ମୁମ୍ବାଇ: ସାଉଥ୍ ସୁପରଷ୍ଟାର ପ୍ରଭାସ ଏବଂ ପୂଜା ହେଗ୍ଡେଙ୍କ ଅଭିନୀତ ଫିଲ୍ମ ‘ରାଧେ ଶ୍ୟାମ’ ଜାନୁୟାରୀ ୧୪ରେ ରିଲିଜ୍ ହେବାର ଥିଲା। ତେବେ କୋଭିଡ୍ ପରିସ୍ଥିତିକୁ ନଜରରେ ରଖି ଏହାର ରିଲିଜ୍ ତାରିଖକୁ ସ୍ଥଗିତ ରଖାଯାଇଥିଲା। ବର୍ତ୍ତମାନ ଖବର ଅନୁଯାୟୀ, ଏହି ଫିଲ୍ମଟି ଓଟିଟିରେ ଷ୍ଟ୍ରିମିଂ ପାଇଁ ୪୦୦ କୋଟିର ଅଫର ପାଇଥିଲା। କିନ୍ତୁ ରାଧେ ଶ୍ୟାମର ନିର୍ମାତା ରାଧା କୃଷ୍ଣ କୁମାର ଏହି ଅଫରକୁ ପ୍ରତ୍ୟାଖ୍ୟାନ କରି ପ୍ରେକ୍ଷାଳୟରେ ଫିଲ୍ମଟି ମୁକ୍ତିଲାଭ କରିବାକୁ କହିଥିଲେ। ନିର୍ଦ୍ଦେଶକ ରାଧା କୃଷ୍ଣ କୁମାର ଟୁଇଟରେ ନିଶ୍ଚିତ କରିଛନ୍ତି ଯେ, ରାଧେ ଶ୍ୟାମ ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ। ତେବେ ନିର୍ମାତା ଫିଲ୍ମକୁ ମାର୍ଚ୍ଚରେ ରିଲିଜ୍ କରିବାକୁ ଯୋଜନା କରୁଛନ୍ତି ବୋଲି ଜଣାପଡିଛି।
