Posted inଖେଳ

୩ୟ ଟେଷ୍ଟରେ ନ୍ୟୁଜିଲାଣ୍ଡ ପରାସ୍ତ: ଅଷ୍ଟ୍ରେଲିଆର ସିରିଜ ସୁଇପ୍‌

ସିଡ୍‌ନୀ, ୬।୧ (ଏପି)- ଭ୍ରମଣକାରୀ ନ୍ୟୁଜିଲାଣ୍ଡ ବିପକ୍ଷରେ ସ୍ଥାନୀୟ ସିଡ୍‌ନୀ କ୍ରିକେଟ୍‌ ଗ୍ରାଉଣ୍ଡରେ ଅନୁଷ୍ଠିତ ଅନ୍ତିମ ତଥା ୩ୟ ଟେଷ୍ଟ ମ୍ୟାଚ୍‌କୁ ଅଷ୍ଟ୍ରେଲିଆ ୨୭୯ ରନରେ ବୃହତ୍‌ ବିଜୟ ଲାଭ କରିଛି। ୪୧୬ ରନର ବିଶାଳ ଲକ୍ଷ୍ୟକୁ ପିଛା କରି ନ୍ୟୁଜିଲାଣ୍ଡ ସୋମବାର ୪ର୍ଥ ଦିବସରେ ମାତ୍ର ୧୩୬ ରନରେ ସୀମିତ ରହିଥିଲା। ପୂର୍ବରୁ ପର୍ଥ ଓ ମେଲବୋର୍ନ ଟେଷ୍ଟକୁ ଯଥାକ୍ରମେ ୨୯୬ ଓ ୨୪୭ ରନରେ ଜିତିଥିବା ଟିମ୍‌ ପାଇନ୍‌ଙ୍କ ନେତୃତ୍ୱାଧୀନ ଅଷ୍ଟ୍ରେଲିଆ ଏଥିସହ ୩ ମ୍ୟାଚ୍‌ ବିଶିଷ୍ଟ ସିରିଜକୁ ୩-୦ରେ ହାତେଇ ସିରିଜ କ୍ଲିନ୍‌ ସୁଇପ୍‌ କରିଛି। ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌ର ୨ୟ ସ୍ଥାନରେ ରହିଥିବା ନ୍ୟୁଜିଲାଣ୍ଡ ଏହାର ନୈରାଶ୍ୟଜନକ ଟୁର୍‌ ଶେଷ କରିଛି। ଅପରପକ୍ଷରେ ସିରିଜ ଜିତିଥିବା ଅଷ୍ଟ୍ରେଲିଆ ଦଳ ଆଇସିସି ଟେଷ୍ଟ ଚାମ୍ପିୟନଶିପ୍‌ରେ ୧୦ ମ୍ୟାଚ୍‌ରୁ ୭ ବିଜୟ ଓ ୨ ପରାଜୟ ଓ ଗୋଟିଏ ଡ୍ର ସହ ୨୯୬ ପଏଣ୍ଟ ପାଇ ଟେବୁଲରେ ଦ୍ୱିତୀୟ ସ୍ଥାନ ହାସଲ କରିଛି। ଭାରତ ୭ ମ୍ୟାଚ୍‌ରୁ ୭ ବିଜୟ ସହ ୩୬୦ ପଏଣ୍ଟ ପାଇ ପୂର୍ବବତ୍‌ ତାଲିକାର ଶୀର୍ଷ ସ୍ଥାନରେ ଅପରିବର୍ତ୍ତିତ ରହିଛି। ନ୍ୟୁଜିଲାଣ୍ଡ ୫ ମ୍ୟାଚ୍‌ ଖେଳି ୪ ପରାଜୟ ଓ ଗୋଟିଏ ବିଜୟ ସହ ୬୦ ପଏଣ୍ଟ ପାଇ ୫ମ ସ୍ଥାନ ଲାଭ କରିଛି।
ଅସମାପ୍ତ ୨ୟ ଇନିଂସ ସ୍କୋର ୪୦/୦ରୁ ଖେଳ ଆରମ୍ଭ କରି ଅଷ୍ଟ୍ରେଲିଆ ସୋମବାର ୨୧୭/୨ରେ ଇନିଂସ ଘୋଷଣା କରିଥିଲା। ଇନ୍‌ଫର୍ମ ଓପନର ଡେଭିଡ୍‌ ଓ୍ବାର୍ନର ୧୧୧ ରନ (୯ ଚୌକା)ର ଅପରାଜିତ ଶତକୀୟ ଇନିଂସ ଖେଳିଥିଲେ। ଟେଷ୍ଟରେ ଏହା ତାଙ୍କର ୨୪ତମ ଶତକ ରହିଥିଲା। ଅନ୍ୟମାନଙ୍କ ମଧ୍ୟରେ ଜୋ ବନର୍‌ସ ୪୦ ଓ ପ୍ରଥମ ଇନିଂସର ଦ୍ୱିଶତକ ହାସଲକାରୀ ମାର୍ନସ ଲାବୁସେନ ୫୯ ରନ କରିଥିଲେ। ଫଳରେ ପ୍ରଥମ ଇନିଂସରେ ୧୯୮ ରନର ଗୁରୁତ୍ୱପୂର୍ଣ୍ଣ ଅଗ୍ରଣୀ ଲାଭ କରିଥିବା ଅଷ୍ଟ୍ରେଲିଆ ୪୧୬ ରନର କଷ୍ଟସାଧ୍ୟ ଲକ୍ଷ୍ୟ ନ୍ୟୁଜିଲାଣ୍ଡ ସମ୍ମୁଖରେ ରଖିଥିଲା।
୪୧୬ ରନର ଲକ୍ଷ୍ୟକୁ ପିଛା କରିଥିବା କିଓ୍ବି ଦଳ ସ୍ପିନର ନାଥନ ଲିୟନଙ୍କୁ ସାମ୍ନା କରି ନ ପାରି ୪୭.୫ ଓଭରରେ ୧୩୬ ରନରେ ସମସ୍ତ ଉଇକେଟ୍‌ ହରାଇଥିଲା। ଦଳ ପକ୍ଷରୁ କଲିନ୍‌ ଡି ଗ୍ରାଣ୍ଡହୋମ୍‌ ୫୨, ରସ ଟେଲର ୨୨, ଉଇକେଟ୍‌କିପର ବିଜେ ଓ୍ବାଟ୍‌ଲିଂ ୧୯, ଟଡ୍‌ ଆଷ୍ଟଲ ୧୭ ରନ କରିଥିଲେ। ପ୍ରଥମ ଇନିଂସ (୫/୬୮) ଭଳି ଲିୟନ ୫୦ ରନ ବିନିମୟରେ ୫ ଉଇକେଟ୍‌ ସଫଳତା ପାଇଥିଲେ। ଫଳରେ ମ୍ୟାଚ୍‌ରେ ସେ ୧୧୮ ରନ ବ୍ୟୟରେ ମୋଟ୍‌ ୧୦ ଉଇକେଟ୍‌ ଅକ୍ତିଆର କରିଛନ୍ତି। ଦ୍ୱିଶତକ ହାସଲକାରୀ ଲାବୁସେନ (୨୧୫)ଙ୍କୁ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ଓ ମ୍ୟାନ୍‌ ଅଫ୍‌ ଦି ସିରିଜ ପୁରସ୍କାର ପ୍ରଦାନ କରାଯାଇଥିଲା।
ସଂକ୍ଷିପ୍ତ ସ୍କୋର:
ଅଷ୍ଟ୍ରେଲିଆ ପ୍ରଥମ ଇନିଂସ- ୪୫୪/୧୦ (ଲାବୁସେନ ୨୧୫, ନେଲ୍‌ ଓ୍ବାଗନର ୩/୬୬)।
ନ୍ୟୁଜିଲାଣ୍ଡ ପ୍ରଥମ ଇନିଂସ- ୨୫୬/୧୦ (ଗ୍ଲେନ ଫିଲିପ୍ସ ୫୨, ଲିୟନ ୫/୬୮)।
ଅଷ୍ଟ୍ରେଲିଆ ୨ୟ ଇନିଂସ- ୨୧୭/୨, ଘୋଷଣା (ଓ୍ବାର୍ନର ୧୧୧*, ଲାବୁସେନ ୫୯)।
ନ୍ୟୁଜିଲାଣ୍ଡ ୨ୟ ଇନିଂସ- ୧୩୬/୧୦ (ଗ୍ରାଣ୍ଡହୋମ୍‌ ୫୨, ଟମ୍‌ ଲଥାମ ୧, ଜିତ୍‌ ରାଭାଲ ୧୨, ଲିୟନ ୫/୫୦)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଓ୍ବାସିମ ଜାଫରଙ୍କୁ ଓଡ଼ିଶା ଦଳର ଗୁରୁ ଦାୟିତ୍ୱ

ଭୁବନେଶ୍ୱର,୧୪।୭: ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ୱାସିମ ଜାଫରଙ୍କୁ ଓଡ଼ିଶା ସିନିୟର୍‌ କ୍ରିକେଟ ଦଳର ମୁଖ୍ୟ କୋଚ ଭାବେ ନିଯୁକ୍ତ କରାଯାଇଛି। ଏ ନେଇ ବୁଧବାର ସୂଚନା...

ପୋଲାର୍ଡ, ରୋହିତ୍‌ଙ୍କ ବିସ୍ଫୋରକ ବ୍ୟାଟିଂ, ପଞ୍ଜାବ ଆଗରେ ୧୯୨ ରନ ଟାର୍ଗେଟ୍‌ ରଖିଲା ମୁମ୍ବାଇ

ଆବୁଧାବି, ୧।୧୦: ଚଳିତ ଆଇପିଏଲ୍‌ର ତ୍ରୟୋଦଶ ମୁକାବିଲାରେ ଗୁରୁବାର ଡିଫେଣ୍ଡିଂ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ପରସ୍ପର ସାମ୍ନା ସାମ୍ନି ହୋଇଛନ୍ତି।...

ମଣ୍ଟ୍ରେଲ ମାଷ୍ଟର୍ସ: ନାଡାଲ, ଥିଏମ୍‌ଙ୍କ ଅଗ୍ରଣୀ

ମଣ୍ଟ୍ରେଲ, ୮।୮ (ଏଏଫ୍‌ପି)- କାନାଡାରେ ଚାଲିଥିବା ଏଟିପି ମଣ୍ଟ୍ରେଲ ମାଷ୍ଟର୍ସ ଟେନିସ ପ୍ରତିଯୋଗିତାରେ ସ୍ପାନିଶ ତାରକା ରାଫାଲ ନାଡାଲ ଓ ଅଷ୍ଟ୍ରିଆର ଡୋମିନିକ୍‌ ଥିଏମ୍‌ ୩ୟ...

କ୍ରିକେଟ ପ୍ରଶଂସକଙ୍କୁ ଜୋରଦାର୍‌ ଝଟକା: ବିନା ଦର୍ଶକରେ ଖେଳାଯିବ ଇଂଲଣ୍ଡ ବିପକ୍ଷ ବାକି ଟି୨୦ ମ୍ୟାଚ୍‌

ନୂଆଦିଲ୍ଲୀ,୧୬।୩: ଇତିମଧ୍ୟରେ ଭାରତ-ଇଂଲଣ୍ଡ ମଧ୍ୟରେ ଜାରି ରହିଥିବା ଟି୨୦ ସିରିଜର ପ୍ରଥମ ୨ ମୁକାବିଲା ଶେଷ ହୋଇଛି। ଏହି ମ୍ୟାଚ୍‌ ଦେଖିବାକୁ ଅହମ୍ମଦାବାଦ ସ୍ଥିତ ନରେନ୍ଦ୍ର...

ଦିଲ୍ଲୀ ଡାଇନାମସ ହୋଇପାରେ ‘ଓଡ଼ିଶା ଏଫ୍‌ସି’

ଭୁବନେଶ୍ୱର, ୧୧।୮(କ୍ରୀଡ଼ା ପ୍ରତିନିଧି) ଓଡ଼ିଶାରେ ଫୁଟବଲ ଖେଳ ଓ ଖେଳାଳିଙ୍କ ବିକାଶ ପାଇଁ ବାଟ ଫିଟୁଛି। କଳିଙ୍ଗ ଷ୍ଟାଡିୟମରେ ଗତ କିଛିବର୍ଷ ମଧ୍ୟରେ ଇଣ୍ଡିଆନ ସୁପର...

ପଠାନ ବ୍ରଦର୍ସଙ୍କ ବଦାନ୍ୟତା

ଭଦୋଦାରା, ୨୪।୩(ପି.ଟି.)- ଭାରତର ଦୁଇ ପୂର୍ବତନ କ୍ରିକେଟ ତଥା ଦୁଇ ଭାଇ ଇର୍ଫାନ ଓ ୟୁସୁଫ୍‌ ପଠାନଙ୍କ ବଦାନ୍ୟତାକୁ ନେଇ ଚର୍ଚ୍ଚା ସୃଷ୍ଟି ହୋଇଛି। ସାରା...

ହାର୍ଟ ପାଇଁ ଶେଷ ହେଲା କ୍ୟାରିୟର

ବାର୍ସିଲୋନା,୧୫।୧୨: ବାର୍ସିଲୋନା ତଥା ଆର୍ଜେଣ୍ଟିନା ଷ୍ଟ୍ରାଇକର ସେର୍ଗିଓ ଅଗୁରୋ ବୁଧବାର ଫୁଟ୍‌ବଲରୁ ସନ୍ନ୍ୟାସ ଘୋଷଣା କରିଛନ୍ତି। ହୃଦ ଜନିତ ସମସ୍ୟା କାରଣରୁ ୩୩ ବର୍ଷ ବୟସରେ...

ଅଭିଷେକଙ୍କ ବିସ୍ଫୋରକ ବ୍ୟାଟିଂ, ୮ ଓ୍ବିକେଟରେ ଏସ୍‌ଆର୍‌ଏଚ୍‌ ବିଜୟୀ…

ମୁମ୍ବାଇ, ୯।୪ : ଆଇପିଏଲ୍‌ ସିଜିନ୍‌ର ୧୫ ତମ ସଂସ୍କରଣରେ ୧୭ତମ ମ୍ୟାଚ୍‌ରେ ଶନିବାର ଚେନ୍ନାଇ ସୁପର କିଙ୍ଗ୍‌ସ (ସିଏସ୍‌କେ)କୁ ସନରାଇଜର୍ସ ହାଇଦ୍ରାବାଦ୍‌(ଏସ୍‌ଆର୍‌ଏଚ୍‌) ୮ ଓ୍ବିକେଟରେ...

Advertisement
Archives

Model This Week