ସ୍ବାଭାବିକ ହେଉଛି, ଭିଡ଼ ବି ବଢୁଛି

ଭୁବନେଶ୍ୱର,୧୨ା୫(ବ୍ୟୁରୋ): ତୃତୀୟ ପର୍ଯ୍ୟାୟ ଲକ୍‌ଡାଉନ୍‌ ଜାରି ରହିଥିବାବେଳେ ରାଜଧାନୀ ଭୁବନେଶ୍ୱର ଏବେ ବି ରେଡ୍‌ ଜୋନ୍‌ରେ ରହିଛି। ସଂକ୍ରମଣକୁ ଯଥାସମ୍ଭବ ରୋକିବା ପାଇଁ ପୋଲିସ ଓ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ପରିବର୍ତ୍ତିତ କଟକଣା ଲାଗୁ କରାଯାଇଛି। ହେଲେ ଜୀବନ ଜୀବିକା ଓ ଆର୍ଥିକ ବ୍ୟବସ୍ଥା ବିଗୁଡୁଥିବାରୁ ସ୍ଥିତିକୁ ଦୃଷ୍ଟିରେ ରଖି ନିୟମରେ କିଛିଟା କୋହଳ କରାଯାଇଛି। ଫଳରେ କଟକଣା ସହ ରାଜଧାନୀର ସ୍ଥିତି ଧୀରେ ଧୀରେ ସ୍ବାଭାବିକ ହେବାରେ ଲାଗିଛି। ସରକାରଙ୍କ ଗାଇଡ୍‌ଲାଇନ୍‌ ଅନୁଯାୟୀ କେତେକ ଶିଳ୍ପ ପ୍ରତିଷ୍ଠାନଠାରୁ ଆରମ୍ଭ କରି ଦୋକାନ ବଜାର ଖୋଲିବା ଆରମ୍ଭ କରିଥିବାବେଳେ ରାସ୍ତାରେ ଗାଡିମୋଟର ସଂଖ୍ୟା ବଢ଼ିଲାଣି। ସେହିଭଳି ସାଧାରଣ ଲୋକଙ୍କ ଚଳପ୍ରଚଳ ଦେଖିବାକୁ ମିଳୁଥିବାବେଳେ ହାଟ, ବଜାରରେ ବି ଗହଳି ଜମିଲାଣି।
ରହୁନି ସାମାଜିକ ଦୂରତ୍ୱ
କରୋନା ଭୂତାଣୁ ସଂକ୍ରମଣ ରୋକିବା ପାଇଁ ସାମାଜିକ ଦୂରତ୍ୱ ହେଉଛି ପ୍ରମୁଖ ଅସ୍ତ୍ର। ଏହାକୁ ଗୁରୁତ୍ୱ ଦିଆଯିବା ସହ କଟକଣାରେ କେତେକ କୋହଳ କରାଯାଇଛି। ହେଲେ ସାଧାରଣ ଲୋକ ହୁଅନ୍ତୁ କି ବ୍ୟବସାୟୀ ଅବ ଅନ୍ୟ କେହି ଏହି ସୁଯୋଗରେ ନିୟମକୁ ଖୋଲାଖୋଲି ଉଲ୍ଲଂଘନ କରୁଥିବା ଦେଖିବାକୁ ମିଳୁଛି। ହାଟ ଓ ଦୋକାନରେ ଲୋକେ ଭିଡ଼ ଜମାଇ କିଣାବିକା କରୁଥିବା ଦେଖିବାକୁ ମିଳୁଛି। ବିଶେଷକରି ଆମିଷ ବଜାରରେ ଅଧିକ ଭିଡ଼ ରହୁଛି। ଫଳରେ ରାଜଧାନୀର କରୋନା ସ୍ଥିତି ପୁଣି ବିଗିଡିଯିବା ଆଶଙ୍କା ପ୍ରକାଶ ପାଇଛି।
ଅମାନିଆ ଗାଡ଼ି ଚାଳକ ନେଇଯିବେ ଜୀବନ
କେତେକ ସ୍ଥାନରେ ବ୍ୟାରିକେଡ ରହିଥିବାବେଳେ ଅନେକ ଛକରେ ଟ୍ରାଫିକ ପୋଲିସ ନାହାନ୍ତି। ଏହାର ସୁଯୋଗ ନେଇ ଜାତୀୟ ରାଜପଥଠାରୁ ଆରମ୍ଭ କରି ସହରର ପ୍ରମୁଖ ଓ କଲୋନୀ ରାସ୍ତାରେ ଗାଡ଼ିଗୁଡିକ ଦ୍ରୁତଗତିରେ ଯିଏ ଯୁଆଡେ ପାରୁଛି ଯିବାଆସିବା କରୁଛନ୍ତି। ଫଳରେ କିଛିଦିନ ହେବ ଦୁର୍ଘଟଣା ନ ଥିବା ରାଜଧାନୀ ରାସ୍ତାରେ ଅମାନିଆଙ୍କ ଦ୍ରୁତ ଗାଡ଼ିଚାଳନା ପୁଣି ଜୀବନ ନେବ ବୋଲି କୁହାଯାଉଛି। ସେହିପରି ଅନେକ ବାରିକେଡ଼ରେ ରେଡ଼ିୟମ୍‌ ଲାଗି ନ ଥିବାରୁ ଗାଡ଼ି ଚାଳକ ଅନ୍ଧାରରେ ଜାଣି ନ ପାରି ଦୁର୍ଘଟଣାଗ୍ରସ୍ତ ହେଉଛନ୍ତି।
ଫ୍ୟାନ୍‌, ଏସି ପାଇଁ ଲାଗିଲାଣି ଭିଡ଼
ଲକ୍‌ଡାଉନ୍‌ ଯୋଗୁ ଲୋକେ ଘରେ ରହୁଛନ୍ତି। ସେଥିପାଇଁ ଘରର ପଙ୍ଖା,ଏସି ଓ କୁଲର ଆଦି ଖରାପ ହୋଇଯାଇଛି। ଏବେ ରାଜଧାନୀରେ ଖରାତାତି ଅତ୍ୟଧିକ ରହୁଥିବାରୁ ଗରମରେ ଲୋକେ ଘରେ ରହିବା କଷ୍ଟକର ହୋଇପଡୁଛି। ତେଣୁ ଏସବୁ ସାମଗ୍ରୀ ପାଇଁ ଦୋକାନରେ ଭିଡ଼ ଜମାଇବା ସହ ଘରକୁ କିଣି ନେଉଥିବା ଦେଖିବାକୁ ମିଳୁଛି।
ଥାନାକୁ ବିପଦ ବସ୍ତି
କମିଶନରେଟ ପୋଲିସରେ ଥିବା ବସ୍ତି ଏବେ ଥାନା ପାଇଁ ଅଡୁଆ ଆଣିଛି। କାରଣ ଏବେ ବସ୍ତିରେ ଅଧିକ ଛୋଟବଡ଼ ଗଣ୍ଡଗୋଳ ହେଉଛି। ଗୋଟିଏ ଘଟଣା ଘଟିଲେ ଥାନାକୁ ଦଳଦଳ ହୋଇ ବସ୍ତିର ଲୋକେ ଆସୁଛନ୍ତି। ପୋଲିସ ସେମାନଙ୍କୁ ବୁଝାଇଲେ ମଧ୍ୟ କିଛି ନ ଶୁଣି ଥାନା ଭିତରକୁ ପଶି ଏଠିସେଠି ସ୍ପର୍ଶ କରୁଛନ୍ତି। ଯାହାକୁ ନେଇ ଥାନାରେ କାର୍ଯ୍ୟରତ ପୋଲିସ କର୍ମଚାରୀ ନିଜକୁ ସୁରକ୍ଷିତ ମଣୁନାହାନ୍ତି।

ବ୍ୟାରିକେଡ୍‌ ଉଠିବା ନେଇ ୪ ଦିନରେ ନିଷ୍ପତ୍ତି

ନିୟମ କୋହଳହେବା ପରେ ବିଭିନ୍ନ ଛକରେ ଥିବା ବ୍ୟାରିକେଡ଼ ଉଠିବ କି ନାହିଁ ତାହକୁ ନେଇ ଏବେ ଆଲୋଚନା ଚାଲିଛି। ଲକ୍‌ଡାଉନ୍‌ ଆସନ୍ତା ୧୭ ତାରିଖ ପର୍ଯ୍ୟନ୍ତ ରହିଛି। ବ୍ୟାରିକେଡ୍‌ ଉଠାଇଦେଲେ ବା ପୂରା କୋହାଳ କରିଦେଲେ ଲୋକେ ରାଜରାସ୍ତାକୁ ପଳାଇ ଆସି ଭିଡ଼ ଜମାଇବେ। ତେଣୁ ବାରିକେଡ୍‌ ଉଠାଯାଇନି। ଆସନ୍ତା ୪ଦିନ ଭିତରେ ଏ ନେଇ ନିଷ୍ପତ୍ତି ହେବ ବୋଲି ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନାକୁ ହରାଇଲେ ୩୦ ମହିଳା ପୋଲିସ ଅଧିକାରୀ

ହାଇଦ୍ରାବାଦ,୩୦।୭: କରୋନା ମହାମାରୀ ଏବେ ସାରା ଦେଶ ପାଇଁ ଚିନ୍ତାର କାରଣ ପାଲଟିଥିବା ବେଳେ ଏଥିରେ କରୋନା ଯୋଦ୍ଧାଙ୍କ ସଂକ୍ରମଣ ସମସ୍ତଙ୍କୁ ଚିନ୍ତାରେ ପକାଇ ଦେଉଛି।...

କେଶ ଝଡ଼ିବା ଓମିକ୍ରନ୍‌ର ନୂଆ ଲକ୍ଷଣ, ସାବଧାନ !…

ଓ୍ବାଶିଂଟନ/ନୂଆଦିଲ୍ଲୀ, ୬।୧ : କେଶ ଝଡ଼ିବା ସମସ୍ୟା ଅତି ସାଧାରଣ। କିନ୍ତୁ ଏନେଇ ଏବେ ସାବଧାନ ରହିବାକୁ ପଡ଼ିବ। ଏହା କରୋନାର ନୂଆ ଭାରିଆଣ୍ଟ୍‌ ଓମିକ୍ରନ୍‌ରେ...

ବନ୍ୟା କ୍ଷୟକ୍ଷତି: ୧୧୦୦ କୋଟି ସହାୟତା ଲୋଡ଼ିଲେ ରାଜ୍ୟ ସରକାର

ଭୁବନେଶ୍ୱର,୧୭ା୯(ବ୍ୟୁରୋ)-ଅଗଷ୍ଟରେ ହୋଇଥିବା ବନ୍ୟା କ୍ଷୟକ୍ଷତିି ଭରଣା ପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କ ଠାରୁ ପ୍ରଥମ ପର୍ଯ୍ୟାୟରେ ୧୧୦୦ କୋଟି ଟଙ୍କାର ସହାୟତା ଲୋଡିଛନ୍ତି। ଓଡ଼ିଶା...

ପିଇଲା ପାଏନ୍‌ ସମସିଆରେ ଯୁଝୁଛନ୍‌ କୁଟ୍ରୁ ଗଁ।ବାସୀ:ଏକା ଝରନ୍‌ ପାଏନ୍‌ ସାହାଭରସା

କୋକସରା,୨୭।୭ (ଡି.ଏନ୍‌.ଏ): କଳାହାଣ୍ଡି ଜିଲା କୋକସରା ବ୍ଲକ ଆମପାଣି ପଁଚେତ୍‌ ଆଦିବାସୀ ବହୁଲ ହେଇଥିଲାବେଲେ ପଁଚେତ୍‌ର ଅନେକ ଗଁ। ଜଂଗଲ ଭିତରେ ରହିଛେ। ସେନ୍‌ତା ସାହାଜଖୋଳ...

ସିରମ୍‌ ଇନଷ୍ଟିଚ୍ୟୁଟ୍‌ ସିଇଓଙ୍କୁ ‘ଏସିଆନ୍‌ ଅଫ୍‌ ଦି ଇୟର’ ସମ୍ମାନ

ନୂଆଦିଲ୍ଲୀ,୫।୧୨: ସିରମ୍‌ ଇନଷ୍ଟିଚ୍ୟୁଟ୍‌ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ଆଦର ପୁନାଓ୍ବାଲାଙ୍କୁ ‘ଏସିଆନ୍‌ ଅଫ୍‌ ଦି ଇୟର’ ସମ୍ମାନ ପାଇଁ ମନୋନୀତ କରାଯାଇଛି। ସିଙ୍ଗାପୁରର ଦୈନିକ ଖବର...

ଝାରସୁଗୁଡ଼ାରେ ନବ, ବ୍ରଜରାଜନଗରରେ କିଶୋର ଆଗୁଆ

ଲଖନପୁର,୨୩।୫: ୧୨ ରାଉଣ୍ଡ ଗଣତି ଶେଷ ସୁଦ୍ଧା ଝାରସୁଗୁଡ଼ା ବିଧାନସଭା ଆସନରେ ବିଜେଡି ପ୍ରାର୍ଥୀ ନବ ଦାସ ଆଗରେ ଅଛନ୍ତି। ନବ ୪୧୫୨୫ ଭୋଟ ପାଇଥିବାବେଳେ...

ଷ୍ଟିଚ୍‌ ଖୋଲୁଖୋଲୁ ପେଟ ମେଲା ହୋଇଗଲା

କଟକ ଅଫିସ, ୩୧ା୧୦: ଷ୍ଟିଚ୍‌ ଖୋଲୁଖୋଲୁ ପେଟ ମେଲା ହୋଇଯାଇଛି। ସକାଳୁ ସନ୍ଧ୍ୟା ପର୍ଯ୍ୟନ୍ତ ରୋଗୀ ଜଣକ ଛଟପଟ ହେଉଥିଲେ ମଧ୍ୟ କୌଣସି ପ୍ରତିକାର କରାଯାଇନାହିଁ।...

ହସ୍ପିଟାଲରେ ଭର୍ତ୍ତି ହେଲେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ

ନୂଆଦିଲ୍ଲୀ, ୨୩।୯: କରୋନା ଭାଇରସ୍‌ ଦ୍ୱାରା ସଂକ୍ରମିତ ହୋଇଥିବା ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ବୁଧବାର ହସ୍ପିଟାଲରେ ଭର୍ତ୍ତି କରାଯାଇଛି। ଆମ୍‌ ଆଦ୍‌ମୀ ପାର୍ଟିର ଏହି...

Advertisement
Archives

Model This Week