ଭାରତରେ ବହୁ ସମୟରେ ଛୋଟ ଛୋଟ ଏନ୍ଜିଓଗୁଡ଼ିକ ଆର୍ଥିକ ସଙ୍କଟର ସମ୍ମୁଖୀନ ହେବା ସହ ଲୋକଙ୍କୁ ଆବଶ୍ୟକ ସାମଗ୍ରୀ ଯୋଗାଇବାରେ ବିଫଳ ହୋଇଥାନ୍ତି। ଏଭଳି କେତେକ ଏନ୍ଜିଓକୁ ସହାୟତାର ହାତ ବଢ଼ାଇଛନ୍ତି ବେଙ୍ଗାଲୁରୁର ଅନୁଷ୍କା ଜୈନ। ଏସବୁ ଏନ୍ଜିଓ ନିକଟରେ ଲୋକଙ୍କ ଦାନ କିଭଳି ସହଜ ଓ ସରଳରେ ପହଞ୍ଚିପାରିବ ସେଥିପାଇଁ ସେ ଏକ ସଫଳ ଅଭିଯାନ ଚଳାଇଛନ୍ତି। ସେ ‘ଶେୟାର ଆଟ୍ ଡୋର ଷ୍ଟେପ୍’ ନାମକ ଏକ ସାମାଜିକ ସଂସ୍ଥା ଗଠନ କରି ତା’ମାଧ୍ୟମରେ ଘରଗୁଡ଼ିକରୁ ପୋଷାକ, ଖେଳନା, ବହି ଏବଂ ପୁରୁଣା ଫ୍ରିଜ୍, ଓ୍ବାଶିଂ ମେଶିନ ଇତ୍ୟାଦି ସାମଗ୍ରୀ ସଂଗ୍ରହ କରି ସେଗୁଡ଼ିକୁ ଦେଶର ବିଭିନ୍ନ ସ୍ଥାନରେ ଥିବା ବିଭିନ୍ନ ଏନ୍ଜିଓ ନିକଟରେ ପହଞ୍ଚାଉଛନ୍ତି। ସେ ଏଥିପାଇଁ ଏକ େଓବ୍ସାଇଟ ଖୋଲିଛନ୍ତି ଓ ଏଥିରେ ସହରର ଲୋକମାନେ ଦାନ ଦେବାକୁ ଚାହଁୁଥିବା ଜିନିଷ ପଞ୍ଜୀକରଣ କରୁଛନ୍ତି। ପରେ ଅନୁଷ୍କା ସେଗୁଡ଼ିକୁ ସ୍ବେଚ୍ଛାସେବୀମାନଙ୍କ ମାଧ୍ୟମରେ ସକାଳୁ ଯାଇ ଆଣୁଛନ୍ତି। ଏବେସୁଦ୍ଧା ସେ ଦେଶର ୧୩୫ଟି ଏନ୍ଜିଓକୁ ବିଭିନ୍ନ ସାମଗ୍ରୀ ବଣ୍ଟନ କରିସାରିଲେଣି। ସେ ୧୦ ଲକ୍ଷରୁ ଊର୍ଦ୍ଧ୍ୱଦାନ ଗ୍ରହଣ କରିସାରିଛନ୍ତି। କେବଳ ବେଙ୍ଗାଲୁରୁ ନୁହେଁ ଭାରତର ଅନ୍ୟ କେତୋଟି ସହରରେ ଏହି କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହିି ପ୍ରକ୍ରିୟାକୁ ବିଦେଶକୁ ସମ୍ପ୍ରସାରିତ କରିବାକୁ ଯୋଜନା କରିଛନ୍ତି।
