ବଡ଼ସାହି,୧୯ା୩(ସ୍ବ.ପ୍ର)- ବ୍ୟାଙ୍କ ଏଟିଏମ୍ରେ ଜାଲ ନୋଟ ଭର୍ତ୍ତି କରିବା ଅଭିଯୋଗରେ ମୟୂରଭଞ୍ଜ ଜିଲା ବଡ଼ସାହି ଥାନା ପୋଲିସ ବୁଧବାର ଜଣଙ୍କୁ ଗିରଫ ପରେ କୋର୍ଟ ଚାଲାଣ କରିଛି। ଅଭିଯୁକ୍ତ ହେଲେ ଛେଳିଆ(ବି) ଗ୍ରାମର ପୂର୍ଣ୍ଣଚନ୍ଦ୍ର ଜେନା। ପୋଲିସ ସୂଚନା ଅନୁଯାୟୀ, ବଡ଼ସାହି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଶାଖାରେ ଥିବା ଏଟିଏମ୍ ମେଶିିନରେ ୫ଟି ୫ଶହ ଟଙ୍କିଆ ଜାଲ ନୋଟକୁ ପୂର୍ଣ୍ଣଚନ୍ଦ୍ର ଭର୍ତ୍ତି କରିଥିଲେ ା ମେଶିନଟି ବାରମ୍ବାର ସେହି ନୋଟ ଗୁଡିକୁ କାଢି ଦେଉଥିବା ବେଳେ ୪ର୍ଥ ଥରରେ ତାହା ଯାଇ ରିଜେକ୍ଟ ଚାମ୍ବରରେ ରହିଥିଲା ା ବ୍ୟାଙ୍କ କର୍ମଚାରୀ ଟଙ୍କା ଭର୍ତ୍ତି କରିବାକୁ ଯାଇଥିବା ବେଳେ ଏହି ରିଜେକ୍ଟ ଚାମ୍ବରକୁ ଦେଖି ଜାଲ ନୋଟ ଭର୍ର୍ତ୍ତି କରିଥିବା ବ୍ୟକ୍ତିଙ୍କ ସମ୍ପର୍କରେ ତଥ୍ୟ ଅନୁସନ୍ଧାନ କରିଥିଲେ ା ବ୍ୟାଙ୍କ ଆକାଉଣ୍ଟ ନମ୍ବରରେ ଅଭିଯୁକ୍ତଙ୍କ ବିରୋଧରେ ପ୍ରମାଣ ମିଳିବା ପରେ ଶାଖା ପରିଚାଳକ ବଡ଼ସାହି ଥାନାରେ ଏକମାସ ପୂର୍ବେ ଏତଲା ଦେଇଥିଲେ ା ଏତାଲାକୁ ଭିତ୍ତିକରି ପୋଲିସ ଏକ ମାମଲା (ନଂ.୭/୨୦୨୦) ରୁଜୁ କରି ତଦନ୍ତ ଚଳାଇଥିଲା। ବୁଧବାର ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
