ହାଇକୋର୍ଟଙ୍କ ବେଲ୍‌ ଅର୍ଡରକୁ ଅଣଦେଖା: ଥାନାକୁ ଆଣି ଜେଲ ହାଜତରେ ପୂରାଇଲେ, ସମାଧାନ ପାଇଁ ଅପହରଣ ଧମକ

ନୟାଗଡ଼ ଅଫିସ/ରଣପୁର,୧୬ା୩(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନା ପୋଲିସ ହାଇକୋର୍ଟଙ୍କ ବେଲ୍‌ ଅର୍ଡରକୁ ବି ଖାତିର କରୁନି। ବେଲ୍‌ ଅର୍ଡର ଦେଖାଉଥିବା ଜଣେ ଅଭିଯୁକ୍ତଙ୍କୁ ଥାନାକୁ ଆଣି ୨ଘଣ୍ଟା ହାଜତରେ ରଖିଲେ। ପରେ ଏସ୍‌ଡିପିଓଙ୍କ ନିର୍ଦ୍ଦେଶରେ ଅଭିଯୁକ୍ତଙ୍କଠାରୁ ବେଲ୍‌ ଅର୍ଡର ରଖି ଛାଡିଥିଲେ। ଏତିକିରେ କଥା ସରି ନ ଥିଲା। ଛାଡିବା ସମୟରେ ତୁରନ୍ତ ମକଦ୍ଦମା ଫଏସଲା ନ କଲେ ବ୍ରହ୍ମପୁରର ଯୁବକ ଅପହରଣ କରିନେବେ ବୋଲି ଧମକ ଦେଲେ। ଏପରି କି ଥାନା ହାଜତରେ ରଖିବା ସମ୍ପର୍କରେ କାହାରିକୁ ନ କହିବାକୁ ମଧ୍ୟ ଧମକ ଦେଲେ। ଏଭଳି ଘଟଣା ରବିବାର ରଣପୁର ଏନ୍‌ଏସି ହଂସରାରେ ଘଟିଛି। ପୋଲିସର ଏପରି କାଣ୍ଡ ସାଧାରଣରେ ଭୟ ସଞ୍ଚାର କରିଛି।
ଅଭିଯୋଗ ଅନୁସାରେ ବ୍ରହ୍ମପୁରର ନରେଶ ମିଶ୍ରଙ୍କ ସହ ରଣପୁର ସିନ୍ଦୂରିଆର ରଞ୍ଜନ କୁମାର ସ୍ବାଇଁ(୪୦), ହଂସରାର ସମେନ୍ଦୁ ସୁନ୍ଦର ସାହୁ (୩୫) ଓ ସ୍ବପ୍ନେନ୍ଦୁ ସାହୁ(୨୮), ଶ୍ରୀକୃଷ୍ଣପୁରର ଉପେନ୍ଦ୍ର ସ୍ବାଇଁ (୩୮) ମିଳିତ ଭାବେ ହଂସରାରେ କେବୁଲ ଚ୍ୟାନେଲ ଦେଇଥିଲେ। ସଂସ୍ଥା ଭଲରେ ଚାଲିବା ପରେ ବ୍ରହ୍ମପୁରର ନରେଶ ମିଶ୍ରଙ୍କ ସହ ୪ ଯୁବକଙ୍କ ବିବାଦ ଉପୁଜିଥିଲା। ୫୦ ଲକ୍ଷ ଟଙ୍କା ଠକେଇ ଥିଲା ବିବାଦର କାରଣ। ଅକ୍ଟୋବର ୨୩ରେ ଉପେନ୍ଦ୍ର ସ୍ବାଇଁ ନରେଶ ମିଶ୍ରଙ୍କ ନାଁରେ କେବୁଲ ସଂସ୍ଥାର ଠକେଇ ସମ୍ପର୍କରେ ରଣପୁର ଥାନାରେ ଅଭିଯୋଗ କରିଥିଲେ। ହେଲେ ପୋଲିସ ଆପୋସ ସମାଧାନ କରିବାକୁ କହି ଅଭିଯୋଗ ରଖି ନ ଥିଲା। କିଛିଦିନ ପରେ ନରେଶଙ୍କ ଅଭିଯୋଗକୁ ଭିତ୍ତିକରି ପୋଲିସ ରଞ୍ଜନ, ସମେନ୍ଦୁ, ସ୍ବପ୍ନେନ୍ଦୁ ଓ ଉପେନ୍ଦ୍ରଙ୍କ ନାମରେ ୪୧/୧୦।୨।୨୦୨୦ରେ ମାମଲା ରୁଜୁ କରିଥିଲା। ଏପରି କି ୫୦ ଲକ୍ଷ ଟଙ୍କା ନରେଶଙ୍କୁ ଦେବା ପାଇଁ ୪ଜଣ ଯୁବକଙ୍କ ଉପରେ ଚାପ ପ୍ରୟୋଗ କରିଥିଲା। ଟଙ୍କା ନ ଦେଲେ ଗିରଫ କରି ଜେଲ ପଠାଯିବ ବୋଲି ଧମକ ଦିଆଯାଇଥିଲା । ପୋଲିସ ନିର୍ଯାତନାରେ ଅତିଷ୍ଠ ହୋଇ ୪ ଯୁବକ ହାଇକୋର୍ଟରେ ବେଲ୍‌ ପାଇଁ ଆବେଦନ କରିଥିଲେ। କୋର୍ଟ ଏହାକୁ ଗ୍ରହଣ କରି ୫।୩।୨୦୨୦ରେ ୪ଜଣଙ୍କୁ ୨୦୨୦ ଏପ୍ରିଲ ୧୪ ତାରିଖ ପର୍ଯ୍ୟନ୍ତ ଗିରଫ କରାଯାଇ ପାରିବ ନାହିଁ ବୋଲି ନିର୍ଦ୍ଦେଶ ଦେଇଥିଲେ। ତୁରନ୍ତ କେସ୍‌ ଡାଇରି ଦାଖଲ ପାଇଁ ପୋଲିସକୁ ନିର୍ଦ୍ଦେଶ ଦେଇଥିଲେ। ସେହିପରି ଉପେନ୍ଦ୍ରଙ୍କ ଅଭିଯୋଗକୁ ଗ୍ରହଣ କରି ନରେଶଙ୍କ ନାଁରେ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଥିଲେ। ହେଲେ ପୋଲିସ ହାଇକୋର୍ଟଙ୍କ ଆଦେଶକୁ ଅଣଦେଖା କରିଥିଲା। ଘଟଣା ସମ୍ପର୍କରେ ଶରଣକୁଳ ଏସଡିପିଓ ଏସ୍‌. ଟପୋଙ୍କୁ ପଚାରିବାରୁ ସେ ଉପେନ୍ଦ୍ର ସ୍ବାଇଁଙ୍କ ଅଭିଯୋଗର ତଦନ୍ତ କରାଯାଇ ପଦକ୍ଷେପ ନିଆଯିବ ବୋଲି କହିଥିଲେ।
ଆଇଆଇସିଙ୍କ ନିଲମ୍ବନ ଦାବି
ରଣପୁର ଥାନା ଆଇଆଇସିଙ୍କୁ ତୁରନ୍ତ ନିଲମ୍ବିତ କରିବାକୁ ବିଭିନ୍ନ ମହଲରେ ଦାବି ହେଉଛି। ପୋଲିସ ନିର୍ଯାତନାର ଶିକାର ହୋଇଥିବା ହଂସରାର ସମେନ୍ଦୁ ସୁନ୍ଦର ସାହୁ କୁହନ୍ତି, ହାଇକୋର୍ଟଙ୍କ ଅର୍ଡର ଅନୁସାରେ ମୁଁ ପୋଲିସକୁ ସହଯୋଗ କରିଥିଲି। ହେଲେ ଆଇଆଇସି ମୋତେ ଉଠାଇନେଇ ୨ଘଣ୍ଟା ଜେଲ ହାଜତରେ ପୂରାଇ ନିର୍ଯାତନା ଦେଲେ। ପ୍ରଥମତଃ ଆମ ଅଭିଯୋଗକୁ ଗ୍ରହଣ କଲେ ନାହିଁ। ପଛରେ ଅଭିଯୋଗ କରିଥିବା ବ୍ୟକ୍ତିଙ୍କ ଅଭିଯୋଗକୁ ନେଇ ଆମ ୪ଜଣଙ୍କ ନାଁରେ ମାମଲା ରୁଜୁ କଲେ। ଅଭିଯୋଗ ନ ରଖିବା ଅପରାଧ। ପୁଣି ହାଇକୋର୍ଟଙ୍କ ଆଦେଶକୁ ଅଣଦେଖା କରିବା ଗୁରୁତର ଅପରାଧ। ଏଭଳି ଅଫିସରଙ୍କୁ ନିଲମ୍ବନ କଲେ ବି ଦଣ୍ଡ ଠିକ୍‌ ହେବ ନାହିଁ। ଏସ୍‌ପି ଓ ଜିଲାପାଳ ସତ୍ୟାସତ୍ୟ ଅନୁଧ୍ୟାନ କରି ପଦକ୍ଷେପ ନେବା ଉଚିତ। ମୋ ଘଟଣାରେ ଆଇଆଇସି ଦଣ୍ଡ ନ ପାଇଲେ ଲୋକଙ୍କ ଭରସା ଆଉ ଥାନା ଉପରେ ରହିବ ନାହିଁ। ମୋ ସରକାର ଓ ୫ ଟି ମଧ୍ୟ ବିଶ୍ୱାସ ହରାଇବ। ଘଟଣା ସମ୍ପର୍କରେ ମୁଁ ରବିବାର ନୟାଗଡ଼ ଏସ୍‌ପିଙ୍କୁ ଅବଗତ କରାଇଛି। ଆଶା ରଖିଛି ନ୍ୟାୟ ନିଶ୍ଚିତ ମିଳିବ।
ତଦନ୍ତ ଆଦେଶ ଦେଲେ ଏସ୍‌ପି
ହାଇକୋର୍ଟଙ୍କ ଆଦେଶକୁ ଅଣଦେଖା କରି ହଂସରାର ସମେନ୍ଦୁଙ୍କୁ ଥାନାରେ ୨ ଘଣ୍ଟା ଅଟକ ରଖିବା ଘଟଣାର ତଦନ୍ତ କରାଯିବ। ତଦନ୍ତରେ ଆଇଆଇସିଙ୍କ ସମ୍ପୃକ୍ତି ଜଣାପଡିଲେ ଆଇନ ଅନୁଯାୟୀ ପଦକ୍ଷେପ ନିଆଯିବ ବୋଲି ନୟାଗଡ଼ ଏସ୍‌ପି ପ୍ରତ୍ୟୁଷ ଦିବାକର ଧରିତ୍ରୀକୁ ସୂଚନା ଦେଇଛନ୍ତି। ଏ ନେଇ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ କୁହନ୍ତି, ରଣପୁର ଆଇଆଇସିଙ୍କୁ ବଦଳି କରିବାକୁ ମୁଁ ବିଭିନ୍ନ ସମୟରେ ଡିଜି ଓ ଡିଆଇଜିଙ୍କୁ ଅବଗତ କରାଇଛି । ତେବେ ଏଯାବତ କୌଣସି ପଦକ୍ଷେପ ନେଉ ନାହାନ୍ତି। ଫଳରେ ରଣପୁର ଥାନା ଅଂଚଳରେ ଆଇନଶୃଙ୍ଖଳା ବିଗିଡିବାରେ ଲାଗିଛି। ଲୋକେ ପୋଲିସ ଉପରୁ ଆସ୍ଥା ହରାଉଛନ୍ତି। ଆଇଆଇସିଙ୍କ ତୁରନ୍ତ ବଦଳି ନ ହେଲେ ଲୋକେ ଆନ୍ଦୋଳନ କରିବାକୁ କହୁଥିବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆତ୍ମନିଯୁକ୍ତିର ଆହ୍ବାନ ଦେଇଥିଲେ ଗାନ୍ଧୀ

ଅମିତ କୁମାର ସାମଲ ଅନୁଗୋଳ ଅଫିସ୍‌, ୧୫।୮ – ସ୍ବାଧୀନତାର ୭୪ ବର୍ଷ ଅବସରରେ ସେହି ସଂଗ୍ରାମ ଓ ସଂଗ୍ରାମୀଙ୍କୁ ମନେ ପକାଉଛି ଅନୁଗୋଳର ମାଟି।...

ସଚେତନତା ଅଭାବରୁ ବଢ଼ୁଛି ଦୁର୍ଘଟଣା

ଦାରିଙ୍ଗବାଡ଼ି,୯।୬(ଡି.ଏନ.ଏ)- ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ସଚେତନତା ଅଭାବ ଓ ଯାତ୍ରୀ ପରିବହନରେ ଅବ୍ୟବସ୍ଥା ଯୋଗୁ ଦୁର୍ଘଟଣା ବଢ଼ୁଛି। କେଉଁଠି ବସ୍‌ରେ ଆବଶ୍ୟକତା ଠାରୁ ଅଧିକା ଯାତ୍ରୀ...

ସାମାନ୍ୟ ବଚସା ନେଲା ଜୀବନ: ଗ୍ରାମ ସଭାପତିଙ୍କ ଗୁଳିମାଡ଼ରେ କନଷ୍ଟେବଳ ମୃତ

ଢେଙ୍କାନାଳ ଅଫିସ, ୧୪।୩: ଢେଙ୍କାନାଳ ଜିଲା ସଦର ଥାନା ଚାଉଳିଆ ଗ୍ରାମରେ ଦୋଳମେଳଣ ଚାଲିଥିବା ବେଳେ ଶୁକ୍ରବାର ରାତିରେ ସାମାନ୍ୟ ବଚସାରୁ ଗୁଳିମାଡ ଘଟିଛି। ଏଥିରେ...

ଲଗାଣ ବର୍ଷା ଯୋଗୁ ବାହ୍ୟଜଗତରୁ ୨ ପଞ୍ଚାୟତ ବିଚ୍ଛିନ୍ନ

ମାଲକାନଗିରି,୨୩ା୬ (ସ୍ବ.ପ୍ର.)- ମାଲକାନଗିରି ଜିଲାରେ ୨ ଦିନ ଧରି ଲଗାଣ ବର୍ଷା ଜାରି ରହିଛି। ଫଳରେ ଜିଲାର ମାଥିଲି ବ୍ଲକର ୨ଟି ପଞ୍ଚାୟତ ବାହ୍ୟଜଗତରୁ ବିଚ୍ଛିନ୍ନ...

ମା’ଙ୍କୁ ବଳାତ୍କାର, ନାବାଳକ ପୁଅ ସହ ଅପ୍ରାକୃତିକ ଯୌନ କ୍ରିୟା: ନୟାଗଡ଼ ଡିଇଓ କାର୍ଯ୍ୟାଳୟର ଷ୍ଟେନୋଙ୍କୁ ଜେଲ

ଖୋର୍ଦ୍ଧା ଅଫିସ,୨୬ା୧୧: ମା’କୁ ବଳାତ୍କାର, ନାବାଳକ ପୁଅକୁ ଅପ୍ରାକୃତିକ ଯୌନ କ୍ରିୟା କରି ନୟାଗଡ଼ ଜିଲା ଶିକ୍ଷା ଅଧିକାରୀ(ଡିଇଓ)ଙ୍କ କାର୍ଯ୍ୟାଳୟର ଷ୍ଟେନୋ ସୁରେନ୍ଦ୍ର ବାରିକ (୫୮)...

ଡିଲରଙ୍କ ଲାଇସେନ୍ସ ଅବଧି ବଢ଼ିଲା

କଟକ ଅଫିସ,୨୫ା୭: ଲାଇସେନ୍ସ ନବୀକରଣ ପ୍ରସଙ୍ଗରେ ରାଜ୍ୟର ପ୍ରାୟ ୨ ହଜାର ୫୯୦ ଜଣ ଡିଲରଙ୍କୁ ହାଇକୋର୍ଟରୁ ଆଶ୍ୱସ୍ତି ମିଳିଛି। ୨୦୨୧ ମାର୍ଚ୍ଚ ୩୧ ପର୍ଯ୍ୟନ୍ତ...

ପ୍ରବାସୀଙ୍କୁ ବିଡିଓଙ୍କ ଦୁର୍ବ୍ୟବହାର ପ୍ରସଙ୍ଗ: ବିଡିଓଙ୍କ ନିଲମ୍ବନ ଦାବିରେ ବ୍ଲକ ସମ୍ମୁଖରେ ବିକ୍ଷୋଭ

ଲଙ୍ଗଳେଶ୍ୱର, ୨୭।୫(ଡି.ଏନ.ଏ.)-ପ୍ରବାସୀ ଶ୍ରମିକଙ୍କୁ ବାଲିଆପାଳ ବିଡିଓଙ୍କ ଦୁର୍ବ୍ୟବହାର ଘଟଣା ଇତିମଧ୍ୟରେ ୧୩ ଦିନ ପୂରିଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଏହାର ପ୍ରତିବାଦ କରି...

ଜନ୍ମଦିନ ପାଳନ ହେଲା କାଳ: କୋଲାବରେ ୩ ସାଙ୍ଗଙ୍କ ସଲିଳ ସମାଧି

ଜୟପୁର,୨୯ା୨(ଡି.ଏନ୍‌.ଏ)- କୋରାପୁଟ ଜିଲା ସଦର ସରକାରୀ ମହାବିଦ୍ୟାଳୟ ପାର୍ଶ୍ୱ କୋଲାବ ଜଳଭଣ୍ଡାରରେ ବୁଡ଼ି ଶନିବାର ୩ ଛାତ୍ରଙ୍କ ମୃତ୍ୟୁ ଘଟିଛି । ମୃତକ ହେଲେ କୋରାପୁଟର...

Coronavirus Update


Archives

Model This Week

Why Dharitri