ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୧୦ା୧୨(ଡି.ଏନ୍.ଏ.): ଦାରିଙ୍ଗବାଡି ବ୍ଲକ ବ୍ରାହ୍ମଣୀଗାଁ ଥାନା ଅନ୍ତର୍ଗତ ବଙ୍ଗରଦୁଆ ଘାଟିରେ ମଙ୍ଗଳବାର ବୋଲେରୋ ସହ ଅଟୋ ମୁହାଁମୁହିଁ ଧକ୍କା ହେବାରୁ ୧୦ ଜଣ ଆହତ ହୋଇଛନ୍ତି। ସ୍ଥାନୀୟ ଲୋକେ ଓ ପୋଲିସ ପହଞ୍ଚି ଆହତମାନଙ୍କୁ ଉଦ୍ଧାର କରି ବ୍ରାହ୍ମଣୀଗାଁ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଆହତଙ୍କ ମଧ୍ୟରୁ ଝିଞ୍ଜିରିଗୁଡା ପଞ୍ଚାୟତ ଗଡ଼ମା ଗ୍ରାମର ଆଇବ ମଲିକ, ଆହରଣ ମୁଠାମାଝି, ଅନନ୍ତ ମାଝି, କୁମ୍ଭାରିଗାଁ ପଞ୍ଚାୟତ ଲାଣ୍ଡାଗୁଡି ଗ୍ରାମର ମାଧୁରୀ ବଳିଆରସିଂ ଏବଂ ସରାମଳି ପଞ୍ଚାୟତ ମାର୍ଦ୍ଦିପଙ୍କା ଗ୍ରାମର ସୟେନ୍ଦ୍ର ମାଝିଙ୍କ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ବୋଲେରୋ (ନଂ.ଓଡି-୦୨ଏଟି-୫୫୯୪) ବ୍ରାହ୍ମଣୀଗାଁ ପଟୁ ବାଲିଗୁଡା ଅଭିମୁଖେ ଯାଉଥିବା ବେଳେ ବଙ୍ଗରଦୁଆ ଘାଟିରେ ଗଦାପୁରଠାରୁ ଯାତ୍ରୀ ନେଇ ବ୍ରାହ୍ମଣୀଗାଁ ଅଭିମୁଖେ ଯାଉଥିବା ଅଟୋ (ନଂ.ଓଡି-୦୭ପି- ୨୦୮୪) ସହ ମୁହାଁମୁହିଁ ଧକ୍କା ହୋଇଥିଲା।
