କରୋନା ମୁକାବିଲାରେ ବଲିଉଡ୍ ତାରକାମାନେ ସହାୟତାର ହାତ ବଢାଇଛନ୍ତି। ଏବେ ଏଥିରେ ନିଜକୁ ସାମିଲ କରିଛନ୍ତି ବଲିଉଡ ଅଭିନେତା ସୋନୁ ସୁଦ। ସେ ମୁମ୍ବାଇରେ ଫଶି ରହିଥିବା ପ୍ରବାସୀ ଶ୍ରମିକମାନଙ୍କ ପାଇଁ ଯାନବାହନର ବନ୍ଦୋବସ୍ତ କରି ଏବେ ଚାରିଆଡେ ଚର୍ଚ୍ଚା ପାଲଟିଛନ୍ତି। ଶ୍ରମିକମାନେ ସୁରକ୍ଷିତ ଭାବେ ଘରେ ପହଞ୍ଚିବା ପରେ ଭିନ୍ନ ଭିନ୍ନ ଅନ୍ଦାଜ୍ରେ ସୋନୁଙ୍କୁ ଧନ୍ୟବାଦ ଜଣାଇଛନ୍ତି। ନିକଟରେ ଜଣେ ଶ୍ରମିକ ଘରେ ପହଞ୍ଚି ସୋନୁଙ୍କୁ ଭଗବାନ ବୋଲି କହି ତାଙ୍କର ପୂଜାର୍ଚ୍ଚନା କରିଛନ୍ତି। ଏହାର ଏକ ଭିଡିଓ ଉକ୍ତ ବ୍ୟକ୍ତି ଜଣଙ୍କ ସୋନୁଙ୍କୁ ପଠାଇଥିଲେ। ଏହାପରେ ସୋନୁ ଭିଡିଓଟିକୁ ନିଜ ଟୁଇଟରେ ଶେୟାର କରିଛନ୍ତି। ଭିଡିଓରେ ବ୍ୟକ୍ତି ଜଣଙ୍କ ଠାକୁରଙ୍କ ପାଖରେ ସୋନୁଙ୍କ ଫଟୋ ରଖି ପୂଜାର୍ଚ୍ଚନା କରୁଥିବାର ଦେଖାଯାଇଛି। ଏହାସହ କ୍ୟାପ୍ସନ୍ରେ ଲେଖିଛନ୍ତି, ଯିଏ ମା’ଙ୍କ ସହ ଭେଟ କରାଏ ସିଏ ଭଗବାନ ସଦୃଶ। ସୋନୁ ସୁଦ୍ଙ୍କ ଭଳି ପ୍ରତ୍ୟେକ ମଣିଷ ଭଗବାନ ହୋଇ ନ ଥାନ୍ତି। ମୁଁ ତ ଆପଣଙ୍କୁ ଭଗବାନ ମାନୁଛି। ଆପଣ ମୋ ସ୍ବପ୍ନ ପୂରଣ କରି ମା’ଙ୍କ ସହ ଭେଟ କରାଇଛନ୍ତି। ଏହାର ଜବାବରେ ସୋନୁ କହିଛନ୍ତି, ଦୟାକରି ଏମିତି କୁହନ୍ତୁ ନାହିଁ। ମା’ଙ୍କୁ କୁହନ୍ତୁ ମୋ ପାଇଁ ବି ପ୍ରାର୍ଥନା କରିବେ। ସବୁ କିଛି ଠିକ୍ ହୋଇଯିବ।
ସୂଚନାଯୋଗ୍ୟ, ମୁମ୍ବାଇରେ ଫଶି ରହିଥିବା ୭୦୦ ଜଣ ପ୍ରବାସୀ ଶ୍ରମିକଙ୍କୁ ଉତ୍ତରପ୍ରଦେଶ ଓ ବିହାରକୁ ଯିବା ପାଇଁ ୧୪ଟା ବସ୍ର ବନ୍ଦୋବସ୍ତ କରି କରିଥିଲେ ସୋନୁ। ସେ ଗୁଲବାରା, କର୍ଣ୍ଣାଟକ ଓ ମହାରାଷ୍ଟ୍ରରେ ଫଶିଥିବା ଶ୍ରମିକଙ୍କ ପାଇଁ ଗାଡି ଯୋଗାଡ କରିଦେବା ସହ ସେମାନଙ୍କୁ ଘରକୁ ପଠାଇଥିଲେ।
अरे भाई ऐसा मत कर 🙏 माँ से कहना मेरे लिए भी रोज़ दुआ माँग ले। सब सही हो जाएगा। https://t.co/raG8yQND3K
— sonu sood (@SonuSood) June 2, 2020
