ପଦ୍ମପୁର, ୨।୮(ଡି.ଏନ୍.ଏ.): ଭଦ୍ରକ ଜିଲା ସଦର ବ୍ଲକ ଅଧୀନ ସାବରଙ୍ଗ ଫାଣ୍ଡି କନଷ୍ଟେବଳ ରଜତ ପାଣିଗ୍ରାହୀଙ୍କ ଉପରେ ଗାଡ଼ି ଚଢ଼ାଇ ହତ୍ୟା ଉଦ୍ୟମ ଘଟଣାରେ ଗୁରୁବାର ମଧ୍ୟ ରାତିରେ ଭଦ୍ରକ ଗ୍ରାମାଞ୍ଚଳ ପୋଲିସ ଗାଡ଼ି ମାଲିକଙ୍କୁ ଗିରଫ କରିଛି। ସେ ହେଲେ ଫକିରୁଦ୍ଦିନ ଖାନ୍ ଓରଫ୍ ଫକ। ଶୁକ୍ରବାର ତାଙ୍କୁ କୋର୍ଟଚାଲାଣ କରାଯାଇଛି।
ସୂଚନା ଅନୁଯାୟୀ, ଭଦ୍ରକ ଜିଲା ସଦର ବ୍ଲକ ଅଧୀନ ସାବରଙ୍ଗ ଫାଣ୍ଡି କନଷ୍ଟେବଳ ରଜତ ଗତ ୨୦ ତାରିଖରେ ଚୋରା କୋଇଲା ଗାଡ଼ି ଅଟକାଉଥିବା ବେଳେ ତାଙ୍କ ଉପରେ ଗାଡ଼ି ଚଢ଼ାଇ ହତ୍ୟା ଉଦ୍ୟମ ହୋଇଥିଲା। ଗୁରୁବାର ମଧ୍ୟରାତ୍ରରେ ଫକିରୁଦ୍ଦିନ ଭଦ୍ରକ ବୁଧବାର ହାଟ ନିକଟସ୍ଥ ଏକ ମସ୍ଜିଦ୍ ପାଖରେ ବୁଲୁଥିବା ସୂଚନା ପାଇ ଗ୍ରାମାଞ୍ଚଳ ପୋଲିସ ଚଢ଼ାଉକରି ତାଙ୍କୁ ଗିରଫ କରିଛି। ପୂର୍ବରୁ ଏ ନେଇ ଗ୍ରାମାଞ୍ଚଳ ଥାନାରେ ଏକ ମାମଲା ନଂ. ୩୭୬/୧୯ ରୁଜୁ ହୋଇଥିଲା। ଘଟଣାର ୧୦ ଦିନ ପରେ ଅଭିଯୁକ୍ତଙ୍କୁ ଧରାଯାଇ ନ ଥିବା ଖବର ଗତ ୩୦ ତାରିଖରେ ଧରିତ୍ରୀ ଖବରକାଗଜରେ ପ୍ରକାଶ ପାଇଥିଲା। ଏହାର ଠିକ୍ ୨ ଦିନ ପରେ ପୋଲିସ ଗାଡ଼ି ମାଲିକଙ୍କୁ ଗିରଫ କରିଛି। ଗାଡ଼ି ଚାଳକ ଏବେ ସୁଦ୍ଧା ଫେରାର ଥିବା ଜଣାପଡ଼ିଛି।
