ସିବିଆଇ ଅଫିସର କହି ଲୁଟ୍‌
7:34 amNovember 29, 2019 / 21

ଭଞ୍ଜନଗର,୨୯।୧୧(ଡି.ଏନ୍‌.ଏ.)- ଭଞ୍ଜନଗର ଆର୍‌ସିରୋଡ଼ରେ ଗୁରୁବାର ଜଣେ ଦୁର୍ବୃତ୍ତ ସିବିଆଇ ଅଫିସର କହି ଜଣେ ବ୍ୟକ୍ତିଙ୍କଠାରୁ ଅଳଙ୍କାର ଓ ଟଙ୍କା ଲୁଟି ନେଇଛନ୍ତି। ଲୁଟ୍‌ରର ଶିକାର ହୋଇଛନ୍ତି ଡ଼ାଲିଆ ପୃଷ୍ଟି। ଏନେଇ ଡାଲିଆ ଭଞ୍ଜନଗର ଥାନାରେ ଅଭିଯୋଗ କରିଥିବା ଜଣାପଡ଼ିଛି। ପ୍ରକାଶ ଯେ, ଆର୍‌ସିରୋଡରେ ରହୁଥିବା ଡାଲିଆ ଅପରାହ୍ନରେ ପାଇପ୍‌ କିଣିବାକୁ ଘର ନିକଟରେ ଥିବା ଏକ ଦୋକାନକୁ ଚାଲିଚାଲି ଯାଉଥିଲେ। ଏହି ସମୟରେ ଜଣେ ଯୁବକ ଆସି ନିଜକୁ ସିବିଆଇ ଅଫିସର ପରିଚୟ ଦେଇ ଭଞ୍ଜନଗର ପରିସ୍ଥିତି ଭଲ ନାହିଁ, ପିନ୍ଧିଥିବା ସୁନା ଅଳଙ୍କାର ସବୁ ରୁମାଲରେ ରଖିଦିଅ ବୋଲି କହିଥିଲେ। ଏହାପରେ ପାଖରେ ଥିବା ଆଉଜଣେ ବ୍ୟକ୍ତି ଆସି ମଧ୍ୟ ପରିସ୍ଥିତି ଭଲ ନାହିଁ ବୋଲି କହିଥିଲେ। ଏହାପରେ ଡାଲିଆ ପିନ୍ଧିଥିବା ସୁନା ଅଳଙ୍କାର କାଢି ରୁମାଲରେ ରଖିବାବେଳେ ସମ୍ପୃକ୍ତ ନକଲି ସିବିଆଇ ଅଫିସର ଅଳଙ୍କାର ଓ ଟଙ୍କା ଲୁଟି ନେଇଥିଲେ। କିଛି ସମୟ ପରେ ଡାଲିଆ ଘରେ ପହଞ୍ଚତ୍ ରୁମାଲ ଖୋଲି ଦେଖିବାବେଳକୁ ସେଥିରେ ସୁନା ଅଳଙ୍କାର ଟଙ୍କା ନ ଥିଲା।