ମୁମ୍ବାଇ: ଆଗାମୀ ଫିଲ୍ମ ‘ଲାଲ୍ ସିଂହ ଚଢ଼ା’କୁ ନେଇ ଅମିର ଆଜିକାଲି ବହୁ ବ୍ୟସ୍ତ ରହୁଛନ୍ତି। ଏବେ ଏଥିରୁ କିଛି ସମୟ ବାହାର କରି ସୋସିଆଲ ମିଡିଆରେ ଏକ ଫଟୋ ଶେୟାର କରି ସେ ତାଙ୍କ ପିତା ତଥା ଫିଲ୍ମ ନିର୍ମାତା ତାହିର ହୁସେନ୍ଙ୍କୁ ମନେ ପକାଇଛନ୍ତି। ଅମିର ରବିବାର ଫ୍ରି ହୋଇ ଏହି ଫଟୋଟିକୁ ତାଙ୍କ ଇନ୍ଷ୍ଟାଗ୍ରାମରେ ପୋଷ୍ଟ କରିଛନ୍ତି। ପିତାଙ୍କ କୋଳରେ ଅମିରଙ୍କ ପିଲାବେଳର ଫଟୋ ଦେଖି ଫ୍ୟାନ୍ମାନେ ଖୁସି ବ୍ୟକ୍ତ କରିଛନ୍ତି। ତାହିର ବଲିଉଡ୍ର ଜଣାଶୁଣା ବ୍ୟକ୍ତିତ୍ୱ। ସେହିପରି ଆଉ ଏକ ଫଟୋରେ ଅମିର ତାଙ୍କ ମା’ଙ୍କ ସହ ଥିବା ଦେଖିବାକୁ ମିଳିଛି। ୟୁଜରମାନେ ମଧ୍ୟ ଅମିରଙ୍କ ଫଟୋ ଦେଖି ଖୁବ୍ ଭଲ ମନ୍ତବ୍ୟ ଦେଇଛନ୍ତି।
