ଉଦଳା,୧୧ା୧୧(ଡି.ଏନ୍.ଏ.)- ସାମୁଦ୍ରିକ ଝଡ଼ ବୁଲ୍ବୁଲ୍ ଚାଲିଯାଇଛି, ହେଲେ ଛାଡ଼ି ଯାଇଛି ଅସରନ୍ତି ଦୁଃଖ ା ବିଶେଷକରି ଚାଷୀଙ୍କ ଅଣ୍ଟାକୁ ଭାଙ୍ଗି ଦେଇଛି ଏହି ସର୍ବଗ୍ରାସୀ ବାତ୍ୟା। ଏହାର ପ୍ରଭାବରେ ବ୍ୟାପକ ଫସଲ ନଷ୍ଟ ହୋଇଥିବା ବେଳେ ମୟୂରଭଞ୍ଜ ଜିଲା ଉଦଳା ବ୍ଲକ କୋଚିଳାଡିହା ପଞ୍ଚାୟତର ଚାଷୀମାନେ ବିଶେଷଭାବେ କ୍ଷତିଗ୍ରସ୍ତ ହୋଇଛନ୍ତି। ଏହି ପଞ୍ଚାୟତର ବୈରାଟପୁର ଓ ଧୂଳିନ୍ଦା ଅଞ୍ଚଳର ଚାଷୀମାନେ ଧାନ ଫସଲ କରିଥିଲେ ା ଆଉ ମାତ୍ର କେଇଟା ଦିନ ପରେ ଅମଳ କରି ଘରକୁ ଆଣିଥାନ୍ତେ। ମାତ୍ର ଦୁଇଦିନ ଧରି ହୋଇଥିବା ସାମୁଦ୍ରିକ ଝଡ଼ ପ୍ରଭାବରେ ବର୍ଷା ଏବଂ ପବନ ଲାଗି ରହିବାରୁ ଏହା ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି ା ବିଲରେ ଛିଡ଼ା ହୋଇଥିବା ଧାନଗଛ ପବନ ପ୍ରଭାବରେ ଶୋଇପଡ଼ିଛି। ଏହାସହିତ କିଛି ଚାଷୀଙ୍କ ଜମିରେ ବର୍ଷା ପାଣି ଜମି ରହିଥିବାରୁ ପାଚିବାକୁ ବସିଥିବା ଧାନଗଛ ପାଣିରେ ବୁଡ଼ି ରହିଛି। ଏହି ଦୁଇଟିି ଗ୍ରାମରେ ପାଖାପାଖି ୮୦ ଏକରରୁ ଅଧିକ ଫସଲ କ୍ଷତିଗ୍ରସ୍ତ ହୋଇଛି ା ବିଭିନ୍ନ ବ୍ୟାଙ୍କ ଏବଂ ଲ୍ୟାମ୍ପ୍ସରୁ ଋଣକରି ଚାଷ କରିଥିବା ଚାଷୀ କିପରି ଋଣ ପରିଶୋଧ କରିବେ, ସେନେଇ ଚିନ୍ତାରେ ପଡ଼ିଛନ୍ତି। ପାଣିରେ ବୁଡି ରହିଥିବାରୁ ଧାନ ଗଜା ହେବାର ଆଶଙ୍କା ମଧ୍ୟ ଦେଖାଦେଇଛି ା ବାତ୍ୟାର ଦିନକ ପରେ ପ୍ରଶାସନିକ ଅଧିକାରୀମାନେ କ୍ଷୟକ୍ଷତି ଆକଳନ ପାଇଁ ଗାଁକୁ ଆସି ନ ଥିବା କ୍ଷତିଗ୍ରସ୍ତ ଚାଷୀ ସ୍ବରୂପ କୁମାର ମହାପାତ୍ର, ପ୍ରଫୁଲ୍ଲ ନାଏକ, ମଙ୍ଗଲା ଦେହୁରୀ, ଗୋପୀନାଥ ଦେହୁରୀ, ପୂର୍ଣ୍ଣଚନ୍ଦ୍ର ବେହେରା, ରନତ୍ାକର ନାଏକ ଅଭିଯୋଗ କରିଛନ୍ତି। କ୍ଷୟକ୍ଷତିର ଆକଳନ କରାଯାଇ ତୁରନ୍ତ କ୍ଷତିପୂରଣ ପ୍ରଦାନ କରାଯିବାକୁ ଚାଷୀମାନେ ଦାବି କରିଛନ୍ତି।
