ବ୍ରହ୍ମପୁର ଅଫିସ,୨୦ା୧୨: ଟାଉନ ଥାନା ଅନ୍ତର୍ଗତ ଗେଟବଜାର ନିକଟ ରେଡ଼ିଓ ଷ୍ଟେଶନ କଡରେ ଥିବା ଏକ ବାଇକ୍ ଗ୍ୟାରେଜରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିଲା। ଏଥିରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡି ପାଉଁଶ ହୋଇଯାଇଛି। ଅଗ୍ନିଶମ କର୍ମଚାରୀ ପହଞ୍ଚି ନିଅଁାକୁ ଆୟତ୍ତ କରିଥିଲେ। ଗ୍ୟାରେଜ ମାଲିକ ମହେନ୍ଦ୍ର ସାହୁ ବୁଧବାର ରାତିରେ ଦୋକାନ ବନ୍ଦ କରି ଚାଲିଯାଇଥିଲେ। ରାତି ୩ ଟାରେ ଜଣେ ଲୋକ ଗ୍ୟାରେଜରୁ ଧୂଅଁା ବାହାରୁଥିବା ଦେଖି ଅଗ୍ନିଶମ ବିଭାଗ ଓ ମାଲିକ ମହେନ୍ଦ୍ର ସାହୁଙ୍କୁ ଖବର କରିଥିଲେ। ଅଗ୍ନିଶମ କର୍ମଚାରୀ ଦୋକାନ କବାଟ ଭାଙ୍ଗି ନିଅଁାକୁ ଆୟତ୍ତ କରିଥିଲେ। ଦୋକାନ ଭିତରେ ଥିବା ଏଲସିଡି ଟିଭି, ସିସି କ୍ୟାମେରା, ବହୁ ତେଲ ଡବା, ମରାମତି ପାଇଁ ଥିବା କେତେକ ବାଇକ୍ ପୋଡି ଯାଇଥିଲା। ବିଦ୍ୟୁତ୍ ଶର୍ଟ ସର୍କିଟରୁ ଏହି ଅଗ୍ନିକାଣ୍ଡ ଘଟିଥିବା ସହକାରୀ ଅଗ୍ନିଶମ ଅଧିକାରୀ ସନାତନ ମହାପାତ୍ର ସୂଚନା ଦେଇଛନ୍ତି। ସେହିପରି ଏହି ଅଗ୍ନିକାଣ୍ଡରେ ଗ୍ୟାରେଜ ଭିତରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ପୋଡି ଯାଇଥିବା ମାଲିକ ମହେନ୍ଦ୍ର କହିଛନ୍ତି।
