ସଂରକ୍ଷିତ ଲିଫ୍ଟରେ ଧସେଇ ପଶୁଛନ୍ତି ଲୋକେ

ଭୁବନେଶ୍ୱର,୩୦(ବ୍ୟୁରୋ): ବଜେଟ୍‌ରେ ବ୍ୟୟ ଅଟକଳ ବଢ଼ାଇ ନୂଆ ଟ୍ରେନ, ଟ୍ରାକ୍‌ ଓ ଷ୍ଟେଶନକୁ ଚକାଚକ୍‌ କରିବାରେ ଲାଗିଛି ଭାରତୀୟ ରେଳବାଇ। ହେଲେ ଷ୍ଟେଶନ ଓ ଟ୍ରେନ ଭିତରେ ଥିବା କେତେକ ଗୁରୁତ୍ୱପୂର୍ଣ୍ଣ ତଥା ସମ୍ବେଦନଶୀଳ ସମସ୍ୟାକୁ ଅଣଦେଖା କରୁଛନ୍ତି ରେଳ ବିଭାଗ। ଫଳରେ ଏହି ସମସ୍ୟାର ସମ୍ମୁଖୀନ ହେଉଛନ୍ତି କେତେକ ନିର୍ଦ୍ଧିଷ୍ଟ ଶ୍ରେଣୀର ଯାତ୍ରୀ। ଏଭଳି କିଛି ସମସ୍ୟା ଭୁବନେଶ୍ୱର ରେଳ ଷ୍ଟେଶନରେ ଦେଖିବାକୁ ମିଳିଛି। ଏଠାରେ ଦୈନିକ ୪୮ ହଜାର ଯାତ୍ରୀ ଷ୍ଟେଶନକୁ ଯିବାଆସିବା କରୁଥିବାବେଳେ ୨୦୦ରୁ ଊର୍ଦ୍ଧ୍ୱ ରେଳ ଗାଡି ଚାଲୁଛି। ତେବେ ଯାତ୍ରୀମାନଙ୍କୁ ଯିବାଆସିବାରେ ଅସୁବିଧା ନ ହେବା ପାଇଁ ବିଭାଗ ପକ୍ଷରୁ ଷ୍ଟେଶନରେ ରହିଛି ତିନୋଟି ଫୁଟ ଓଭର ବ୍ରିଜ୍‌। ସେଥିମଧ୍ୟରୁ ଦୁଇଟି ବ୍ୟବହାର ହେଉଥିବା ବେଳେ ଆଉ ଗୋଟିଏ ଅତି ପୁରୁଣା ହୋଇଯିବାରୁ ବ୍ରିଜକୁ ବନ୍ଦ କରାଯାଇଛି। ଦୀର୍ଘ ବର୍ଷ ଧରି ବ୍ୟବହାର ହେବା ପରେ ବ୍ରିଜଟିକୁ ଅସୁରକ୍ଷିତ ମନେ କରି ବନ୍ଦ କରିଦିଆଯାଇଛି। ତେବେ ୬ଟି ପ୍ଲାଟଫର୍ମକୁ ଯୋଡିବା ଲାଗି ଏବେ ମାତ୍ର ଦୁଇଟି ଓଭରବ୍ରିଜ ବ୍ୟବହାର ହେଉଛି। ପ୍ଲାଟଫର୍ମରେ ଗାଡି ଲାଗିବା ବେଳକୁ ନାହଁି ନ ଥିବା ଗହଳି ହେଉଥିବାର ଦେଖିବାକୁ ମିଳିଛି। ବର୍ତ୍ତମାନ ବ୍ୟବହାର ହେଉଥିବା ଦୁଇଟି ବ୍ରିଜ ଭିତରୁ ଗୋଟିଏ ଉଭୟ ପଟର ମୁଖ୍ୟଦ୍ୱାରଠାରୁ ଦୂରରେ ଥିବାରୁ ଯାତ୍ରୀମାନେ ଲଗେଜ ଧରି ଯିବାକୁ କଷ୍ଟ ମଣି ପ୍ରବେଶ ପଥ ପାଖ ବ୍ରିଜଟିକୁ ବ୍ୟବହାର କରାଯାଉଥିବା ଦେଖିବାକୁ ମିଳିଛି। ଗୋଟିଏ ଦୂରରେ ଓ ଆଉ ଗୋଟିଏରେ ଗହଳି ଦେଖି ଲୋକେ ଲିଫ୍ଟ ବ୍ୟବହାର କରିବାକୁ ଖୁବ୍‌ ସହଜ ମଣୁଛନ୍ତି। ସୂଚନାଯୋଗ୍ୟ, ଷ୍ଟେଶନରେ ଥିବା ଲିଫ୍ଟ କେବଳ ବୟସ୍କ, ଦିବ୍ୟାଙ୍ଗ ଓ ଗର୍ଭବତୀ ମହିଳାଙ୍କ ଲାଗି ଉଦ୍ଦିଷ୍ଟ। ଏ ବିଷୟରେ ସମ୍ପୂର୍ଣ୍ଣ ସୂଚନା ଲିଫ୍ଟ ବାହାରେ ଓଡ଼ିଆ, ହିନ୍ଦୀ ଓ ଇଂଲିଶରେ ତିନୋଟି ଭାଷାରେ ସ୍ପଷ୍ଟ ଉଲ୍ଲେଖ ରହିଛି। ବଡ଼ ବଡ଼ ଶବ୍ଦ ଓ ସ୍ପଷ୍ଟ ଭାବେ ଲେଖାଥିଲେ ସୁଦ୍ଧା କୌଣସି ବି ସକ୍ଷମ ବ୍ୟକ୍ତି ଏହାକୁ ମାନିବାକୁ ନାରାଜ। ବୟସ୍କ, ଦିବ୍ୟାଙ୍ଗ ଓ ଗର୍ଭବତୀ ହୋଇ ନ ଥିଲେ ସୁଦ୍ଧା ଜବରଦସ୍ତି ଲିଫ୍ଟ ବ୍ୟବହାର କରୁଥିବାର ସୋମବାର ଦେଖିବାକୁ ମିଳିଥିଲା। ଏପରିକି ଲିଫ୍ଟରେ ୨୦ଜଣ ଓ ୧୩ ଜଣଙ୍କ ଭାର ସମ୍ଭାଳିବା ସୂଚନା ଲେଖାଥିଲେ ସୁଦ୍ଧା ଅତ୍ୟଧିକ ଲୋକ ହୋଇଗଲେ ଭିତରେ ଥିବା ଲୋକେ ବୟସ୍କଙ୍କୁ ବାହାର କରିଦେଉଥିବାର ଦେଖିବାକୁ ମିଳିଥିଲା। ସୋମବାର ସନ୍ଧ୍ୟାରେ ୪ଜଣ ଯୁବକ ୩ଜଣ ଦୃଷ୍ଟିହୀନଙ୍କୁ ଲିଫ୍ଟ ବ୍ୟବହାର କରିବା ବେଳେ ଦୁର୍ବ୍ୟବହାର ମଧ୍ୟ କରିଥିଲେ। ଲିଫ୍ଟରେ ଅତ୍ୟଧିକ ଲୋକ ହୋଇଯିବାରୁ ବାଦ୍‌ ପଡିଯାଇଥିବା ଜଣେ ବୟସ୍କ ବ୍ୟକ୍ତିଙ୍କୁ ଏ ବିଷୟରେ ପଚାରିବାରୁ ସେ କହିଥିଲେ ଏହା ନୂଆ ନୁହେଁ ସବୁଦିନିଆ କଥା। ଲୋକଙ୍କ ଚିନ୍ତାଧାରା ବଦଳିବନି କି ଆମ ବ୍ୟବସ୍ଥା ସୁଧୁରିବନି ବୋଲି ସେ କହିଥିଲେ।
ଏ ସମ୍ପର୍କରେ ଭୁବନେଶ୍ୱର ରେଳ ଷ୍ଟେଶନ ନିର୍ଦ୍ଦେଶକ ଚିତ୍ତରଞ୍ଜନ ନାୟକ କୁହନ୍ତି, ସୂଚନାଫଳକ ଲଗାଯାଇଛି। ଆଉ ରେଳବାଇ ପାଖରେ ଯଥେଷ୍ଟ ବଳ ନାହଁି ଏ ସମସ୍ୟାକୁ ମୁକାବିଲା କରିବା ଲାଗି। ଲୋକେ ସଚେତନ ହେବା ଦରକାର, ଆଗକୁ କୌଣସି ବଡ଼ ପଦକ୍ଷେପ ନେବାକୁ ଚେଷ୍ଟା କରିବେ ବୋଲି ଶ୍ରୀ ନାୟକ ସୂଚନା ଦେଇଥିଲେ। ତା’ସହ ରେଳ ସୁରକ୍ଷା ବଳକୁ ଲିଫ୍ଟ ନିକଟରେ କର୍ମଚାରୀ ମୁତୟନ କରିବାକୁ ଅନୁରୋଧ କରିବେ ବୋଲି କହିଥିଲେ। ବନ୍ଦ ଥିବା ଫୁଟ ଓଭର ବ୍ରିଜ ବିଷୟରେ ଶ୍ରୀ ନାୟକ କହିଥିଲେ, ଏହା ୩ ମାସ ହେବ ବନ୍ଦ ହୋଇପଡ଼ିଛି। ପ୍ରଥମେ ଏହାକୁ ଭଙ୍ଗାଯିବ ଓ ନୂଆ ବ୍ରିଜ ତିଆରି ହେବାର ପ୍ରସ୍ତାବ ରହିଛି। କିନ୍ତୁ ସେଥିଲାଗି ବର୍ଷେରୁ ଅଧିକ ସମୟ ଲାଗିଯିବ। ବର୍ତ୍ତମାନ ସୁଧା ଟେଣ୍ଡର ମଧ୍ୟ ହୋଇନାହଁି।


Enter your email to get our daily news in your inbox.

All Right Reserved By Dharitri.Com

ସାଙ୍ଗ ପାଇଁ ପରୀକ୍ଷାରେ ଉତ୍ତର ଲେଖି ନ ଥିଲେ ଦ୍ରୌପଦୀ

ନୀଳାଦ୍ରି ବିହାରୀ ଦଣ୍ଡପାଟ ବାରିପଦା ଅଫିସ, ୨୯ା୬: ମୟୂରଭଞ୍ଜ ଜିଲାର ଉପରବେଡ଼ାରେ ଜନ୍ମିତା (୨୦ ଜୁନ ୧୯୫୮) ଦ୍ରୌପଦୀ ମୁର୍ମୁଙ୍କୁ ନେଇ ଏବେ ସାରା ଦେଶରେ...

ରେଙ୍ଗାଲୀ ଡ୍ୟାମ୍‌ରୁ ବନ୍ୟାଜଳ ନିଷ୍କାସନ: ଖୋଲିଲା ୮ ନମ୍ବର ଗେଟ୍‌

କଣିହାଁ,୧।୧୦(ଡି.ଏନ୍‌.ଏ.): ଅନୁଗୋଳ ଜିଲା କଣିହାଁ ବ୍ଲକସ୍ଥିତ ବ୍ରାହ୍ମଣୀ ନଦୀ ରେଙ୍ଗାଲୀ ଡ୍ୟାମ୍‌ରୁ ମଙ୍ଗଳବାର ପୂର୍ବାହ୍ନରେ ତୃତୀୟଥର ପାଇଁ ବନ୍ୟାଜଳ ନିଷ୍କାସନ ହୋଇଛି। ଡ୍ୟାମ୍‌ର ବିପଦସଙ୍କେତ ୧୨୩.୫୦...

ୟୁରିଆ ପାଇଁ ଲ୍ୟାମ୍ପସ୍‌ ଏମ୍‌ଡିଙ୍କୁ ମାଡ଼

ଝରିଗାଁ, ୨୦।୮(ସ୍ବ.ପ୍ର.): ନବରଙ୍ଗପୁର ଜିଲାରେ ସାର ଅଭାବ ଲାଗି ରହିଛି। ଝରିଗାଁ ବ୍ଲକ ଲ୍ୟାମ୍ପସ୍‌ରେ ଶୁକ୍ରବାର ସାର ବଣ୍ଟନବେଳେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। କେତେଜଣ...

କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କୁ ଭେଟିଲେ ବିଜେଡି ଏମ୍‌ପି

ଭୁବନେଶ୍ୱର,୧୮।୧୨(ବ୍ୟୁରୋ): ରାଜ୍ୟର ଆଶାକର୍ମୀମାନଙ୍କର ଦରମା ବୃଦ୍ଧି ନେଇ ନୂଆଦିଲ୍ଲୀର ନିର୍ମାଣ ଭବନ କାର୍ଯ୍ୟାଳୟରେ ଶୁକ୍ରବାର ରାଜ୍ୟ ସଭା ସଦସ୍ୟ ସୁବାସ ସିଂଙ୍କ ନେତୃତ୍ୱରେ ୫ ଜଣ...

ରାଜଧାନୀରେ ମାତିଲେ ସାଇବର ଠକ : ଗୋଟିଏ ଦିନରେ ୩ ଜଣଙ୍କଠାରୁ ଲକ୍ଷାଧିକ ଟଙ୍କା ଠକେଇ

ଭୁବନେଶ୍ୱର,୧୯।୮(ବ୍ୟୁରୋ) : ରାଜଧାନୀରେ ମାତିଛନ୍ତି ସାଇବର ଠକ। ସେମାନେ ବିଭିନ୍ନ ଆପ୍ଲିକେଶନ୍‌ଠାରୁ ଆରମ୍ଭ କରି ସୋସିଆଲ ନେଟ୍‌ଓ୍ବର୍କରେ ନକଲି ସାଇଟ୍‌ ଖୋଲି କୌଶଳରେ ଲୋକଙ୍କଠାରୁ ଅର୍ଥ...

୧୧,୫୨୬ ହିତାଧିକାରୀଙ୍କୁ ୧୧୧ କୋଟି ଋଣ

ଜଗତ୍‌ସିଂହପୁର ଅଫିସ, ୪।୧୧: ୧୧,୫୨୬ ହିତାଧିକାରୀଙ୍କୁ ୧୧୧.୬୪ କୋଟି ଟଙ୍କା ଋଣ ପ୍ରଦାନ କରାଯାଇଛି । ସ୍ବୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି), ବ୍ୟକ୍ତିଗତ, କଞ୍ଜୁମର ଡୁରେବ୍ଲ,...

ମହିଳାଙ୍କ ଫଟୋକୁ ଅଶ୍ଳୀଳ ସାଙ୍ଗକୁ ଭାଇରାଲ କରି ଯୁବକ ଅଟକ

ଓଡଗାଁ, ୪|୪(ସ୍ଵ. ପ୍ର.)- ଜଣେ ମହିଳାଙ୍କ ଫଟୋକୁ ଅଶ୍ଳୀଳ କରି ହ୍ଵାଟ୍ସଆପରେ ଭାଇରାଲ କରିବା ଅଭିଯୋଗରେ ସ୍ଥାନୀୟ ଆଦର୍ଶ ଥାନା ପୋଲିସ ଜଣେ ଯୁବକଙ୍କୁ ଅଟକ...

ପାନ ଦୋକାନୀରୁ ଓଏଏସ୍‌: ନାରାୟଣଙ୍କୁ ପୁରୁଷୋତ୍ତମପୁରରେ ସମ୍ବର୍ଦ୍ଧନା

ପୁରୁଷୋତ୍ତମପୁର, ୧୦।୧(ଡି.ଏନ୍‌.ଏ.) ଗଞ୍ଜାମ ଜିଲା ପୁରୁଷୋତ୍ତମପୁର ସହରର ନାରାୟଣ ବେହେରା(୨୫) ଓଡିଶା ପ୍ରଶାସନିକ ସେବା(ଓଏଏସ୍‌) ପରୀକ୍ଷାରେ ୫୧ ନଂ ର଼୍ୟାଙ୍କରେ ରହି ପୁରୁଷୋତ୍ତମପୁର ଲାଗି ଗୌରବ...

Advertisement
Archives

Model This Week