Posted inଖେଳ

ଭଲ ଫଳାଫଳା ପାଇଁ ରିସ୍କ ନେବାକୁ ହେବ: କୋହଲି

ବେଙ୍ଗାଲୁରୁ,୨୩।୯(ପି.ଟି.)- ଆସନ୍ତାବର୍ଷ ଅଷ୍ଟ୍ରେଲିଆରେ ଟି୨୦ ବିଶ୍ୱକପ ଆୟୋଜନ ହେବାକୁ ଯାଉଥିବା ବେଳେ ଭାରତୀୟ ଅଧିନାୟକ ବିରାଟ କୋହଲି ଏକ ସନ୍ତୁଳିତ ତଥା ଶକ୍ତିଶାଳୀ ଦଳ ଗଠନ ଉପରେ ଗୁରୁତ୍ୱ ଦେଇଛନ୍ତି। ତେବେ ଏଥିପାଇଁ ରିସ୍କ ନେବାକୁ ହେବ ବୋଲି ସେ ସ୍ପଷ୍ଟ କରିଛନ୍ତି। ଏଠାରେ ଖେଳାଯାଇଥିବା ଅନ୍ତିମ ଟି୨୦ ମ୍ୟାଚ୍‌ରେ କୋହଲି ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ସମସ୍ତଙ୍କୁ ଚକିତ କରିଥିଲେ। ଏମ୍‌. ଚିନ୍ନାସ୍ବାମୀ ଷ୍ଟାଡିୟମରେ ସମସ୍ତେ ଚେଜ୍‌ କରିବାକୁ ପସନ୍ଦ କରିଥାନ୍ତି। କୋହଲିଙ୍କ ବ୍ୟାଟିଂ ନିଷ୍ପତ୍ତି ବୁମେରାଂ ସାବ୍ୟସ୍ତ ହେଲା ଓ ଭାରତ ଏହି ମ୍ୟାଚ୍‌ରେ ପରାସ୍ତ ହୋଇଥିଲା। ତେବେ କୋହଲି ଏ ନେଇ କୌଣସି ଅନୁଶୋଚନା କରିନାହାନ୍ତି। ଏକ ଶକ୍ତିଶାଳୀ ଦଳ ଗଠନ ପାଇଁ ଏଭଳି ରିସ୍କ ନେବାକୁ ହେବ ବୋଲି ସେ ସ୍ପଷ୍ଟ କରିଛନ୍ତି। ଏପରିକି ବିଜୟ ହାସଲ କରିବାକୁ ମଧ୍ୟ ରିସ୍କ ନେବାକୁ ହୋଇଥାଏ। ମ୍ୟାଚ୍‌ ଖେଳିବା ପୂର୍ବରୁ କିଛି ପୂର୍ବରୁ ସ୍ଥିର ହୋଇ ନ ଥାଏ ଓ କୌଣସି ଜିନିଷରେ ଗ୍ୟାରେଣ୍ଟ ନ ଥାଏ ବୋଲି ମ୍ୟାଚ୍‌ ପରର ଖବରଦାତା ସମ୍ମିଳନୀରେ ସେ କହିଛନ୍ତି।
ବେଳେବେଳେ ସୁବିଧାଜନକ ସ୍ଥିତିରୁ ଆମକୁ ଊର୍ଦ୍ଧ୍ୱକୁ ଉଠିବାକୁ ହେବ। ଏହା ହେଲେ ଆମେ ଟସ୍‌ ଉପରେ ନିର୍ଭର କରିବୁ ନାହୁଁ। ସବୁବେଳେ ଟସ୍‌ ଜିତିବା ସମ୍ଭବ ହୋଇ ନଥାଏ। ତେଣୁ ପ୍ରଥମେ କିମ୍ବା ପରେ ବ୍ୟାଟିଂ କରି କିପରି ବିଜୟୀ ହେବୁ ତାହା ଉପରେ ଆମକୁ କାର୍ଯ୍ୟ କରିବାକୁ ହେବ। ଭାରତୀୟ ବ୍ୟାଟିଂ ଲାଇନ୍‌ ବେଶ୍‌ ଦୃଢ଼ ହୋଇଥିଲେ ମଧ୍ୟ ତୃତୀୟ ଟି୨୦ ମ୍ୟାଚ୍‌ରେ ଦକ୍ଷିଣ ଆଫ୍ରିକାଠାରୁ ୯ ଉଇକେଟର ପରସ୍ତ ହୋଇଛି। ଫଳରେ ଏହି ସିରିଜ ଶେଷରେ ୧-୧ରେ ଡ୍ର ରହିଛି। ପ୍ରଥମେ ବ୍ୟାଟିଂ ହେଉ କି ବୋଲିଂ ଏକ ଶ୍ରେଷ୍ଠ ଦଳ ସହ ପଡିଆକୁ ଓହ୍ଲାଇବା ଓ ସବୁ ପ୍ରକାର ପରସ୍ଥିତିରେ ଭଲ ପ୍ରଦର୍ଶନ କରିବା ହେଉଛି ଆମର ମୂଳ ଲକ୍ଷ୍ୟ। ଅନୁକୂଳ ପରିସ୍ଥିତିରେ ସବୁ ଦଳ ଓ ଖେଳାଳି ଭଲ ଖେଳିଥାନ୍ତି। କିନ୍ତୁ ପ୍ରତିକୂଳ ପରିସ୍ଥିତିରେ ଭଲ ଖେଳିଲେ ଦଳ ବିଜୟୀ ହୋଇ ପାରିବ। ତେଣୁ ଏଥି ପାଇଁ ମାନସିକ ଭାବେ ପ୍ରସ୍ତୁତି ଆବଶ୍ୟକ। ତେଣୁ ଏଥିପାଇଁ ରିସ୍କ ନେବାକୁ ହେବ। ଏହି ଗ୍ରାଉଣ୍ଡରେ ଗତ ୬ଟି ଟି୨୦ ମ୍ୟାଚ୍‌ରେ କୌଣସି ଦଳ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ନାହାନ୍ତି। ଦଳକୁ ଦୃଢ଼ ଭାବେ ଗଠି ତୋଳିବା ପାଇଁ କୋହଲି ଏପରି ନିଷ୍ପତ୍ତି ନେଇଛନ୍ତି। ଏହି ଗ୍ରାଉଣ୍ଡରେ ୧୩୪ ଆଦୌ ଭଲ ସ୍କୋର ନୁହଁ ବୋଲି କୋହଲି ସ୍ବିକାର କରିଛନ୍ତି। ତେବେ ବୋଲରଙ୍କୁ ସେ ପରାଜୟ ପାଇଁ ଦାୟୀ କରିନାହାନ୍ତି। ବୋଲରଙ୍କ ପାଇଁ ସ୍କୋରବୋର୍ଡରେ ଅତିକମ୍‌ରେ ୧୬୦ ରନର ସ୍କୋର ରହିବା ଆବଶ୍ୟକ। ତେଣୁ ପରାଜୟ ପାଇଁ ବୋଲରଙ୍କୁ ଦାୟୀ କରିବା ଠିକ୍‌ ହେବ ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଗୋଟିଏ ଦୁଇଟି ବିଭାଗରେ ଆମକୁ ତ୍ରୁଟି ସୁଧାରିବାକୁ ହେବ। ଏକଦା ଗୋଟିଏ ଉଇକେଟ ହରାଇ ଆମେ ୬୩ ରନ ସଂଗ୍ରହ କରିଥିଲୁ। ତେଣୁ ଅତିକମ୍‌ରେ ୧୭୦ ରନ ସଂଗ୍ରହ କରିବୁ ବୋଲି ଆଶ କରିଥିଲୁ। ଦକ୍ଷିଣ ଆଫ୍ରିକା ଭଲ ଭାବେ ତା’ର ଯୋଜନା କାର୍ଯ୍ୟକାରୀ କଲା ବୋଲି ସେ କହିଛନ୍ତି।
ଏବେ ୩ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ଆରମ୍ଭ ହେବ। ଟେଷ୍ଟ ଦୃଷ୍ଟିକୋଣରୁ ଦେଖିବାକୁ ଗଲେ ଆମେ ବିଶ୍ୱର ଶ୍ରେଷ୍ଠ ଦଳ। ପୁଣି ଘରୋଇ ପରିବେଶ ଭାରତ ଆହୁରି ଶକ୍ତିଶାଳୀ ଦଳ ବିବେଚିତ ହୋଇଥାଏ। ତେଣୁ ଟେଷ୍ଟ ସିରିଜରେ ଭାରତର ପ୍ରଦର୍ଶନ ଭଲ ହେବ ବୋଲି କୋହଲି କହିଛନ୍ତି। ସବୁ ପ୍ରକାର ପରିସ୍ଥିତିତରେ ସ୍ଥିର ପ୍ରଦର୍ଶନ କରବା ଏକ ବଡ଼ ଚ୍ୟାଲେଞ୍ଜ। କେବଳ ସେତିକି ନୁହଁ ପ୍ରତିପକ୍ଷ ଦଳକୁ ମଧ୍ୟ ହେୟ ମନେ ନ କରି ସମ୍ମାନ ଦେବାକୁ ହୋଇଥାଏ ବୋଲି କୋହଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପିଭି ସିନ୍ଧୁଙ୍କୁ ବିବାହ କରିବାକୁ ଚାହୁଁଥିଲେ ଏହି ୭୦ ବର୍ଷୀୟ ବୃଦ୍ଧ, ଦେଇଥିଲେ ଏଭଳି ଧମକ

ଭାରତୀୟ ବ୍ୟାଡ୍‌ମିଣ୍ଟନ୍‌ ଖେଳାଳି ପିଭି ସିନ୍ଧୁଙ୍କ ଜୁଲାଇ ୫ ଅର୍ଥାତ ଆଜି ଜନ୍ମଦିନ। ସେ ବ୍ୟାଡ୍‌ମିଣ୍ଟନରେ ଓ୍ବାଲ୍ଡ ଚାମ୍ପିୟନଶିପ୍‌ ଜିତିଥିବା ଏକମାତ୍ର ଭାରତୀୟ ଖୋଳାଳି। ସାଇନା...

କୋଭିଡ-୧୯: ବିଶ୍ୱ ତୀରନ୍ଦାଜୀ ଫିଲ୍ଡ ଚାମ୍ପିୟନଶିପ୍‌ ୨୦୨୨କୁ ଘୁଞ୍ଚିଲା

ଲାଉସେନ,୬।୬(ପି.ଟି.): କୋଭିଡ୍‌-୧୯ ମହାମାରୀ କାରଣରୁ ଆମେରିକାର ୟାଙ୍କଟନରେ ଆୟୋଜନ ହେବାକୁ ଥିବା ୨୦୨୦ ବିଶ୍ୱ ତୀରନ୍ଦାଜୀ ଫିଲ୍ଡ ଚାମ୍ପିୟନଶିପ୍‌କୁ ଘୁଞ୍ଚାଇବାକୁ ନିଷ୍ପତ୍ତି ନିଆଯାଇଛି। ଏବେ ଏହି...

 ଅଷ୍ଟ୍ରେଲିଆ ଆଗରେ ୩୪୧ ରନର ବିଜୟଲକ୍ଷ୍ୟ

ରାଜକୋଟ,୧୭।୧- ପ୍ରଥମ ଦିନିକିଆରେ ସହଜ ବିଜୟ ହାସଲ କରିଥିବା  ଅଷ୍ଟ୍ରେଲିଆ ଦଳ ଆଗରେ ଭାରତ ଦ୍ୱିତୀୟ ମ୍ୟାଚ୍‌ରେ ୩୪୧ ରନ୍‌ର ବିଜୟ ଲକ୍ଷ୍ୟ ଛିଡ଼ା କରିଛି...

ଇଣ୍ଡିଆନ ସୁପର ଲିଗ୍‌: ବାଗାନ ବିପକ୍ଷରେ କର ବା ମର ସ୍ଥିତିରେ ଓଡ଼ିଶା

ବାମ୍ବୋଲିମ,୬।୨(ପି.ଟି.): ଚଳିତ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ରେ ଓଡ଼ିଶା ଏଫ୍‌ସି ଏବେ କର ବା ମର ସ୍ଥିତିର ସମ୍ମୁଖୀନ ହୋଇଛି। ହେଡ୍‌ କୋଚ୍‌ ଷ୍ଟୁଆର୍ଟ ବକ୍ସଟରଙ୍କୁ...

ବିଜୟ ହଜାରେ ଟ୍ରଫିରେ ଈଶାନ୍‌ଙ୍କ ଚୌକା-ଛକା ବର୍ଷା, ରେକର୍ଡ କଲା ଝାଡଖଣ୍ଡ

ନୂଆଦିଲ୍ଲୀ,୨୦।୨: ବିଜୟ ହଜାରେ ଟ୍ରଫି-୨୦୨୧ରେ ବିସ୍ଫୋରକ ପାଳି ଖେଳି ଚର୍ଚ୍ଚାରେ ଉଇକେଟକିପର ବ୍ୟାଟ୍ସମ୍ୟାନ୍‌ ଈଶାନ କିଶନ। ଶନିବାର ମଧ୍ୟପ୍ରଦେଶ ବିପକ୍ଷରେ ହୋଲ୍କର ଷ୍ଟାଡିୟମ୍‌ରେ ଖେଳାଯାଇଥିବା ମ୍ୟାଚ୍‌ରେ...

ୟୁକେ ଟୁର୍‌ ପାଇଁ ଖେଳାଳିଙ୍କ ପରିବାରକୁ ଅନୁମତି

ନୂଆଦିଲ୍ଲୀ,୨ା୬ (ପି.ଟି.)-ଭାରତର ଉଭୟ ପୁରୁଷ ଓ ମହିଳା କ୍ରିକେଟ ଟିମ୍‌ର ଖେଳାଳି ଏବଂ ସପୋର୍ଟ ଷ୍ଟାଫ୍‌ ନିଜ ପରିବାରକୁ ନେଇ ଇଂଲଣ୍ଡ ଟୁର୍‌ରେ ଯିବା ଲାଗି...

ଓଜନ କୁଇଣ୍ଟାଲରୁ ଅଧିକ, କିନ୍ତୁ ପଡିଆରେ ଫିଟ୍‌ ଖେଳାଳିଙ୍କୁ ପଛରେ ପକାଇଦିଅନ୍ତି

ସାଧାରଣତଃ ଖେଳାଳିମାନେ ଶରୀରକୁ ଫିଟ ରଖିବା ଆବଶ୍ୟକ। ଶରୀର ଫିଟ୍‌ ନ ଥିଲେ ଖେଳରେ କ୍ୟାରିୟର ଗଢିବା ଯେପରି ଅସମ୍ଭବ ହୋଇପଡେ। କ୍ରିକେଟରେ ଏମିତି କିଛି...

ଏସିଆନ ୟୁଥ୍‌ ବକ୍ସିଂ: ଭାରତକୁ ୬ ପଦକ ମିଳିବା ନିଶ୍ଚିତ

ଉଲାନବାତାର,୧୪।୧୧(ପି.ଟି.)- ମଙ୍ଗୋଲିଆର ଉଲାନବାତାରଠାରେ ଚାଲିଥିବା ଏସିଆନ ୟୁଥ୍‌ ବକ୍ସିଂ ଚାମ୍ପିୟନଶିପ୍‌ରେ ଭାରତୀୟ ପ୍ରତିଯୋଗୀମାନେ ବୁଧବାର ଦମ୍‌ଦାର ପ୍ରଦର୍ଶନ କରିଛନ୍ତି। ଏଥିରେ ୬ ଭାରତୀୟ ବକ୍ସର ସେମିଫାଇନାଲରେ...

Ten Cric Info
Advertisement


Archives

Model This Week

Why Dharitri