କେନ୍ଦୁଝର, ୧୮।୯( ସ୍ବ.ପ୍ର.)-ବ୍ରିଟିଶ ଅମଳର ୧୩୩୯ ମସିହାର ଏକ ଟ୍ରକ ଏବେ ବି ପୂଜା ପାଉଛି। କଥାଟି ଶୁଣିବାକୁ ଆଶ୍ଚର୍ଯ୍ୟ ଲାଗୁ ଥିଲେ ହେଁ ଏହା ସତ୍ୟ। ଦେବଶିଳ୍ପୀ ବିଶ୍ୱକର୍ମା ପୂଜା ଅବସରରେ ପ୍ରତ୍ୟେକ ବର୍ଷ କେନ୍ଦୁଝର ଜିଲାର ବଲାଣି ଖଣି ଡାକ୍ତରଖାନା ସମ୍ମୁଖରେ ପଡିରହିଥିବା ଏହି ଗାଡିକୁ ପ୍ରତ୍ୟେକ ବର୍ଷ ପୂଜା କରିଥାନ୍ତି ଏକ ଶିଖ୍ ପରିବାର। ବଡ଼ବିଲ ଅଞ୍ଚଳର ଗୁରୁଚରଣ ସିଂଙ୍କ ପରିବାର ପ୍ରତ୍ୟେକ ବର୍ଷ ଗାଡି ନିକଟରେ ପହଞ୍ଚି ଏହାକୁ ପାଣିରେ ସଫା କରି ଫୁଲ ଝାଲର ଲଗାଇ ପୂଜା କରିଥାନ୍ତି। ୧୩୩୯ର ଏହି ଟ୍ରକଟିକୁ ଗୁରୁଚରଣ ସିଂହଙ୍କ ଜେଜେ ବାପା ପାଲ ସିଂହ କିଣି ଥିବାବେଳେ ସେବେ ଠାରୁ ଏହା ବଲାଣି ଲୌହ ଖଣିରେ ଚାଲୁଥିଲା। ପରେ ଏହି ଗାଡି ଟିକୁ ତାଙ୍କ ପୁଅ ଲାଖା ସିଂହ ଦେଖା ଶୁଣା କରୁଥିଲେ। ପରେ ଏହି ଗାଡି ଆଉ ଚାଲିବା ଯୋଗ୍ୟ ନ ରହିବାରୁ ତାକୁ ଏକ ସୁରକ୍ଷିତ ଜାଗାରେ ରଖି ପ୍ରତ୍ୟେକ ବର୍ଷ ବିଶ୍ୱକର୍ମା ପୂଜାରେ ପୂଜା କରନ୍ତି। ତେବେ ଗତ ବର୍ଷ ଲାଖା ସିଂହଙ୍କ ପରଲୋକ ହେବା ପରେ ଏହି ପରମ୍ପରାକୁ ତାଙ୍କ ପରିବାର ଲୋକେ ବଜାୟ ରଖିଛନ୍ତି ବୋଲି ଗାଡି ମାଲିକଙ୍କ ନାତିମାନେ କହିଛନ୍ତି। ଏକଦା ଏହି ଟ୍ରକ ତାଙ୍କ ପରିବାର ପାଇଁ ରୋଜଗାରର ମାଧ୍ୟମ ସାଜିଥିଲା। ଏଣୁ ଏବେ ଅଲୋଡା ହୋଇଯାଇଥିଲେ ହେଁ ଏହାକୁ ସେମାନେ ଅଣଦେଖା କରି ପାରୁନାହାନ୍ତି।
