ପୋଲିସର ବିଫଳତା ବିରୋଧରେ ଅଭିନବ ପ୍ରତିବାଦ: ଜୋତା ପଲିସ କଲେ ପୂର୍ବତନ ଭିଜିଲାନ୍ସ ଏସ୍‌ପି

ବାଲେଶ୍ୱର ଅଫିସ, ୨୧।୧୦-ବାଲେଶ୍ୱର ସହରରେ ଦିନକୁ ଦିନ ବଢ଼ି ଚାଲିଛି ଲୁଟେରାଙ୍କ ରାଜ୍‌। ଦୁର୍ବୃତ୍ତମାନେ ବନ୍ଧୁକ ଓ ମାରଣାସ୍ତ୍ର ଦେଖାଇ ଲୁଟ୍‌ତରାଜ ଚଳାଇଛନ୍ତି। ପୋଲିସ ଏହାକୁ ରୋକିପାରୁନାହିଁ। ଆଇନଶୃଙ୍ଖଳା ସ୍ଥିତି ବିଗିଡିବାରେ ଲାଗିଛି। ଗତ ୧୦ଦିନ ଭିତରେ ସହରରେ ଦୁଇଟି ଲୁଟ୍‌ ଘଟିଥିଲେ ବି ପୋଲିସ ଲୁଟେରାଙ୍କର କୌଣସି ଟେର୍‌ ପାଇନି। ନା ପୋଲିସ ଲୋକଙ୍କୁ ଦେଉଛି ସୁରକ୍ଷା ନା ନ୍ୟାୟ। ପୋଲିସ ବିଭାଗର ଏଭଳି ବିଫଳତା ଓ ଅପାରଗପଣିଆର ପ୍ରତିବାଦ ଜଣାଇ ପୂର୍ବତନ ଭିଜିଲାନ୍ସ ଏସ୍‌ପି ଉଜ୍ୱଳ କୁମାର ବ୍ରହ୍ମା ସୋମବାର ପୂର୍ବାହ୍ନରେ ଜିଲା ଆରକ୍ଷୀ ଅଧୀକ୍ଷକଙ୍କ ଅଫିସ୍‌ ସମ୍ମୁଖରେ ବସି ଜୋତା ପଲିସ କରିବା ଘଟଣା ଦେଖିବାକୁ ମିଳିଛି। ପୋଲିସ୍‌ର ଦୁର୍ନୀତିଖୋର୍‌ ମନୋଭାବ ଓ ବିଫଳ କାର୍ଯ୍ୟଧାରା ସମ୍ପର୍କରେ ଜନସଚେତନତା ସୃଷ୍ଟି କରିବାକୁ ସେ ଏଭଳି ପଦକ୍ଷେପ ନେଇଥିବା ଚର୍ଚ୍ଚା ହେଉଛି ।
ଅବସରପ୍ରାପ୍ତ ଭିଜିଲାନ୍ସ ଏସ୍‌ପି ବ୍ରହ୍ମା ସୋମବାର ପୂର୍ବାହ୍ନ ୧୦ଟା ବେଳେ ଜିଲା ଆରକ୍ଷୀ ଅଧୀକ୍ଷକଙ୍କ ଅଫିସ୍‌ ସମ୍ମୁଖକୁ ଆସି ସେଠାରେ ବସି ଅଭିନବ ପ୍ରତିବାଦ ସ୍ବରୂପ ପଥଚାରୀଙ୍କ ଜୋତା ପଲିସ କରିବା ଆରମ୍ଭ କରିଥିଲେ। ଏହାଦେଖି ଅନେକ ଦେଖଣାହାରୀ ସେଠାରେ ଭିଡ ଜମାଇଥିଲେ। ଅପରାହ୍ନ ୪ଟା ପର୍ଯ୍ୟନ୍ତ ବସି ରହି ଜୋତା ପଲିସ କରି ପ୍ରତିବାଦ ଜଣାଇଥିଲେ ମଧ୍ୟ କୌଣସି ଅଧିକାରୀ ତାଙ୍କୁ ଭେଟିବାକୁ ଆସି ନ ଥିଲେ। ଏହି ଅବସରରେ ପୋଲିସ ବିଭାଗ କିଭଳି ଦୁର୍ନୀତିରେ ବୁଡି କାର୍ଯ୍ୟ କରୁଛି, ତାହା ସେ ଲୋକଙ୍କୁ ବୁଝାଇଥିଲେ। ଯେତେଦିନ ପର୍ଯ୍ୟନ୍ତ ପୋଲିସ୍‌ ନିୟମିତ ଏବଂ ନିଷ୍ଠାର ସହ କାର୍ଯ୍ୟ ସମ୍ପାଦନ ନ କରିଛି, ସେ ବିଭିନ୍ନ ଥାନା ସମ୍ମୁଖରେ ବସି ଏହିପରି ପ୍ରତିବାଦ ଜଣାଇ ଲୋକଙ୍କ ସଚେତନ କରିବେ ବୋଲି କହିଥିଲେ।
ପୂର୍ବତନ ଭିଜିଲାନ୍ସ ଏସ୍‌ପି ବ୍ରହ୍ମାଙ୍କ ଘର ସ୍ଥାନୀୟ ସହଦେବଖୁଣ୍ଟା ଅଞ୍ଚଳରେ। ସେ ତାଙ୍କ ପ୍ରତିକ୍ରିୟାରେ ଦର୍ଶାଇଥିଲେ ଯେ, ବାଲେଶ୍ୱର ସହରରେ ଅପରାଧୀଙ୍କ ରାଜ୍‌ ବଢିବା ତାଙ୍କୁ ବ୍ୟଥିତ କରିଛି। ରବିବାର ବିଳମ୍ବିତ ରାତିରେ ଫକୀରମୋହନ ଗୋଲେଇରେ ଗୋଟିଏ ଟ୍ରକ୍‌ (ନଂ. ୧୬ବି୩୩/ଇ-୨୬୫୩)ମାଲ୍‌ ଅନ୍‌ଲୋଡ଼୍‌ କରି ଭୁବନେଶ୍ୱର ଫେରୁଥିବାବେଳେ ଗୋଟିଏ ନମ୍ବର ବିହୀନ ଧଳା ସ୍କୁଟିରେ ୩ଜଣ ଦୁର୍ବୃତ୍ତ ଏହାକୁ ପିଛା କରିଥିଲେ। ସେମାନେ ଆଇଟିଆଇ ଛକସ୍ଥିତ ମାଛ ମାର୍କେଟ୍‌ ନିକଟରେ ଟ୍ରକ୍‌କୁ ଅଟକାଇଥିଲେ। ଜଣେ ଦୁର୍ବୃତ୍ତ ଡ୍ରାଇଭର ମହମ୍ମଦ ମୁରଫୁଦ୍ଦିନ ଆନ୍‌ସାରୀ (୨୪)ଙ୍କ ମୁଣ୍ଡରେ ବନ୍ଧୁକ ଲଗାଇ ଧମକ ଦେବା ବେଳେ ଅନ୍ୟ ଜଣେ ତାଙ୍କ ବେକରେ ଭୁଜାଲି ଲଗାଇ ତାଙ୍କଠାରୁ ୨୨ଶହ ଟଙ୍କା ଲୁଟି ନେଇଥିଲେ। ଏନେଇ ଟ୍ରକ୍‌ ଡ୍ରାଇଭର କୌଣସି ଥାନାରେ ଲିଖିତ ଅଭିଯୋଗ କରି ନ ଥିବାର ଜଣାପଡ଼ିଛି। ପୋଲିସ ଉପରେ ଭରସା ହରାଇଥିବାରୁ ଲୋକେ ଥାନାର ଦ୍ୱାରସ୍ଥ ହେବାକୁ ଚାହୁଁ ନ ଥିବା ଏହି ଘଟଣାରୁ ପ୍ରମାଣ ମିଳିଛି। ସେହିପରି ଗତ ୧୨ତାରିଖ ମଧ୍ୟାହ୍ନରେ ଜେଲ୍‌ରୋଡ୍‌ସ୍ଥିତ ଅନିତା ପାତ୍ର (୫୪) ନାମ୍ନୀ ଜଣେ ମହିଳା ମୋତିଗଞ୍ଜ ବଜାରକୁ ଯାଉଥିବା ବେଳେ ଗୋଟିଏ ନମ୍ବର ବିହୀନ ଧଳାସ୍କୁଟିରେ ୩ଜଣ ଦୁର୍ବୃତ୍ତ ଆସି ଜେଲ୍‌ରୋଡ୍‌ରେ ତାଙ୍କୁ ଭୁଜାଲି ଏବଂ ବନ୍ଧୁକ ଦେଖାଇ ସୁନାହାର ଏବଂ କାନଫୁଲ ଲୁଟି ନେଇଥିଲେ। ଏନେଇ ସହଦେବଖୁଣ୍ଟା ମଡ଼େଲ ଥାନାରେ ମହିଳା ଅଭିଯୋଗ କରିବାରୁ ପୋଲିସ ଏକ ମାମଲା ରୁଜୁ କରି ବସି ରହିଛି। ଏସବୁ ଘଟଣାର ଜିଲାର ପୋଲିସ୍‌ ବିଭାଗ ନିୟମ କାନୁନ୍‌ଠାରୁ ଊର୍ଦ୍ଧ୍ୱରେ ରହି ଦୁର୍ନୀତିରେ ବୁଡ଼ି ରହିଥିବା ପ୍ରତୀତ ହେଉଛି। ଗରିବ ଲୋକେ କୌଣସି କାରଣରୁ ଥାନାକୁ ଏତଲା ନେଇ ଗଲେ ଥାନାରେ ଏଏସ୍‌ଆଇ, ସବ୍‌ଇନ୍ସପେକ୍ଟର, ଇନ୍ସପେକ୍ଟର ଏପରିକି ଏସ୍‌ପି ମଧ୍ୟ ନ୍ୟାୟ ଦେବାରେ ସକ୍ଷମ ହୋଇପାରୁ ନାହାନ୍ତି। ପୋଲିସ୍‌ ବିଭାଗର ସମସ୍ତ ଆଇନ୍‌କାନୁନ୍‌ ତାଙ୍କୁ ଜଣା ଥିବା ସତ୍ତ୍ୱେ ପୋଲିସ ତାଙ୍କୁ ମଧ୍ୟ ବିଭିନ୍ନ ମାମଲାରେ ହଇରାଣ ହରକତ କରି ନ୍ୟାୟ ଦେଇ ପାରି ନ ଥିବା ସେ ଅଭିଯୋଗ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଦ୍ୟୁତ୍‌ ସଂସ୍ପର୍ଶରେ ଆସି ଗାଇଚରାଳିଙ୍କ ମୃତ୍ୟୁ

କେସିଙ୍ଗା, ୨୫।୫: କଳାହାଣ୍ଡି ଜିଲା କେସିଙ୍ଗା ଥାନା ଅନ୍ତର୍ଗତ ସୁକୁନାଭଟା ଗ୍ରାମରେ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଶନିବାର ସକାଳେ ଜଣେ ଗାଇଚରାଳିଙ୍କ ମୃତ୍ୟୁ ଘଟିଛି।...

ଦୁଇ ମାସରେ ୧୦ମୃତ୍ୟୁ, ଅନେକ ଲୋକ ଆକ୍ରାନ୍ତ: ଡେଙ୍ଗୁ ସନ୍ଦେହ

ମୁନିଗୁଡା,୨୧।୪: କରୋନା ବା କୋଭିଡ-୧୯କୁ ନେଇ ସାରା ରାଜ୍ୟରେ ଏବେ ଆତଙ୍କ ଖେଳିଯାଇ ଥିବା ବେଳେ ରାୟଗଡା ଜିଲା ମୁନିଗୁଡାରେ ଅଜଣା ରୋଗରେ ଲୋକଙ୍କ ମୃତ୍ୟୁ...

‘ମୋ ବସ୍‌’କୁ ବର୍ଷେ:ମୋ ବସ୍‌ରେ ଆସି ଉତ୍ସବରେ ଯୋଗଦେବେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୬।୧୧(ବ୍ୟୁରୋ):ରାଜ୍ୟରେ ‘ମୋ ବସ୍‌’ ସେବାକୁ ବର୍ଷେ ପୂରିଛି। ଏହି ଅବସରରେ ବୁଧବାର ସନ୍ଧ୍ୟାରେ କ୍ରୁଟ୍‌ ପକ୍ଷରୁ ବାର୍ଷିକ ଉତ୍ସବ ଆୟୋଜନ କରାଯାଇଛି। ଏଥିରେ ମୁଖ୍ୟ...

୨୪୫୧ ବେଡ୍‌ ବିଏମ୍‌ସିକୁ ନିଅଣ୍ଟ: ଘରେ ଚିକିତ୍ସିତ ହେବେ ଲକ୍ଷଣ ନ ଥିବା ରୋଗୀ

ଭୁବନେଶ୍ୱର,୧୨।୭(ବ୍ୟୁରୋ): ଭୁବନେଶ୍ୱରରେ କରୋନା ସଂକ୍ରମଣ ବୃଦ୍ଧି ପାଉଛି। ଏଭଳି ସ୍ଥିତିରେ ଘରେ ରହି କରୋନା ଆକ୍ରାନ୍ତ ଚିକିତ୍ସିତ ହେବେ ବୋଲି ବିଏମ୍‌ସି ନୂଆ ନିର୍ଦ୍ଦେଶନାମା ଜାରି...

ବିଓଆଇର ମୋବାଇଲ ବ୍ୟାଙ୍କିଙ୍ଗ ସେବା ଆରମ୍ଭ

ବେଗୁନିଆପଡା,୨୧ା୪(ଡି.ଏନ.ଏ.)-କରୋନା ମୁକାବିଲା ପାଇଁ ସାମାଜିକ ଦୂରତା ଉପରେ ଅଧିକ ଗୁରୁତ୍ୱ ଦିଆଯାଉଛି। ଗଞ୍ଜାମ ଜିଲାପାଳ ଏ ଦିଗରେ ବହୁ କଟକଣା ମଧ୍ୟ ଜାରି କରିଛନ୍ତି। କିନ୍ତୁ...

ଚୋରା ବାଲି ବୋଝେଇ ଟ୍ରାକ୍ଟର, ପଥର ବୋଝେଇ ଟିପ୍ପର ଜବତ

ଛେଣ୍ଡିପଦା, ୨୭।୧୧(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ତହସିଲ ଅଞ୍ଚଳରୁ ବୁଧବାର ଚୋରା ବାଲି ବୋଝେଇ ଟ୍ରାକ୍ଟର ଓ ଏକ ପଥର ବୋଝେଇ ଟିପ୍ପରକୁ ଜବତ କରାଯାଇଛି।...

୬ ଦଫା ଦାବି ନେଇ କେନ୍ଦୁପତ୍ର ଶ୍ରମିକଙ୍କ ରାସ୍ତାରୋକୋ

ଜମନକିରା,୧୧।୩(ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ ଅଞ୍ଚଳରେ କାର୍ଯ୍ୟରତ କେନ୍ଦୁପତ୍ର ଶ୍ରମିକ, ତୋଳାଳି କର୍ମଚାରୀ, ବନ୍ଧେଇ ଶ୍ରମିକମାନେ ବୁଧବାର ଜମନକିରା ବ୍ଲକ୍‌ ମୁଖ୍ୟଛକ ରାଜରାସ୍ତା ୫୩କୁ...

ପ୍ରଧାନ ଶିକ୍ଷକଙ୍କ ନିଲମ୍ବନ ବାତିଲ ଦାବିରେ ରାସ୍ତାରୋକୋ

ଜଳେଶ୍ୱର, ୧।୨(ଡି.ଏନ.ଏ.)-ଜଳେଶ୍ୱର ଟାଉନ ହାଇସ୍କୁଲର ପ୍ରଧାନ ଶିକ୍ଷକଙ୍କ ନିଲମ୍ବନ ଆଦେଶ ବାତିଲ ଦାବିରେ ପରିଚାଳନା କମିଟି ଓ ଅଭିଭାବକମାନେ ଆଜକୁ ୪ ଦିନ ଧରି ବିଦ୍ୟାଳୟ...

Advertisement

BGU

Archives

Model This Week

Why Dharitri