ପୋଲିସ, ଜନସାଧାରଣ ମଧ୍ୟରେ ବଢୁଛି ଦୂରତା: ଗାଁ ଗାଁରେ ହେଉଛି କଙ୍ଗାରୁ କୋର୍ଟ

ନୂଆଗାଁ,୧୧ା୭ (ଡି.ଏନ.ଏ.): ନୟାଗଡ଼ ଜିଲାର ବିଭିନ୍ନ ଗ୍ରାମରେ କଙ୍ଗାରୁ କୋର୍ଟ ଭଳି ଘଟଣା ବାରମ୍ବାର ଘଟୁଥିବା ଦେଖିବାକୁ ମିଳୁଛି। ଏହା ଦ୍ୱାରା ସାଧାରଣ ନିରୀହ ଲୋକେ ହଇରାଣ ହେଉଥିବାବେଳେ ପ୍ରକୃତ ଦୋଷୀ ଖସିଯିବାରେ ସକ୍ଷମ ହେଉଛି। ଅନ୍ୟପକ୍ଷେ ପୋଲିସ ଲୋକଙ୍କ ନିକଟତର ହେବାକୁ ଆମ ପୋଲିସ କାର୍ଯ୍ୟକ୍ରମ ଜରିଆରେ ସଚେତନତା ସୃଷ୍ଟି କରୁଛି। ହେଲେ ଏହାର ପ୍ରଭାବ ଲୋକଙ୍କ ଉପରେ ପଡୁ ନ ଥିବା ଦେଖାଯାଉଛି। ଫଳସ୍ବରୂପ କୌଣସିଠାରେ ଅପରାଧମୂଳକ ଘଟଣା ଘଟିଲେ ଲୋକେ ଥାନାକୁ ଯିବା ବଦଳରେ ଗାଁରେ ବୈଠକ (କଙ୍ଗାରୁ କୋର୍ଟ) କରି ନିଷ୍ପତ୍ତି ନେଉଛନ୍ତି। ଏହି ନିଷ୍ପତ୍ତି ଅନୁଯାୟୀ କାହାକୁ ଅଟକ ରଖାଯାଉଛି ତ କାହାକୁ ନିଆଁ ପାଣି ବାସନ୍ଦ ସହ ଦୋକାନ ବଜାର ମନା କରାଯାଉଛି। ଏ ବିଷୟରେ କୌଣସି ଅଧିକାରୀଙ୍କୁ ଜଣାଇଲେ କିମ୍ବା ଥାନାରେ ଅଭିଯୋଗ କଲେ ଗ୍ରାମବାସୀ ଅଧିକ ହଇରାଣ କରିବେ ଭାବି ସମ୍ପୃକ୍ତ ବ୍ୟକ୍ତି ନୀରବ ରହିବାକୁ ଶ୍ରେୟସ୍କର ମଣୁଛି। କଙ୍ଗାରୁ କୋର୍ଟ ମାଧ୍ୟମରେ ନୂଆଗାଁ ବ୍ଲକ ଦୁର୍ଦ୍ଦୁରା ପଞ୍ଚାୟତ ଝରଣା ଗ୍ରାମରେ ଏକ ପରିବାରକୁ ହଇରାଣ କରାଯାଇଥିବା ବେଳେ ସିଙ୍ଗାରପଲ୍ଲୀ ପଞ୍ଚାୟତ ଓଡକପା ଗ୍ରାମର ଯୁଧିଷ୍ଠିର ନାୟକ ଦୁଇବର୍ଷ ହେଲା ଗ୍ରାମରୁ ବାସନ୍ଦ ହୋଇଛନ୍ତି। ସେହିପରି କୋରଡା ପଞ୍ଚାୟତ ମହିତମା ଗ୍ରାମର ସନ୍ତୋଷ ସାହୁ ଓ ଜାକେଡା ପଞ୍ଚାୟତର କରଡାପଲ୍ଲୀ ଓ କେନ୍ଦୁବଣିଆ ଗ୍ରାମରେ ଦୁଇଟି ପରିବାର କଙ୍ଗାରୁ କୋର୍ଟ ଜରିଆରେ ଦୁର୍ଦ୍ଦଶା ଭୋଗୁଛନ୍ତି। ଏ ସମ୍ପର୍କରେ ବିଭିନ୍ନ ବର୍ଗର ବ୍ୟକ୍ତିବିଶେଷଙ୍କ ମତକୁ ନେଇ ଉପସ୍ଥାପନା।
କ’ଣ କୁହନ୍ତି ଏମାନେ…
କୌଣସି ଗାଁରେ କଙ୍ଗାରୁ କୋର୍ଟ କରି ଲୋକଙ୍କୁ ହଇରାଣ ନ କରିବା ନେଇ ଆମେ ଗ୍ରାମ ସଭାଗୁଡିକରେ ଆଲୋଚନା କରୁଛ। ଭୁଲକୁ ସୁଧାରିବା ପାଇଁ କଙ୍ଗାରୁ କୋର୍ଟ ନ କରି ଗ୍ରାମ, ପଞ୍ଚାୟତ କିମ୍ବା ପୋଲିସ ସହାୟତାରେ ଆଲୋଚନା କରି ସମାଧାନ କରିବା ଆବଶ୍ୟକ।
ପର୍ଶୁରାମ ସ୍ବାଇଁ, ମାଳିସାହି ସରପଞ୍ଚ।
ଗାଁ ଗାଁରେ କଙ୍ଗାରୁ କୋର୍ଟ ମାଧ୍ୟମରେ କାହାକୁ ଗାଁରୁ ବାସନ୍ଦ ଓ ହଇରାଣ କରିବା ଠିକ୍‌ ନୁହେଁ। କଙ୍ଗାରୁ କୋର୍ଟ ନ କରିବା ପାଇଁ ଆମେ ଆମ ପୋଲିସ କାର୍ଯ୍ୟକ୍ରମରେ ସଚେତନ କରିଆସୁଛୁ । ତଥାପି ଲୋକମାନେ ସଚେତନ ନ ହୋଇ ଆଇନକୁ ହାତକୁ ନେଉଛନ୍ତି। ଲୋକମାନଙ୍କ ମଧ୍ୟରେ ଆପୋସ ସମାଧାନ ହୋଇପାରିଲେ ଏହା କମିଯିବ।
ମନୋରମା ମଲ୍ଲିକ, ଆଇଆଇସି, ନୂଆଗାଁ ଥାନା
ଆମ ପୋଲିସ କାର୍ଯ୍ୟକ୍ରମ କେବଳ ଥାନା ପରିସରରେ ନ ହୋଇ ଗାଁ ଗାଁରେ ହେଲେ ଲୋକ ସଚେତନ ହୁଅନ୍ତେ ଓ କଙ୍ଗାରୁ କୋର୍ଟ ହୁଅନ୍ତା ନାହିଁ। ପୋଲିସ ଓ ଜନସାଧାରଣଙ୍କ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ ରହିଲେ ଏହା ବନ୍ଦ ହୋଇପାରିବ।
ପତିତପାବନ ସାହୁ, ଶିକ୍ଷାବିତ୍‌, ନୂଆଗାଁ
ଆମ ପୋଲିସ କାର୍ଯ୍ୟକ୍ରମ ବିଭିନ୍ନ ସ୍ଥାନରେ କରି କଙ୍ଗାରୁ କୋର୍ଟ ନ କରିବା ପାଇଁ ଜନସଚେତନତା କରିବାକୁ ପ୍ରୋସିଡିଂରେ ସ୍ଥାନିତ ହୋଇଥିଲେ ମଧ୍ୟ ତାହା କରାଯାଉ ନାହିଁ । ଏପରି କି ୩/୪ ମାସ ହେଲା ଆମ ପୋଲିସ କାର୍ଯ୍ୟକ୍ରମ ବନ୍ଦ କରି ଦିଆଯାଇଛି। ଯେଉଁଥି ପାଇଁ କଙ୍ଗାରୁ କୋର୍ଟ ବୃଦ୍ଧି ପାଉଛି।
ଦେବରାଜ ଖଣ୍ଡୁଆଳ, ବୁଦ୍ଧିଜୀବୀ, ନୂଆଗାଁ


Enter your email to get our daily news in your inbox.

All Right Reserved By Dharitri.Com

ଭଏସ୍‌ ଅଫ ନୟାଗଡ଼ ସିଜିନ୍‌ ୨: ବାଜି ମାରିଲେ ମୋନାଲିସା

ନୟାଗଡ଼ ଅଫିସ,୯ା୧୨: ଜିଲାର ଯୁବ କଣ୍ଠଶିଳ୍ପୀଙ୍କୁ ଲୋକଲୋଚନ ଆଣିବା ଲକ୍ଷ୍ୟରେ ନୟାଗଡ଼ କ୍ଲବ ପକ୍ଷରୁ ଆୟୋଜିତ ଭଏସ୍‌ ଅଫ ନୟାଗଡ଼ ସିଜିନ୍‌-୨ରେ ମୋନଲିସା ସ୍ବାଇଁ ବାଜି...

ଶିଶୁ ରାଇଜର ୪୭ ତମ ବାର୍ଷିକ ଉତ୍ସବ

ନୟାଗଡ଼ ଅଫିସ,୧୬ା୧୧: ନୟାଗଡ଼ ଜିଲା ଓଡ଼ଗାଁ ବ୍ଳକ ବଡ଼ପୁଟସ୍ଥିତ ଚାଚା ନେହେରୁ ଶିଶୁ ରାଇଜର ୪୭ତମ ବାର୍ଷିକ ଉତ୍ସବ ଗୁରୁବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ମୁଖ୍ୟ...

ମୁଖ୍ୟମନ୍ତ୍ରୀଙ୍କ ଘୋଷଣା: ନିର୍ମାଣ ହେବ ୧୦୦ ଶଯ୍ୟା ବିଶିଷ୍ଟ ଚିକିତ୍ସାଳୟ

ନୟାଗଡ଼ ଅଫିସ,୧୭।୧୦: ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପରିସରରେ ନିର୍ମାଣ ହେବ ୧୦୦ ଶଯ୍ୟା ବିଶିଷ୍ଟ ଚିକିତ୍ସାଳୟ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡ଼ିଓ କନ୍‌ଫରେନ୍ସିଂ ମାଧ୍ୟମରେ...

ନୟାଗଡ଼ ମୁଖ୍ୟଚିକିତ୍ସାଳୟର ଷ୍ଟାଫ ନର୍ସ କରୋନା ଆକ୍ରାନ୍ତ

ନୟାଗଡ଼ ଅଫିସ,୪।୬: ନୟାଗଡ଼ ଜିଲାରୁ ଗୁରୁବାର ୭ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଚିହ୍ନଟଙ୍କ ମଧ୍ୟରୁ ଜଣେ ଜିଲା ମୁଖ୍ୟ ଚିକିତ୍ସାଳୟରେ ନିୟୋଜିତ ଷ୍ଟାଫ ନର୍ସ...

ଅଭିଯୁକ୍ତ ଛାତ୍ରଙ୍କୁ ୩ ଦିନ ରିମାଣ୍ଡ

ନୟାଗଡ଼ ଅଫିସ,୨୩ା୧୨: ଏସ୍‌ଆଇଟି ସୋମବାର ଗିରଫ କରିଥିବା କଲେଜ ଛାତ୍ରଙ୍କୁ କୋର୍ଟରେ ହାଜର କରିବା ସହ ରିମାଣ୍ଡ ପାଇଁ ଆବେଦନ କରିଥିଲା। ଏଥିପାଇଁ କୋର୍ଟ ୩...

ପ୍ରତିବର୍ଷ ଜିଲାରେ ବଢ଼ୁଛି ରୋଗୀ ସଂଖ୍ୟା:ଜିଲାରେ ୪୫୬ ଜଣ ଏଚ୍‌ଆଇଭି ପଜିଟିଭ୍‌

ନୟାଗଡ଼ ଅଫିସ,୧।୧୨-ରବିବାର ପାଳନ କରାଯିବ ବିଶ୍ୱ ଏଡ୍‌ସ ଦିବସ । ଚଳିତ ବର୍ଷର ବାର୍ତ୍ତା ରହିଛି କମ୍ୟୁନିଟିଜ୍‌ ମେକ୍‌ ଦି ଡିଫରେନ୍ସ ଅର୍ଥାତ୍‌ ଗୋଷ୍ଠୀ ହିଁ...

ଚିଲିକାରେ ଘେରି ଉଚ୍ଛେଦକୁ ବିରୋଧ: ପେସାଦାର ମତ୍ସ୍ୟଜୀବୀଙ୍କ ଧାରଣା ୮ମ ଦିନରେ

କୃଷ୍ଣପ୍ରସାଦ,୩ା୧୨(ଡି.ଏନ.ଏ.): ପୁରୀ ଜିଲା କୃଷ୍ଣପ୍ରସାଦ ତହସିଲ ଅଧୀନ ଚିଲିକାରୁ ଘେରି ଉଚ୍ଛେଦକୁ ବିରୋଧ କରି ଚିଲିକା ଦ୍ୱୀପାଞ୍ଚଳ ପେସାଦାର ମତ୍ସ୍ୟଜୀବୀ ମହାସଂଘ ପକ୍ଷରୁ ତହସିଲ କାର୍ଯ୍ୟାଳୟ...

ଲୋକଙ୍କ ମାଡ଼ରେ ଚାଲିଗଲା ଲୁଟେରାଙ୍କ ଜୀବନ

ନୟାଗଡ଼ ଅଫିସ,୧।୩: ନୟାଗଡ଼ ସଦର ଥାନା ଅନ୍ତର୍ଗତ ବାଲୁଗାଁ ପୋତା ଶଙ୍ଖ ନଦୀଠାରେ ସୋମବାର ସକାଳୁ ମର୍ନିଂଓ୍ବାକ୍‌ କରିବାକୁ ବାରବାଟୀ ଗାଁର ଅରକ୍ଷିତ ଭଟ୍ଟ ଯାଇଥିଲେ।...

Advertisement
Archives

Model This Week