ବ୍ରାହ୍ମଣୀ ରିଭର ପେଲେଟ୍‌ସ ଲିମିଟେଡ: ସ୍ଥାନୀୟ ନିଯୁକ୍ତି ବୃଦ୍ଧି ଉପରେ ନାହିଁ ପଦକ୍ଷେପ

ଯାଜପୁର ଅଫିସ,୩୦-୧୦- ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳ ମଧ୍ୟରେ କାରଖାନା ବୃଦ୍ଧି ଓ ସମ୍ପ୍ରସାରଣ ହେଉଛି। ମାତ୍ର ନିଯୁକ୍ତି ସୁଯୋଗ ସୃଷ୍ଟି ଅପରିବର୍ତ୍ତିତ ରହିଛି। ଏହିକ୍ରମରେ ବ୍ରାହ୍ମଣୀ ରିଭର ପେଲେଟ୍‌ସ ଲିମିଟେଡ(ବିଆର୍‌ପିଏଲ୍‌)ର ଉପତ୍ାଦନ ଆରମ୍ଭରୁ ସ୍ଥାନୀୟ ନିଯୁକ୍ତିକୁ ନେଇ ଆଖିବୁଜି ଦେଇଛି। ପ୍ରାୟ ୧ବର୍ଷ ପୂର୍ବରୁ ଏହି କାରଖାନା ତ୍ରିବେଣୀ ଓ ଜେଏସ୍‌ଡବ୍ଲ୍ୟୁ ହାତକୁ ଯାଇଥିଲା। ଏହାପରେ ଜିଲାର ବେକାର ଯୁବତୀଯୁବକଙ୍କ ମଧ୍ୟରେ ନିଯୁକ୍ତି ଆଶା ଦେଖା ଦେଇଥିଲା ା କିନ୍ତୁ କମ୍ପାନୀ କର୍ତ୍ତୃପକ୍ଷ କେବଳ ଲାଭ ଜଗିବାରେ ବ୍ୟସ୍ତ ରହୁଥିବାବେଳେ ସ୍ଥାନୀୟ ନିଯୁକ୍ତି ବୃଦ୍ଧି ଉପରେ କୌଣସି ପଦକ୍ଷେପ ଗ୍ରହଣ କରିନାହାନ୍ତି। ଫଳରେ ରାଜ୍ୟ ସରକାରଙ୍କ ଶିଳ୍ପାୟନରେ ନିଯୁକ୍ତି ସୁଯୋଗ ଦୃଢୋକ୍ତି ଏକପ୍ରକାର ଫସର ଫାଟିଛି। କାରଖାନାର ଆରମ୍ଭ ସମୟରେ ୪୮୦ଜଣ ବିଭିନ୍ନ ଶ୍ରେଣୀର ଲୋକ କାମ କରୁଥିଲେ। କିନ୍ତୁ ତାହା ଏବେ ହ୍ରାସ ପାଇ ପ୍ରାୟ ୩୦୦କୁ ପହଞ୍ଚତ୍ଛି। ଜମି, ଘରଡିହ ହରାଇ ବିଆର୍‌ପିଏଲ୍‌କୁ ସହଯୋଗ କରିଥିବା ଅଞ୍ଚଳବାସୀଙ୍କ ସ୍ବପ୍ନ ଏଯାଏ ଅଧୁରା ରହିଛି। ଏପରିକି କାରଖାନାର ବାୟୁ ଓ ଜଳ ପ୍ରଦୂଷଣରେ ଆଖପାଖ ଅଞ୍ଚଳବାସୀ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି। ଯାହାକି ଶିଳ୍ପର ଉଦ୍ଦେଶ୍ୟ ପରାହତ ହୋଇଥିବା ମତପ୍ରକାଶ ପାଇଛି ।
ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳ ମଧ୍ୟରେ ଏକ ଲୌହଧାତୁର ପେଲେଟାଇଜେଶନ କାରଖାନା ପ୍ରତିଷ୍ଠା କରିବା ପାଇଁ ବିଆରପିଏଲ ୧୫ା୩ା୨୦୦୭ରେ ଓଡିଶା ସରକାରଙ୍କ ସହ ଚୁକ୍ତିପତ୍ର ସ୍ବାକ୍ଷର କରିଥିଲା। ଚୁକ୍ତି ଅନୁଯାୟୀ କେନ୍ଦୁଝର ଜିଲାର ବଡ଼ବିଲଠାରେ ବାର୍ଷିକ ୪.୦ ନିୟୁତ ମେଟ୍ରିକ ଟନ୍‌ ଉପତ୍ାଦନ କ୍ଷମତା ବିଶିଷ୍ଟ ଲୌହ ବିଶୋଧନାଗାର ପ୍ରତିଷ୍ଠା ହୋଇଛି। ବଡ଼ବିଲଠାରୁ କଳିଙ୍ଗନଗର ମଧ୍ୟରେ ୨୧୮ କିଲୋମିଟର ଦୀର୍ଘ ଲୌହ ସ୍ଲରୀ ସ୍ଥାନାନ୍ତରଣ ପାଇପ ଲାଇନ ପ୍ରତିଷ୍ଠା କରାଯାଇଛି। ଏହାସହ କଳିଙ୍ଗନଗର ଶିଳ୍ପାଞ୍ଚଳରେ ୯୦ଏକର ଜମିରେ ପ୍ରତିବର୍ଷ ୪.୦ ନିୟୁତ ମେଟ୍ରିକ ଟନ ଉପତ୍ାଦନ କ୍ଷମତା ବିଶିଷ୍ଟ ଲୌହଧାତୁ ପେଲେଟ କାରଖାନା କରାଯାଇଛି। ଏହି କାରଖାନା ଚଳାଇବାକୁ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ଓଏସ୍‌ପିସିବି) ଠାରୁ ଆବଶ୍ୟକ ଅନୁମତି ପ୍ରାପ୍ତକରି ୨୦୧୩ ଜୁନ ମାସଠାରୁ ଉପତ୍ାଦନ କରି ଆସୁଛି। ଏଥିରେ ବିଶୋଧିତ ଲୌହଧାତୁ ସହିତ କୋକ୍‌ବ୍ରିଜ ବାର୍ଷିକ ୮୦ହଜାର ଟନ୍‌, ଚୂନପଥର ବାର୍ଷିକ ୧୦ହଜାର ଟନ୍‌, ଫର୍ନେସ ଅଏଲ ବାର୍ଷିକ ୬୪ ହଜାର ଟନ୍‌ ଏବଂ ଚେଣ୍ଟୋନାଇଟ ବାର୍ଷିକ ୨୮ହଜାର ଟନ୍‌ କଞ୍ଚାମାଲ୍‌ ଭାବେ ବ୍ୟବହାର ହେଉଛି। ଘଣ୍ଟାପ୍ରତି ୨୪୩ରୁ ୨୮୦ଘନମିଟର ଜଳ ବଡ଼ବିଲଠାରୁ ପାଇପଲାଇନ ଦ୍ୱାରା ଆସୁଥିବା ଲୌହଧାତୁର ସ୍ଲରୀରୁ ପୂରଣ କରାଯାଉଛି। ତେବେ ଏହି ଦୂଷିତ ପାଣିକୁ ନ ଫେରାଇ ଅଧିକାଂଶ ପରିମାଣର ପାଣି ବିଶୋଧନ କରାଯାଇ ଇଡ୍‌କୋକୁ ଦିଆଯାଉଛି। ବାକି ପାଣି ନିଜେ ବ୍ୟବହାର କରିବା ସହ ଗଣ୍ଡାନାଳକୁ ଛଡ଼ାଯାଉଛି ା ତେବେ କାରଖାନା ସମ୍ମୁଖରେ କଞ୍ଚାମାଳ ପରିବହନରେ ବ୍ୟାପକ ବାୟୁ ପ୍ରଦୂଷଣ ସୃଷ୍ଟି ହେଉଛି। ସମ୍ପ୍ରତି କଂକ୍ରିଟ ରାସ୍ତା ନିର୍ମାଣାଧିନ ରହିଥିଲେ ହେଁ ଆବଶ୍ୟକ ପାଣି ସିଞ୍ଚନ ହେଉ ନ ଥିବାରୁ ପ୍ରଦୂଷଣ ଉକତ୍ଟ ହେଉଛି ା ଅନ୍ୟପକ୍ଷେ ସ୍ଥାନୀୟ ନିଯୁକ୍ତି ଦିଗରେ ବିଆର୍‌ପିଏଲ୍‌ର ଅଂଶୀଦାର ତ୍ରିବେଣୀ କିମ୍ବା ଜେଏସ୍‌ଡବ୍ଲ୍ୟୁ ଆଦୌ ଆଗ୍ରହ ପ୍ରକାଶ କରୁ ନାହାନ୍ତି। ଗତ ୧ବର୍ଷ ମଧ୍ୟରେ ଏଠାରେ ନୂତନ ନିଯୁକ୍ତି ସୁଯୋଗ ସୃଷ୍ଟି ହୋଇ ନ ଥିବାବେଳେ କେତେକ ଓଡ଼ିଆ ଅଧିକାରୀ ଓ କର୍ମଚାରୀ ବିଦା ହୋଇଥିବା ସୂଚନା ମିଳିଛି। କଳିଙ୍ଗନଗର ଅତିରିକ୍ତ ଜିଲାପାଳଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ମୁତାବକ ସମୁଦାୟ ମାତ୍ର ୧୨୫ଜଣ ନିୟମିତ କର୍ମଚାରୀ ଓ ଅଧିକାରୀ ନିଯୁକ୍ତି ପାଇଛନ୍ତି। ଉଚ୍ଚପଦାଧିକାରୀ ପଦବୀରେ ରାଜ୍ୟ ବାହାରର ଅଧିକ ରହିଥିବାଯୋଗୁ ଗୋଷ୍ଠୀଗତ ଭାବେ ଅଣଓଡ଼ିଆଙ୍କ ଉପରେ ମନମାନୀ ହେଉଥିବା ଅଧିକାଂଶ ସମୟରେ ଅଭିଯୋଗ ହେଉଛି। ତେବେ ତ୍ରିବେଣୀ ଓ ଜେଏସ୍‌ଡବ୍ଲ୍ୟୁ ଏହି କାରଖାନକୁ କିଣିବା ପରେ ଏହିସବୁ ସମସ୍ୟାର ଅନ୍ତ ଘଟିବ ବୋଲି ଆଶା କରାଯାଉଥିଲା। ଏପରିକି ଉପତ୍ାଦନ କ୍ଷମତା ସମ୍ପ୍ରସାରଣ କରାଯାଇ ନିଯୁକ୍ତି ସୁଯୋଗ ସୃଷ୍ଟି ବୃଦ୍ଧି ହେବ ବୋଲି ଜିଲାବାସୀ ଆଶା ରଖିଥିଲେ। କିନ୍ତୁ କମ୍ପାନୀ ଲାଭରେ ଚଳୁଥିବା କୁହାଯାଉଥିଲେ ହେଁ ପାରିପାର୍ଶ୍ୱିକ ଉନ୍ନୟନ ସମତେ ନିଯୁକ୍ତିକୁ ଅଣଦେଖା କରାଯାଉଥିବା ଅଭିଯୋଗ ହେଉଛି ା ଏ ସଂକ୍ରାନ୍ତରେ ମତାମତ ନେବାକୁ କାରଖାନାର ପରିଚାଳନା ନିର୍ଦ୍ଦେଶକ ଅଶ୍ୱିନୀ ବୈଷ୍ଣବଙ୍କୁ ଯୋଗଯୋଗ କରାଯାଇଥିଲେ ହେଁ ସେ ଫୋନକଲ ଉଠାଇ ନ ଥିଲେ ା


Enter your email to get our daily news in your inbox.

All Right Reserved By Dharitri.Com

ଶ୍ରୀମନ୍ଦିରରେ କାର୍ତ୍ତିକ ନୀତି ଆରମ୍ଭ: ରାଧାଦାମୋଦର ବେଶ ଦର୍ଶନ କଲେ ଶ୍ରଦ୍ଧାଳୁ

ପୁରୀ ଅଫିସ, ୯ା୧୦: ଆଶ୍ୱିନ ଶୁକ୍ଳପକ୍ଷ ଏକାଦଶୀ ତିଥି ଅର୍ଥାତ୍‌ ବୁଧବାରଠାରୁ ଶ୍ରୀମନ୍ଦିରରେ ଆରମ୍ଭ ହୋଇଛି କାର୍ତ୍ତିକ ନୀତି। ରତ୍ନସିଂହାସନରେ ରାଧାଦାମୋଦର ବେଶରେ ଦର୍ଶନ ଦେଇଛନ୍ତି...

ଜୀବନରେଖା ଏବେ ମରଣଯନ୍ତା

କେନ୍ଦୁଝର, ୨୦ା୬ (ସ୍ବ.ପ୍ର.)- କେନ୍ଦୁଝର ଜିଲାର ଲାଇଫଲାଇନ କୁହାଯାଉଥିବା ୨୦ ନମ୍ବର ଜାତୀୟ ରାଜପଥ ମରାମତି ଅଭାବରୁ ଶୋଚନୀୟ ହୋଇପଡିଛି। ଏହାକୁ ଜିଲାର ‘ଜୀବନ ରେଖା’...

ଶଶୁର ଘରେ ନିଆଁ ଲଗାଇ ଜ୍ୱାଇଁ ଫେରାର

କଳିଙ୍ଗନଗର,୧୯ା୧୦(ଡି.ଏନ୍‌.ଏ.): ଦାନଗଦୀ ଫାଣ୍ଡି ଅର୍ନ୍ତଗତ ଓଳଲ ପଞ୍ଚାୟତରେ ଗୁରୁବାର ରାତିରେ ଅଗ୍ନିକାଣ୍ଡ ଘଟଣା ଘଟିଛି। ଏହି ଗ୍ରାମରେ ଘର ଜୋୟାଁ ରୁହୁଥିବା ଜଣେ ଯୁବକ ଶଶୁର...

୨ହଜାର ଲୋକଙ୍କୁ ନେଇ ବିଚ୍ଛିନାଞ୍ଚଳରେ ପ୍ରଜାମେଳି

କୋରୁକୋଣ୍ଡା, ୨୮ା୫(ଡି.ଏନ. ଏ.)-ବିଚ୍ଛିନାଞ୍ଚଳବାସୀ ବାରମ୍ବାର ନିଜ ସମସ୍ୟା ନେଇ ପ୍ରଶାସନ ନିକଟରେ ଉପସ୍ଥାପନ କରିଥିଲେ ମଧ୍ୟ କିଛି ସୁଫଳ ମିଳୁନାହିଁ। ଫଳରେ ବିଚ୍ଛିନାଞ୍ଚଳବାସୀ ପୁଣି ଥରେ...

ବାଇକ ଲୁଟେରାଙ୍କୁ କାବୁକରି ପୋଲିସ ଜିମାଦେଲେ ଗ୍ରାମବାସୀ

ତିହିଡ଼ି,୧୯।୧୦(ଡି.ଏନ୍‌.ଏ.):ଭଦ୍ରକ ଜିଲା ତିହିଡି ଥାନା ସିନ୍ଦୋଳ ପଞ୍ଚାୟତ ସେନବାଡ଼ ଗ୍ରାମରୁ ଜଣେ ବାଇକ୍‌ ଲୁଟେରାଙ୍କୁ ଶନିବାର ଗ୍ରାମବାସୀ କାବୁକରି ପୋଲିସ ଜିମା ଦେଇଛନ୍ତି। ଶୁକ୍ରବାର ବିଳମ୍ବିତ...

କଟକରେ ବ୍ରାଉନସୁଗାର ବିକୁଛନ୍ତି ୨ ଭାଇ

କଟକ ଅଫିସ,୧୮। ୯: ଦିନ ଦ୍ୱିପ୍ରହରରେ ଖୋଲା ବଜାରରେ ବେଧଡକ ଭାବେ ବିକ୍ରି ହେଉଛି ବ୍ରାଉନ୍‌ସୁଗାର। ଦୁଇ ଭାଇ ହିଁ ଏହି ବେଆଇନ ବେପାରର କର୍ଣ୍ଣଧାର।...

ସାମାଜିକ ଦୂରତା ରକ୍ଷା କରି ଦିଆଯାଉଛି ପିଡିଏସ୍‌ ସାମଗ୍ରୀ

ବନ୍ତ,୭ା୪(ଡି.ଏନ୍‌.ଏ.)-ଭଦ୍ରକ ଜିଲା ବନ୍ତ ବ୍ଲକ ନିଳୋକ ପଞ୍ଚାୟତରେ ମଙ୍ଗଳବାର ସାମାଜିକ ଦୂରତା ରକ୍ଷା କରାଯାଇ ହିତାଧିକାରୀ ମାନଙ୍କୁ ପିଡିଏସ୍‌ ସାମଗ୍ରୀ ପ୍ରଦାନ କରାଯାଇଛି। ବାଇଧର ରାଜଙ୍କ...

ବର୍ଷା ସାଜିଛି ବାଧକ, ଚାଷ ଆଗେଇ ପାରୁନି୨ ମାସରେ ୪୦୫ ମି.ମି. ବର୍ଷା ହୋଇଛି

କର୍ଲାମୁଣ୍ଡା,୬।୮(ଡି.ଏନ.ଏ.) ଦିନକୁ ଦିନ ଗଡି ଚାଲିଥିଲେ ହେଁ ବର୍ଷା ହେଉ ନ ଥିବାରୁ ଚାଷୀଙ୍କ ଚାଷ କାର୍ଯ୍ୟ ଏବେ ଠପ୍‌ ହୋଇଯାଇଛି । କଳାହାଣ୍ଡି ଜିଲା...

Advertisement
Archives

Model This Week