ଚେନ୍ନାଇ,୧୧।୬: ତାମିଲନାଡୁର ଆରତି ଅରୁଣ(୩୮) ନାମକ ଜଣେ ମହିଳାଙ୍କୁ ତାଙ୍କ ଶାଶୁ ଘର ଲୋକେ ଚଳନ୍ତା କାର୍ରୁ ଠେଲି ଦେଇ ମାରି ଦେବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। କାରଣ ଏମିତି କିଛି ଦୃଶ୍ୟ ସିସିଟିଭି କ୍ୟାମେରାରେ ରେକର୍ଡ ହେବା ପରେ ଘଟଣା ସାମ୍ନାକୁ ଆସିଛି। ଉକ୍ତ ଭିଡିଓ ଅନୁଯାୟୀ କାର ଡୋର୍ ଖୋଲି ମଝି ରାସ୍ତାରେ ମହିଳା ଜଣକ ହଠାତ୍ ପଡି ଯାଉଥିବା ଦେଖାଯାଇଛି। ସୂଚନା ମୁତାବକ ଆରତିଙ୍କ ବିବାହ ୨୦୦୮ ମସିହାରେ ହୋଇଥିବା ବେଳେ ପାରିବାରିକ କଳହ ଯୋଗୁ ୨୦୧୪ରେ ସେ ତାଙ୍କ ସ୍ବାମୀଙ୍କ ଠାରୁ ଅଲଗା ହୋଇଯିବାକୁ କୋର୍ଟରେ ନିବେଦନ କରିଥିଲେ। ଇତିମଧ୍ୟରେ ପୁଣି ଥରେ ସବୁର ସମାଧାନ କରି ନୂଆ ଜୀବନ ଆରମ୍ଭ କରିବାକୁ କହି ତାଙ୍କ ସ୍ବାମୀ ତାଙ୍କୁ ପାଖକୁ ଡାକି ଆଣିଥିଲେ। ଏହାପରେ ତାଙ୍କୁ ମାରି ଦେବାକୁ ଉଦ୍ୟମ କରି ଚଳନ୍ତା କାରରୁ ଠେଲି ଦିଆଯାଇଥିବା ଏବେ ସେ ଅଭିଯୋଗ କରିଛନ୍ତି। କାରଣ ସେ ତାଙ୍କ ସ୍ବାମୀଙ୍କ ଉପରେ ବିଶ୍ୱାସ କରି ଶାଶୁ ଘର ଫେରିଥିବା ବେଳେ ଏହା କିନ୍ତୁ ଭୁଲ୍ ଥିଲା ବୋଲି ସେ କହିଛନ୍ତି। ଏବେ ତାଙ୍କ ସ୍ବାମୀ ଓ ଶାଶୁ ଘର ଲୋକେ ଫେରାର ଥିବା ପୋଲିସ କହିଛି।
