ସିଙ୍ଗାପୁରରେ ଚାକିରି ଦେବା ନାଁରେ ଠକେଇ- କ୍ରାଇମ୍‌ ଡିଏସ୍‌ପିଙ୍କୁ ମିଳିଲା ତଦନ୍ତ ଦାୟିତ୍ୱ

ବ୍ରହ୍ମପୁର ଅଫିସ,୩ା୬-ସିଙ୍ଗାପୁରରେ ଚାକିରି ଦେବା କହି ଆନ୍ଧ୍ରପ୍ରଦେଶର ଇଚ୍ଛାପୁର ଓ ବିଶାଖାପାଟଣା ସମେତ ଗଞ୍ଜାମ ଜିଲାର ପାତ୍ରପୁର, ଚିକିଟି ବ୍ଲକର ୫୦୦ରୁ ଊର୍ଦ୍ଧ୍ୱ ପାଠୁଆ ବେକାରି ଯୁବକଙ୍କଠାରୁ କୋଟିଏ ଟଙ୍କା ଠକେଇ ହୋଇଛି। ଏନେଇ ଶତାଧିକ ଯୁବକ ବ୍ରହ୍ମପୁର ଏସ୍‌ପି ପିନାକ ମିଶ୍ରଙ୍କୁ ଭେଟି ଅଭିଯୋଗ କରିଥିଲେ।ସିଙ୍ଗାପୁରରେ ଚାକିରି କରାଇଦେବା ଲାଗି ପ୍ରାୟ ୫୦୦ ଯୁବକଙ୍କଠାରୁ ପର୍ଯ୍ୟାୟକ୍ରମେ ୨୫ରୁ ୩୦ ହଜାର ଟଙ୍କା ହିସାବରେ ୧ କୋଟି ଟଙ୍କା ସୁବ୍ରତ କୁମାର ପାଳ ଠକେଇ କରିଥିବା ଅଭିଯୋଗ ହୋଇଛି।ସଦର ଥାନା ଅନ୍ତର୍ଗତ ଭାବିନୀପୁର ମେନ ରୋଡ ଗୌତମ ନଗରରେ ଜବ୍‌ ଟ୍ରାକ୍‌ କନସଲଟାନ୍ସି ଟ୍ରେନିଂ ସେଣ୍ଟର ଖୋଲିଥିବା ସୁବ୍ରତ ଓ ତାଙ୍କ ପାର୍ଟନର ହିଞ୍ଜିଳିକାଟୁ ଗୋପୀନାଥପୁରର ବଳରାମ ମହାରଣା ନିରୀହ ଯୁବକମାନଙ୍କୁ ଟାର୍ଗେଟ କରି ଏପରି ଠକେଇ କରିଥିଲେ।ଅଭିଯୋଗ ପାଇବା ପରେ ଏସ୍‌ପି ମିଶ୍ର ଘଟଣାର ତଦନ୍ତ କରିବା ପାଇଁ କ୍ରାଇମ ଡିଏସ୍‌ପି ରାମକୃଷ୍ଣ ପତିଙ୍କୁ ଦାୟିତ୍ୱ ଦେଇଛନ୍ତି।
ଏନେଇ ଡିଏସ୍‌ପି ପତି କୁହନ୍ତି, ଯୁବକମାନେ କରିଥିବା ଅଭିଯୋଗର ସତ୍ୟତା ରହିଛି। ଏନେଇ ସଦର ଥାନାରେ ନଂ.୧୪୧/୧୯ରେ ଏକ ଠକେଇ ମାମଲା ରୁଜୁ ହୋଇଛି। ପୋଲିସ ଏବେ ଘଟଣାର ଅନୁସନ୍ଧାନ ଚଳାଇଛି।
ପ୍ରକାଶ ଯେ, ଗତ ୪ ମାସ ତଳେ ସୁବ୍ରତ ଓ ତାଙ୍କ ପାର୍ଟନର ବଳରାମ ବେକାର ଯୁବକଙ୍କୁ ଅନୁସନ୍ଧାନ କରି ପ୍ରଥମେ ସେମାନଙ୍କୁ ଟାର୍ଗେଟ କରିଥିଲେ। ପରେ ଫୋନ ମାଧ୍ୟମରେ ସେମାନଙ୍କ ବିଶ୍ୱାସଭାଜନ ହୋଇ ସିଙ୍ଗାପୁରରେ ଚାକିରି କରାଇ ଦେବୁ ବୋଲି କହିଥିଲେ। ପ୍ରଥମେ ମେଡିକାଲ ଟେଷ୍ଟ ପାଇଁ ୭ ହଜାର ଓ ପରେ ଭିଜା ଓ ଫ୍ଲାଇଟ ଟିକେଟ ପାଇଁ ୨୦ ରୁ ୨୫ ହଜାର ଟଙ୍କା ଲେଖାଏ ସୁବ୍ରତ ଯୁବକମାନଙ୍କଠାରୁ ନେଇଥିଲେ।ମଇ ୩୦ ଓ ୩୧ରେ ସିଙ୍ଗାପୁର ଯିବା ପାଇଁ ଯୁବକମାନଙ୍କୁ ଫ୍ଲାଇଟ ଟିକେଟ ଓ ଭିଜା ପାସ୍‌ପୋର୍ଟ ଗତ ୨୫ ତାରିଖରେ ସୁବ୍ରତ ସେମାନଙ୍କୁ ଦେଇଥିଲେ। ଯୁବକମାନଙ୍କ ମଧ୍ୟରୁ କେତେକ ଭୁବନେଶ୍ୱର ଓ ବିଶାଖାପାଟଣାମ୍‌ ଏରୋଡ୍ରମରେ ପହଞ୍ଚତ୍ ତାଙ୍କ ପାସପୋର୍ଟ ଓ ଟିକେଟ ଯାଞ୍ଚ କରିବା ବେଳେ ତାହା ନକଲି ବୋଲି ଜାଣିବାକୁ ପାଇଥିଲେ। ଶୁକ୍ରବାର ସେମାନେ ସୁବ୍ରତଙ୍କୁ ଭେଟିବାକୁ ଗୌତମ ନଗର ଯାଇଥିଲେ। ହେଲେ ସେଠାରେ ସେମାନେ ତାଙ୍କୁ ପାଇ ନ ଥିଲେ। ପରେ ଫୋନରେ ଯୋଗାଯୋଗ ପାଇଁ ଚେଷ୍ଟା କରିଥିଲେ ମଧ୍ୟ ତାହା ସୁଇଚ୍‌ ଅଫ୍‌ ଥିଲା।ଠକାମିର ଶିକାର ହୋଇଥିବା ଜାଣି ଶନିବାର ଶତାଧିକ ଯୁବକ ଏସ୍‌ପିଙ୍କୁ ଗୁହାରି ଜଣାଇବାକୁ ଆସିଛୁ ବୋଲି ପାତ୍ରପୁର ବ୍ଲକ ଜୟନ୍ତୀପୁରର ସନ୍ତୋଷ କୁମାର ରାଉଳ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମା’ଙ୍କ ଅନ୍ତିମ ସଂସ୍କାର ପାଇଁ ପୁଞ୍ଜିଲାଲଙ୍କ ଜାମିନ ଆବେଦନ

ବଲାଙ୍ଗୀର ଅଫିସ, ୧୧।୧- ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ମା’ ଇନ୍ଦୁମତୀ ମେହେର(୭୨)ଙ୍କ ଶୁକ୍ରବାର ରାତିରେ ବଲାଙ୍ଗୀର ଭୀମଭୋଇ...

ଭୋକ ଭୁଲିଛି ବେସାହାରା ହଜାରୀ

ଭଞ୍ଜନଗର,୪।୬(ଡି.ଏନ.ଏ)- ଗଞ୍ଜାମ ଜିଲା ଭଞ୍ଜନଗର ତହସିଲ ଅନ୍ତର୍ଗତ ଟୋକାଗଣ୍ଡାର ମାନସିକ ଅନଗ୍ରସହ ହଜାରୀ ନାୟକ(୧୭)। ୨ ବର୍ଷ ହେଲା ସେ ବେସାହାର ହୋଇପଡ଼ିଛନ୍ତି। ପେଟରେ ଭୋକ...

ଖୋର୍ଦ୍ଧା ନୂଆ ବସ୍‌ଷ୍ଟାଣ୍ଡରେ ଅବକାରୀ ବିଭାଗର ଚଢ଼ାଉ: ଲକ୍ଷାଧିକ ମୂଲ୍ୟର ବ୍ରାଉନ୍‌ସୁଗାର ଜବତ, ଜଣେ ଗିରଫ

ଖୋର୍ଦ୍ଧା ଅଫିସ, ୧୧।୧୦: ଶୁକ୍ରବାର ପୂର୍ବାହ୍ନରେ ଅବକାରୀ ବିଭାଗର କର୍ମଚାରୀମାନେ ଖୋର୍ଦ୍ଧା ନୂଆ ବସ୍‌ଷ୍ଟାଣ୍ଡ ଉପରେ ଚଢ଼ାଉ କରି ୧୬ ଗ୍ରାମ ବ୍ରାଉନସୁଗାର ଜବତ କରିଛନ୍ତି।...

ଶ୍ରମ ଆଇନରେ ସଂଶୋଧନକୁ ସିଆଇଟିୟୁ ପକ୍ଷରୁ ବିରୋଧ

ବ୍ରହ୍ମପୁର ଅଫିସ,୨।୮: ଶ୍ରମ ଆଇନରେ ସଂଶୋଧନ କରିବା ପାଇଁ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ନେଇ ଅସନ୍ତୋଷ ପ୍ରକାଶ କରିଛି ଶ୍ରମିକ ସଂଗଠନ ସିଆଇଟିୟୁ। ଶୁକ୍ରବାର ବ୍ରହ୍ମପୁରସ୍ଥିତ...

ବ୍ୟାଙ୍କରେ ଠକେଇ ଗୁଜବ

ଭଞ୍ଜନଗର,୬।୩(ଡି.ଏନ.ଏ)- ଭଞ୍ଜନଗର ଅଞ୍ଚଳର ଏକ ରାଷ୍ଟ୍ରାୟତ ବ୍ୟାଙ୍କରେ ଠକେଇ ହୋଇଥିବାନେଇ କିଛିଦିନ ହେବ ସୋସିଆଲ ମିଡ଼ିଆରେ ଗୁଜବ ହେଉଛି। ଲୋକେ ବ୍ୟାଙ୍କରେ ବନ୍ଧକ ରଖୁଥିବା ସୁନାରେ...

ତଦନ୍ତ ପାଇଁ ବଲାଙ୍ଗୀର ଗଲେ ୫ ଜଣିଆ ଟିମ୍‌

ପାରଳାଖେମୁଣ୍ଡି,୨୫।୭(ଡି.ଏନ୍‌.ଏ.): ଗଜପତି ଜିଲା ପାରଳାଖେମୁଣ୍ଡି ସହକାରୀ ବନ ସଂରକ୍ଷକ (ଏସିଏଫ୍‌) ସୌମ୍ୟରଞ୍ଜନ ମହାପାତ୍ରଙ୍କ ମୃତ୍ୟୁ ଘଟଣାରେ ଶନିବାର ପାରଳାଖେମୁଣ୍ଡି ପୋଲିସର ୫ ଜଣିଆ ଟିମ୍‌ ସେଠାରେ...

ଖରାଛୁଟି ପରେ ଖୋଲିଲା ସ୍କୁଲ, ପ୍ରଥମ ଦିନରେ ଛାତ୍ରୀଛାତ୍ରଙ୍କୁ ଫୁଲଚନ୍ଦନରେ କରାଗଲା ସ୍ବାଗତ

ବ୍ରହ୍ମପୁର ଅଫିସ,୨୧ା୬: ଖରାଛୁଟି ପରେ ଶୁକ୍ରବାର ଖୋଲିଛି ସ୍କୁଲ। ପ୍ରଥମ ଦିନରେ ସ୍କୁଲଗୁଡ଼ିକରେ ପ୍ରବେଶ ଉତ୍ସବ ଆୟୋଜନ କରାଯାଇଥିଲା । ଛାତ୍ରୀଛାତ୍ରମାନେ ନିର୍ଦ୍ଦାରିତ ସମୟରେ ସ୍କୁଲରେ...

କରୋନା ଭାଇରସ୍‌ରୁ ରକ୍ଷା ପାଇଁ ତାରାତାରିଣୀ ପୀଠରେ ପୂଜାର୍ଚ୍ଚନା

ପୁରୁଷୋତ୍ତମପୁର,୨୧।୩(ଡି.ଏନ୍‌.ଏ.): ସମଗ୍ର ବିଶ୍ୱରେ ଦେଖା ଦେଇଥିବା ମହାମାରୀ କରୋନା ଭାଇରସ୍‌ ଆତଙ୍କକୁ ନେଇ ଲୋକେ ଭୟଭୀତ ଅବସ୍ଥାରେ ଥିବାବେଳେ ଗଞ୍ଜାମର ପ୍ରସିଦ୍ଧ ଇଷ୍ଟଦେବୀ ମା’ ତାରାତାରିଣୀଙ୍କ...

Advertisement


Archives

Model This Week