍ଘାଟନ କରିଥିଲେ। ଉଦ୍ଘାଟନର ବର୍ଷକ ପରେ ବି ବିଲକୁ ପାଣି ଯାଇପାରିଲା ନାହିଁ। ବିଳମ୍ବିତ ବର୍ଷା ଯୋଗୁ ବାରମ୍ବାର ଚାଷୀମାନେ ବିଭାଗୀୟ କର୍ତ୍ତୃପକ୍ଷଙ୍କୁ ଜଣାଇବା ସତ୍ତ୍ୱେ ପାଣି ପାଇ ନ ପାରିବାର ଅଞ୍ଚଳର ଶତାଧିକ ଚାଷୀ ଶୁକ୍ରବାର ମେଗା କାର୍ଯ୍ୟାଳୟରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରୁଛନ୍ତି। ବର୍ତ୍ତମାନ ସୁଦ୍ଧା କୌଣସି ବିଭାଗୀୟ କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚିନାହାନ୍ତି। ଏହି ବିକ୍ଷୋଭରେ ଘଣ୍ଟାପଡ଼ା, କୁନାସିଲା, ଗଦ୍ଗୁଭା, ନାରଣପାଲି, ତାଲବେଡ଼ା, କୋଡିବାହାଲ, ତେନ୍ତୁଳିଖୁଣ୍ଟି, ପୋଡ଼ାପଦର, ଲଣ୍ଡାପଦରର ଶତାଧିକ ଚାଷୀ ସାମିଲ ଅଛନ୍ତି।
