ଶିଶୁସ୍ବାସ୍ଥ୍ୟ କ୍ଷେତ୍ରରେ ଉନ୍ନତି ଆଣିବାରେ ଜଗଦୀପ ଗମ୍ଭୀରଙ୍କ ପ୍ରୟାସ ବେଶ୍ ପ୍ରେରଣାଦାୟକ। ଇଣ୍ଡିଆନ୍ ସ୍କୁଲ୍ ଅଫ୍ ବିଜ୍ନେସରୁ ଶିକ୍ଷା ଶେଷ କରି ସେ ଚାକିରି କରିଥିଲେ। କିନ୍ତୁ ପରେ ଚାକିରି ଛାଡିି ‘କର୍ମା ହେଲ୍ଥକେୟାର’ ସଂସ୍ଥା ଗଠନ କରି ତା’ମାଧ୍ୟମରେ ଦୁର୍ଗମ ଅଞ୍ଚଳରେ ସ୍ବାସ୍ଥ୍ୟସେବା ଯୋଗାଇ ଦେଉଛନ୍ତି। ଏହି ସଂସ୍ଥା ସେ ୨୦୧୪ରେ ରାଜସ୍ଥାନ ଉଦୟପୁରରେ ପ୍ରତିଷ୍ଠା କରି ତା’ମାଧ୍ୟମରେ ଇ-ଡକ୍ଟର କ୍ଲିନିକ ଆରମ୍ଭ କରିଥିଲେ। ନର୍ସମାନେ ଏହି କ୍ଲିନିକ୍୍ରେ ଶିଶୁମାନଙ୍କର ପ୍ରାଥମିକ ସ୍ବାସ୍ଥ୍ୟ ପରୀକ୍ଷା କରୁଛନ୍ତି। ଭିଡିଓ କନ୍ଫରେନ୍ସରେ ସଂସ୍ଥା ଦ୍ୱାରା ସ୍ବୀକୃତିପ୍ରାପ୍ତ ଡାକ୍ତରଙ୍କ ସହ ଯୋଗାଯୋଗ କରାଯାଉଛି। କ୍ଲିନିକ୍ରେ ପରୀକ୍ଷା ଲାଗି ଡାଇଗ୍ନୋଷ୍ଟିକ ଲାବ୍ ବ୍ୟବସ୍ଥା ମଧ୍ୟ ରହିଛି। କେବଳ ଏତିକି ନୁହେଁ ଓ୍ୟଷଧ ଦେବା ଲାଗି ଫାର୍ମାସିଷ୍ଟ ମଧ୍ୟ ନିଯୁକ୍ତି ପାଇଛନ୍ତି। କ୍ଲିନିକ୍ ଚଳାଇବା ଲାଗି ଗମ୍ଭୀର ପ୍ରଥମେ ସବୁ ଖର୍ଚ୍ଚ ନିଜ ପକେଟରୁ କରୁଥିଲେ। ଏବେ ଅନ୍ୟ ସଂସ୍ଥାଗୁଡିକ ଆର୍ଥିକ ସହାୟତା ଯୋଗାଇ ଦେଉଛନ୍ତି। ଗତ ୬ ବର୍ଷ ମଧ୍ୟରେ କର୍ମା ହେଲ୍ଥ କେୟାର ୩୫ଟି ଇ-ଡକ୍ଟର କ୍ଲିନିକ୍ ପ୍ରତିଷ୍ଠା କରିପାରିଛି। ହରିୟାଣା, ରାଜସ୍ଥାନ ଏବଂ ମଧ୍ୟପ୍ରଦେଶର ଦୁର୍ଗମ ଅଞ୍ଚଳର ୩୫ଟି ଗାଁରେ ଏହା କରାଯାଇଛି। ଏଯାବତ ଏହି କ୍ଲିନିକ୍ରେ ଦେଢ଼ ଲକ୍ଷ ଶିଶୁ ଚିକିତ୍ସିତ ହୋଇସାରିଲେଣି। ଡାକ୍ତର, ନର୍ସ ଓ ଅନ୍ୟ କର୍ମଚାରୀଙ୍କୁ ନେଇ ମୋଟରେ ୯୨ ଜଣ କ୍ଲିନିକ୍ଗୁଡିକରେ କାର୍ଯ୍ୟ କରୁଛନ୍ତି। ଲକ୍ଡାଉନ୍ରେ ଶିଶୁମାନେ ଚିକିତ୍ସାରୁ କେମିତି ବଞ୍ଚିତ ନ ହେବେ ସେଥିପାଇଁ ଭିନ୍ନ ଉପାୟ କରିଛନ୍ତି। ଏହି ସମୟରେ ଡାକ୍ତରଙ୍କ ସହ ଭିଡ଼ିଓ କଲ୍ ମାଧ୍ୟମରେ ଯୋଗଯୋଗ କରିବାର ବ୍ୟବସ୍ଥା କରାଯିବା ସହ ଇ-କ୍ଲିନିକ୍ରୁ ଘରେ ଓ୍ୟଷଧ ପହଞ୍ଚାଇ ଦିଆଯାଉଛି। ଏଥିପାଇଁ ସେ ୨୪ ଘଣ୍ଟିଆ ସେବା ଯୋଗାଇ ଦେଉଛନ୍ତି।
