Advertisement

ପୁନରୁଦ୍ଧାର ହେଉନି କଣ୍ଡସରା ନାଳ: ଦୁର୍ଦ୍ଦଶାରେ ଚାଷୀ

ରସୁଲପୁର, ୧୧।୬(ଡି.ଏନ୍‌.ଏ.): କୃଷି ଓ କୃଷକର ଉନ୍ନତି ଲାଗି କେନ୍ଦ୍ର ଓ ରାଜ୍ୟ ସରକାର ଅନେକ ଯୋଜନା କରୁଛନ୍ତି। ଏଥିଲାଗି ବିପୁଳ ଟଙ୍କା ସରକାରୀ ତହବିଲରୁ ଖର୍ଚ୍ଚ କରାଯାଉଥିଲେ ବି କେତେକ ସ୍ଥାନରେ ଏହାର ଠିକ୍‌ ଭାବେ ବିନିଯୋଗ କରାଯାଉନି। ଏଥିଯୋଗୁ ଚାଷ କାର୍ଯ୍ୟ ପ୍ରଭାବିତ ହେଉଥିବା ବେଳେ ଚାଷୀଙ୍କ ସମସ୍ୟା ବି ସୁଧୁରୁନି। ଯାଜପୁର ଜିଲା ରସୁଲପୁର ବ୍ଲକ ଅଞ୍ଚଳରୁ ଏଭଳି ଏକ ଅଭିଯୋଗ ଆସିଛି। ଚାଷ ଜମିରୁ ଉଦ୍‌ବୃତ୍ତ ବର୍ଷା ଜଳ ନିଷ୍କାସନ ହୋଇପାରୁ ନ ଥିବାରୁ ଦୀର୍ଘ ୧୦ବର୍ଷ ହେବ ଚାଷ କାର୍ଯ୍ୟ ବାଧାପ୍ରାପ୍ତ ହେଉଛି ବୋଲି ସ୍ଥାନୀୟ ଚାଷୀ ଅଭିଯୋଗ କରିଛନ୍ତି।
ପ୍ରକାଶ ଯେ, ରସୁଲପୁର ବ୍ଲକ ଅଧୀନ ଶ୍ରୀବନ୍ତପୁର ଓ ଜାବରା ପଞ୍ଚାୟତର ବରହମପୁର, ଭଗଭଗବନା, ଜେନାପୁର, ଭଣ୍ଡାରିପଡା, କାଣ୍ଡସରା, ବାର୍ଲାଙ୍ଗି, ବାଉଁଶଅଂଟା, ସାରଙ୍ଗପୁର, ଭଗିରଥପୁର, ଡାଆଁଣୀବର, ବାଗଡିଆଁ, ଦିଆନଚକ, ଶୁକଦେଇପୁର ଓ ମାନପୁର ଗ୍ରାମର ୧୦୦୦ରୁ ଊର୍ଦ୍ଧ୍ୱ ଚାଷୀଙ୍କର ପ୍ରାୟ ୭ଶହ ଏକର ଜମି ବରହମପୁର, ମରାଗାଡିଆ, କାଳିମାଗଡା, କାକୁଡିଆ ଆଦି ପାଟରେ ରହିଛି। କଣ୍ଡସରା ନାଳ ଦେଇ ସେହି ଚାଷଜମିରୁ ବର୍ଷାଜଳ ନିଷ୍କାସିତ ହୋଇଥାଏ। ଏଥିସହ ଗାଁ ଗଣ୍ଡା ଓ ଢ଼ିପ ଜମିରୁ ଆସୁଥିବା ବର୍ଷା ଜଳ ଏହି ନାଳ ଦେଇ ନିଷ୍କାସିତ ହୋଇ ଦୁଧେଇ କେନାଲରେ ପ୍ରବେଶ କରେ। କିନ୍ତୁ ନାଳ କ୍ରମଶଃ ପୋତି ହୋଇଗଲାଣି। ନାଳ ଭିତରେ ଗଛ, ଲତା ଓ ଦଳ ଭର୍ତ୍ତି ହୋଇଥିବା ବେଳେ ଏହାର ପୁନରୁଦ୍ଧାର କରାଯାଉନାହିଁ। ଏହାଛଡା ନାଳ ଉପରେ ନିର୍ମିତ କଲଭର୍ଟରେ ନିର୍ମାଣଗତ ତ୍ରୁଟି ଯୋଗୁ ନାଳ ସଙ୍କୁଚିତ ହୋଇଯିବା ସହ ସେହି ସ୍ଥାନରେ ବର୍ଷାଜଳ ଜମି ରହୁଛି। ଫଳରେ ଶହ ଶହ ଏକ ଚାଷଜମି ବର୍ଷା ପାଣିରେ ବୁଡ଼ି ରହୁଛି। ଖରିଫ ଋତୁରେ ଦୀର୍ଘ ମିଆଦି ଧାନ ବୁଣିବା ପରେ ବର୍ଷାଜଳରେ ଧାନ ଶସ୍ୟ ବୁଡ଼ି ରହୁଥିବାରୁ ତାହା ଅମଳ ହୋଇପାରୁନାହିଁ। ଢିପ ଜମିରେ କେବଳ ବିଆଳି ଧାନ ଚାଷ ହେଉଥିବା ବେଳେ ମାଟିର ଆଦ୍ରତା କମୁ ନ ଥିବାରୁ ରବି ଋତୁରେ ପନିପରିବା ଚାଷ ଓ ଲାଭଜନକ ଫସଲ ଭାବରେ ଜଣା ବାଦାମ ଆଦୌ ଚାଷ ହୋଇପାରୁନାହିଁ। ଏଥିଯୋଗୁ ପ୍ରତିବର୍ଷ ୪୦୦ଏକରରୁ ଊର୍ଦ୍ଧ୍ୱ ଚାଷ ଜମି ପଡ଼ିଆ ପଡୁଛି। ଏ ନେଇ ଅନେକ ଥର ଅଭିଯୋଗ କରିବା ପରେ ବି କିଛି ସୁଫଳ ମିଳି ନ ଥିବା ଚାଷୀମାନେ କହିଛନ୍ତି। ନିର୍ବାଚନ ବେଳେ ନେତାମାନେ ଆସି ସମସ୍ୟା ବୁଝିବା ସହ ସମାଧାନ କରିବାକୁ ପ୍ରତିଶ୍ରୁତି ଦିଅନ୍ତି, କିନ୍ତୁ ପରେ ଆଉ ସେମାନଙ୍କ ଦେଖା ମିଳେନି ବୋଲି ଦୁର୍ଯ୍ୟୋଧନ ସାମଲ, ଗଙ୍ଗାଧର ସାମଲ, ପଞ୍ଚାନନ ଜେନା, ଈଶ୍ୱର ସାମଲ, ନୀଳମଣି ସାମଲ, ସୂର୍ଯ୍ୟମଣୀ ସାମଲ, ଅରୁଣ ମଲିକ, ପ୍ରଫୁଲ ମିଲିକ, ପବିତ୍ର ନାୟକ, ଭାଗୀରଥି ମଲିକ, ଅଜୟ ମଲିକ, ଗୌରାଙ୍ଗ ସାମଲ, ବାବାଜୀ ମଲିକ, ବିଷ୍ଣୁ ସାମଲ ପ୍ରମୁଖ ଚାଷୀ ଅଭିଯୋଗ କରିଛନ୍ତି। ରବି ଫସଲ ପୂର୍ବରୁ ଉକ୍ତ ନାଳର ପୁନରୁଦ୍ଧାର କାର୍ଯ୍ୟ ଶେଷ କରିବାକୁ ଚାଷୀମାନେ ଦାବି କରିଛନ୍ତି। ଏହା କରା ନ ଗଲେ ଚାଷୀମାନେ ଅନ୍ଦୋଳନାତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ତିର୍ତ୍ତୋଲ, ବାଲେଶ୍ୱର ଉପନିର୍ବାଚନ ଲାଗି ଭାଜପାର ଦାୟିତ୍ୱ ବଣ୍ଟନ

ଭୁବନେଶ୍ୱର, ୧ା୧୦(ବ୍ୟୁରୋ):ରାଜ୍ୟରେ ଖାଲି ହୋଇଥିବା ଦୁଇଟି ବିଧାନସଭା ଆସନ ତିର୍ତ୍ତୋଲ ଏବଂ ବାଲେଶ୍ୱର ଆସନରେ ଉପନିର୍ବାଚନ ନେଇ ନିର୍ବାଚନ ତାରିଖ ଘୋଷଣା ସରିଛି। ଆସନ୍ତା ନଭେମ୍ବର...

ଫେରିବାଲାଙ୍କଠୁ ମିଳିଲା ୪୫କେଜି ଗଞ୍ଜେଇ: ଷ୍ଟେଶନରୁ ୩ ଗିରଫ, ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା

ଦାମନଯୋଡି, ୯।୭(ଡି.ଏନ୍‌.ଏ.)- ଗଞ୍ଜେଇ ଚାଲାଣ ଅଭିଯୋଗରେ କୋରାପୁଟ ସିଆର୍‌ପିଏଫ୍‌ ମଙ୍ଗଳବାର ଦାମନଯୋଡି ଷ୍ଟେସନରୁ ଜଣେ ମହିଳାଙ୍କ ସମେତ ୩ଜଣଙ୍କୁ ଗିରଫ କରିଛି। ସେମାନେ ହେଲେ ପଡୋଶୀ...

ବିବାହର ୬ ମାସ ପରେ ନବବଧୂଙ୍କ ସନ୍ଦେହଜନକ ମୃତ୍ୟୁ

ସିମୁଳିଆ,୨୩ା୧୧(ଡି.ଏନ୍‌.ଏ.): ବାଲେଶ୍ୱର ଜିଲା ସିମୁଳିଆ ଥାନା ଅଧୀନ ବାଡ଼ିଆସାହି ଅଞ୍ଚଳର ବିଷ୍ଣୁପ୍ରିୟା ଶିଅଳ(୨୨)ଙ୍କ ବିବାହର ୬ ମାସ ପରେ ମୃତ୍ୟୁ ଘଟିଛି। ପାରିବାରିକ କଳହକୁ ନେଇ...

ହାତୀ ମୃତ୍ୟୁ ରୋକିବାକୁ ଗଠନ ହେବ ଜଏଣ୍ଟ ଟାସ୍କ ଫୋର୍ସ

କଟକ ଅଫିସ,୨୫।୮: ରାଜ୍ୟରେ ହାତୀ ମୃତ୍ୟୁ ମାମଲା ସାମ୍ନାକୁ ଆସିବାରେ ଲାଗିଛି। ତେବେ ଏହାକୁ ରୋକିବା ପାଇଁ ଜଏଣ୍ଟ ଟାସ୍କ ଫୋର୍ସ ଗଠନ କରାଯିବ। ପୋଲିସ...

ଆମ ଅଧିକାର ଓ ଗଣତନ୍ତ୍ର

ପ୍ରତିବର୍ଷ ଭାରତବାସୀଙ୍କ ପାଇଁ ଜାନୁୟାରୀ ୨୬ ଗଣତନ୍ତ୍ର ଦିବସ ବେଶ୍‌ ମହତ୍ତ୍ୱ ବହନ କରେ। ଗତବର୍ଷ ସମଗ୍ର ଦେଶ ଅଦୃଶ୍ୟ ଦାନବ କରୋନାର ଶକ୍ତ ପଞ୍ଝାରେ...

କେନ୍ଦ୍ରମନ୍ତ୍ରୀଙ୍କୁ ପତ୍ର ଲେଖିଲେ ଏମ୍‌ପି: ଆଇଆଇଏମ୍‌ସିର ଉନ୍ନତୀକରଣ କରାଯାଉ

ଢେଙ୍କାନାଳ ଅଫିସ,୧ା୮ – ଢେଙ୍କାନାଳଠାରେ ଥିବା ଭାରତୀୟ ଜନସଞ୍ଚାର ସଂସ୍ଥାନର ଉନ୍ନତୀକରଣ କରାଯିବା ପାଇଁ ଏମ୍‌ପି ମହେଶ ସାହୁ ୨୭ ତାରିଖରେ କେନ୍ଦ୍ର ସୂଚନା ଓ...

ଆଜି ଅନ୍ତର୍ଜାତୀୟ ସଂଗ୍ରହାଳୟ ଦିବସ: ଧ୍ୱସ୍ତବିଧ୍ୱସ୍ତ ସଂଗ୍ରହାଳୟ ସୌନ୍ଦର୍ଯ୍ୟ

ଭୁବନେଶ୍ୱର,୧୮।୫(ସସ୍ମିତା ପାଇକରାୟ): କିଛି ଘଣ୍ଟାର ତାଣ୍ଡବ ମଧ୍ୟରେ ସବୁକିଛି ଉଜାଡ଼ିଦେଇ ଚାଲିଗଲା ଫନୀ। ଏହାର ପ୍ରକୋପରୁ ବାଦ୍‌ ପଡ଼ିଲାନି ଇତିହାସକୁ ସାଇତି ରଖୁଥିବା ସଂଗ୍ରହାଳୟ। ପୁରାତନ...

ବିଗ୍‌ ବଜାରର ପବ୍ଲିକ ହଲିଡେ ସେଲ୍‌

ଭୁବନେଶ୍ୱର,୨୩।୧୨: ଦେଶର ପ୍ରମୁଖ ବ୍ୟବସାୟୀକ (ଓମିନ ଚେନ) ରିଟେଲର କମ୍ପାନୀ ବିଗ ବଜାର ପକ୍ଷରୁ ନିକଟରେ ଏକ ସ୍ବତନ୍ତ୍ର ସ୍କିମ ‘ପବ୍ଲିକ ହଲିଡେ ସେଲ’ ସମ୍ପର୍କରେ...

Advertisement
Archives

Model This Week