ଜଣେ ଇଂଲିଶ ଭାଷାରେ ଦୁର୍ବଳ ହେବା ଆମ ଦେଶରେ କିଛି ନୂଆ ନୁହେଁ। ଅନେକ ଶିକ୍ଷାର୍ଥୀଙ୍କୁ ଇଂଲିଶ ଭାଷାର ସାଧାରଣ ଓ୍ବାର୍ଡ ଯଥା କ୍ୟାନ୍ ଓ କୁଡ୍ ମଧ୍ୟର ଫରକ ଜଣା ନ ଥାଏ। ସମାନ ସମସ୍ୟା ଥିଲା ଭେଟେରାନ ଭାରତୀୟ ଅଫ୍ ସ୍ପିନର ହରଭଜନ ସିଂଙ୍କ। ସେ ମଧ୍ୟ ଇଂଲିଶ ଭାଷାରେ ଦୁର୍ବଳ ଥିଲେ। ଉଭୟ ଶବ୍ଦର ଅର୍ଥ ପ୍ରାୟତଃ ନିଶ୍ଚିତ ପାରିବ। କିନ୍ତୁ ଏକଥା ଟର୍ବୋନେଟର ଭାବେ ଜଣାଶୁଣା ଭଜିଙ୍କୁ ଜଣା ନ ଥିଲା। ଏହା ସେ ଲୋକପ୍ରିୟ କମେଡି ଶୋ ‘ଦ କପିଲ ଶର୍ମା ଶୋ’ରେ ସ୍ବୀକାର କରିଥିଲେ। ମାତ୍ର ତାଙ୍କ ସ୍ତ୍ରୀ ଗୀତା ବାସରା ଇଂଲିଶ ଭାଷାରେ ପାରଙ୍ଗମ। ତାଙ୍କ ସହାୟତା ଓ କମେଣ୍ଟ୍ରି କରି କରି ତାଙ୍କ ଇଂଲିଶରେ ସୁଧାର ଆଣିଥିଲେ ବୋଲି ସେ କହିଥିଲେ। କେବଳ ହରଭଜନଙ୍କ ଇଂଲିଶ ଭାଷାରେ ଦୁର୍ବଳତା ଥିଲା, ତା ନୁହେଁ କିମ୍ବଦନ୍ତୀ ସଚିନ ତେନ୍ଦୁଲକର, ବୀରେନ୍ଦ୍ର ସେହ୍ବାଗ, ମହମ୍ମଦ କୈଫ ମଧ୍ୟ ସମାନ ସମମ୍ୟାର ସମ୍ମୁଖୀନ ହୋଇଥିଲେ।
