ସ୍ବଚ୍ଛ ଭାରତ ମିଶନ ବାଟବନା: ପାଇଖାନାରେ ରହୁଛନ୍‌ ଛେଲ୍‌, କୁକ୍‌ରା

ଲାଞ୍ଜିଗଡ଼, ୨୬।୧୨ (ଡି.ଏନ୍‌.ଏ.)- ସ୍ବଚ୍ଛ ଭାରତ ମିଶନ ତରଫୁ ସବୁ ପରିବାରକେ ପାଇଖାନା ତିଆର କରବାର ଲାଗି ଟଁକା ଦିଆଯାଉଛେ। ସେନ୍‌ତା ଲୁକ୍‌କୁ ପାଇଖାନା ବେଭାର କରବାକେ ସଚେତନ କରବାର ଲାଗି ସବୁ ପଁଚେତ୍‌ରେ ୩ରୁ ୪ ଝନ୍‌ ତାଲିମ ନେଇଥିବାର ମୋଟିଭେଟର କାମ୍‌ କରୁଛନ୍‌। ସେ ହିସାବେ ଲାଞ୍ଜିଗଡ଼ ବ୍ଲକର ୨୬ଟା ପଁଚେତ୍‌ରେ ୧୦୮ ଝନ୍‌ ମୋଟିଭେଟର କାଯ୍‌ କରୁଛନ୍‌। ହେଲେ ବଡ଼ଭାଗି ମୋଟିଭେଟର ସରକାରକଁରନୁ ଟଁକା ପାଇ ମୂଲ କାମ୍‌ ଛାଡ଼ି ଉନିଅଁା କାମ୍‌ କରୁଥିବାର ଅଭିଯୋଗ ହେଉଛେ। ଯେନ୍‌ଥିରଲାଗି ବ୍ଲକର ୮୦ ଭାଗ ଲୋକ୍‌ ପାଇଖାନା ବେଭାର ନାଇଁ କରବାର, ଖୁଲାରେ ଝାଡ଼ାଝପଟ ଯାଉଛନ୍‌।
ଲାଞ୍ଜିଗଡ଼ ବ୍ଲକ ଗୁଟେ ଆଦିବାସୀ ବହୁଲ ଅତଡ଼ିଆ ଅଂଚଲ। ଇଠାନେ ଜନସାଧାରନକର ଭିତରେ ସଚେତନତା ସୁରୁଷ୍‌ଟି କରବାର ନିହାତି ଦରକାର। ବ୍ଲକର ଭିନେ ଭିନେ ଗଁାରେ ସ୍ବଚ୍ଛ ଭାରତ ମିଶନ ଯୋଜନାରେ ପାଇଖାନା ତିଆର କରାଯାଇଛେ ସତ୍‌। ହେଲେ ଅନେକ ଲୋକ୍‌ ଇ ପାଇଖାନା କେନ୍‌ଥେଇ ବେଭାର କରବେ ସେଟା ନାଇଁ ଜାନି। ଇଆଡ଼େ ପାଇଖାନାର ଲାଗି ଆଏଜ୍‌ତକ ପାଏନ୍‌ର ବେବସ୍‌ତା ନାଇଁ କରାଯାଇ। ସେନ୍‌ତା ବ୍ଲକର ୮ଟା ପଁଚେତ୍‌ର ଅନେକ ଗଁାରେ ଲୋକ୍‌ ପାଇଖାନାର ବେଭାର ନାଇଁ ଜାନିକରି ପାଇଖାନାକେ ଛେଲ୍‌ ଗୁହାଲ, କୁକ୍‌ରା ଗୁଡ଼ା ହିସାବେ ବେଭାର କରୁଥିବାର ଦେଖ୍‌ବାକେ ମିଲୁଛେ। ଅନେକ୍‌ ଲୋକ୍‌ ପାଇଖାନାକେ ଗୁଦାମ୍‌ ଘର ହିସାବେ ବି ବେଭାର କରୁଛନ୍‌। ବ୍ଲକର ବିଜେପୁର, କାନକୁଟ୍ରୁ, ମାଳିଯୁବାଙ୍ଗ, ବେନଗଁା, ପାହାଡ଼ପଦର, ଲାଞ୍ଜି, ବେଡ଼ାଗଁା, କୁମଖାଲ, ବନ୍ଧପାରୀ ଲେଖେଁ ପଁଚେତର ଅନେକ ଗଁାର ଲୋକ ବଁଧ୍‌ଖଁଡ଼ି, ରାସ୍‌ତା ତରେ, ନାଲ୍‌ ନଲିଆ ତରେ ଝାଡ଼ାଝପଟ କରୁଛନ୍‌। ସଚେତନତା ଅଭାବୁ ଗଁାଗଁଲିରେ ବାସ କରୁଥିବାର ଲୋକ୍‌ ପାଇଖାନାର ସଠିକ୍‌ ବେଭାର ଜାନି ନାଇଁପାରବାର। ଏନ୍‌ତାଥି ସେମାନେ ପାଇଖାନା ଘରେ ଜାଲେନି କାଠ୍‌, ଖରସି, ଭଂଗା ଦଦ୍‌ରା ସାମାନ ରଖୁଛନ୍‌। ଇ ଦିଗେ ବିଭାଗୀୟ ଅଧ୍‌କାରୀ ଦୁରୁଷ୍‌ଟି ଦେଇ ପଦକ୍ଷେପ ନେବାକେ ବୁଧିଜୀବୀ ମହଲରେ ଦାବି ହେଉଛେ। ଇ ବାବ୍‌ଦେ ଆରଡବ୍ଲ୍ୟୁଏସ୍‌ଏସ୍‌ର ଯନ୍ତ୍ରୀ ଯଶମନ୍ତ ମାଝିକୁଁ ପଚ୍‌ରାଲାରୁ ପଁଚେତ୍‌ମାନ୍‌କେ ମୋଟିଭେଟରମାନେ ନିଜର କାମ୍‌ ନାଇଁ କରବାର ସେଥିରଲାଗି ଆମେ ତାକର ଦରମା ବଁଦ୍‌ କରିଛୁଁ। ଅଂଲରେ ଲୁକ୍‌କୁ ସଚେତନ କରବାର ଦରକାର ଅଛେ। ଇଥିରଲାଗି କାଣା କରାଯାଇପାରବା ଆମେ ଆଲୋଚନା କରି ପଦକ୍ଷେପ ନେମୁ ବଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଶିକ୍ଷକଙ୍କ ବଦଳି ଓ ନିଯୁକ୍ତିକୁ ଗ୍ରାମବାସୀଙ୍କ ବିରୋଧ: ପ୍ରତିଶ୍ରୁତି ପାଇ ଆନ୍ଦୋଳନରୁ ଓହରିଲେ

ଖୁଣ୍ଟା,୧୭ା୯(ଡି.ଏନ୍‌.ଏ.): ଖୁଣ୍ଟା ବ୍ଲକ ଶିକ୍ଷା ବିଭାଗରେ କିଛି ଦିନ ହେଲା ଶିକ୍ଷକ ବଦଳି ଓ ନିଯୁକ୍ତିକୁ ନେଇ ଅଧିକାରୀମାନଙ୍କୁ ବେଶ ନାକେଦମ୍‌ ହେବାକୁ ପଡ଼ିଛି। ଜଣେ...

ଭାଲୁ ଆକ୍ରମଣରେ ଯୁବକ ଗୁରୁତର

ଉଦଳା,୧୭ା୨(ଡ଼ି.ଏନ୍‌.ଏ.)- ମୟୂରଭଞ୍ଜ ଜିଲା ଉଦଳା ବ୍ଲକ ଅଧୀନ ରାଢୋ ଚନ୍ଦ୍ରପୁର ଗ୍ରାମରେ ଶୌଚ ହେବାକୁ ଯାଇଥିବା ବେଳେ ଭାଲୁ ଆକ୍ରମଣରେ ଯୁବକ ଗୁରୁତର ହୋଇଛନ୍ତି ା...

ବନବିଭାଗର ଅବହେଳା: ଅସୁସ୍ଥ ମାଈ ହାତୀର ଜୀବନ ଗଲା

ଦେବଗଡ଼,୨୬ା୫(ସ୍ବ.ପ୍ର.): ଦେବଗଡ଼ ରେଞ୍ଜ ତଥା କଂସର ଫରେଷ୍ଟ ସେକ୍ସନ ଅଧୀନ ହିରନ୍‌ ଗ୍ରାମରେ ଗତ ଏପ୍ରିଲ ୬ ତାରିଖରୁ ଆଶ୍ରୟ ନେଇଥିବା ଅସୁସ୍ଥ ହାତୀର ସ୍ବାସ୍ଥ୍ୟବସ୍ଥାରେ...

ଗ୍ରାହକଙ୍କୁ ଲୁଟିବାକୁ ସୁଯୋଗ ଦେଉଛନ୍ତି ସରକାର

ବ୍ରହ୍ମପୁର ଅଫିସ୍‌,୧୪ା୭-ରାଜ୍ୟର ୪ ଡିସ୍‌କମ୍‌(ବିଦ୍ୟୁତ୍‌ ବିତରଣ ସଂସ୍ଥା) ଯଥା ସାଉଥ୍‌କୋ, ସେସୁ, ନେସ୍‌କୋ ଏବଂ ୱେସ୍‌କୋକୁ ସମ୍ପୂୂର୍ଣ୍ଣ ଭାବେ ଘରୋଇ ସଂସ୍ଥା ହାତକୁ ଟେକିଦେବା ପାଇଁ...

ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରକୁ ଗଲେ ହାଇଦ୍ରାବାଦରୁ ଆସିଥିବା ୪୦ ପ୍ରବାସୀ

ଭବାନୀପାଟଣା/କୋକସରା,୧୬।୫(ଡି.ଏନ୍‌.ଏ.)-ହାଇଦ୍ରାବାଦରେ ଫସି ରହିଥିବା କଳାହାଣ୍ଡି ଜିଲାର ୪୦ ଜଣ ପ୍ରବାସୀ ଓଡ଼ିଆ ଶୁକ୍ରବାର ଏକ୍‌ ବସ୍‌ରେ ଆସି କୋକସରା ବ୍ଲକ ଅଫିସ ସମ୍ମୁଖରେ ପହଞ୍ଚିଥିଲେ। ବିଡିଓ...

ବୁଡାଗୁଡା, କଡଗାବାଲିରେ ବ୍ୟାପୁଛି ଝାଡାବାନ୍ତି: ପହଁଚିଲା ସ୍ବାସ୍ଥ୍ୟ ଟିମ୍‌, ମାସକରେ ୨ ମୃତ୍ୟୁ ଅଭିଯୋଗ

ଦାରିଙ୍ଗବାଡ଼ି,୨୭।୪(ଡି.ଏନ.ଏ)- ଦାରିଙ୍ଗବାଡ଼ି ବ୍ଲକ କଡ଼ଗାବାଲି ଗ୍ରାମରେ ଝାଡ଼ାବାନ୍ତି ବ୍ୟାପୁଛି। ଡଙ୍ଗେଶ୍ୱର ପ୍ରଧାନ ଏବଂ ତାଙ୍କ ସ୍ତ୍ରୀ ସୁବାଜିନୀ ଏଥିରେ ଆକ୍ରାନ୍ତ ହୋଇଛନ୍ତି। ସୁବାଜିବୀ ଗର୍ଭବତୀ ଥିବାବେଳେ...

ଭିନ୍ନ ରହିବେନି ଭିନ୍ନକ୍ଷମ

ଅନୁଗୋଳ ଅଫିସ, ୨୭।୨ ଜନ୍ମରୁ ହେଉ ଅବା ରୋଗ କି ଦୁର୍ଘଟଣା, ବିଭିନ୍ନ କାରଣରୁ ଭିନ୍ନକ୍ଷମ ହୋଇଯାଇଥିବା ବ୍ୟକ୍ତିଙ୍କୁ ଶାରୀରିକ ଭାବେ ସକ୍ଷମ କରାଯିବ। କୃତ୍ରିମ...

ପୁରୀରୁ ୪ ଆକ୍ରାନ୍ତ ଚିହ୍ନଟ: ଜିଲାରେ କରୋନା ପଜିଟିଭ ସଂଖ୍ୟା ୮୫ରେ ପହଞ୍ଚିଲା

ପୁରୀ ଅଫିସ, ୨୬ା୫: ପୁରୀ ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଦୃତ ଗତିରେ ବଢ଼ିବାରେ ଲାଗିଛି। ମଙ୍ଗଳବାର ଜିଲାରେ ପୁଣି ୪ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।...

Advertisement


Archives

Model This Week

Why Dharitri