ସିଗାରେଟ୍‌ : ଜୀବନ ଘାତକ

‘ପ୍ରାୟ ଦୁଇ ଦଶକ ପୂର୍ବେ ସ୍ବାସ୍ଥ୍ୟ ଉପରେ ଧୂମପାନର ଭୟାବହ ପରିଣାମ କ୍ରମେ ଜଣାଗଲା । ସେଥିରୁ ଜଣାପଡ଼ିଲା ଯେ, ସିଗାରେଟ୍‌ ଧୂଆଁରେ ଥାଏ ପ୍ରାୟ ୭୦୦ରୁ ଊର୍ଦ୍ଧ୍ୱ ବିଷାକ୍ତ ରସାୟନ । ତନ୍ମଧ୍ୟରୁ ପ୍ରମୁଖଗୁଡ଼ିକ ହେଲା ନିକୋଟିନ୍‌ ,ଏସିଟୋନ, ଆମୋନିଆ, ଆର୍ସେନିକ, ବ୍ୟୁଟେନ, ଫର୍‌ମାଲ ଡି ହାଇଡ୍‌, କାଡ୍‌ମିୟମ, କାର୍ବନ୍‌ ମନୋକ୍‌ସାଇଡ, ଡିଡିଟି, ହାଇଡ୍ରୋସିୟାନିକ ଏସିଡ୍‌ ଏବଂ ଜୋ ପାଇରିନ୍‌, ଆକ୍ରୋଲିନ ନାଇଟ୍ରୋସାମିନ୍‌, ନାପ୍‌ଥାଲିନ୍‌, ଟଲ୍ୟୁଇନ, ମେଥାନଲ ସହିତ ସୀସା-୨୧୦ ଓ ପୋଲୋନିୟମ-୨୧୦ ଭଳି ତେଜଷ୍କ୍ରିୟ ପଦାଥ । ସେସବୁ ମୁଖ, ଗଳା ଓ ରକ୍ତ କର୍କଟ ସମେତ ୧୯ ପ୍ରକାର କର୍କଟରୋଗ ଏବଂ ମସ୍ତିଷ୍କ ସଂଘାତ, ହୃଦ୍‌ଘାତ, ଯକ୍ଷ୍ମା, ଶ୍ୱାସରୋଗ, ଉଚ୍ଚ ରକ୍ତଚାପ, ରକ୍ତପେଟିକା ସଂକୋଚନ, ବିବିଧ ବୃକ୍‌କ ରୋଗ, ଉଭୟ ନାରୀ ଓ ପୁରୁଷଠାରେ ବନ୍ଧ୍ୟାତ୍ୱ, ରୋଗ ପ୍ରତିରୋଧ ଶକ୍ତି ହ୍ରାସ ଇତ୍ୟାଦିର କାରଣ ହୋଇଥାନ୍ତି।“

ସିଗାରେଟ୍‌ର ଜନ୍ମକାଳରୁ ତାହାର ମୁଖ୍ୟ ଉପାଦାନ ରୂପେ ବ୍ୟବହାର ହେଉଥିଲା ଧୂଆଁପତ୍ର। ଭାରତ ସମେତ ସମଗ୍ର ବିଶ୍ୱରେ ଏ ଶିଳ୍ପ ସମୃଦ୍ଧ ହେବା ସଙ୍ଗେ ସଙ୍ଗେ ଅର୍ଥକରୀ ଫସଲ ରୂପେ ଧୂଆଁପତ୍ର ଚାଷ ମଧ୍ୟ ପ୍ରସାର ଲାଭ କରିଥିଲା। ପ୍ରାୟ ଦୁଇ ଦଶକ ପୂର୍ବେ ସ୍ବାସ୍ଥ୍ୟ ଉପରେ ଧୂମପାନର ଭୟାବହ ପରିଣାମ କ୍ରମେ ଜଣାଗଲା । ସେଥିରୁ ଜଣାପଡ଼ିଲା ଯେ, ସିଗାରେଟ୍‌ ଧୂଆଁରେ ଥାଏ ପ୍ରାୟ ୭୦୦ରୁ ଊର୍ଦ୍ଧ୍ୱ ବିଷାକ୍ତ ରସାୟନ । ତନ୍ମଧ୍ୟରୁ ପ୍ରମୁଖଗୁଡ଼ିକ ହେଲା ନିକୋଟିନ୍‌ ,ଏସିଟୋନ, ଆମୋନିଆ, ଆର୍ସେନିକ, ବ୍ୟୁଟେନ, ଫର୍‌ମାଲ ଡି ହାଇଡ୍‌, କାଡ୍‌ମିୟମ, କାର୍ବନ୍‌ ମନୋକ୍‌ସାଇଡ୍‌, ଡିଡିଟି, ହାଇଡ୍ରୋସିୟାନିକ ଏସିଡ୍‌ ଏବଂ ଜୋ ପାଇରିନ୍‌, ଆକ୍ରୋଲିନ ନାଇଟ୍ରୋସାମିନ୍‌, ନାପ୍‌ଥାଲିନ୍‌, ଟଲ୍ୟୁଇନ, ମେଥାନଲ ସହିତ ସୀସା-୨୧୦ ଓ ପୋଲୋନିୟମ-୨୧୦ ଭଳି ତେଜଷ୍କ୍ରିୟ ପଦାର୍ଥ। ସେସବୁ ମୁଖ, ଗଳା ଓ ରକ୍ତ କର୍କଟ ସମେତ ୧୯ ପ୍ରକାର କର୍କଟରୋଗ ଏବଂ ମସ୍ତିଷ୍କ ସଂଘାତ, ହୃଦ୍‌ଘାତ, ଯକ୍ଷ୍ମା, ଶ୍ୱାସରୋଗ, ଉଚ୍ଚ ରକ୍ତଚାପ, ରକ୍ତପେଟିକା ସଂକୋଚନ, ବିବିଧ ବୃକ୍‌କ ରୋଗ, ଉଭୟ ନାରୀ ଓ ପୁରୁଷଠାରେ ବନ୍ଧ୍ୟାତ୍ୱ, ରୋଗ ପ୍ରତିରୋଧ ଶକ୍ତି ହ୍ରାସ ଇତ୍ୟାଦିର କାରଣ ହୋଇଥାନ୍ତି। ସେଥିପାଇଁ ବହୁ ମହଲରୁ ଏହାକୁ ନିଷେଧ କରିବାକୁ ଦାବି ହେବାରୁ ଆମ ଦେଶ ସମେତ ବିଶ୍ୱର ଅଧିକାଂଶ ସରକାର ଏହାକୁ ନିୟନ୍ତ୍ରଣ କରିବା ଉପରେ ଜୋର ଦେଲେ। ଏଣୁ ସିଗାରେଟ୍‌ ଉପରେ ଟିକସ ବୃଦ୍ଧି କରାଗଲା। ଏହାର ଖୋଳ ଉପରେ ବିପଦ ସୂଚନା ମୁଦ୍ରିତ କରାଗଲା। ଗଣମାଧ୍ୟମରେ ବିଜ୍ଞାପନ ନିଷେଧ କରାଗଲା ଏବଂ ଏହାର ବିକ୍ରୟ ଉପରେ ଆଇନଗତ କଟକଣା ଜାରି କରାଗଲା। ଫଳରେ ସିଗାରେଟ୍‌ ବ୍ୟବହାର କିଛି ମାତ୍ରାରେ କମ୍‌ ହୋଇଛି। ବିଶ୍ୱ ସ୍ବାସ୍ଥ୍ୟ ସଂସ୍ଥାର ଗଣନା ଅନୁସାରେ ପୃଥିବୀରେ ୨୦୦୦ ମସିହା ବେଳକୁ ୨୭ ପ୍ରତିଶତ ଲୋକ ସିଗାରେଟ୍‌ ସେବନ କରୁଥିଲା ବେଳେ ୨୦୧୬ ମସିହା ବେଳକୁ ତାହା ଖସି ଆସିଲା ୧୬ ପ୍ରତିଶତକୁ। ସେହି ସମୟ ମଧ୍ୟରେ ତାହା ଆମ ଦେଶରେ ୧୯ ପ୍ରତିଶତରୁ କମିଛି ପ୍ରାୟ ୧୦ ପ୍ରତିଶତକୁ ଏବଂ ୨୦୨୫ ବେଳକୁ ଏହା ୮.୫ ପ୍ରତିଶତରେ ପହଞ୍ଚିବ ବୋଲି ଆଶା କରାଯାଉଛି। ତଥାପି ଏବେ ମଧ୍ୟ ପ୍ରତିବର୍ଷ ବିଶ୍ୱର ୭ ନିୟୁତ ଲୋକ ଧୂମପାନଜନିତ ରୋଗରେ ପ୍ରାଣ ହରାଉଛନ୍ତି। ଆମ ଦେଶରେ ଏମାନଙ୍କ ସଂଖ୍ୟା ଲକ୍ଷାଧିକ।
ଇ-ସିଗାରେଟ୍‌ : ଏହି କାରଣରୁ ବିଗତ ପ୍ରାୟ ଏକଦଶକ ହେଲା ବିଶ୍ୱ ବଜାରରେ ସିଗାରେଟ୍‌( ତଥା ଅନ୍ୟାନ୍ୟ ତମାଖୁ ଭିତ୍ତିକ ଦ୍ରବ୍ୟ) ବ୍ୟବସାୟ ମାନ୍ଦା ହେବାରେ ଲାଗିଛି। ତେଣୁ ଏହି ଶିଳ୍ପକୁ ପୁନଃ ସକ୍ରିୟ କରିବା ପାଇଁ ବଜାରକୁ ଛଡ଼ାଯାଇଛି ତଥାକଥିତ ଇ-ସିଗାରେଟ୍‌(ଇଲେକଟ୍ରୋନିକ-ସିଗାରେଟ୍‌)। ପ୍ରକୃତରେ ଏହା ହେଉଛି ଏକ ବୈଦ୍ୟୁତିକ ନିକୋଟିନ ପ୍ରଦାନକାରୀ ବ୍ୟବସ୍ଥା(ଇଲେକ୍‌ଟ୍ରୋନିକ ନିକୋଟିନ ଡେଲିଭରି ସିଷ୍ଟମ)। ସାଧାରଣ ସିଗାରେଟ୍‌ ଏବଂ ସମସ୍ତ ପ୍ରକାର ତମାଖୁ ଜାତୀୟ ପଦାର୍ଥରେ ଥିବା ମୁଖ୍ୟ ଅପକାରୀ ତଥା ଅଭ୍ୟାସକାରୀ ଉପାଦାନଟି ହେଲା ନିକୋଟିନ। ତେବେ ସେଥିରେ ମଧ୍ୟ ଥାଏ ଆହୁରି ଅନେକ ବିଷାକ୍ତ ରସାୟନ। ଅନ୍ୟପକ୍ଷରେ ଇ-ସିଗାରେଟ୍‌ରେ ସାଧାରଣତଃ ଦିଆଯାଏ ନିକୋଟିନ, ବିବିଧ ସ୍ବାଦକାରୀ ପଦାର୍ଥ ଆଦିର ମିଶ୍ରଣର ଏକ ଦ୍ରବ୍ୟ। ତନ୍ମଧ୍ୟରୁ ତାହାକୁ ଗରମକରି ନିର୍ଗତ ବାଷ୍ପକୁ ସେବନ କରାଯାଏ। ଏଣୁ ଏଥିରେ ପରୋକ୍ଷ ଧୂମପାନର ସମ୍ଭାବନା କମ୍‌ ଏବଂ ରସାୟନ ଗୁଡ଼ିକର ସଂଖ୍ୟା ଓ ପରିମାଣ ସୀମିତ ହୋଇଥିବାରୁ ଏହା ଅପେକ୍ଷାକୃତ ନିରାପଦ ବୋଲି କହିଆସୁଛନ୍ତି ଉତ୍ପାଦନକାରୀମାନେ। ଅନ୍ୟପକ୍ଷରେ ଏ ସମ୍ପର୍କରେ ଭିନ୍ନ ଭିନ୍ନ ମତ ପୋଷଣକରି ଆସୁଥିଲେ ବିଶ୍ୱ ସ୍ବାସ୍ଥ୍ୟ ସଂସ୍ଥା, ଦ ବ୍ରିଟିଶ ମେଡିକାଲ ଆସୋସିଏଶନ, ଦ ଆମେରିକାନ ଆସୋସିଏଶନ ଅଫ୍‌ ପବ୍ଲିକ ହେଲ୍‌ଥ ଫିଜିସିଆନ୍ସ ଆଦି ପ୍ରମୁଖ ଆନ୍ତର୍ଜାତିକ ଅନୁଷ୍ଠାନ। କିନ୍ତୁ ଏବେ ୦ଏହା ଅତ୍ୟନ୍ତ ଅଭ୍ୟାସକାରୀ ଏବଂ ସ୍ବାସ୍ଥ୍ୟ ହାନିକାରକ ବୋଲି ନିର୍ଦ୍ଦିଷ୍ଟ ରୂପେ ପ୍ରମାଣିତ ହୋଇଗଲାଣି। ଏଣୁ ୨୦୧୪ରେ ଭାରତ ସରକାର ଏବଂ ୨୦୧୫ରେ ବିଶ୍ୱ ସ୍ବାସ୍ଥ୍ୟ ସଂସ୍ଥା ଏହାକୁ ନିୟନ୍ତ୍ରଣ କରିବା ଲାଗି ଉଦ୍ୟମ ଆରମ୍ଭ କଲେ। ନିକଟ(୩୧ା୫ା୧୯)ରେ ଇଣ୍ଡିଆନ କାଉନସିଲ ଅଫ୍‌ ମେଡିକାଲ ରିସର୍ଚ୍ଚ ଦ୍ୱାରା ପ୍ରସ୍ତୁତ ଶ୍ୱେତପତ୍ରରେ ସୂଚିତ କରାଯାଇଛି ଯେ, ସାଧାରଣ ଧୂଆଁପତ୍ର ସିଗାରେଟ୍‌ ଭଳି ଏହା ମଧ୍ୟ ହୃଦ୍‌ଶୂଳ, କର୍କଟ ରୋଗ, ସ୍ନାୟବିକ ଏବଂ ଶ୍ୱାସକ୍ରିୟା ଜନିତ ରୋଗ ତଥା ରୋଗ ପ୍ରତିରୋଧ ଶକ୍ତି ଉପରେ ନକାରାମତ୍କ ପ୍ରଭାବ ପକାଇବା ସଙ୍ଗେ ସଙ୍ଗେ ଡିଏନ୍‌ଏକୁ କ୍ଷତିଗ୍ରସ୍ତକରେ। ପୁନଶ୍ଚ ଗଭର୍ବତୀ ମହିଳାମାନେ ଏହା ସେବନ କଲେ ଭ୍ରୂଣ ଏବଂ ଶିଶୁର ମସ୍ତିଷ୍କର ବିକାଶ ବାଧାପ୍ରାପ୍ତ ହୁଏ। ସେଥିପାଇଁ ଏହାକୁ ଜନସ୍ବାସ୍ଥ୍ୟ ପାଇଁ ବିପଜ୍ଜନକ ବୋଲି ଘୋଷଣା କରିବାକୁ ଇଣ୍ଡିଆନ କାଉନସିଲ ଅଫ୍‌ ମେଡିକାଲ ରିସର୍ଚ୍ଚ ମତବ୍ୟକ୍ତ କରିଛି।

ପ୍ର. ରମେଶ ଚନ୍ଦ୍ର ପରିଡ଼ା

-ଉଷାନିବାସ, ୧୨୪/୨୪୪୫, ଖଣ୍ଡିଗିରି ବିହାର, ଭୁବନେଶ୍ୱର,
ମୋ : ୯୯୩୭୯୮୫୭୬୭


Enter your email to get our daily news in your inbox.

All Right Reserved By Dharitri.Com

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ମୋଦିଙ୍କୁ ବିବାହ ନିମନ୍ତ୍ରଣ ପତ୍ର ଦେଲେ ରିଙ୍କୁ ସିଂହ; ଏହି ସାଂସଦଙ୍କ ହାତ ଧରିବେ କ୍ରିକେଟର

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ବ୍ୟାଟର ରିଙ୍କୁ ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିଜ ବିବାହ ପାଇଁ ନିମନ୍ତ୍ରଣ କରିଛନ୍ତି। ଏହା ପୂର୍ବରୁ, ରିଙ୍କୁ ଉତ୍ତର ପ୍ରଦେଶର…

ନ୍ୟୁଜିଲାଣ୍ଡରେ ପହଞ୍ଚୁ ପହଞ୍ଚୁ ଭୟଭୀତ ହୋଇଗଲେ ରବୀନ୍ଦ୍ର ଜାଡେଜା: କହିଲେ, ମୋ ଘୋଡ଼ା ବି…

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ଷ୍ଟାର୍‌ ଅଲରାଉଣ୍ଡର ରବୀନ୍ଦ୍ର ଜାଡେଜା ନ୍ୟୁଜିଲାଣ୍ଡ ଗସ୍ତରେ ଟେଷ୍ଟ ସିରିଜ ପାଇଁ ଜୋରଦାର ପ୍ରସ୍ତୁତି କରୁଛନ୍ତି। ନେଟ୍ସରେ ଘଣ୍ଟା ଘଣ୍ଟା ଧରି…

ଗିଲ୍‌ କଲେ ବଡ଼ ଘୋଷଣା, ୪ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ ଇଣ୍ଡିଆ, ଜାଣନ୍ତୁ ସେମାନେ କିଏ…

ନୂଆଦିଲ୍ଲୀ,୧୭।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ୱେଲିଂଟନରେ ଖେଳାଯିବ। ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଆରମ୍ଭ ନଭେମ୍ବର ୧୯ ତାରିଖରୁ ହେବ।…

QUAD ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି-ଟ୍ରମ୍ପଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ, ଚାଇନାକୁ ଲାଗିପାରେ ଝଟକା

ନୂଆଦିଲ୍ଲୀ,୧୭।୧୧: ଆମେରିକା, ଚାଇନା ଏବଂ ରୁଷିଆକୁ ନେଇ ହେବାକୁ ଥିବା ଉଚ୍ଚସ୍ତରୀୟ ବୈଠକଗୁଡ଼ିକ ପୂର୍ବରୁ, ‘କ୍ୱାଡ’ (Quad) ସଦସ୍ୟ ରାଷ୍ଟ୍ରଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ…

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?