ମଣ୍ଡିରେ ପଡିଛି ୩ ହଜାର ବସ୍ତା ଧାନ

ମନମୁଣ୍ଡା, ୧୭।୬ (ଡି.ଏନ.ଏ)    ବୌଦ୍ଧ ଜିଲା ମନମୁଣ୍ଡା ମଣ୍ଡିରୁ ଧାନ ଉଠୁନାହିଁ । ଫଳରେ ଏଠାରେ ୩ ହଜାର ବସ୍ତା ଧାନ ପଡି ରହିଛି । କାଳବୈଶାଖୀ ବର୍ଷା ଭୟ ରହୁଥିବାରୁ ଚାଷୀମାନେ ଚିନ୍ତିତ ହୋଇପଡିଛନ୍ତି ।
କିଛି ଦିନ ତଳେ ଶିମିଳିପଦର ମଣ୍ଡିରେ ୧୦୦୦ ବସ୍ତା ଧାନ ପଡିରହିଥିଲା। ମିଲର୍ସ ଆସିବାରେ ବିଳମ୍ବ କରିବାରୁ କାଳବୈଶାଖୀ ବର୍ଷାରେ ଧାନ ଓଦା ହୋଇଯାଇଥିଲା । ଏ ନେଇ ଧରିତ୍ରୀରେ ଖବର ପ୍ରକାଶ ପାଇବା ପରେ ମିଲର୍ସ ଓ ପ୍ରଶାସନ ତତ୍ପରତା ଦେଖାଇ ମଣ୍ଡିରୁ ଧାନ ଉଠାଇଥିଲେ । ସେହିପରି ଯୋଗୀନ୍ଦ୍ରପୁର ମଣ୍ଡିରେ ମଧ୍ୟ ଅଚଳାବସ୍ଥା ଦେଖିବାକୁ ମିଳିଥିଲା । ସେଠାରେ ମଧ୍ୟ ହଜାରେରୁ ଊର୍ଦ୍ଧ୍ୱ ଧାନ ବସ୍ତା ପଡିରହିଥିଲା ଏବଂ ଚାଷୀମାନେ ଖରା ବର୍ଷାରେ ୫ଦିନ ଧାନକୁ ଜଗି ରହିଥିଲେ । ସେଠାରେ ମଧ୍ୟ ବର୍ଷାରେ ଧାନକୁ କ୍ଷତି ପହଞ୍ଚତ୍ଥିଲା । ଏ ନେଇ ଖବର ପ୍ରକାଶ ପାଇଥିଲା । ଏହାପରେ ମିଲର୍ସ ରବିବାର ଆସି ସବୁତକ ଧାନ ଉଠାଇ ଥିବା ସମ୍ପାଦକ ସର୍ବେଶ୍ୱର ହୋତା କହିଛନ୍ତି । ସେହିପରି ସମାନ ଅବସ୍ଥା ମନମୁଣ୍ଡା ମଣ୍ଡିରେ ଦେଖିବାକୁ ମିଳିଛି । ଏଠାରେ ୫ରୁ ୬ ଦିନ ହେବ ହଜାର ହଜାର ବସ୍ତା ଧାନ ପଡି ରହିଛି । ଶନିବାର ୩ଟି ଟ୍ରକରେ ଏଠାରୁ ଧାନ ଉଠାଯାଇଛି । ତଥାପି ସୁବାଷ ମହାଲିକଙ୍କ ୧୭୦ ବସ୍ତା ଧାନ ପଡିଥିବାବେଳେ କ୍ଷେତ୍ରବାସୀ ତରିଆଙ୍କ ୧୧୨, ସୁରେଶ ମେହେରଙ୍କ ୧୭୫, ଗୋବର୍ଦ୍ଧନ ସାହୁଙ୍କ ୧୧୫, ଗୋଲେଖ ମହାକୁଡଙ୍କ ୧୬୦, ବେଗୁ ସାହୁଙ୍କ ୧୩୦, ଶତପଥି ସାହୁଙ୍କ ୧୦୫, ଅଭିମନ୍ୟୁ ପ୍ରଧାନଙ୍କ ୧୬୫, ପଞ୍ଚାନନ ମେହେରଙ୍କ ୧୭୩, ଜାଲ ସେନପତିଙ୍କ ୧୬୦, ରଘୁନାଥଙ୍କ ୧୧୦, ସୁବର୍ଣ୍ଣ ପ୍ରଧାନଙ୍କ ୧୬୭ ବସ୍ତା ଧାନ ପଡିରହିଛି । ସେହିପରି ବ୍ୟାସଦେବ ପ୍ରଧାନଙ୍କ ୧୭୮, ବଳଦେବ ପ୍ରଧାନଙ୍କ ୧୪୦, ପାଣ୍ଡବ ମହଲାଙ୍କ ୧୩୦, ତପନ କର୍ମୀଙ୍କ ୧୬୬, ସୁଧୀର ମହାଲିକଙ୍କ ୧୮୦, ସୁଶୀଲ ମହାଲିକଙ୍କ ୧୮୩, ମିଲନ ସାହୁଙ୍କ ୧୭୩, ରୀନା ତରିଆଙ୍କ ୧୬୯ ଏବଂ ଭାଗ୍ୟଧର ସାହୁଙ୍କ ୧୬୩ ଏପରି ୩୨୨୪ ବସ୍ତା ଧାନ ଅଦ୍ୟାବଧି ମଣ୍ଡିରେ ପଡିରହିଥିବା ଡିଇଓ ରୋହିତ ପ୍ରଧାନଙ୍କଠାରୁ ଜାଣିବାକୁ ମିଳିଛି। ଚାଷୀମାନେ ମଣ୍ଡିରେ ଧାନକୁ ଜଗି ରହିଛନ୍ତି । ଗତ ୨ରୁ ୩ ଦିନ ହେଲା ରାତ୍ରିରେ ବର୍ଷା ହୋଇଥିଲା ବେଳେ ଆକାଶରେ କଳା ବାଦଲ ଘୁରିବୁଲୁଛି । ଫଳରେ କେତେକ ଚାଷୀ ନିଜ ଧାନକୁ ତାରପୋଲିନ ଢ଼ାଙ୍କିଥିବା ବେଳେ ଆଉ କେତେଙ୍କ ପାଖରେ ନ ଥିବାରୁ ବହୁତ ଗୁଲଗୁଲା ହେଉଛନ୍ତି। ଆଉ କେତେକଙ୍କ ଧାନବସ୍ତା ଖୋଲା ଆକାଶ ତଳେ ପଡିରହିଛି । ଶୀଘ୍ର ମଣ୍ଡିରୁ ଧାନ ନ ଉଠିଲେ ଚାଷୀମାନେ କ୍ଷତି ସହିବା ସମ୍ଭାବନା ରହିଛି । ପ୍ରଶାସନ ଏଥିପ୍ରତି ତତ୍ପରତା ଦେଖାଇବାକୁ ଦାବି ହୋଇଛି । ଯୋଗୀନ୍ଦ୍ରପୁର ଏବଂ ମନମୁଣ୍ଡା ଉଭୟ ପ୍ୟାକ୍ସ ଦାୟିତ୍ୱରେ ଥିବା ସମ୍ପାଦକ ସର୍ବେଶ୍ୱର ହୋତା ତୁରନ୍ତ ଧାନ ଉଠାଇବାକୁ ମିଲର୍ସମାନଙ୍କୁ ଅନୁରୋଧ କରିଛନ୍ତି। ସୋମବାର ମିଲର୍ସ ସବୁ ଧାନ ଉଠାଇବେ ବୋଲି ସମ୍ପାଦକ ହୋତା ଜଣାଇଛନ୍ତି।


Enter your email to get our daily news in your inbox.

All Right Reserved By Dharitri.Com

ହୀରାକୁଦ ଇକୋ-ରିଟ୍ରିଟ୍‌ ଉଦଘାଟନ କଲେ ଉପମୁଖ୍ୟମନ୍ତ୍ରୀ, ଏଥର ୫୦ଟି ଟେଣ୍ଟ୍ ସହ ୧୨୦ ଦିନ ଧରି ମଜା ନେବେ ପର୍ଯ୍ୟଟକ

ସମ୍ବଲପୁର,୧୬।୧୧(ପ୍ରମୋଦ ବହିଦାର): ରାଜ୍ୟ ପର୍ଯ୍ୟଟନ ବିଭାଗ ଆନୁକୂଲ୍ୟରେ ସମ୍ବଲପୁର ଜିଲାର ହୀରାକୁଦ (ବଲବସପୁର, ଜମାଦାରପାଲି ନିକଟ) ଠାରେ ଆୟୋଜିତ ହେଉଥିବା ଚଳିତ ବର୍ଷର ‘ଇକୋ-ରିଟ୍ରିଟ୍‌’ (ସପ୍ତମ ସଂସ୍କରଣ)…

ଜଣାପଡ଼ିଲା ଦେବ୍ରିଗଡ଼ରେ ଠାବ ମହାବଳର ଗତିପଥ: କେଉଁଠୁ ଆସିଲା…

ସମ୍ବଲପୁର, ୧୫।୧୧ (ପ୍ରମୋଦ ବହିଦାର): ଚଳିତ ନଭେମ୍ବର ମାସରେ ଓଡ଼ିଶାର ଦେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ଠାବ ହୋଇଥିବା ଏକ ବିରଳ ଅଣ୍ଡିରା ମହାବଳ ବାଘର ଗତିପଥ ସମ୍ପର୍କରେ…

ମାସେ ତଳେ ସାଙ୍ଗଙ୍କୁ ପଥରରେ ଛେଚି ହତ୍ୟା କରିଥିଲେ ସାଙ୍ଗ, ଆଜି ଅଭିଯୁକ୍ତଙ୍କୁ…

ସମ୍ବଲପୁର,୧୪ା୧୧(ପ୍ରମୋଦ ବହିଦାର): ମାସେ ତଳୁ ନିଖୋଜ ଥିବା ଜଣେ ବ୍ୟକ୍ତିଙ୍କ ହତ୍ୟାକାଣ୍ଡର ରହସ୍ୟ ଉନ୍ମୋଚନ କରିଛି ସମ୍ବଲପୁର ପୋଲିସ। ମଦ ପିଇବା ସମୟରେ ହୋଇଥିବା ବଚସାରୁ ଜଣେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?