ଅସୁସ୍ଥ ଘୋଡ଼ାର ଚିକିତ୍ସା କଲେନି:ମରିବାକୁ ଛାଡ଼ିଦେଇ ମାଲିକ ପାର୍‌

ଅନୁଗୋଳ ଅଫିସ, ୨।୮- ପଶୁ ହେଲେ ବି ଜୀବନ ଅଛି। ଯନ୍ତ୍ରଣାରେ ଛଟପଟ ହେଉଛି। ଏପରି ଅବସ୍ଥାରେ ତା’ର ଯତ୍ନ ଜରୁରୀ। ହେଲେ ଅବିବେକୀ ମାଲିକ ଜଣକ ଏହା ବୁଝିଲେନି। ଅସୁସ୍ଥ ଘୋଡ଼ାର ଚିକିତ୍ସା ପରିବର୍ତ୍ତେ ମରିବାକୁ ଛାଡ଼ିଦେଇ ଅନ୍ୟ ଘୋଡ଼ା ନେଇ ଅନ୍ୟତ୍ର ଚାଲିଗଲେ। ଅନୁଗୋଳ ରନ୍ତଲେଇ ଅଞ୍ଚଳରେ ଘଟିଥିବା ଏପରି ଏକ ଘଟଣା ଏବେ ଚର୍ଚ୍ଚାର ବିଷୟ ହୋଇଛି।
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ମଧ୍ୟପ୍ରଦେଶରୁ ୪ଟି ଘୋଡ଼ା ଧରି ଜଣେ ବ୍ୟକ୍ତି କିଛିଦିନ ତଳେ ଅନୁଗୋଳ ଆସିଥିଲେ। ସେ ପଞ୍ଚମହଲା ଠାରେ ଥିବା ଘାସ ଫାର୍ମ ପାଖରେ ଅସ୍ଥାୟୀ କ୍ୟାମ୍ପ କରି ମଧ୍ୟ ରହୁଥିଲେ। ବିବାହ କାର୍ଯ୍ୟରେ ଘୋଡ଼ା ବ୍ୟବହାର କରି ବେଶ୍‌ ଭଲ ରୋଜଗାର କରୁଥିଲେ। ୧୫ ଦିନ ତଳେ ଗୋଟିଏ କଳା ଘୋଡ଼ା ଅସୁସ୍ଥ ହୋଇପଡ଼ିଥିଲା। ଚିକିତ୍ସା କରି ଯନ୍ତ୍ରଣାମୁକ୍ତ କରିବା ପରିବର୍ତ୍ତେ ମାଲିକ ଜଣକ ତାକୁ ଖୋଲି ଦେଇଥିଲେ। ଅସୁସ୍ଥ ତଥା ଅସହାୟ ଅବସ୍ଥାରେ ଏଣେତେଣେ ବୁଲାବୁଲି କରୁଥିବା ଘୋଡ଼ାକୁ ଦେଖି ରନ୍ତଲେଇ ଜଙ୍ଗଲସାହି ଲୋକେ ଚିକିତ୍ସା ପାଇଁ ଉଦ୍ୟମ କରିଥିଲେ। ହେଲେ ସେମାନେ ବିଫଳ ହୋଇଥିଲେ। ଶେଷରେ ଅସୁସ୍ଥ ଘୋଡ଼ାଟି ଜାତୀୟ ରାଜପଥ ପାର୍ଶ୍ୱରେ ୨ ଦିନ ଧରି ପଡ଼ି ଛଟପଟ ହେବା ପରେ ଆଖିବୁଜି ଦେଲା। ଏହା ଜାଣିବା ପରେ କିଛି ଲୋକ ଘାସଫାର୍ମ ନିକଟକୁ ଆସି ମାଲିକଙ୍କୁ ଖୋଜାଖୋଜି କରିଥିଲେ ବି ସେ ଅନ୍ୟ ୩ଟି ଘୋଡ଼ା ଧରି ସେ କଟକ ଚାଲିଯାଇଥିବା ଜଣାପଡ଼ିଥିଲା। ହୃଦୟହୀନ ମାଲିକଙ୍କ ଏପରି କାର୍ଯ୍ୟକୁ ସାଧାରଣରେ ସମାଲୋଚନା କରାଯାଇଥିବା ବେଳେ ଗୃହପାଳିତ ପଶୁଙ୍କ ଉପରେ କିଛି କର୍ତ୍ତୃତ୍ୱ ନ ଥିବା ବନ ବିଭାଗ କହିଛି। ସେହିପରି ପ୍ରାଣୀଧନ ଚିକିତ୍ସା ବିଭାଗର ଜଣେ ଅଧିକାରୀ କହିଛନ୍ତି, ବିଭିନ୍ନ କାରଣରୁ ଘୋଡ଼ା ରୋଗଗ୍ରସ୍ତ ହୋଇପଡ଼ିଥାଏ। ବିଶେଷକରି ଖାଦ୍ୟ ଠିକ୍‌ ଭାବେ ଦିଆ ନ ଯିବା, କୃମି ଓ ଟିବି ରୋଗ ହେଲେ ଘୋଡ଼ା ଦୁର୍ବଳ ହୋଇପଡ଼ିଥାଏ। ତେବେ ଆବଶ୍ୟକ ଚିକିତ୍ସା କରାଗଲେ ରୋଗ ଭଲ ହୋଇଥାଏ। କିନ୍ତୁ ଚିକିତ୍ସା ନ କରି ଯେ କୌଣସି ଅସୁସ୍ଥ ଗୃହପାଳିତ ପଶୁଙ୍କୁ ରାସ୍ତାରେ ଛଟପଟ ହେବାକୁ ଛାଡ଼ିଦେବା ନିଶ୍ଚିତ ଏକ ଅପରାଧ। ହେଲେ ଏହି ଆଇନକୁ କେବେ କିଏ ପାଳନ କରିଥିବା ଦେଖାଯାଇନାହିଁ। ସେଥିପାଇଁ ଅନେକ ସମୟରେ ଏପରି ହୃଦୟହୀନ କାର୍ଯ୍ୟ କରାଯାଉଥିବା ଅଧିକାରୀ ଜଣକ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

ମା’ ସମଲେଶ୍ୱରୀଙ୍କ ଦର୍ଶନ କରି ଆଶୀର୍ବାଦ ନେଲେ ବବି

ସମ୍ବଲପୁର,୨୯ା୩: ସମ୍ବଲପୁର ଲୋକ ସଭା ଆସନରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି)ଙ୍କ ନାଁ ଘୋଷଣା କରିବା ପରେ...

ଶ୍ୱଶୁରଙ୍କୁ ଛୁରି ଭୁସି ହତ୍ୟା କଲେ ଜ୍ୱାଇଁ

କୋରାପୁଟ,୨୯ା୩: ଶ୍ୱଶୁରଙ୍କୁ ଛୁରି ଭୁସି ଜ୍ୱାଇଁ  ହତ୍ୟା କରିଥିବା ଅଭିଯୋଗ ହୋଇଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କୋରାପୁଟ ଜିଲା ନାରାୟଣପାଟଣା ଥାନା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri