ଶିଶୁର ଜୀବନ ଚାଲିଯିବା ପରେ…ରାସ୍ତା ନା ହସ୍ପିଟାଲ ଦାୟୀ

ଭୁବନେଶ୍ୱର, ୧୨।୨ (ବ୍ୟୁରୋ): ବିଳମ୍ବ ଯୋଗୁ ଚାଲିଯାଇଛି ୫ବର୍ଷର ନୀଲ୍‌ ନୀତୀଶ ନାୟକଙ୍କ ଜୀବନ। ରାଜଧାନୀ ରାଜରାସ୍ତାରେ ମଙ୍ଗଳବାର ପୂର୍ବାହ୍ନରେ ଘଟିଥିଲା ଏହି ହୃଦୟଥରା ଘଟଣା। ତ୍ରୁଟିପୂର୍ଣ୍ଣ ତଥା ବିଳମ୍ବ ଚିକିତ୍ସା ଯୋଗୁ ନା ରାସ୍ତାରେ ଟ୍ରାଫିକ ଜାମ୍‌ ଯୋଗୁ ନୀତୀଶଙ୍କ ମୃତ୍ୟୁ ହୋଇଛି ତାହାକୁ ନେଇ ଚାଲିଛି ନାନା ଆଲୋଚନା। ଉନ୍ନତ ସ୍ବାସ୍ଥ୍ୟ ସେବା ଉପରେ ରାଜ୍ୟ ସରକାର ଗୁରୁତ୍ୱ ଦେବା ସହ ସ୍ବାସ୍ଥ୍ୟ ବିଭାଗକୁ ‘ମୋ ସରକାର’ ଯୋଜନାରେ ସାମିଲ୍‌ କରିନ୍ତି। ରାଜ୍ୟର ପ୍ରମୁଖ କ୍ୟାପିଟାଲ ହସ୍ପିଟାଲକୁ ଚକାଚକ୍‌ କରାଯାଇଥିବାବେଳେ ଅଭିଜ୍ଞ ତଥା ଦାୟିତ୍ୱ ସମ୍ପନ୍ନ ଡାକ୍ତରଙ୍କୁ ଅବସ୍ଥାପିତ କରାଯାଇଥିବା କୁହାଯାଉଛି। ଏପଟେ ଭୁବନେଶ୍ୱର ନଂ.୧ ସ୍ମାର୍ଟସିଟି ହେବା ପରେ ରାସ୍ତାଠାରୁ ଆରମ୍ଭ କରି ଟ୍ରାଫିକ ପରିଚାଳନା ଉପରେ ଢେର୍‌ ଗୁରୁତ୍ୱ ଦିଆଯାଉଛି। କହିବାକୁ ଗଲେ ଏସବୁ କ୍ଷେତ୍ରରେ ସରକାର ଯୋଜନା ପରେ ଯୋଜନା ଗଦା କରିଚାଲିଛନ୍ତି। ହେଲେ କାହିଁକି ଭୁବନେଶ୍ୱର ପରି ସହରରେ ନୀତୀଶ୍‌ଙ୍କ ପରି ଜୀବନ ଯାଉଛି, ତାହାକୁ ନେଇ ଏବେ ସବୁଠି ବଡ଼ ପ୍ରଶ୍ନ ଉଠିଛି।

ନେତା ମନ୍ତ୍ରୀଙ୍କୁ ଗୁରୁତ୍ୱ, ଆମ୍ବୁଲାନ୍ସ ପାଇଁ ନାହିଁ ଲେନ୍‌
ରାସ୍ତାରେ ନେତା ମନ୍ତ୍ରୀ ଯିବାବେଳେ ପୋଲିସ ସାଧାରଣ ଲୋକଙ୍କୁ ଅଟକାଇ ସେମାନଙ୍କୁ ସ୍ବତନ୍ତ୍ର ଲେନ୍‌ କରି ନିଆଯାଉଛି। କିନ୍ତୁ ଆମ୍ବୁଲାନ୍ସ ପାଇଁ କିଛି ଲେନ୍‌ ରହୁନାହିଁ। ରାସ୍ତାର ବାମ ପଟେ ଆମ୍ବୁଲାନ୍ସ ପାଇଁ ସ୍ଥାନ ଛାଡିବା ପାଇଁ ବ୍ୟବସ୍ଥା ରହିଥିଲେ ମଧ୍ୟ ଲୋକେ ଗାଡି ଚଳାଇଲାବେଳେ କବ୍‌ଜା କରି ବାଟ ଓଗାଳୁଛନ୍ତି। ରାସ୍ତାରେ ଜାମ୍‌ରେ ଦୀର୍ଘ ସମୟ ଦରି ଫସି ରହୁଛି ଆମ୍ବୁଲାନ୍ସ। ବିଳମ୍ବ ଯୋଗୁ ରୋଗୀଙ୍କ ଜୀବନ ଯାଉଛି ବୋଲି ନୀତୀଶଙ୍କୁ ନେଇ ଯାଉଥିବା ଘରୋଇ ଆମ୍ବୁଲାନ୍ସର ଡ୍ରାଇଭର ଆଲୋକ ଖୁଣ୍ଟିଆ କହିଛନ୍ତି। ସେ କହିଛନ୍ତି, ଶିଶୁଟିକୁ ଶୀଘ୍ର ହସ୍ପିଟାଲରେ ପହଞ୍ଚାଇବା ପାଇଁ ଗାଡ଼ି ବେଗ ବଢ଼ାଇଥିଲି। କିନ୍ତୁ ବେହେରା ସାହି ଛକ ନିକଟରୁ ଟ୍ରାଫିକ ସମସ୍ୟା ସୃଷ୍ଟି ହୋଇଥିଲା। ଏହାପରେ ଜୟଦେବବିହାର, ନାଲ୍‌କୋ ଛକ, ଡମଣା ଛକ ଆଦିରେ ଆମ୍ବୁଲାନ୍ସ ଫସିଯାଇଥିଲା। ଫଳରେ ଏକ ଘଣ୍ଟାରୁ ଅଧିକ ସମୟ ବିଳମ୍ବ ହୋଇଥିଲା।
ଅବହେଳା ହୋଇଛି କି ନାହିଁ ତଦନ୍ତ ହେବ: କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ
କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଅଶୋକ ପଟ୍ଟାନାୟକ କହିଛନ୍ତି, ଘଟଣା ଅତ୍ୟନ୍ତ ଦୁଃଖଦାୟକ। ଶିଶୁଟି ରବିବାର ଭୋର୍‌ ସମୟରେ ଶିଶୁ ବିଭାଗରେ ଭର୍ତ୍ତି ହେବାବେଳେ କେଉଁ ଡାକ୍ତର ଡ୍ୟୁଟିରେ ଥିଲେ। ତାଙ୍କୁ କିଏ ଦେଖି ଔଷଧ ଦେଇଥିଲେ। ମଙ୍ଗଳବାର ଭୋର୍‌ରେ ଯେଉଁ ଅନଭିଜ୍ଞ ଡାକ୍ତର ତାଙ୍କୁ ଚିକିତ୍ସା କରିଥିବା କୁହାଯାଉଛି ତାହାର ଯାଞ୍ଚ କରାଯିବ। ଯଦି କିଛି ସେଭଳି ଅବହେଳା ପଦାକୁ ଆସେ ନିଶ୍ଚିତ କାର୍ଯ୍ୟାନୁଷ୍ଠାନ ହେବ ବୋଲି ପଟ୍ଟନାୟକ କହିଛନ୍ତି।
ସିସିଟିଭି ଯାଞ୍ଚ କରିଛୁ, ଆମ୍ବୁଲାନ୍ସ ଅଟକି ନାହିଁ: ଟ୍ରାଫିକ ଡିସିପି
ଟ୍ରାଫିକ ଡିସିପି ସାଗରିକା ନାଥ କହିଛନ୍ତି, ଘଟଣା ସଂକ୍ରାନ୍ତରେ ଗଣମାଧ୍ୟମରୁ ଜାଣିବା ପରେ ମୁଁ ବ୍ୟକ୍ତିଗତଭାବେ ନାଲ୍‌କୋ ଛକ ଟ୍ରାଫିକ ପୋଷ୍ଟକୁ ଯାଇ ସିସିଟିଭି ଫୁଟେଜ ଯାଞ୍ଚ କରିଥିଲି। ସେଭଳି କୌଣସି ଆମ୍ବୁଲାନ୍ସ ଭିଡ଼ରେ ଫସିଥିବା ଦେଖିବାକୁ ମିଳିନାହିଁ। ୪ ଆମ୍ବୁଲାନ୍ସ ଉକ୍ତ ଛକ ଦେଇ ଯାଇଛି। ୩ ଆମ୍ବୁଲାନ୍ସ ଛକରେ ଅଟକି ନ ଥିବାବେଳେ ଶେଷଟି କିଛି ସମୟ ପାଇଁ ଅଟକିଥିଲା। ଆମ ଟ୍ରାଫିକ ପୋଲିସ ତୁରନ୍ତ ଆମ୍ବୁଲାନ୍ସ ଆଗରୁ ଅନ୍ୟ ଗାଡ଼ି ହଟାଇ ଆଗକୁ ଛାଡ଼ିଥିଲେ।

ଅଭିଜ୍ଞ ଡାକ୍ତର ଦେଖିଥିଲେ ପୁଅ ବଞ୍ଚତ୍ୟାଇଥାନ୍ତା
ଚିକିତ୍ସାରେ ବିଳମ୍ବ ଓ ତ୍ରୁଟି କ୍ୟାପିଟାଲ ହସ୍ପିଟାଲରେ ହିଁ ହେଲା। ମୋ ପୁଅ ଯନ୍ତ୍ରଣାରେ ଛଟପଟ ହେଉଥିଲେ ମଧ୍ୟ କେହି ଜଣେ ଅନଭିଜ୍ଞ ଡାକ୍ତର ଠିକ୍‌ ଭାବେ ରୋଗ ଚିହ୍ନଟ କରି ନ ପାରି ଥଣ୍ଡା ହୋଇଥିବା କହି ମନଇଚ୍ଛା ଇଞ୍ଜେକ୍ସନ ଓ ଔଷଦ ଦେଲେ। ଶେଷ ମୁହୂର୍ତ୍ତରେ ଜଣେ ବରିଷ୍ଠ ଡାକ୍ତର ଦେଖିଥିଲେ ମଧ୍ୟ ସେତେବେଳକୁ ଦୁଇଦିନ ବିଳମ୍ବ ହୋଇଯାଇଥିଲା। ଫଳରେ ମୋ ପୁଅର ସ୍ବାସ୍ଥ୍ୟାବସ୍ଥା ସମ୍ପୂର୍ଣ୍ଣ ବିଗିଡି ଯାଇଥିଲା ବୋଲି ମୃତ ନୀଲ୍‌ ନୀତୀଶଙ୍କ ବାପା ନିରୋଦ ନାୟକ କହିଛନ୍ତି। ଯଦି ହସ୍ପିଟାଲରେ ଅଭିଜ୍ଞ ଡାକ୍ତର ସବୁ ସମୟରେ ରହିଥାନ୍ତେ ତେବେ ମୋ ପୁଅର ଜୀବନ ଯାଇ ନ ଥାନ୍ତା। ପ୍ରଥମରୁ କ୍ୟାପିଟାଲ ହସ୍ପିଟାଲ ଡାକ୍ତର ଅନ୍ୟତ୍ର ରେଫର କରିଦେଇଥିଲେ ମୁଁ ମୋ ପୁଅକୁ ଘରୋଇ ହସ୍ପିଟାଲ ନେଇ ଭଲ କରି ଦେଇଥାନ୍ତି। ମୋ ପୁଅର ମୃତ୍ୟୁ ପାଇଁ କ୍ୟାପିଟାଲ ହସ୍ପିଟାଲର ଡାକ୍ତର, କର୍ମଚାରୀ ଓ ବ୍ୟବସ୍ଥା ହିଁ ଦାୟୀ। ପୁଅ ଯନ୍ତ୍ରଣା ପାଉଥିବା କର୍ମଚାରୀମାନେ ଦେଖୁଥିଲେ ମଧ୍ୟ ରକ୍ତ ପରୀକ୍ଷା ପାଇଁ ଲାଇନ୍‌ରେ ଆସିବାକୁ ତାଗିଦ୍‌ କରି ବିଳମ୍ବ କରିଦେଇଥିଲେ।

ପୁଣି ଫସିଲା ଆମ୍ବୁଲାନ୍ସ
ସକାଳେ ନାଲ୍‌କୋ ଛକ ଓ ଡମଣା ଛକରେ ଆମ୍ବୁଲାନ୍ସ ଭିଡ଼ରେ ପଶି ଜଣେ ଶିଶୁର ଜୀବନ ଯାଇଥିବାବେଳେ ମଙ୍ଗଳବାର ସନ୍ଧ୍ୟାରେ ମଧ୍ୟ ଖଣ୍ଡଗିରି ଛକରେ ଆଉଏକ ଆମ୍ବୁଲାନ୍ସ ଭିଡ଼ରେ ଫସି ଯାଇଥିଲା। ଏମ୍ସରୁ ଜଣେ ରୋଗୀଙ୍କୁ ଧରି ଏକ ଆମ୍ବୁଲାନ୍ସ ଗୋଟିଏ ଘରୋଇ ହସ୍ପିଟାଲକୁ ନେଉଥିବାବେଳେ ଖଣ୍ଡଗିରି ଛକରେ ଟ୍ରାଫିକ ଜାମ୍‌ରେ ଅଟକି ରହିଥିଲା। ଛକରେ ଗାଡି ଚାଳକମାନେ ରାସ୍ତାକୁ ପୂରା କବ୍‌ଜା କରି ରଖିଥିବାରୁ ଆମ୍ବୁଲାନ୍ସ ଯିବାକୁ ରାସ୍ତା ନ ଥିଲା।


Enter your email to get our daily news in your inbox.

All Right Reserved By Dharitri.Com

କରୋନା ସହାୟତାରୁ ବଞ୍ଚିତ ୧୧ ହଜାର ଉଠାଦୋକାନୀ

ଭୁବନେଶ୍ୱର,୧୧ା୪(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲକ୍‌ଡାଉନ୍‌ ପାଇଁ ପ୍ରତ୍ୟେକ ଉଠାଦୋକାନୀଙ୍କୁ ୩ ହଜାର ଟଙ୍କା ଲେଖାଏଁ କରୋନା ସହାୟତା ଦେବା ପାଇଁ ଘୋଷଣା କରିଛନ୍ତି। ଏବେ...

ଗୋଟିଏ ଦିନରେ ମାଉସୀମା’ ମନ୍ଦିରରେ ଲାଗିବ ରଥ

ପୁରୁଣା ଭୁବନେଶ୍ୱର,୧୭।୩(ଡି.ଏନ୍‌.ଏ.): ଅଶୋକାଷ୍ଟମୀରେ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା। ଏ ନେଇ ମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତି ଜୋରଦାର ଚାଲିଛି। ଶ୍ରୀଜଗନ୍ନାଥଙ୍କ ରଥଯାତ୍ରା ନବଦିନାତ୍ମକ ହୋଇଥିବାବେଳେ ଶ୍ରୀଲିଙ୍ଗରାଜଙ୍କ...

ନିର୍ବାହୀ ଅଧିକାରୀଙ୍କୁ ତାଲା

ରାଜନଗର,୧୮।୧୧(ଡି.ଏନ.ଏ.): ପଞ୍ଚାୟତ ନିର୍ବାଚନ ପୂର୍ବରୁ ଭୋଟର ତାଲିକା ସଂଶୋଧନ ଓ ନୂତନ ଭୋଟରଙ୍କୁ ସାମିଲ ନିମନ୍ତେ ପ୍ରକ୍ରିୟା ଆରମ୍ଭ ହୋଇଛି। ପଞ୍ଚାୟତସ୍ତରରେ ଭୋଟର ତାଲିକା ପ୍ରକାଶ...

ଉଜୁଡ଼ିଗଲା ସହର ସୌନ୍ଦର୍ଯ୍ୟକରଣ

ଭୁବନେଶ୍ୱର, ୧୮ା୪(ବ୍ୟୁରୋ): ହକି ବିଶ୍ୱକପ୍‌ ସମୟରେ ଭୁବନେଶ୍ୱରରେ ସୌନ୍ଦର୍ଯ୍ୟକରଣ ପାଇଁ ନାନା କିସମର ବୃକ୍ଷଲତା ଲଗାଯାଇଥିଲା। କରୋନା ମାଡ଼ରେ ଏବେ ସେସବୁ କେଉଁଠି ପାଣି ନପାଇ...

ପ୍ରାଚୀନ ଐତିହାସିକ ଲେଖନୀ ସମ୍ବନ୍ଧରେ ଆଲୋଚନା

ଭୁବନେଶ୍ୱର,୨୬।୨(ବ୍ୟୁରୋ): ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡ଼ିଶା ରାଜ୍ୟ ସଂଗ୍ରହାଳୟରେ ଶୁକ୍ରବାର ‘ଐତିହାସିକ କୃଷ୍ଣଚନ୍ଦ୍ର ପାଣିଗ୍ରାହୀଙ୍କ ଲେଖନୀରେ ସ୍ବାଧୀନତା ସଂଗ୍ରାମୀ’ ଶୀର୍ଷକ...

ଅଦାଲତ ଅବମାନନା ମାମଲା: ୪ରେ ପରବର୍ତ୍ତୀ ଶୁଣାଣି

କଟକ ଅଫିସ, ୨୨ା୧୦: ଆଇନଜୀବୀଙ୍କ କୋର୍ଟ ବର୍ଜନ ଆନ୍ଦୋଳନକୁ ନେଇ ଓଡ଼ିଶା ହାଇକୋର୍ଟ ରେଜିଷ୍ଟ୍ରାର ଜେନେରାଲଙ୍କ ପକ୍ଷରୁ ରୁଜୁ ହୋଇଥିବା ଅଦାଲତ ଅବମାନନା ମାମଲାର ପରବର୍ତ୍ତୀ...

ମେ’ ୨୭ରେ କେରଳ ଛୁଇଁପାରେ ମୌସୁମୀ

ଭୁବନେଶ୍ୱର,୧୩।୫(ବ୍ୟୁରୋ): ଚଳିତ ବର୍ଷ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଶୀଘ୍ର କେରଳ ଛୁଇଁବ। ଆସନ୍ତା ୨୭ ତାରିଖରେ ମୌସୁମୀ କେରଳ ଛୁଇଁବ ବୋଲି ଆକଳନ କରାଯାଇଥିବା ନେଇ...

୧୩ ତାରିଖ ଅପରାହ୍ନରେ ସାମାଜିକ ଗଣମାଧ୍ୟମରେ ଉତ୍ତର ରଖିବେ ସମବାୟ ମନ୍ତ୍ରୀ

ଭୁବନେଶ୍ୱର,୯ା୨(ବ୍ୟୁରୋ): ଓଡ଼ିଶା ସରକାରଙ୍କ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଏବଂ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ଚଳିତ ମାସ ୧୩ ତାରିଖ(ଗୁରୁବାର) ଅପରାହ୍ନ...

Advertisement
Archives

Model This Week