ସମ୍ପାଦକୀୟ/ପାଠ ନାହିଁ, ଫି’

କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍‌ଇ) ୧୧ ଅଗଷ୍ଟରେ ଦଶମ ଓ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ଫି’ ବହୁମାତ୍ରାରେ ବୃଦ୍ଧି କରିଛି। ଅନୁସୂଚିତ ଜାତି ଓ ଜନଜାତି ପିଲାଙ୍କ ଲାଗି ଫି’ ୨୪ ଗୁଣା ବୃଦ୍ଧି ପାଇଛି। ପୂର୍ବରୁ ସେମାନେ ୫୦ ଟଙ୍କା ଦେଉଥିବା ବେଳେ ଏବେ ୧୨୦୦ ଟଙ୍କା ଦେବେ। ସେହିପରି ସାଧାରଣ ବର୍ଗ ପିଲା ଆଗରୁ ୭୫୦ ଟଙ୍କା ଦେଉଥିବା ବେଳେ ଏଣିକି ୧୫୦୦ ଟଙ୍କା ପଇଠ କରିବେ। ଏହିପରି ଶ୍ରେଣୀରେ ନାମ ପଞ୍ଜୀକରଣଠାରୁ ଆରମ୍ଭ କରି ଅତିରିକ୍ତ ବିଷୟରେ ପରୀକ୍ଷା ଦେବା ଲାଗି ଥିବା ଫି’ ମଧ୍ୟ ବଢ଼ାଇ ଦିଆଯାଇଛି। ଏକାଥରକେ ଏତେ ମାତ୍ରାରେ ଫି’ ବୃଦ୍ଧି କରାଯାଇଥିବାରୁ ଅଭିଭାବକମାନେ ଅସନ୍ତୋଷ ବ୍ୟକ୍ତ କରିଛନ୍ତି। ଓଡ଼ିଶା ଅଭିଭାବକ ମହାସଂଘ ଏହାକୁ ବିରୋଧ କରି ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛି।
ସିବିଏସ୍‌ଇ ପରିଚାଳିତ ସ୍କୁଲରେ ପିଲାଙ୍କ ପାଠପଢ଼ା ଦିନକୁ ଦିନ ମହଙ୍ଗା ହେବାରେ ଲାଗିଲାଣି। ପ୍ରାରମ୍ଭିକ ଶ୍ରେଣୀ ଏଲ୍‌କେଜିରେ ନାମଲେଖା ଓ ମାସିକ ଫି’ ବାବଦରେ ସାଧାରଣ ସ୍କୁଲଗୁଡ଼ିକ ଯେତିକି ଅର୍ଥ ଦାବି କରୁଛନ୍ତି, କର୍ପୋରେଟ୍‌ ଢାଞ୍ଚାରେ ଚାଲୁଥିବା ବିଦ୍ୟାଳୟ ଅତ୍ୟଧିକ ମାତ୍ରାର ଅର୍ଥ ନେଉଥିବା ସମସ୍ତେ ଜାଣନ୍ତି। କେତେ ଲେଖାଏ ଅର୍ଥ ସ୍କୁଲ କର୍ତ୍ତୃପକ୍ଷ ନେବା ଉଚିତ ହେବ, ସେଥିନେଇ କୌଣସି ମାନଦଣ୍ଡ ନ ଥିବାରୁ ଅଭିଭାବକମାନେ ଆର୍ଥିକ ଚାପରେ ପଡ଼ୁଛନ୍ତି। ଅନେକ ସମୟରେ ସ୍କୁଲ କର୍ତ୍ତୃପକ୍ଷ ଓ ଅଭିଭାବକଙ୍କ ମଧ୍ୟରେ ଯୁକ୍ତିତର୍କ ଘଟି କଥା ଅଦାଲତ ପର୍ଯ୍ୟନ୍ତ ଯାଉଛି। ତଥାପି ପରିସ୍ଥିତିରେ ଉନ୍ନତି ଘଟୁନାହିଁ। ଯେହେତୁ ପିଲାଙ୍କ ଭବିଷ୍ୟତ ସର୍ବାଗ୍ରେ ରହୁଛି, ଅଭିଭାବକମାନେ ଶେଷଯାଏ ଲଢ଼ି କିଛି ସକାରାତ୍ମକ ଆଶ୍ୱାସନା ନ ପାଇ ଚୁପ୍‌ ହୋଇଯାଉଛନ୍ତି। କାରଣ ପିଲାଙ୍କ ଭବିଷ୍ୟତକୁ ଅନ୍ଧାରକୁ ଠେଲି ଅଭିଭାବକମାନେ କିଛି କରିପାରିବେ ନାହିଁ। କେତେକ ସ୍କୁଲରେ ଜାତୀୟ ଓ ଅନ୍ତର୍ଜାତୀୟ ସ୍ତରର ପାଠପଢ଼ା ହେବ ବୋଲି ପ୍ରଚାର କରାଯାଉଥିଲେ ମଧ୍ୟ ନାମଲେଖା ପରେ ସେହି ମାନ ବଜାୟ ରହୁ ନ ଥିବା ଦେଖିବାକୁ ମିଳୁଛି। ଏପରି କି ଅଭିଭାବକଙ୍କଠାରୁ ଅପର୍ଯ୍ୟାପ୍ତ ଅର୍ଥ ନେଉଥିଲେ ହେଁ ଉଚ୍ଚଶିକ୍ଷିତ ଓ ଅଭିଜ୍ଞ ଶିକ୍ଷୟିତ୍ରୀଶିକ୍ଷକ ରଖୁ ନ ଥିବା ଅନେକ ସ୍କୁଲରେ ପଢ଼ୁଥିବା ପିଲାମାନେ ଅଭିଯୋଗ କରୁଛନ୍ତି। କେବଳ ସେତିକି ନୁହେଁ, ସ୍କୁଲ ପିଲାମାନଙ୍କ ବହିଖାତାଠାରୁ ଆରମ୍ଭ କରି ପୋଷାକ ପର୍ଯ୍ୟନ୍ତ ନିର୍ଦ୍ଦିଷ୍ଟ ଦୋକାନରୁ ସେସବୁ କିଣିବା ପାଇଁ ବାଧ୍ୟ କରାଯାଉଥିବା ଦେଖିବାକୁ ମିଳୁଛି। ସ୍କୁଲ କର୍ତ୍ତୃପକ୍ଷ ଏଭଳି ବ୍ୟବସାୟିକ କ୍ଷେତ୍ରରେ ମୁଣ୍ଡ ନ ପୂରାଇବା ପାଇଁ ଅତୀତରେ ଅଦାଲତ କହିଥିଲେ ମଧ୍ୟ ସେଗୁଡ଼ିକୁ ଅନୁପାଳନ କରାଯାଉ ନାହିଁ। କେନ୍ଦ୍ରୀୟ ବିଦ୍ୟାଳୟ, ଜବାହର ନବୋଦୟ, ସୈନିକ ସ୍କୁଲ ଭଳି ସରକାରୀ ପରିଚାଳିତ ଶିକ୍ଷାନୁଷ୍ଠାନରେ ଅର୍ଥ ଲୋଭ ଦେଖାଯାଉ ନ ଥିଲେ ମଧ୍ୟ ଶିକ୍ଷାର ମାନ ବୃଦ୍ଧି ପାଉଥିବାର ଲକ୍ଷଣ ଦେଖିବାକୁ ମିଳୁନାହିଁ। ଏହିଭଳି କେନ୍ଦ୍ର ପରିଚାଳିତ ସ୍କୁଲଗୁଡ଼ିକରେ ଓଡ଼ିଆ ଭାଷାକୁ ଗୁରୁତ୍ୱ ଦିଆଯିବା ପରିବର୍ତ୍ତେ ହିନ୍ଦୀ ଶିଖାଇବା ଫଳରେ ପିଲାମାନଙ୍କୁ ମାତୃଭାଷାରୁ ବଞ୍ଚତ୍ତ କରାଯାଉଛି। ଏହା ଭବିଷ୍ୟତର ଓଡ଼ିଆ ପିଢ଼ିକୁ କ୍ଷତି ପହଞ୍ଚାଇବ।

ସିବିଏସ୍‌ଇ ପରୀକ୍ଷା ଫି’ ଅପର୍ଯ୍ୟାପ୍ତ ବୃଦ୍ଧି କରାଯିବା ଗରିବ ଓ ଅସହାୟ ବର୍ଗକୁ ବାଧିବ। ଯେହେତୁ ସିବିଏସ୍‌ଇରେ ବସିଥିବା ଅଧିକାରୀମାନଙ୍କ ସ୍କୁଲର ମୌଳିକ ସ୍ତର ସହ ସମନ୍ବୟ ରହୁ ନାହିଁ, ସେହେତୁ ମନଇଚ୍ଛା ଫି’ ବୃଦ୍ଧି କରିବାରେ ଦ୍ୱିଧାବୋଧ କରୁନାହାନ୍ତି। ଏହି ଶିକ୍ଷା ବୋର୍ଡ ଏବେ ପରୀକ୍ଷା ଫି’ ବୃଦ୍ଧି କରି କେବଳ ସମାଲୋଚିତ ହୋଇଛି ତାହା ନୁହେଁ, ନିକଟ ଅତୀତରେ ପ୍ରଶ୍ନପତ୍ର ଲିକ୍‌, ଖାତାଦେଖାରେ ଅନିୟମିତତା, ପାଠ୍ୟକ୍ରମରେ ବ୍ୟାପକ ପରିବର୍ତ୍ତନ ଭଳି ଅନେକ ତ୍ରୁଟି ଯୋଗୁ ନିନ୍ଦିତ ହୋଇଥିବା ସମସ୍ତଙ୍କୁ ଜଣା।
ଭାରତରେ ଶିକ୍ଷା ଓ ସ୍ବାସ୍ଥ୍ୟ ଭଳି ମୌଳିକ ଭିତ୍ତିଭୂମି ଆଜି ବିପର୍ଯ୍ୟସ୍ତ ଅବସ୍ଥାରେ ପହଞ୍ଚତ୍ଛି। ଶିକ୍ଷା ବିନା ପୃଥିବୀର କୌଣସି ସମାଜର ସ୍ଥାୟୀ ଅଗ୍ରଗତି ଘଟିପାରି ନାହିଁ। ପାଶ୍ଚାତ୍ୟ ଦେଶଗୁଡ଼ିକର ଅର୍ଥନୈତିକ ସଫଳତା ପଛରେ ଧର୍ମ କିମ୍ବା ଅନ୍ଧବିଶ୍ୱାସ ରହିନାହିଁ। ସେଠାରେ ପ୍ରାଇମେରି (ପ୍ରାଥମିକ) ଶିକ୍ଷାକୁ ଗୁରୁତ୍ୱ ଦିଆଯାଉଥିବା ହେତୁ ଅଳ୍ପ ଶିକ୍ଷିତ ମଧ୍ୟ ଜୀବନରେ ସଫଳତା ହାସଲ କରିପାରୁଛନ୍ତି। କେବଳ ପାଶ୍ଚାତ୍ୟ ଦେଶ ନୁହେଁ, ପୂର୍ବ ଏସିଆର ଅନେକ ରାଷ୍ଟ୍ରରେ ଶିକ୍ଷା ଉପରେ ଗୁରୁତ୍ୱ ଦିଆଯାଇଥିବାରୁ କେତୋଟି ଦଶନ୍ଧି ମଧ୍ୟରେ ଆଖିଦୃଶିଆ ଉନ୍ନତି ଘଟିପାରିଛି। ଆରମ୍ଭରୁ ଭାରତର ସରକାରୀ ବ୍ୟବସ୍ଥାରେ ବିଦ୍ୟାଳୟ ଏବଂ ଶିକ୍ଷା ଉଭୟକୁ ଅଣଦେଖା କରାଯାଇଛି। ସେଥିପାଇଁ କେବଳ ଭିତ୍ତିଭୂମି ସୃଷ୍ଟି କଲେ ହେବ ନାହିଁ, ଶିକ୍ଷକଙ୍କ ପ୍ରଶିକ୍ଷଣର ମଧ୍ୟ ମୌଳିକ ଆବଶ୍ୟକତା ରହିଛି। ଏହା ଭାରତର କୌଣସି ରାଜ୍ୟରେ ହେଉନାହିଁ। ଅର୍ଥାତ୍‌ ଯେତେବେଳେ ଶିକ୍ଷାର ନାମଗନ୍ଧ ନାହିଁ, ସେତେବେଳେ କେବଳ ବ୍ୟବସାୟ ପାଇଁ ଛାତ୍ରୀଛାତ୍ରଙ୍କ ଫି ବଢ଼ାଇବା ଏକ କୌତୂହଳ ଘଟଣା ବୋଲି ମନେହେଉଛି। ସମ୍ଭବତଃ ଏହି ବର୍ଦ୍ଧିତ ଫି’ ଆଦାୟ କରି ସିବିଏସ୍‌ଇ ନିଜର ଉନ୍ନତି ଘଟାଇବ।


Enter your email to get our daily news in your inbox.

All Right Reserved By Dharitri.Com

କିଏ ଏଇ ମା’

ସୁଧିରାଜ ରାଉତ ବର୍ଷା ମାସ। ଇନ୍ଦ୍ରାବତୀ ଜଳଭଣ୍ଡାର ସାମର୍ଥ୍ୟଠାରୁ ଅଧିକ ଜଳରେ ପୂର୍ଣ୍ଣହୋଇ ମନେହେଉଥିଲା ସତେ ଅବା ଏକ ମାଟିଆ ସମୁଦ୍ର। କୂଳରେ ବନ୍ଧା ହୋଇଥିବା...

ଏଇ ଭାରତରେ

ଭାରତର ଅନେକ ସ୍ଥାନରେ ପରମ୍ପରା ଓ ଲିଙ୍ଗଗତ ଅସମାନତାର ବେଡ଼ିରେ ବାନ୍ଧିହୋଇ ମହିଳାମାନେ ଅଣନିଃଶ୍ୱାସୀ ହୋଇପଡୁଥିବା ବେଳେ ବାରାଣସୀର ଏକ ଗାଁରେ ମହିଳାମାନେ ଯେପରି ସଂସ୍କାରୀ...

କଥାକଥାରେ

ସମ୍ବିଧାନର ଅନୁଚ୍ଛେଦ ୧୯ ଅନୁଯାୟୀ ଇଣ୍ଟରନେଟ୍‌ ସେବା ପାଇବା ନାଗରିକଙ୍କ ମୌଳିକ ଅଧିକାର ବୋଲି ସୁପ୍ରିମକୋର୍ଟ ୧୦ ଜାନୁୟାରୀରେ ସ୍ପଷ୍ଟ କରିଛନ୍ତି। ଅନୁଚ୍ଛେଦ ୩୭୦ରେ ଜମ୍ମୁ...

ଏଇ ଭାରତରେ

ଛୋଟ ପିଲାଙ୍କ ମନ ଓ ହୃଦୟ ଅଲେଖା ସ୍ଲେଟ୍‌ ପରି ନିର୍ମଳ। ସେମାନଙ୍କ ମଧ୍ୟରେ କୌଣସି ଧର୍ମ, ଜାତି, ସମ୍ପ୍ରଦାୟ ଜ୍ଞାନ ନ ଥାଏ। ଛତିଶଗଡ଼...

ଅସମୟରେ ଇଲେକ୍ଟୋରାଲ ବଣ୍ଡ୍‌ ବିକ୍ରିକୁ ଅନୁମତି

ନୀତୀନ ସେଠୀ ଜାନୁୟାରୀ ୨, ୨୦୧୮ରେ ଭାଜପା ସରକାର ବିବାଦୀୟ ଇଲେକ୍ଟୋରାଲ ବଣ୍ଡ୍‌ର ନିୟମକାନୁନ ସମ୍ପର୍କରେ ବିଜ୍ଞପ୍ତି ଜାରି କରିଥିଲେ। ତା’ପରେ ଅଚିରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ...

ଏଇ ଭାରତରେ

ଶ୍ରାବଣ ମାସ ପାଖେଇ ଆସୁଥିବା ବେଳେ ଏହି ସମୟରେ ହଜାର ହଜାର ଶିବଭକ୍ତ କାଉଡି ଯାତ୍ରାରେ ବାହାରିବେ। କାଉଡିଆଙ୍କ ବିଶ୍ରାମ ପାଇଁ ପଥ ପାର୍ଶ୍ୱରେ ଠାଏ...

କ୍ଷମତା କ୍ଷୁଣ୍ଣ

ସାଧାରଣ ନିର୍ବାଚନ ୨୦୧୯ର ଚୂଡ଼ାନ୍ତ ପର୍ଯ୍ୟାୟ ଭୋଟ ଗ୍ରହଣ ୧୯ ମେ’ରେ ଶେଷ ହୋଇଛି। କେତେକ ଲୋକ ବୁଥ୍‌ଫେରନ୍ତା ମତ (ଏକ୍‌ଜିଟ୍‌ ପୋଲ୍‌)କୁ ନେଇ ନାନା...

ଏଇ ଭାରତରେ

ଦେଶସେବା ପରେ ଏବେ ଚାଷରେ ଲାଗିଛନ୍ତି ରାଜସ୍ଥାନର ମୋତି ସିଂ। ତାଙ୍କ ଚାଷକୁ ନେଇ ଚର୍ଚ୍ଚା ହେଉଛି ଏଇଥିତ୍ପାଇଁ ଯେ, ସେ ଦେଢ଼ଫୁଟ ଲମ୍ବର ଲଙ୍କା...

Play 250+ Trending Games
Archives

Model This Week

Why Dharitri