ପରିପତ୍ରରୁ ବାବୁ ଦୁଇଭାଗ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ନିକଟରେ ତାମିଲନାଡୁ ମୁଖ୍ୟ ଶାସନ ସଚିବ କେ. ଷଣ୍ମୁଗମ୍‌ ପ୍ରଶାସନିକ ବାବୁମାନଙ୍କୁ ଅଧିକ ଉତ୍ତରଦାୟୀ ହେବା ପାଇଁ ଏକ ସର୍କୁଲାର (ପରିପତ୍ର) ଜାରି କରିଛନ୍ତି। ଏହାକୁ ନେଇ ମିଶ୍ରିତ ପ୍ରତିକ୍ରିୟା ପ୍ରକାଶ ପାଇଛି। ତେବେ ବିଭିନ୍ନ ଜିଲାର ଜିଲା ମାଜିଷ୍ଟ୍ରେଟ୍‌ ଓ ଜିଲାପାଳମାନଙ୍କଠାରୁ ଷଣ୍ମୁଗମ୍‌ ଯେଉଁଭଳି ପ୍ରତିକ୍ରିୟା ପାଇଛନ୍ତି, ତାହା ସେ କେବେ ଆଶା କରି ନ ଥିଲେ। ପ୍ରାପ୍ତ ସୂତ୍ର ଅନୁଯାୟୀ, ସ୍ଥାନୀୟ ପ୍ରଶାସନିକ ଉନ୍ନତି ପାଇଁ ଷଣ୍ମୁଗମ୍‌ ୧୦-ସୂତ୍ରୀ ଯୋଜନା ବିଷୟରେ ଉଲ୍ଲେଖ କରିଛନ୍ତି। ଏହି ପରିପତ୍ରରେ ସେ ଜିଲା ମାଜିଷ୍ଟ୍ରେଟ୍‌ ଓ ଜିଲାପାଳମାନଙ୍କୁ ଅଧିକ କ୍ଷେତ୍ର ପରିଦର୍ଶନ କରିବା ପାଇଁ ନିର୍ଦ୍ଦେଶ ଦେଇଛନ୍ତି। କ୍ଷେତ୍ର ପରିଦର୍ଶନ ସମୟରେ ସେମାନେ ବିଭିନ୍ନ ଅଞ୍ଚଳର କୃଷି ତଥା ଆନୁଷଙ୍ଗିକ କାର୍ଯ୍ୟକଳାପ ଉପରେ ଦୃଷ୍ଟିଦେବା ଓ ଗ୍ରାମାଞ୍ଚଳର ଅର୍ଥନୈତିକ ବିକାଶ ତଥା ଜଳ ସଂରକ୍ଷଣ ଆଦିକୁ ଅଗ୍ରାଧିକାର ଦେବା ଲାଗି ଷଣ୍ମୁଗମ୍‌ ପରାମର୍ଶ କରିଛନ୍ତି। ତେବେ ତାଙ୍କର ଏହି ପରିପତ୍ର ସଂସ୍କାରଭିତ୍ତିକ ହୋଇଥିଲେ ବି ଏହାକୁ ନେଇ ଆଇଏଏସ୍‌ ବାବୁମାନେ ଦି’ ଭାଗ ହେଲା ଭଳି ମନେହେଉଛି। ସେମାନଙ୍କ ମଧ୍ୟରୁ ଗୋଟିଏ ଗୋଷ୍ଠୀ ମୁଖ୍ୟ ଶାସନ ସଚିବଙ୍କ ଚିଠିରେ ଉଲ୍ଲେଖ କରାଯାଇଥିବା ଯୋଜନାକୁ ରାଜନୈତିକ ଦୃଷ୍ଟିକୋଣରୁ ବିିଚାର କରିଛନ୍ତି। ରାଜନୈତିକ କ୍ଷେତ୍ରକୁ ସେମାନଙ୍କୁ ଟାଣିନେବାର ଏହା ଏକ ଯୋଜନା ବୋଲି କହୁଛନ୍ତି। ସେମାନେ ଯୁକ୍ତି ବାଢିଛନ୍ତି ଯେ, ସେମାନେ ଏହିି କାର୍ଯ୍ୟ ପୂର୍ବରୁ କରିଆସୁଛନ୍ତି ଓ ନିଜର ପ୍ରଦର୍ଶନ ଲାଗି ବହୁମୁଖୀ ଯାଞ୍ଚ ପ୍ରକ୍ରିୟାରେ ଉତ୍ତରଦାୟୀ ମଧ୍ୟ ରହୁଛନ୍ତି। ଅନ୍ୟପକ୍ଷରେ ଆଉ ଏକ ଗୋଷ୍ଠୀ ମୁଖ୍ୟ ସଚିବଙ୍କ ଏଭଳି ଉଦ୍ୟମକୁ ପ୍ରଶଂସା କରିଛନ୍ତି। ଏହା ଏକ ଭଲ ପଦକ୍ଷେପ ବୋଲି ସେମାନଙ୍କର ବିଶ୍ୱାସ। ସେମାନଙ୍କ ମତରେ ଗ୍ରାମାଞ୍ଚଳରେ ସରକାରୀ ଯୋଜନାଗୁଡ଼ିକର କାର୍ଯ୍ୟ ତଦାରଖ କରିବା ଲାଗି ଏହା ଏକ ଉତ୍ତମ ବ୍ୟବସ୍ଥା। ଏହା ସାଧାରଣ ବିବାଦରୁ ବାବୁମାନଙ୍କୁ ଦୂରେଇ ରଖିପାରିବ ବୋଲି ଏମାନେ ମତ ଦେଇଛନ୍ତି।
ଗୋପନୀୟତା ଚିନ୍ତା
ଏହା କିଛି ନୂଆ କଥା ନୁହେଁ କି କାହାକୁ ଅଛପା ନାହଁି ଯେ, ସୂଚନା ଚାନେଲଗୁଡ଼ିକୁ ନିଜ ନିୟନ୍ତ୍ରଣରେ ରଖିବା ପାଇଁ ମୋଦି ସରକାର ଉଦ୍ୟମ କରୁଛନ୍ତି। ସରକାରୀ କଳରୁ ଯେଉଁସବୁ ତଥ୍ୟ ପ୍ରଦାନ କରାଯାଉଛି, ତାହା ଯେପରି ସରକାରୀ ନିୟନ୍ତ୍ରଣରେ ରହେ ଓ ସୁରକ୍ଷିତ ରହେ, ତାହା ଉପରେ ସରକାର ଗୁରୁତ୍ୱ ଦେଉଛନ୍ତି। ତେଣୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟ ଜାରି କରିଥିବା ୨୪ ପୃଷ୍ଠାର ଏକ ଚିଠିରେ ବାବୁମାନଙ୍କୁ ତାଗିଦ କରିଛି କି କେହି ଯେପରି ବିନା ଅନୁମତିରେ ଅଫିସ କମ୍ପ୍ୟୁଟର ବା ମୋବାଇଲ ଫୋନରୁ ସୋସିଆଲ ମିଡିଆର ବ୍ୟବହାର ନ କରନ୍ତି। ସ୍ବରାଷ୍ଟ୍ର ମନ୍ତ୍ରଣାଳୟ ଅଧୀନରେ ଥିବା ସାଇବର ଓ ସୂଚନା ସୁରକ୍ଷା ବିଭାଗ ସାଇବର ଅପରାଧ, ଜାତୀୟ ତଥ୍ୟ ସୁରକ୍ଷା ନୀତି ଏବଂ ଏହାର ନିର୍ଦ୍ଦେଶାବଳୀ ଓ ତାକୁ କାର୍ଯ୍ୟକାରୀ କରିବା ସମ୍ବନ୍ଧିତ ବିଷୟ ବୁଝୁଛିି। ସରକାରଙ୍କର ଏବେକାର ପଦକ୍ଷେପ ସୁରକ୍ଷାରେ ସୃଷ୍ଟି ହେଉଥିବା ଗଳାବାଟକୁ ବନ୍ଦକରିବା ପାଇଁ ତଥା ସମ୍ବେଦନଶୀଳ ତଥ୍ୟର ସୁରକ୍ଷାକୁ ସୁନିଶ୍ଚିତ କରିବା ଲାଗି ନିଆଯାଇଛି। ଏହା ଠିକ୍‌ ଯେ, ସରକାର ତଥ୍ୟ ସୁରକ୍ଷା ନେଇ ଚିନ୍ତିତ ଥିବାବେଳେ ଦେଶର ଛାତ୍ରମାନଙ୍କ ସୋସିଆଲ ପ୍ରୋଫାଇଲ ପ୍ରତି ଆଗ୍ରହୀ। ଖବର ଅନୁସାରେ ମାନବସମ୍ବଳ ବିକାଶ ମନ୍ତ୍ରଣାଳୟ ଦେଶର ସବୁ ଉଚ୍ଚଶିକ୍ଷାନୁଷ୍ଠାନକୁ ଛାତ୍ରମାନଙ୍କ ସୋସିଆଲ ମିଡିଆ ଆକାଉଣ୍ଟକୁ ନିଜ ଅନୁଷ୍ଠାନ ସହ ମାନବସମ୍ବଳ ବିକାଶ ମନ୍ତ୍ରଣାଳୟ ସହ ଯୋଡ଼ିବାକୁ ନିର୍ଦ୍ଦେଶ ଦେଇଛିି। ଶିକ୍ଷାନୁଷ୍ଠାନ ଦ୍ୱାରା କରାଯାଉଥିବା ଭଲକାମ ଓ ସଫଳତାକୁ ଶେୟାର କରିବା ଲାଗି ଛାତ୍ରମାନଙ୍କ ଫେସ୍‌ବୁକ୍‌, ଟୁଇଟର, ଇନ୍‌ଷ୍ଟାଗ୍ରାମ୍‌ ଆଦି ସୋସିଆଲ ମିଡିଆ ଆକାଉଣ୍ଟକୁ ନିଜ ଅନୁଷ୍ଠାନ ଓ ମାନବସମ୍ବଳ ବିକାଶ ମନ୍ତ୍ରଣାଳୟ ସହ ଯୋଡ଼ିବା ପାଇଁ କୁହାଯାଇଛି। ମାତ୍ର ୯୦୦ ବିଶ୍ୱବିଦ୍ୟାଳୟ ଓ ୩୦ ନିୟୁତ ଛାତ୍ରଙ୍କର ସୋସିଆଲ ମିଡିଆ ହ୍ୟାଣ୍ଡଲକୁ ଟ୍ରାକ୍‌ କରିବା ପାଇଁ ଏପରି କରାଯାଇଥିବା ଅନୁମାନ କରାଯାଉଛି। ତଥାପି ଏଭଳି ସନ୍ଦେହକୁ ଦୂରକରିବା ପାଇଁ ମାନବସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ ବିଭାଗୀୟ ସଚିବ ଆର୍‌. ସୁବ୍ରମଣ୍ୟମ୍‌ ଛାତ୍ରମାନେ ସୋସିଆଲ ମିଡିଆରେ କ’ଣ ପୋଷ୍ଟ କରୁଛନ୍ତି ତାହା ସରକାର ଜାଣିବାବୁ ଅଗ୍ରହୀ ବୋଲି ସବୁ ଉଚ୍ଚ ଶିକ୍ଷାନୁଷ୍ଠାନର ମୁଖ୍ୟମାନଙ୍କୁ ଚିଠି ଦେଇ ସ୍ପଷ୍ଟ କରିଛନ୍ତି।
ଡେପୁଟେଶନ ସମସ୍ୟା
କେନ୍ଦ୍ର ସରକାର ଏବେ ଆଇଏଏସ୍‌ ଓ ଆଇପିଏସ୍‌ ଅଫିସରମାନଙ୍କ କେନ୍ଦ୍ରୀୟ ଡେପୁଟେଶନ (ପ୍ରତିନିଯୁକ୍ତି) କୋଟା ପୂରଣ କରିବା ପାଇଁ ରାଜ୍ୟଗୁଡିକୁ ମନେଇବା ଲାଗି କସରତ କରୁଛନ୍ତି। ମୋଦି ସରକାରଙ୍କ ପ୍ରଥମ ପାଳିରେ ବାବୁମାନେ କେନ୍ଦ୍ରୀୟ ପ୍ରତିନିଯୁକ୍ତିରୁ ମୁହଁ ମୋଡ଼ିବାକୁ ଆରମ୍ଭ କରିଥିଲେ। ଏହି ଧାରା ଏବେ ସରକାରଙ୍କ ଦ୍ୱିତୀୟ ପାଳିରେ ବି ଜାରିରହିଛି। ପ୍ରାପ୍ତ ସୂତ୍ର ଅନୁଯାୟୀ, କେନ୍ଦ୍ର ସରକାର ଲୋଭ ଦେଖାଇ କିମ୍ବା ଧମକ ଦେଇ ରାଜ୍ୟଗୁଡିକୁ କୋଟା ପୂରଣ କରିବା ପାଇଁ ମନେଇବାକୁ ଚେଷ୍ଟା କରୁଛନ୍ତି। ଏଥିରେ ବ୍ୟତିକ୍ରମ ହେଲେ ତା’ର ବିଚାର କ୍ୟାଡର ସମୀକ୍ଷା ସମୟରେ କରାଯିବ ବୋଲି ସରକାର ଚେତାଇଦେଇଛନ୍ତି। ସମୀକ୍ଷକମାନଙ୍କ ବିଶ୍ୱାସ ଅନୁସାରେ ଏଭଳି ଧମକ ସତ୍ତ୍ୱେ କାର୍ମିକ ଓ ପ୍ରଶିକ୍ଷଣ ବିଭାଗ (ଡିଓପିଟି) ଏହି ନର୍ଦ୍ଦେଶନାମାକୁ କାର୍ଯ୍ୟକାରୀ କରିବାରେ ସମସ୍ୟାର ସମ୍ମୁଖୀନ ହେବ। ସତକଥା ହେଲା, ବରିଷ୍ଠ ଅଧିକାରୀମାନେ ଡେପୁଟେଶନରେ ଯିବା ଓ କାମ କରିବା ଭଳି ଅଦୂରଦର୍ଶୀ ବ୍ୟବସ୍ଥାକୁ କେନ୍ଦ୍ର ସରକାର ହଟାଇନେଇ ଏହାକୁ ଅଧିକ ଆକର୍ଷଣୀୟ କରିବା ପାଇଁ ବାବୁମାନେ ଚାହାନ୍ତି। କେନ୍ଦ୍ର ସରକାର ପୁଣି ସତର୍କ କରାଇ ଦେଇଛନ୍ତି ଯେ, ଯଦି ରାଜ୍ୟ ସରକାରଗୁଡ଼ିକ ବାବୁମାନଙ୍କ ଡେପୁଟେଶନ ପାଇଁ ପର୍ଯ୍ୟାପ୍ତ ପ୍ରସ୍ତାବ କେନ୍ଦ୍ରକୁ ନ ପଠାନ୍ତି ତେବେ ଭବିଷ୍ୟତରେ ବିଭିନ୍ନ କ୍ଷେତ୍ରରେ ସେମାନଙ୍କ ପାଇଁ ବରିଷ୍ଠ ପଦବୀ ସମାନୁପାତିକ ଭାବେ ହ୍ରାସ ପାଇବ। ସରକାରୀ ତଥ୍ୟରୁ ଜଣାପଡେ ଯେ, ପଶ୍ଚିମବଙ୍ଗ ସରକାର ଅଧିକାରୀମାନଙ୍କୁ କେନ୍ଦ୍ରକୁ ପଠାଇବାରେ ସବୁଠୁ ପଛୁଆ। ପଶ୍ଚିମବଙ୍ଗ ୮୧ ଜଣ ରାଜ୍ୟ କ୍ୟାଡର ଆଇଏଏସ୍‌ ଅଫିସରଙ୍କୁ କେନ୍ଦ୍ରକୁ ପଠାଇବାର ଥିବାବେଳେ ପଠାଇଛି ମାତ୍ର ୧୯ ଜଣଙ୍କୁ।
Email: [email protected]


Enter your email to get our daily news in your inbox.

All Right Reserved By Dharitri.Com

କାର୍ବନ ଉତ୍ସର୍ଜନ ଚିନ୍ତା

ଇଂ. ମାୟାଧର ସ୍ବାଇଁ ବାୟୁମଣ୍ଡଳରେ ଅଙ୍ଗାରକାମ୍ଳ ପରିମାଣ ବର୍ଷକୁ ବର୍ଷ ବଢ଼ିଚାଲିଛି। ଏହାର ପରିମାଣ ୧୭୫୦ ମସିହାରେ ଶିଳ୍ପ ସଭ୍ୟତା ଆରମ୍ଭ ବେଳକୁ ବାୟୁମଣ୍ଡଳରେ ଏହାର...

ଆଶାରେ ସଞ୍ଜୀବନୀ

ଡ. ଅଜୟ କୁମାର ନନ୍ଦ ବିଜ୍ଞାନ ଯୁଗରେ ଆଜିର ଯନ୍ତ୍ରମାନବ ମଧ୍ୟ ଭୟ ଓ ଆଶଙ୍କାଜନିତ ଦୋଛକି ଗ୍ଲାନିରୁ ବର୍ତ୍ତି ପାରୁନାହାନ୍ତି। କେଉଁ ଗୋଟିକର ଉଚିତ...

ସୋସିଆଲ ମିଡିଆ : ଭଲ ଭିତରେ ଭେଲ

ଶୁଭସ୍ମିତା ନାୟକ ବିଶ୍ୱବାସୀଙ୍କୁ ବନ୍ଧୁତ୍ୱ ସୂତ୍ରରେ ବାନ୍ଧି ରଖିଥିବା ସୋସିଆଲ ମିଡ଼ିଆରେ ଅନେକଙ୍କର ଦିନର ଅଧିକାଂଶ ସମୟ କଟିଯାଉଛି। ଏହାଦ୍ୱାରା ନିଜ ଅଜାଣତରେ ନିଜର କ୍ଷତି...

ଜନମାନସିକତା ରାଷ୍ଟ୍ରର ଶକ୍ତି

ଉପେନ୍ଦ୍ର ବିଶ୍ୱାଳ ସୋମାଲିଆ ପରି ଇଥିଓପିଆ ଥିଲା କଙ୍କାଳକାୟ ମଣିଷଙ୍କର ଭାଗ୍ୟହୀନ ଭୂମି। ଆଜି ଦୁର୍ଯୋଗ ବିରୋଧରେ ଲଢ଼େଇ କରି ଇତିହାସ ରଚୁଛି ଇଥିଓପିଆ ।...

ଭାଇ ଭାଇ ସମ୍ପର୍କ

ଅଭିମନ୍ୟୁ ଧଳ ଯୁଦ୍ଧ ଭୂମିରେ ରାବଣ ଶେଷନିଃଶ୍ୱାସ ନେବା ପୂର୍ବରୁ ଶ୍ରୀରାମଚନ୍ଦ୍ରଙ୍କୁ ପାଖକୁ ଡାକି କହିଲେ ”ମୁଁ ତୁମଠାରୁ ସବୁକଥାରେ ଶ୍ରେଷ୍ଠ। ଜାତିରେ ଶ୍ରେଷ୍ଠ, ବୟସରେ...

ଏଇ ଭାରତରେ

ନିଶାଦ୍ରବ୍ୟ ସେବନ ଖରାପ ଅଭ୍ୟାସ। ଏହି ବଦଭ୍ୟାସଠାରୁ ଦୂରେଇ ରହିଛନ୍ତି ଗୋଟିଏ ଗଁ।ର ବାସିନ୍ଦା। ହରିୟାଣାର ଶେଷ ମୁଣ୍ଡରେ ରାଜସ୍ଥାନକୁ ଲାଗିଥିବା ଗାଁ ହେଉଛି ଟିକଲା।...

ଭାରତ ବିକାଶରେ ଧର୍ମର ଗୁରୁତ୍ୱ

ଶକ୍ତି ପ୍ରସାଦ ଦାସ ସୁସ୍ଥ ଜୀବନଯାପନ ପାଇଁ ବ୍ୟକ୍ତି ତଥା ସମାଜର ସର୍ବାଙ୍ଗୀଣ ବିକାଶ ନିହାତି ଜରୁରୀ। ଅର୍ଥନୈତିକ ବିକାଶ ସେଥିମଧ୍ୟରୁ ଅନ୍ୟତମ। ଆମେ ସାଧାରଣ...

ଚାଲ ଫେରିଯିବା ଗାଁକୁ

ମାତ୍ର କିଛିଦିନ ହୋଇଛି, କୋଭିଡ୍‌-୧୯ ଯୋଗୁ ଭାରତର ସବୁ ରାଜ୍ୟକୁ ଲକ୍‌ଡାଉନ୍‌ କରିଦେବାରୁ ହଇରାଣ ହୋଇ ପ୍ରବାସୀ ଶ୍ରମିକମାନେ ନିଜ ନିଜର ଗାଁକୁ ଯିବାପାଇଁ ଅସ୍ତବ୍ୟସ୍ତ।...

Advertisement
Archives

Model This Week