Posted inରାଜ୍ୟ

ଅପହୃତା ନାବାଳିକା ଭୁବନେଶ୍ୱରରୁ ଉଦ୍ଧାର: ଅଭିଯୁକ୍ତ ଯୁବକ ଗିରଫ

ନୟାଗଡ଼ ଅଫିସ/ରଣପୁର,୨୦ା୭(ସ୍ବ.ପ୍ର.): ନୟାଗଡ଼ ଜିଲା ଚାନ୍ଦପୁର ଥାନା ଅଞ୍ଚଳରୁ ଅପହୃତ ଜଣେ ନାବାଳିକାଙ୍କୁ ପୋଲିସ ଶୁକ୍ରବାର ଭୁବନେଶ୍ୱର କ୍ୟାପିଟାଲ ହସ୍ପିଟାଲ ପରିସରରୁ ଉଦ୍ଧାର କରିଛି। ଏଥିସହିତ ଅପହରଣକାରୀ ଯୁବକଙ୍କୁ ମଧ୍ୟ ପୋଲିସ ଗିରଫ କରିଛି। ସେ ହେଲେ ଶଙ୍କର ଭୋଇ। ଶଙ୍କରଙ୍କ ନିର୍ଦ୍ଦିଷ୍ଟ ପରିଚୟ ନ ଥିବାବେଳେ ସେ ପୂର୍ବରୁ ଗିରଫ ସମୟରେ ନିଜ ଘର ଉତ୍ତରପ୍ରଦେଶ, ଖୋର୍ଦ୍ଧା ତ ଆଉ କେତେବେଳେ ନୟାଗଡ଼ ବୋଲି କହୁଥିଲେ। ତାଙ୍କ ନାମରେ ପୂର୍ବରୁ ୬ଟି ଥାନାରେ ଏହିଭଳି ମାମଲା ରହିଛି। ଶୁକ୍ରବାର ସନ୍ଧ୍ୟାରେ ଏସ୍‌ପି ଶଶିଭୂଷଣ ଶତପଥୀ ଏକ ଖବରଦାତା ସମ୍ମିଳନୀ କରି ଏହି ସୂଚନା ଦେଇଛନ୍ତି।
ଶଙ୍କର ସାମାନ୍ୟ ଦିବ୍ୟାଙ୍ଗ ହୋଇଥିବା ବେଳେ କୌଣସି କାମଧନ୍ଦା କରନ୍ତି ନାହିଁ। ସହଜ ଉପାୟରେ ପଇସା କମାଇବା ପାଇଁ ସେ ବିଭିନ୍ନ ସ୍ଥାନରୁ ପିଲାଙ୍କୁ ଚୋରି କରି ଭିକ୍ଷାବୃତ୍ତିରେ ନିୟୋଜିତ କରନ୍ତି। ଗତ ୬ ତାରିଖରେ ଚାନ୍ଦପୁର ଅଞ୍ଚଳରେ ଖେଳୁଥିବା ସମୟରେ ସେ ଜଣେ ନାବାଳିକାଙ୍କୁ ଅପହରଣ କରିନେଇଥିଲେ। ପରିବାର ସହ ରହୁଥିବା ନାବାଳିକା ଦ୍ୱିତୀୟ ଶ୍ରେଣୀରେ ପଢନ୍ତି। ସେ ତାଙ୍କ ଭାଇ ସହ ଖେଳୁଥିବାବେଳେ ଶଙ୍କର ଓ ଅନ୍ୟଜଣେ ଯୁବକ ବାଇକ୍‌ରେ ସେଠାରେ ପହଞ୍ଚତ୍ଥିଲେ। ମଧ୍ୟାହ୍ନ ସାଢେ ୧୨ଟା ସମୟରେ ଶଙ୍କର ଚକୋଲେଟ୍‌ ଦେବା ପାଇଁ ନାବାଳିକାଙ୍କୁ ଡାକି ନାକରେ କିଛି ଶୁଙ୍ଘାଇ ତାଙ୍କୁ ନେଇ ପଳାଇ ଯାଇଥିଲେ। ତାଙ୍କ ଭାଇ ଘରକୁ ଫେରି ଘଟଣା ସମ୍ପର୍କରେ ପରିବାର ଲୋକଙ୍କୁ କହିଥିଲେ। ସେମାନେ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ ମଧ୍ୟ ଝିଅର ସନ୍ଧାନ ପାଇପାରି ନ ଥିଲେ। ରାତିରେ ତାଙ୍କ ବାପା ଥାନାକୁ ଯାଇ ଝିଅକୁ କେହି ଦୁର୍ବୃତ୍ତ ଅପହରଣ କରିନେଇଥିବା ଅଭିଯୋଗ କରିଥିଲେ। ଚାନ୍ଦପୁର ପୋଲିସ ଏକ ମାମଲା (ନଂ.୬୯/୧୯) ରୁଜୁ କରି ତଦନ୍ତ ଚଳାଇଥିଲା। ଶଙ୍କର ନାବାଳିକାଙ୍କୁ ବିଭିନ୍ନ ସ୍ଥାନରେ ବୁଲାଇ ଭିକ୍ଷାବୃତ୍ତି କରାଉଥିଲେ। ଜିଲା ପୋଲିସ ତରଫରୁ ୪ଟି ଟିମ୍‌ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା। ପୋଲିସ ପୂର୍ବରୁ ପୁରୀ ଓ ବିଶାଖାପାଟଣାରେ ଚଢ଼ାଉ କରିଥିଲେ ମଧ୍ୟ ଶଙ୍କର ଫେରାର ହେବାରେ ସକ୍ଷମ ହୋଇଥିଲେ। ଦିବ୍ୟାଙ୍ଗ ହୋଇଥିବାରୁ ଲୋକଙ୍କ ଅନୁକମ୍ପା ତାଙ୍କ ପାଖକୁ ଯାଏ। ଏହା ସହିତ ଛୋଟ ପିଲାଙ୍କୁ ନିଜ ପାଖରେ ରଖିଥିବାରୁ ଭିକ୍ଷା ମାଗିବାରେ ସହଜ ହୋଇଥାଏ। ପୂର୍ବରୁ ଶଙ୍କରଙ୍କ ନାମରେ ପୁରୀ ଜିଲା ଗଡ଼ିଆସାହି, ଖୋର୍ଦ୍ଧା ଟାଉନ ଥାନା, ଖୋର୍ଦ୍ଧା ସଦର ଥାନା, ବାଲୁଗାଁ ଥାନା, ବଡ଼ଗଡ଼ ଥାନା ଓ ଟାଙ୍ଗୀ ଥାନାରେ ପିଲାଙ୍କୁ ଅପହରଣ କରିଥିବା ନେଇ ମାମଲା ରୁଜୁ ହୋଇଛି। ସମସ୍ତ ମାମଲାରେ ଶୁଣାଣି ହୋଇ ସେ ଜେଲ୍‌୍‌ ଯାଇଛନ୍ତି। ଜେଲ୍‌ରୁ ମୁକୁଳିବା ପରେ ସେ ଏହିଭଳି କରନ୍ତି ବୋଲି ଖବରଦାତା ସମ୍ମିଳନୀରେ ସୂଚନା ଦିଆଯାଇଥିଲା। ପୋଲିସ ଚାନ୍ଦପୁର ଅଞ୍ଚଳର ଏକ ବିଦ୍ୟାଳୟର ସିସିଟିଭି ଫୁଟେଜକୁ ଦେଖି ଅଭିଯୁକ୍ତଙ୍କ ପତ୍ତା ପାଇଥିଲା। ଶୁକ୍ରବାର ଅପରାହ୍ନ ସମୟରେ କ୍ୟାପିଟାଲ ହସ୍ପିଟାଲ ପରିସରରେ ନାବାଳିକା ଓ ଶଙ୍କର ବୁଲୁଥିବା ବେଳେ ଭୁବନେଶ୍ୱର ପୋଲିସ ସହାୟତାରେ ନୟାଗଡ଼ ଜିଲା ପୋଲିସ ସେମାନଙ୍କୁ ଉଦ୍ଧାର କରିଥିଲା। ଉଦ୍ଧାର ନାବାଳିକାଙ୍କୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ବେଳେ ଶଙ୍କରକୁ ଶନିବାର କୋର୍ଟ ଚାଲାଣ କରାଯିବ। ଅନ୍ୟମାନଙ୍କ ମଧ୍ୟରେ ଖବରଦାତା ସମ୍ମିଳନୀରେ ଶରଣକୁଳ ଏସ୍‌ଡ଼ିପିଓ ସେଲଭିସ୍‌ ଟପ୍ନୋ ଓ ଚାନ୍ଦପୁର ଥାନା ଅଧିକାରୀ ଗିରିଜା ନନ୍ଦନ ପଟ୍ଟନାୟକ ଉପସ୍ଥିତ ଥିଲେ। ସୂଚନାଯୋଗ୍ୟ, ଦୀର୍ଘ ୧୨ଦିନ ପରେ ମଧ୍ୟ ଝିଅର ସନ୍ଧାନ ନ ପାଇ ପରିବାର ଲୋକେ ଦୁଃଖରେ ଭାଙ୍ଗିପଡିଥିଲେ। ସେମାନେ ପୋଲିସର ଅବହେଳାକୁ ଦାୟୀ କରି ଗୁରୁବାର ସକାଳ ୯ଟାରେ ଚାନ୍ଦପୁର ଥାନା ଆଗରେ ଶାନ୍ତିପୂର୍ଣ୍ଣ ଭାବେ ଧାରଣା ଦେଇଥିଲେ। ଏପରି କି ଆଗାମୀ ଦିନରେ ଗ୍ରାମବାସୀଙ୍କ ସହିତ ଥାନା ଘେରାଉ କରାଯିବାକୁ ଯୋଜନା କରିଥିଲେ। ଏହାକୁ ଦୃଷ୍ଟିରେ ରଖି ପୋଲିସ ପ୍ରଶାସନ ତତ୍ପରତା ଦେଖାଇ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଥିବା ରଣପୁର ଅଞ୍ଚଳରେ ଆଲୋଚନା ହେଉଛି।


Enter your email to get our daily news in your inbox.

All Right Reserved By Dharitri.Com

ତାମିଲନାଡ଼ୁରେ ବନ୍ଧକ ଥିବା ଦାଦନ ଶ୍ରମିକଙ୍କୁ ଉଦ୍ଧାର କଲେ ସ୍ବାସ୍ଥ୍ୟମନ୍ତ୍ରୀ: ପରିବାରରେ ଖୁସିର ଲହରୀ

କେସିଙ୍ଗା,୧୮।୧୧(ତୁମେଶ୍ୱର ସାହୁ): ଦୀର୍ଘଦିନ ଧରି ତାମିଲନାଡ଼ୁର ଏକ ଡିଟରଜେଣ୍ଟ କାରଖାନାରେ ବନ୍ଧକ ଥିବା କଳାହାଣ୍ଡି ଜିଲାର ଦାଦନ ଶ୍ରମିକ ଦିନେଶ ମାଝୀ ଶେଷରେ ଉଦ୍ଧାର ହୋଇ ନିଜ…

ଚାଲାଣ ବେଳେ ୫୦ କଇଁଛ ଜବତ, ୨ ଗିରଫ

କାଲିମେଳା, ୧୯।୧୧ (ଜୀବନ କୃଷ୍ଣ ଦାସ): ବେଆଇନ ଭାବେ କଇଁଛ ଚୋରା ଚାଲାଣ ବେଳେ ମାଲକାନଗିରି ଜିଲା କାଲିମେଳା ବନ ବିଭାଗ ଟିମ୍‌ ଚଢ଼ାଉ କରି ୫୦ଟି…

ଶୋକ ପ୍ରସ୍ତାବରୁ ଆରମ୍ଭ ହେଲା ବିଧାନସଭା, ପରେ କମ୍ପିଲା ଗୃହ, ଆଉ ତା’ ପରେ…

ଭୁବନେଶ୍ୱର,୧୮ା୧୧: ବୁଧବାର ଆରମ୍ଭ ହୋଇଛି ଶୀତ ଅଧିବେଶନ। ଡିସେମ୍ବର ୩୧ ପର୍ଯ୍ୟନ୍ତ ଏହା ଚାଲିବ। ଶୀତ ଅଧିବେଶନରେ ମୋଟ ୩୩ଟି କାର୍ଯ୍ୟଦିବସ ରହିଛି। ଆରମ୍ଭରେ ମୁଖ୍ୟମନ୍ତ୍ରୀ ମୋହନ…

୫୭ ବର୍ଷର ଅପେକ୍ଷାର ହେବ କି ଅନ୍ତ! ଚିନ୍ତାଜନକ ଭାରତୀୟ ଦଳର ଟେଷ୍ଟ ରେକର୍ଡ

ନୂଆଦିଲ୍ଲୀ,୧୮।୧୧:ନ୍ୟୁଜିଲାଣ୍ଡ ଗସ୍ତରେ ରହିଛି ଭାରତୀୟ କ୍ରିକେଟ ଦଳ। ଟି-୨୦ ଓ ଦିନିକିଆ ସିରିଜ୍‌ର ରୋମାଞ୍ଚ ଶେଷ ହେବା ପରେ ଏବେ ଆରମ୍ଭ ହେବ ଟେଷ୍ଟ ସିରିଜ୍‌ର ଲଢ଼େଇ।…

ଘରବାରଣ୍ଡାରେ ସିନ୍ଦୂରଲଗା ମଣିଷ ଖପୁରି

ନୟାଗଡ଼/ଭାପୁର, ୧୮।୧୧(ଲୋକନାଥ ମିଶ୍ର/ପ୍ରଭାତ ବରାଡ): ବାରିପଟ ଘର ବାରଣ୍ଡାରେ ପଡିଥିଲା ସିନ୍ଦୂର ଲାଗିଥିବା ମଣିଷ ଖପୁରି। ପ୍ରାୟ ୨ମାସ ହେଲା ବିଷ୍ଠା ଓ ଆବର୍ଜନା ବାରଣ୍ଡାରେ ପଡୁଥିବାବେଳେ…

ସୁନାର ରାସ୍ତାରେ ଚାଲିବେ ଲୋକେ, ଖୁବ୍‌ଶୀଘ୍ର ୨୪ କ୍ୟାରେଟ୍‌ ସୁନାରେ ହେବ ତିଆରି, ଜାଣନ୍ତୁ ପୂରା ପ୍ଲାନିଂ…

ଦୁବାଇ,୧୮ା୧୧: ଏଣିକି ଲୋକେ ଆଉ ପିଚୁ ରାସ୍ତାରେ ଚାଲିବେନି। ଏଥର ନିର୍ମାଣ ହେବ ସୁନାର ରାସ୍ତା। ଏପରି ରାସ୍ତା ଦେଖିବାକୁ ମିଳିବ କେବଳ ଦୁବାଇରେ। ଦୁବାଇ କେବେବି…

ମିଳିଲା ମ୍ୟୁନିସିପାଲିଟି ମାନ୍ୟତା, ମିଳୁନି ମୌଳିକ ସୁବିଧା: ଅନଶନ ପରେ ଉଠିଲା ଅଳିଆ ଆବର୍ଜନା

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଏନଏସିକୁ ମ୍ୟୁନିସିପାଲିଟି ମାନ୍ୟତା ମିଳିବାର ପ୍ରାୟ ୧୧ ମାସ ବିତିବାକୁ ବସିଥିଲେ ମଧ୍ୟ ନୂତନ ଭାବେ ସାମିଲ…

ସକାଳୁ ସକାଳୁ ସୁନା-ରୁପା ଦରରେ ବଡ଼ ହ୍ରାସ, କିଲୋ ପିଛା ୯,୫୦୦ ଟଙ୍କା ଖସିଲା, ଜାଣନ୍ତୁ ଆଜିର ରେଟ୍‌

ନୂଆଦିଲ୍ଲୀ, ୧୮।୧୧: ଗତ କିଛି ଦିନ ହେବ ସୁନା ଓ ରୁପା ଦରରେ କ୍ରମାଗତ ଭାବେ ଉତ୍ଥାନ-ପତନ ଦେଖିବାକୁ ମିଳୁଛି। ବୁଧବାର ସୁନା ଲଗାତାର ଷଷ୍ଠ ବାଣିଜ୍ୟିକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?