ମୁମ୍ବାଇ,୧୧।୮: କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରୀୟାଲ ଶନିବାର ଦାବି କରିଛନ୍ତି କି ନ୍ୟାଶନାଲ ଏରୋନଟିକ୍ସ ଆଣ୍ଡ ସ୍ପେଶ ଆଡମିନିଷ୍ଟ୍ରେଶନ(ନାସା) ଯଦି ଭବିଷ୍ୟତରେ ସ୍ପିକିଙ୍ଗ ବା କଥାକୁହା କମ୍ପୁଟର ତିଆରି କରେ ତାହା କେବଳ ସଂସ୍କୃତ ଭାଷା ପାଇଁ ହିଁ ସମ୍ଭବ ହେବ। କାରଣ ସଂସ୍କୃତ ହିଁ ବିଶ୍ୱର ଏକମାତ୍ର ବୈଜ୍ଞାନିକ ଭାଷା। ବମ୍ବେ ଆଆଟିର ୫୭ତମ ସମାବର୍ତ୍ତନ ଉତ୍ସବରେ ଯୋଗ ଦେଇ ପୋଖରୀୟାଲ ଏହା କହିଛନ୍ତି। ନାସା ମଧ୍ୟ କହିଛି କି ଯଦି ନିକଟ ଭବିଷ୍ୟତରେ ଟକିଙ୍ଗ କମ୍ପୁଟର ତିଆରି କରାଯାଏ ତାହା କେବଳ ସଂସ୍କୃତ ଭାଷା ଯୋଗୁ ସମ୍ଭବ ହୋଇ ପାରିବ। କାରଣ ସଂସ୍କୃତରେ ଯେମିତି କୁହାଯାଏ ଠିକ୍ ସେମିତି ଲେଖାଯାଇଥାଏ। ପୋଖରୀୟାଲ ଆହୁରି ମଧ୍ୟ କହିଛନ୍ତି କି ଚରକ ଋଷିଙ୍କର ଆୟୁର୍ବେଦ ପାଇଁ ଅବଦାନ ବହୁତ। ସେ ହିଁ ପ୍ରଥମେ ଗବେଷଣା କରି ଅଣୁ ଓ ପରମାଣୁ ଆବିଷ୍କାର କରିଥିଲେ। ସେହିପରି ପୂରାତନ ଚିକିତ୍ସକ ଶୁଶ୍ରୁତ ହେଉଛନ୍ତି ବିଶ୍ୱର ପ୍ରଥମ ସର୍ଜନ ବୋଲି ଦାବି କରିଛନ୍ତି ମାନବ ସମ୍ବଳ ବିକାଶ ମନ୍ତ୍ରୀ।
