୧୨୩ କୋଟି ଟଙ୍କା ଜିଏସ୍‌ଟି ଠକେଇ

କଟକ ଅଫିସ, ୨୪ା୧:ସାମଗ୍ରୀ କିଛି କିଣାବିକା ନ ହୋଇ କାଗଜରେ ୧୧୮୦ କୋଟି ଟଙ୍କାର କାରବାର ଦର୍ଶାଯାଇଛି। ଜାଲ୍‌ କାଗଜପତ୍ର ମାଧ୍ୟମରେ କୋଟି କୋଟି ଟଙ୍କାର ବ୍ୟବସାୟ ଦେଖାଇ ୧୨୩ କୋଟି ଟଙ୍କାର ଜିଏସ୍‌ଟି ଠକେଇ କରିଛନ୍ତି ବ୍ୟବସାୟୀ। ଏହି ଅସାଧୁ ବ୍ୟବସାୟୀମାନେ ୨୮ଟି ଜାଲ୍‌ ବ୍ୟବସାୟ ପ୍ରତିଷ୍ଠାନ ଜରିଆରେ ୪୯୩ କୋଟି ଟଙ୍କାର ଦ୍ରବ୍ୟ କିଣିଥିବା ଏବଂ ୬୮୭ କୋଟି ଟଙ୍କାରେ ବିକ୍ରୟ କରିଥିବା ଜାଲ ବିଲ୍‌ରେ ଦର୍ଶାଇଛନ୍ତି। ତେବେ ବୁଧବାର ରାଜ୍ୟ ସରକାରଙ୍କ ଜିଏସ୍‌ଟି ଏନ୍‌ଫୋର୍ସମେଣ୍ଟ ବିଭାଗ ଏହି ଘଟଣାରେ ରାଉରକେଲାର ୨ଜଣ ଅସାଧୁ ବ୍ୟବସାୟୀଙ୍କୁ ଗିରଫ କରିଛି। ସେମାନେ ହେଲେ ରାଉରକେଲାର ଅମିତ ବେରିୱାଲ୍‌ (ଜି.ଏସ୍‌. ୟୁନିଟ୍ରେଡେ, ସିଭିଲ ଟାଉନ୍‌ଶିପ୍‌ର ମାଲିକ), ରାଉରକେଲା ବାସନ୍ତୀ କଲୋନୀର ସୁବାସ ଚନ୍ଦ୍ର ସ୍ବାଇଁ (ବିବି ଆସୋସିଏଟ୍‌ର ମାଲିକ)। ଅମିତ ଓ ସୁବାସ ଉଭୟ ଏହି ଠକେଇର ମୁଖ୍ୟ କାର୍ପଟଦାର ବୋଲି ଏନଫୋର୍ସମେଣ୍ଟ ବିଭାଗ ସୂଚନା ଦେଇଛି। ଏନଫୋର୍ସମେଣ୍ଟ ବିଭାଗ ପ୍ରାୟ ୨ମାସ ଧରି ଉଭୟଙ୍କ ଉପରେ ନଜର ରଖିଥିଲା। ସବିଶେଷ ପ୍ରମାଣ ମିଲିବା ପରେ ବୁଧବାର ରାଉରକେଲାର ୩୫ଟି ସ୍ଥାନରେ ଚଢାଉ କରି ଉଭୟଙ୍କୁ ଗିରଫ କରିଥିଲା। ସେମାନଙ୍କୁ ଗୁରୁବାର ରାଉରକେଲା ଜେଏମ୍‌ଏଫ୍‌ସିରେ ହାଜର କରାଯାଇଥିଲା। ସେଠାରେ ଜାମିନ ନାମଞ୍ଜୁର ହେବାରୁ ଉଭୟଙ୍କୁ ଜେଲ୍‌ ପଠାଯାଇଥିବା ବାଣିଜ୍ୟକର ଓ ଜିଏସ୍‌ଟି କମିଶନର ସୁଶୀଲ କୁମାର ଲୋହାନୀ ଗୁରୁବାର ବାଣିଜ୍ୟକର ଭବନରେ ଆୟୋଜିତ ଖବରଦାତା ସମ୍ମିଳନୀରେ ସୂଚନା ଦେଇଥିଲେ।
ମିଳିଥିବା ସୂଚନା ଅନୁଯାୟୀ, ଅମିତ ଓ ସୁବାସ କିଛି ଗୃହିଣୀ, କ୍ରେନ୍‌ ଚାଳକ, ଟାକ୍ସି ଚାଳକ, ପାନ ଦୋକାନୀ, ଦିନମଜୁରିଆ, ଘରୋଇ ଶିକ୍ଷକ ଓ ବେକାର ଯୁବକଙ୍କୁ ରୋଜଗାର ଦେବା ଆଳରେ ସେମାନଙ୍କଠାରୁ ଆଧାରକାର୍ଡ଼, ପାନକାର୍ଡ଼, ବ୍ୟାଙ୍କ ଖାତା ନମ୍ବର, ଫଟୋ ଆଦି ସଂଗ୍ରହ କରି ୨୮ଟି ଜାଲ କମ୍ପାନୀ ନାମରେ ଜିଏସ୍‌ଟି ପଞ୍ଜୀକରଣ କରିଥିଲେ। ଏପରି କି ସେମାନଙ୍କ ବ୍ୟାଙ୍କ ଖାତା ଅଭିଯୁକ୍ତମାନେ ଚଳାଉଥିଲେ ଓ ଏକ ବ୍ଲାଙ୍କ ଚେକ୍‌ବୁକ୍‌ରେ ସେମାନଙ୍କ ଦସ୍ତଖତ କରି ଏମାନେ ବ୍ୟବହାର କରୁଥିଲେ। ଏହି କମ୍ପାନୀ ସବୁ ଲୁହା ବ୍ୟବସାୟ କରୁଥିବା ଦର୍ଶାଯାଇଥିବାବେଳେ ସେମାନେ ରାଜ୍ୟ ବାହାରେ ଏହାକୁ ବିକ୍ରି କରିଥିବା ଜିଏସ୍‌ଟି କାଗଜପତ୍ରରେ ଦର୍ଶାଇଥିଲେ। ମାତ୍ର ପ୍ରକୃତରେ କୌଣସି ସାମଗ୍ରୀ କ୍ରୟ କିମ୍ବା ବିକ୍ରୟ ହୋଇ ନ ଥିବାବେଳେ ସେମାନେ ଏହି ୨୮ଟି କମ୍ପାନୀର ବିଲ୍‌ ଜରିଆରେ କୋଟି କୋଟି ଟଙ୍କାର ଇନ୍‌ପୁଟ୍‌ ଟାକ୍ସ ଦର୍ଶାଇଥିଲେ। ପରେ ଏହାକୁ ବାହାର ରାଜ୍ୟର ବ୍ୟବସାୟୀଙ୍କୁ ହସ୍ତାନ୍ତର କରିଥିଲେ। ପରେ ଏହା ମାଧ୍ୟମରେ ଚୋରା ସାମଗ୍ରୀକୁ ବୈଧ ରୂପେ ବିକ୍ରି କରୁଥିଲେ। ଅନ୍ୟପକ୍ଷରେ ଓଡ଼ିଶାର ଏହି କମ୍ପାନୀଗୁଡିକ ବାହାର ବ୍ୟବସାୟୀଙ୍କଠାରୁ ସଲାସୁତରାରେ ଜିଏସ୍‌ଟି ଅର୍ଥ ହାତେଇଥିଲେ ମଧ୍ୟ ସରକାରଙ୍କୁ ଟାକ୍ସ ଦେଇ ନ ଥିଲେ। ଉକ୍ତ ବ୍ୟବସାୟକୁ ଯଥାର୍ଥ ଦର୍ଶାଇବା ଲାଗି ଅଭିଯୁକ୍ତମାନେ କିଛି ବ୍ୟାଙ୍କରେ ଏହିସବୁ ପ୍ରତିଷ୍ଠାନ ନାମରେ ଥିବା ଜମାଖାତାରେ କୋଟିକୋଟି ଟଙ୍କାର କାରବାର କରିଥିଲେ। ତେବେ ଗିରଫ ଅଭିଯୁକ୍ତ ବ୍ୟବସାୟୀଙ୍କଠାରୁ ଟ୍ୟାକ୍ସ ଅର୍ଥ ସହ ଜରିମାନା ଆଦାୟ ପାଇଁ ପଦକ୍ଷେପ ନିଆଯାଉଛି। ଏଥିସହିତ ବାହାର ରାଜ୍ୟରେ ଏହି ଠକେଇରେ ସମ୍ପୃକ୍ତ ଥିବା ବ୍ୟକ୍ତିମାନଙ୍କୁ ଗିରଫ କରିବା ଲାଗି ମଧ୍ୟ ପଦକ୍ଷେପ ନିଆଯାଉଛି ବୋଲି କମିଶନର ଲୋହାନୀ କହିଛନ୍ତି। କିଛିମାସ ତଳେ ଏହିପରି ଭାବେ ୧୩୮ କୋଟି ଟଙ୍କାର ଜିଏସ୍‌ଟି ଠକେଇ କରି ୪ଜଣ ଗିରଫ ହୋଇଥିଲେ। ସେମାନଙ୍କ ଭିତରୁ ୨ଜଣ ମୁଖ୍ୟ ଅଭିଯୁକ୍ତ ରାଉରକେଲାର ଥିଲେ। ଗିରଫ ୨ଜଣଙ୍କୁ ମିଶାଇ ମୋଟ୍‌ ୭ଜଣଙ୍କୁ ଏପରି ଠକେଇ ଅଭିଯୋଗରେ ଗିରଫ କରାଯାଇଛି।

କେମିତି ସନ୍ଦେହ ଘେରକୁ ଆସିଲେ
ଦୀର୍ଘଦିନ ହେବ ରାଜ୍ୟ ସରକାରଙ୍କ ଜିଏସ୍‌ଟି ଏନ୍‌ଫୋର୍ସମେଣ୍ଟ ବିଭାଗ ଏହିଭଳି ଜାଲ ଟିକଶ ଠକେଇ ଉପରେ ନଜର ରଖିଥିଲା। ତେବେ ରେଜିଷ୍ଟ୍ରେଶନ ହୋଇଥିବା ୨୮ଟି ଡିଲର ଓଡ଼ିଶାର ବିଭିନ୍ନ ଜିଲାର ହୋଇଥିବାବେଳେ ସେମାନଙ୍କ ବ୍ୟାଙ୍କ ଆକାଉଣ୍ଟ ରାଉରକେଲାର ୨ଟି ବ୍ୟାଙ୍କ ଶାଖାରେ ରହିଥିଲା। ତେଣୁ ଏନ୍‌ଫୋର୍ସମେଣ୍ଟ ଟିମ୍‌ର ସନ୍ଦେହ ସୃଷ୍ଟି ହୋଇଥିଲା। ଏ ନେଇ ଅଧିକ ତଦନ୍ତ କରିବାରୁ ଏହି ସମସ୍ତ ବ୍ୟାଙ୍କ ଖାତା ୨ଜଣ ନିର୍ଦ୍ଦିଷ୍ଟ ବ୍ୟକ୍ତି ହିଁ ବ୍ୟବହାର କରୁଥିବା ଜଣାପଡିଥିଲା। ଏହାପରେ ତାଙ୍କୁ ଚିହ୍ନଟ କରାଯାଇ ପ୍ରାୟ ୨୮ଟି ଡିଲର ଉପରେ ଚଢାଉ କରାଯାଇଥିଲା। ସେମାନଙ୍କ କମ୍ପ୍ୟୁଟର ଜବତ କରାଯାଇ ଯାଞ୍ଚ କରାଯିବାରୁ ଠକେଇର ସବିଶେଷ ତଥ୍ୟ ମିଳିଥିଲା। ଏନେଇ ତାଙ୍କୁ ଗିରଫ କରାଯାଇଥିଲା।
ଲୋକେ ସଚେତନ ହେବା ଆବଶ୍ୟକ
ବିଭିନ୍ନ ସମୟରେ କେତେଜଣ ଅସାଧୁ ବ୍ୟକ୍ତି ସାଧାରଣ ଲୋକଙ୍କୁ ରୋଜଗାରର ଲୋଭ ଦେଖାଉଛନ୍ତି। ଚାକିରି କରାଇଦେବା କିମ୍ବା ଟଙ୍କା ଦେବା ଲୋଭ ଦେଖାଇ ସେମାନଙ୍କ ନିକଟରୁ ପାନ୍‌କାର୍ଡ, ଆଧାର କାର୍ଡ, ବ୍ୟାଙ୍କ ଆକାଉଣ୍ଟ, ଫଟୋ ଆଦି ଗୁରୁତ୍ୱପୂର୍ଣ୍ଣ ତଥ୍ୟ ନେଉଛନ୍ତି। ପରେ ସେମାନେ ଏହାକୁ ବ୍ୟବହାର କରି ସେମାନଙ୍କ ନଁାରେ ଜାଲ ଡିଲରଶିପ ଖୋଲୁଛନ୍ତି ଓ ଏଥିରେ କୋଟି କୋଟି ଟଙ୍କାର ନେଣଦେଣ କରୁଛନ୍ତି। ଏମିତିକି ସେମାନଙ୍କ ବ୍ୟାଙ୍କ ଖାତା ନିଜ ନିୟନ୍ତ୍ରଣରେ ରଖୁଛନ୍ତି, ଯେଉଁଥିପାଇଁ ସାଧାରଣ ଲୋକଟି ଅସୁବିଧାର ସମ୍ମୁଖୀନ ହେବାର ଆଶଙ୍କା ରହିଛି। ତେଣୁ ଲୋକେ ଏଥିପ୍ରତି ସଚେତନ ହେବା ଅତ୍ୟନ୍ତ ଆବଶ୍ୟକ।


Enter your email to get our daily news in your inbox.

All Right Reserved By Dharitri.Com

ନୟାଗଡ଼ ମୁଖ୍ୟଚିକିତ୍ସାଳୟର ଷ୍ଟାଫ ନର୍ସ କରୋନା ଆକ୍ରାନ୍ତ

ନୟାଗଡ଼ ଅଫିସ,୪।୬: ନୟାଗଡ଼ ଜିଲାରୁ ଗୁରୁବାର ୭ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଚିହ୍ନଟଙ୍କ ମଧ୍ୟରୁ ଜଣେ ଜିଲା ମୁଖ୍ୟ ଚିକିତ୍ସାଳୟରେ ନିୟୋଜିତ ଷ୍ଟାଫ ନର୍ସ...

ଯୁବତୀଙ୍କୁ ଗଣବଳାତ୍କାର: ୩ ଅଭିଯୁକ୍ତଙ୍କୁ ୨୦ବର୍ଷ କାରାଦଣ୍ଡ

ଝାରସୁଗୁଡ଼ା ଅଫିସ୍‌,୧।୪: ଝାରସୁଗୁଡ଼ା ଜିଲା ସେସନ୍ସ ଜଜ୍‌ ହର ପ୍ରସାଦ ପଟ୍ଟନାୟକ ଏକ ଗଣବଳାତ୍କାର ମାମଲାର ବିଚାର କରି ୩ ଅଭିଯୁକ୍ତ ରମାକାନ୍ତ ନାୟକ, ପ୍ରକାଶ...

ନାଗାବେଶରୁ ହୋଇଛି ନାଁ

ପୁରୀ ଅଫିସ, ୨୭।୧୧: ଦାରୁଦିଅଁଙ୍କ ନାଗାର୍ଜୁନ ବେଶ ଖୁବ୍‌ ଆକର୍ଷଣୀୟ ଓ ମନୋମୁଗ୍ଧକର। ଏହି ବେଶରେ ଠାକୁରମାନେ ଯାହା ବିଭୂଷିତ ହୁଅନ୍ତି ତାହାକୁ କାରିଗରମାନେ ନିଷ୍ଠା...

ମୁଁ ନୁହେଁ, ସେମାନେ ଚକ୍ରାନ୍ତକାରୀ

ଓଡ଼ିଶା ରାଜନୀତିର ଜଣାଶୁଣା ଚେହେରା ତଥା ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା ନିଜର ବ୍ୟକ୍ତିଗତ ରାଜନୈତିକ ଶୈଳୀ ପାଇଁ ବେଶ୍‌ ପରିଚିତ। ୧୯୬୮ ମସିହାରୁ ଛାତ୍ର...

ଆଜି ରାଜଧାନୀରୁ ୧୧୧୬ ପଜିଟିଭ୍‌ ଚିହ୍ନଟ, ବଢୁଛି ସ୍ଥାନୀୟ ସଂକ୍ରମଣ

ଭୁବନେଶ୍ୱର,୪।୫(ବ୍ୟୁରୋ): ମଙ୍ଗଳବାର ରାଜଧାନୀ ଭୁବନେଶ୍ୱରରୁ ୧୧୧୬ ପଜିଟିଭ୍‌ ଚିହ୍ନଟ ହୋଇଛନ୍ତି। ଏଥିମଧ୍ୟରୁ କ୍ୱାରାଣ୍ଟାଇନ୍‌ରୁ ୧୭୭ ଜଣ ଚିହ୍ନଟ ହୋଇଥିବା ବେଳେ ୯୩୯ ଜଣ ସ୍ଥାନୀୟ ସଂକ୍ରମିତ...

ଢାବା ମାଲିକାଣୀଙ୍କୁ ଗୁଳି କରି ହତ୍ୟା

ନୂଆପଡ଼ା ଅଫିସ, ୩୧।୭: ନୂଆପଡ଼ା ଜିଲା ଖଡିଆଳ ବ୍ଲକ ଡୁଆଝର ଗାଁରେ ଗୁଳିକାଣ୍ଡ ଘଟିଛି। ଶନିବାର ରାତିରେ ବିଭୀଷଣ ମେହେରଙ୍କ ଢାବାରେ ତାଙ୍କର ସ୍ତ୍ରୀ ବାସନ୍ତୀ...

ବାଇକ୍‌ ଡିିକି ଭାଙ୍ଗି ଦେଢ଼ ଲକ୍ଷ ଲୁଟ୍‌

ଭୁବନେଶ୍ୱର,୨୨ା୧୧(ବ୍ୟୁରୋ): ଖାରବେଳନଗର ଥାନା ଅଧୀନ ୟୁନିଟ ୪ସ୍ଥିତ ଗାଙ୍ଗୁରାମ ମିଠା ଦେକାନ ନିକଟରୁ ଜଣେ ବ୍ୟାଙ୍କ ଏଜେଣ୍ଟଙ୍କ ବାଇକ୍‌ ଡିକି ଭାଙ୍ଗି ଦେଢ଼ ଲକ୍ଷ ଟଙ୍କା...

ଝାରସୁଗୁଡ଼ାରେ ୫ ବର୍ଷର ଶିଶୁ କରୋନା ଆକ୍ରାନ୍ତ

ଝାରସୁଗୁଡ଼ା ଅଫିସ,୨୨।୫-ଝାରସୁଗୁଡ଼ା ଜିଲାକୁ ପୁଣି ଥରେ କରୋନା ଫେରିଛି । ପୂର୍ବରୁ ବ୍ରଜରାଜନଗର ଓ ଲଖନପୁର ଅଞ୍ଚଳରେ ୨ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ।...

Advertisement


Archives

Model This Week