ସବୁ ଜାଣି ନୀରବ ଦ୍ରଷ୍ଟା ସାଜିଛି ପ୍ରଶାସନ

ରସୁଲପୁର,୩୦-୧୦(ଡି.ଏନ୍‌.ଏ.)- ବିଭିନ୍ନ କ୍ଷେତ୍ରରେ ପ୍ରଶାସନିକ ଅଧିକାରୀଙ୍କ ଟାଳଟୁଳ ନୀତି ଯୋଗୁ ଦିନକୁ ଦିନ କଳାବଜାରୀଙ୍କ ସାମ୍ରାଜ୍ୟ ବଢିବାରେ ଲାଗିଛି। ଯାହାକି ପ୍ରତ୍ୟେକ୍ଷ ଭାବେ ରାଜ୍ୟ ରାଜକୋଷକୁ ପ୍ରଭାବିତ କରୁଛି। ଏପରି କି ଦିନକୁ ଦିନ ବେଆଇନ କାରବାର ବଢୁଉଛି। ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ମୁଖ୍ୟ ବ୍ୟବସାୟିକ ପେଣ୍ଠସ୍ଥଳି କୁଆଖିଆ ବଜାରରୁ ଯାତ୍ରୀବାହୀ ବସ୍‌ ଯୋଗେ ବେଆଇନ ମାଲ୍‌ ପରିବହନ ଏହାର ଏକ ମାତ୍ର ଉଦାହରଣ ଭାବରେ ନିଆଯାଇ ପାରେ। ଏହି ବଜାରର ଅଘୋଷିତ ବସ୍‌ ରହଣୀ ସ୍ଥାନରୁ ଦୈନିକ ଟନ୍‌ ଟନ୍‌ ସାମଗ୍ରୀ ବାହାର ରାଜ୍ୟକୁ ବେଆଇନ ପରିବହନ ହେଉଛି। ଟିକସ ଫାଙ୍କିବା ଆଳରେ ବ୍ୟବସାୟୀମାନେ ଏଭଳି କରୁଛନ୍ତି। ଫଳରେ ଏବାବଦରେ ଲକ୍ଷ ଲକ୍ଷ ଟଙ୍କା ରାଜସ୍ବହାନୀ ହେଉଛି ା ଏସବୁକୁ ପ୍ରଶାସନ ଜାଣି ନୀରବ ରହିବା ଘଟଣା ସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି।
ଅନୁସନ୍ଧାନରୁ ଜାଣିବାକୁ ମିଳିଛି ଯେ, ଯାଜପୁର ଜିଲାରୁ କଲିକତା, ଟାଟା, ରାଞ୍ଚତ୍, ଝାଡ଼ଖଣ୍ଡ, ବିହାର ଆଦି ସ୍ଥାନକୁ ବ୍ୟାପକ ବେଆଇନ ମାଲ୍‌ ପରିବହନ ହେଉଛି। ଆଉ କୁଆଖିଆ ବଜାରକୁ ମାଲ୍‌ ପରିବହନର ମୁଖ ଦ୍ୱାର ବୋଲି କୁହାଯାଉଛି ା ଏହି ବଜାରରୁ ବରୀ, ଯାଜପୁର, ଧର୍ମଶାଳା, ରସୁଲପୁର, ସୁକିନ୍ଦା, ଦାନଗଦୀ ଆଦି ବ୍ଲକ ଅଞ୍ଚଳର ବ୍ୟବସାୟୀମାନେ ମାଲ୍‌ ପରିବହନ ପାଇଁ ଯାତ୍ରୀବାହୀ ବସ୍‌କୁ ମାଧ୍ୟମ ସଜାଉଛନ୍ତି ା ଏହି ସବୁ ଅଞ୍ଚଳକୁ ଯାତାୟତ କରୁଥିବା ବସ୍‌ଗୁଡିକୁ ଦେଖିଲେ ମାଲ ପରିବହନ ଗାଡ଼ି ଭଳି ମନେ ହେଉଛି ା ବସ୍‌ରେ ଯାତ୍ରୀଙ୍କ ଲଗେଜ ବ୍ୟତିତ୍‌ ଅନ୍ୟମାଲ ପରିବହନ ପାଇଁ ଅନୁମତି ନ ଥିବା ବେଳେ ବସ୍‌ କର୍ମଚାରୀ ଓ ମାଲିକମାନେ ଅର୍ଥ ରୋଜଗାର ଲୋଭରେ ଏଭଳି କରୁଛନ୍ତି। ଯାହାକି ଯାତ୍ରୀମାନଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରୁଛି। ବିଶେଷକରି ବାଦାମ ବ୍ୟବସାୟୀମାନେ ବସ୍‌ ମାଧ୍ୟମରେ ମାଲ ପରିବହନ ଅଧିକ କରୁଥିବା ଦେଖିବାକୁ ମିଳୁଛି। ବ୍ୟବସାୟୀମାନେ ଦୈନିକ ଶହଶହ ଟନ୍‌ ବାଦାମ ମଞ୍ଜି ବସ୍‌ ଉପରେ ଲଦି କଲିକତା, ଟାଟା ଓ ରାଞ୍ଚତ୍ ଆଦି ଅଞ୍ଚଳକୁ ପରିବହନ କରୁଛନ୍ତି। ଏହାଛଡ଼ା ବସ୍‌ ଉପରେ ବିରି, ମୁଗ, ତମ୍ବା, ପିତଳ, ରସ, ଆଲମୁନିୟମରେ ତିଆରି ବାସନକୁସନ, ପ୍ଲାଷ୍ଟିକ ଓ ଲୁହାଲତା ସାମଗ୍ରୀ, ପାଣି ମୋଟର, ପାଇପ୍‌, ଲୁଗାପଟା ଆଦି ସାମଗ୍ରୀ ପରିବହନ ହେଉଛି ା ଦୈନିକ ଶହ ଶହ ବ୍ୟବସାୟୀ ବସ୍‌ ଜରିଆରେ ଏହି ମାଲ୍‌ ସବୁ ପରିବହନ କରୁଛନ୍ତି । ଏଥିପାଇଁ ଗେଟ୍‌ରେ ସେମାନଙ୍କୁ ଟିକସ ଦେବାକୁ ପଡୁ ନାହିଁ। ଫଳରେ ସରକାରୀ ରାଜସ୍ବ ହାନୀ ହେଉଛି। ଉକ୍ତ ମାଲ୍‌ଗୁଡିକ ଅସଲି ବିଲ୍‌ରେ ଖରଦି କରାଯାଉ ନ ଥିବାରୁ ବ୍ୟବସାୟୀମାନେ ସ୍ବତନ୍ତ୍ର ଗାଡ଼ି ଜରିଆରେ ପରିବହନ କରିବାକୁ ଭୟ କରୁଛନ୍ତି। ଏହି ସବୁ ଅଞ୍ଚଳକୁ ଯାତାୟତ କରୁଥିବା ଯାତ୍ରୀବାହୀ ବସ୍‌ଗୁଡ଼ିକ ବେଆଇନ ମାଲ ପରିବହନର ଏକ ବଳିଷ୍ଠ ମାଧ୍ୟମ ସାଜିଛି ା ଏହି ବେଆଇନ କାର୍ଯ୍ୟ ପୁରା ଖୋଲା ମେଲାରେ ଚାଲୁଛି ା ଏହି ବଜାର ଉପରେ ପୋଲିସ ପ୍ରଶାସନ ପକ୍ଷରୁ ଦୈନିକ ପାଟ୍ରୋଲିଂ କରାଯାଉଛି। ପରିବହନ ଓ ମୋଟର ଯାନ ଯାଞ୍ଚ ବିଭାଗର ଅଧିକାରୀ, ବିକ୍ରି ଓ ଆୟକର ଅଧିକାରୀ ପ୍ରମୁଖ ଏହି ବାଟଦେଇ ଯାତାୟତ କରୁଛନ୍ତି। ଦୈନିକ ଏହିଭଳି ବଡ଼ ଧରଣର ବେଆଇନ କାର୍ଯ୍ୟ ସନ୍ଧ୍ୟାଠାରୁ ବିଳମ୍ବିତ ରାତି ପର୍ଯ୍ୟନ୍ତ ଚାଲୁଥିଲେ ସୁଦ୍ଧା କେହି ବି ଏ ଦିଗରେ କୌଣସି ପଦକ୍ଷେପ ନେଉ ନାହାନ୍ତି । କାହିଁକି ଏଭଳି ବେଆଇନ ଚାଲାଣ ବିରୋଧରେ କୌଣସି ଅଧିକାରୀ ପଦକ୍ଷେପ ନେଉନାହାନ୍ତି, ତାକୁ ନେଇ ସାଧାରଣରେ ସନ୍ଦେହ ଉପୁଜୁଛି ା ଏହିଭଳି କାରବାର କେବେ ବନ୍ଦ ହେବ ଓ ବବସାୟୀଙ୍କ କଳା କାରବାର ଉପରେ କେବେ ରୋକ ଲାଗିବ ତାକୁ ନେଇ ଜନସାଧାରଣଙ୍କ ମନରେ ଉତ୍ସୁକତା ଲାଗିରହିଛି ା ଏନେଇ ସହକାରୀ ବାଣିଜ୍ୟ କର ଅଧିକାରୀ ପୂର୍ଣ୍ଣଚନ୍ଦ୍ର ଜେନାଙ୍କୁ ପଚାରିବାରେ ବେଆଇନ ଚାଲାଣ ରୋକିବାକୁ ଜିଲାରେ ଏକ ଏନ୍‌ଫୋର୍ସମେଣ୍ଟ ୟୁନିଟ କାର୍ଯ୍ୟ କରୁଛି। ଏସମ୍ପର୍କରେ ୟୁନିଟର ମୁଖ୍ୟ ମନ୍ମଥ ପ୍ରଧାନଙ୍କୁ ଜଣାଇବା ପରେ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜେନା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସୋରଡ଼ା ବ୍ଲକରେ ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍‌ଙ୍କ ସମୂହ ଇସ୍ତଫା:ଦରମା ପାଇଁ ଲାଞ୍ଚ ମଗାଯାଉଥିବା ଅଭିଯୋଗ ଆଣିଲେ କର୍ମଚାରୀ

ଛତ୍ରପୁର, ୧୬/୧୧(ଦିଲ୍ଲୀପ ସାମଲ ): ଗଞ୍ଜାମ ଜିଲାର ସୋରଡ଼ା ବ୍ଲକରେ କାର୍ଯ୍ୟରତ ୨୬ଟି ପଞ୍ଚାୟତର ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ ସମୂହ ଇସ୍ତଫା ଦେଇଛନ୍ତି। କାର୍ଯ୍ୟକ୍ଷେତ୍ରରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?