ସମ୍ପାଦକୀୟ/ କିଏ ବଞ୍ଚାଇବ

ଓଡ଼ିଶାରେ ଆଇନ ଶୃଙ୍ଖଳା ପରିସ୍ଥିତି କିଭଳି ବିପର୍ଯ୍ୟସ୍ତ ହେବାରେ ଲାଗିଛି, ତାହା ଏବେ ରାଜ୍ୟର ବିଭିନ୍ନ ସ୍ଥାନରେ ଘଟୁଥିବା ଅପରାଧରୁ ଦେଖିବାକୁ ମିଳୁଛି। ନିକଟରେ କଳାହାଣ୍ଡି ଜିଲା ଭବାନୀପାଟଣାର ଏକ ଆଶ୍ରୟ ଗୃହ ମୁଖ୍ୟ ଏଚ୍‌ଆଇଭି ସଂକ୍ରମିତ ଜଣେ ନାବାଳିକାଙ୍କୁ ଯୌନ ନିର୍ଯାତନା ଦେବା, ଅନୁଗୋଳ ବସ୍‌ଷ୍ଟାଣ୍ଡ ନିକଟରେ ୮ ବର୍ଷୀୟା ନାବାଳିକାଙ୍କୁ ବଳାତ୍କାର ପରେ ହତ୍ୟା ଉଦ୍ୟମ, ଗତ ଦୁଇ ଦିନ ମଧ୍ୟରେ ସୁନ୍ଦରଗଡ଼ ଜିଲାରେ ୩ଟି ବଳାତ୍କାର ଘଟଣା ରାଜ୍ୟବାସୀଙ୍କୁ ଆଶ୍ଚର୍ଯ୍ୟ କଲାଣି। ସେହିପରି ପୁରୀ ଜିଲା ସାକ୍ଷୀଗୋପାଳ ନିକଟ ପଟ୍ଟନାୟିକିଆଠାରେ ସ୍ପଷ୍ଟ ଦିବାଲୋକରେ ୩ ଭାଇଙ୍କୁ ହତ୍ୟା କରାଯିବା ଘଟଣା ଆଇନ ଶୃଙ୍ଖଳାରେ ଦ୍ରୁତ ଅବନତି ଘଟୁଥିବା ବିଷୟକୁ ଇଙ୍ଗିତ କରୁଛି। ସବୁଠାରୁ ସମ୍ବେଦନଶୀଳ ବିଷୟ ହେଉଛି, ଚଳିତବର୍ଷ ମାର୍ଚ୍ଚ ୩୧ ସୁଦ୍ଧା ରାଜ୍ୟରେ ୫୦୨ ଝିଅ ନିଖୋଜ ହୋଇଯାଇଥିବା ବିଧାନସଭାରେ ଦିଆଯାଇଥିବା ତଥ୍ୟରୁ ଜଣାପଡ଼ିଛି। ସେମାନଙ୍କ ମଧ୍ୟରୁ ମାତ୍ର ୭୯ ଜଣଙ୍କୁ ଠାବ କରାଯାଇଥିବା କୁହାଯାଉଛି। ନିଖୋଜ ସଂଖ୍ୟାକୁ ଦେଖିଲେ ପୋଲିସ ସେମାନଙ୍କୁ ଖୋଜିବାରେ କେତେ ତତ୍ପର ବୁଝାପଡ଼ିଯାଉଛି। ଏଭଳି ପରିପ୍ରେକ୍ଷୀରେ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ, ଗତ ୫ ବର୍ଷ ମଧ୍ୟରେ ଓଡ଼ିଶା ନିର୍ଭୟା ପାଣ୍ଠିରୁ ପାଇଥିବା ଅର୍ଥ ମଧ୍ୟରୁ ୧୦ ପ୍ରତିଶତରୁ କମ୍‌ ଖର୍ଚ୍ଚ କରିପାରିଛି। ଉଲ୍ଲେଖଯୋଗ୍ୟ, ଏ ସଂକ୍ରାନ୍ତ ୫ଟି ପ୍ରକଳ୍ପ ଲାଗି କେନ୍ଦ୍ର ସରକାର ଓଡ଼ିଶାକୁ ୩୪.୬୧ କୋଟି ଟଙ୍କା ଦେଇଥିବା ବେଳେ ମାତ୍ର ୨.୮୬ କୋଟି ଟଙ୍କା ବ୍ୟୟ କରାଯାଇଛି। ଏଥିରୁ ପ୍ରଶାସନିକ ଅଧିକାରୀଙ୍କ ଉଦାସୀନତା ମଧ୍ୟ ବାରି ହୋଇପଡ଼ୁଛି।
ଓଡ଼ିଶାରେ ନାବାଳିକାଙ୍କୁ ବଳାତ୍କାର ଓ ନିଖୋଜ ଝିଅମାନଙ୍କ ସଂଖ୍ୟା ଦେଖିଲେ ଲଜ୍ଜାଜନକ ପରିସ୍ଥିତି ସୃଷ୍ଟି କରୁଛି। ଆଇନ ଶୃଙ୍ଖଳା ପରିସ୍ଥିତିରେ ଘୋର ଅବନତି ଦେଖାଦେଇଥିବାରୁ ବିଧାନସଭାରେ ଗତ ଦୁଇ ଦିନ ଧରିି ବିରୋଧୀ ସଦସ୍ୟମାନେ ଶାସକ ଦଳକୁ ସମାଲୋଚନା କରିଛନ୍ତି। ସରକାର ନିର୍ବାଚନରେ ଜିତିବା ଜାଣନ୍ତି, କିନ୍ତୁ କିଭଳି ରାଜ୍ୟକୁ ଶାସନ କରିବାକୁ ହୋଇଥାଏ ତାହା ଜାଣିନାହାନ୍ତି ବୋଲି ସେମାନେ ଅଭିଯୋଗ କରିଛନ୍ତି। ଏ ପରିସ୍ଥିତିରେ ଯଦି ଅନୁଗୋଳ ବସ୍‌ଷ୍ଟାଣ୍ଡ ନିକଟ ନାବାଳିକାଙ୍କୁ ବଳାତ୍କାର ଘଟଣାକୁ ଦେଖାଯାଏ, ତେବେ ଅଧିକ ଆଶ୍ଚର୍ଯ୍ୟ ହେବାକୁ ପଡ଼ିବ। ଫାଣ୍ଡିଠାରୁ ମାତ୍ର ୪୦୦ ମିଟର ଦୂରରେ ଏଭଳି ଜଘନ୍ୟ କାଣ୍ଡ ଘଟିଯାଇଛି। ଅର୍ଥାତ୍‌ ପୋଲିସ ନିଜ ଆଖପାଖକୁ ଜଗିବାରେ ବିଫଳ ହେଉଥିବା ଏଥିରୁ ସ୍ପଷ୍ଟ ହେଉଛି।
ନାରୀ ସଶକ୍ତୀକରଣ ଉପରେ ରାଜ୍ୟ ସରକାର ଗୁରୁତ୍ୱ ଦେଉଥିବା ବିଷୟ ସର୍ବଦା କହି ଚାଲିଛନ୍ତି। କିନ୍ତୁ ନାବାଳିକା, ଯୁବତୀ ଏବଂ ମହିଳାମାନଙ୍କ ପ୍ରତି ବଢ଼ି ଚାଲିଥିବା ଅତ୍ୟାଚାର ପୋଲିସ ପ୍ରଶାସନର ବିଫଳତାକୁ ସୂଚାଉଛି। ଅନୁଶାସନ ଆଣିବା ପାଇଁ ପୋଲିସ ଉପରେ ଦାୟିତ୍ୱ ଦିଆଯାଇଛି। ତଳ ସ୍ତରରେ ରହୁଥିବା ଏଏସ୍‌ଆଇ ଓ ଏସ୍‌ଆଇମାନେ ନିଜ ଥାନା ଅଞ୍ଚଳରେ ଘଟୁଥିବା ଅପରାଧ ପାଇଁ ଦାୟୀ ରହି ତତ୍‌କ୍ଷଣାତ୍‌ କାର୍ଯ୍ୟାନୁଷ୍ଠାନ ନେଇପାରିଲେ ଅସାମାଜିକ ବ୍ୟକ୍ତିମାନେ ଡରନ୍ତେ। କିନ୍ତୁ ଦୁଃଖର ବିଷୟ, ଝିଅ ହରଣଚାଲଠାରୁ ଆରମ୍ଭ କରି ସବୁ ପ୍ରକାରର ଅପରାଧ ସହିତ ପୋଲିସର ସିଧାସଳଖ ସମ୍ପର୍କ ରହୁଛି। ଏହା ସମସ୍ତେ ସ୍ବୀକାର କରିବେ ଯେ, ପୋଲିସ ଅଜାଣତରେ ବା ଅନିଚ୍ଛାରେ ଅପରାଧ ଘଟାଇବା ଅସମ୍ଭବ ହୋଇଥାଏ। ଏଣେ ଉପର ସ୍ତରର ଅଧିକାରୀମାନେ ସେଟିଂରେ ଅଧିକ ବ୍ୟସ୍ତ ରହି ଦାୟିତ୍ୱରେ ଅବହେଳା କରୁଛନ୍ତି। ଏହି ମନୋଭାବର ଦୁର୍ଗନ୍ଧ ଅପରାଧୀମାନଙ୍କୁ ଉତ୍ସାହିତ କରୁଛି।


Enter your email to get our daily news in your inbox.

All Right Reserved By Dharitri.Com

ମହାଶକ୍ତି ସଂଘର୍ଷ

ଡାନି ରୋଡ୍ରିକ୍‌ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ଙ୍କ ଆର୍ଥିକ ଓ ବୈଦେଶିକ ନୀତିଗୁଡ଼ିକ ଡୋନାଲ୍ଡ ଟ୍ରମ୍ପଙ୍କଠାରୁ ସମ୍ପୂର୍ଣ୍ଣ ଅଲଗା ହୋଇପାରେ, କିନ୍ତୁ ଚାଇନା ସହ ସମ୍ପର୍କ...

ଦୃଶ୍ୟମାନ ଈଶ୍ୱରଙ୍କ ଦୁଃଖ

ଈଶ୍ୱର ତ ଚିରକାଳ ଅଦୃଶ୍ୟ। ପୁଣି ଏହି ଅପହଞ୍ଚ ଇଲାକାର ଅଧୀଶ୍ୱର ତ ସକଳ ପ୍ରାଣୀଙ୍କ ଦୁଃଖମୋଚନର ଏକମାତ୍ର ସମର୍ଥ ଆଶ୍ରୟ। ସୁତରାଂ ‘ଦୃଶ୍ୟମାନ ଈଶ୍ୱରଙ୍କ...

ଏଇ ଭାରତରେ

ଜଣେ ଆଇଏଏସ୍‌ଙ୍କ ନେତୃତ୍ୱରେ ସରକାରୀ କର୍ମଚାରୀ ଓ ଶିକ୍ଷକମାନେ ଏକ ଆଦର୍ଶ ସ୍କୁଲ ଗଢିଛନ୍ତିି ତାମିଲନାଡୁରେ। ଚିକାବାଲାପୁର ଜିଲା ନନ୍ଦୀ ପାହାଡ ପାଦଦେଶରେ ଥିବା ଚିଗାଟେନାହାଲି...

ଏଇ ଭାରତରେ

ଜାମିନ ଚାହୁଁଥିଲେ ଲଗାଇବାକୁ ପଡିବ ୫ ଚାରା। ୬ ମାସ ପର୍ଯ୍ୟନ୍ତ ଯତ୍ନ ବି ନେବାକୁ ହେବ। ଉତ୍ତରପ୍ରଦେଶ ବାନ୍ଦା ଜିଲା ନରେନିର ମାଜିଷ୍ଟ୍ରେଟ୍‌ ବନ୍ଦିତା...

ଏଇ ଭାରତରେ

କମ୍ପ୍ୟୁଟର ଶିକ୍ଷାର ବିକାଶ ଲାଗି ଶୋହିବ ଦାର ଯେଉଁ ପ୍ରୟାସ ଜାରି ରଖିଛନ୍ତି ତାହା ପ୍ରଶଂସନୀୟ। ସେ ତିନୋଟି ରାଜ୍ୟର ୧୫,୦୦୦ରୁ ଊର୍ଦ୍ଧ୍ୱ ଶିଶୁଙ୍କୁ ମାଗଣାରେ...

ଉଡ଼ତା ଓଡ଼ିଶା

ଅନିଲ ବିଶ୍ୱାଳ ୨୦୧୬ରେ ବଲିଉଡ୍‌ରେ ଏକ ଚଳଚ୍ଚିତ୍ର ମୁକ୍ତିଲାଭ କରିଥିଲା, ଯାହାର ନାଁ ଥିଲା ଉଡ଼ତା ପଞ୍ଜାବ। ଚଳଚ୍ଚିତ୍ରଟି ଏକପ୍ରକାର ବ୍ୟବସାୟିକ ସଫଳତା ତ ପାଇଥିଲା...

ବିଭାଜନ ଲୋଡ଼ା ନାହିଁ

ପ୍ରଭାତ କୁମାର ଦାସ ଦେଶକୁ ସାମ୍ପ୍ରଦାୟିକ ଭାବନାରେ ବିଭାଜନ କରା ନ ଯାଉ,ଏ କଥା ମୂଳରୁ ଗାନ୍ଧିଜୀ କହୁଥିଲେ। ନିଜ ଅନୁଭବରୁ ସେ ଜାଣିଥିଲେ, ଭ୍ରାତୃତ୍ୱର...

ଏଇ ଭାରତରେ

ଔପଚାରିକ ଶିକ୍ଷାରୁ ବଞ୍ଚିତ ତଥା ଅଧାରୁ ପାଠ ଛାଡ଼ିଦେଉଥିବା ଏଭଳି ବସ୍ତି ପିଲାଙ୍କୁ ଶିକ୍ଷାର ଧାରାରେ ସାମିଲ କରୁଛନ୍ତି ରାଜସ୍ଥାନର ଭୁନେଶ ଶର୍ମା। ଜୟପୁର ନିବାସୀ...

Advertisement
Archives

Model This Week